ትላንት ምሽት 1:45 አካባቢ በባህርዳር ከተማ ከፍተኛ ቁጥር ያለው ህገወጥ ሲሚንቶ በቁጥጥር ስር መዋሉን በባህር ዳር ከተማ አስተዳደር የግሽ ዓባይ ክ/ከተማ አስታወቀ።

ህገወጥ ሲሚንቶው በቁጥጥር ስር የዋለው በግሽ ዓባይ ክ/ከተማ ነው።

ይኸው በርካታ ቁጥር አለው የተባለው ሲምንቶ በህገወጥ መንገድ በመጫን ወደ ሌላ ቦታ ይዘው ሊሄዱ የነበሩ ግለሠቦች በህብረተሰቡ ጥቆማ በፀጥታ ኃይሎች በቁጥጥር ስር ውለዋል።

በአሁኑ ሰዓት ወደ ፖሊስ ጣቢያ በመውሰድ ምርመራ እየተደረገ ነው ተብሏል።

የግሽዓባይ ክፍለ ከተማ ንግድ እና ገበያ ልማት ጽ/ቤት ሀላፊ የሆኑት አቶ ሃብተማሪያም፥ በከተማው የሲሚንቶ እጥረት መኖሩ እየታወቀ ስግብግብ ህገወጥ ነጋዴዎች የራሳቸውን ሃብት ያለአግባብ ለማካበት ጨለማን ተገን አድርገው መንቀሳቀስን መርጠዋል ብለዋል።

ህብረተሰቡ የተለመደውን ጥቆማ በመስጠት ከፀጥታ ሀይሉና ከተቋሙ ጋር በመሆን ህገወጥ ነጋዴዎችን የማጋለጥ ስራ ሊሰራ ይገባል ሲሉ መልዕክት አስተላልፈዋል።

@tikvahethiopia

#EthiopiaElection2013

የአዲስ አበባ ጤና ቢሮ በምርጫ እለት ድንገተኛ አደጋዎች ቢያጋጥሙ እርዳታ የሚሰጡ የጤና ባለሙያዎችን ዝግጁ ማድረጉን አስታወቀ፡፡

ቢሮው ፥ ከምርጫ አስቀድሞ ለሚደረጉ እንቅስቃሴዎችና ከምርጫ በኋላ ለሚፈጠሩ ችግሮች ዝግጁ በመሆን እየሠራ መሆኑን ገልጿል፡፡

በአዲስ አበባ ጤና ቢሮው የጤና ምርምር ድንገተኛ አደጋዎች ቁጥጥር ዳይሬክተርና የኮቪድ-19 ማስተባበሪያ መዕከል ምክትል አስተባባሪ አቶ ዳንኤል ዳምጠው ፥ በምርጫ ወቅት ኮቪድ-19 እንዳይስፋፋ የግንዛቤ ማስጨበጫዎች የሚሰጡና ድንገተኛ አደጋዎች ቢያጋጥሙ ወይም ግጭቶች ቢኖሩ እርዳታ የሚሰጡ የጤና ባለሙያዎች ዝግጁ መሆናቸውን ተናግረዋል፡፡

በቀጣይ በትምህርት ቤቶች ላይና በመገናኛ ብዙኃን የግንዛቤ ማስጨበጫ ስራ ይሰራል ብለዋል።

አቶ ዳንኤል ፥ በምርጫ ወቅት ድንገተኛ አደጋዎች ቢያጋጥሙም ፈጣን ምላሽ ለመስጠት የሰው ኃይልን በማደራጀት፤ የጎደሉ ህክምና ቁሳቁሶችና መድኃኒቶችን የሟሟማላት ስራ እንደተጀመረና ቀጣይነት እንዳለው ገልጸዋል፡፡

በእያንዳንዱ ምርጫ ጣቢያዎች ለጤና ባለሙያዎች ስልጠና ለመስጠት ዝግጁ መሆናቸውን የተናገሩት አቶ ዳንኤል ከምርጫው በኋላም የኮሮና ቫይረስ ሊስፋፋ ስለሚችል ሌላ ተጨማሪ 5 መቶ የጽኑ ህሙማን አልጋዎች ዝግጁ መደረጋቸውን ተናግረዋል፡፡

ሌሎች የጤና ስጋቶችም ካሉ በአቅራቢያ የሚገኙ 20 የጤና ተቋማትና እንዲሁም ሌሎች የግል የጤና ተቋማትን ዝግጁ በማድረግ ቢሮው መስራቱን ገልጸዋል፡፡

ምንጭ፦ አሐዱ 94.3

@tikvahethiopia

#Tigray

በአሜሪካ የህግ መወሰኛ ም/ቤት የቨርሞንት ክፍለ ሃገር ሴኔተር ፓትሪክ ሌሂ በትግራይ ጉዳይ መግለጫ አውጥተዋል።

መግለጫው ሲጀምር "በ1984 እአአ በኢትዮጵያ በተራዘመ ድርቅ ሳቢያ በስፋት በተከሰተው የምግብ እጥረትና በመንግሥት አድላዊ ፖሊሲዎች የተነሳ የደረሰውን ከባድ ረሃብ በዚያም ምክንያት ብዙዎቹ የትግራይ ተወላጆች የሆኑ ሰውነታቸው በረሃብ ያለቀ ፤ 1 ሚሊዮን ኢትዮጵያውያን የተሰደዱበትን የሚዘገንን ቸነፈር በደንብ አስታውሰዋለሁ"

ቆይቶ ዝናብ መጣል ጀመረ። ስደተኞቹም ወደቀያቸው ተመለሱ። ይሁን እንጂ ከዚያ ጊዜ ጀምሮ ሃገሪቱ በየጊዜው ግጭት እና የበቂ ምግብ ዕጦት ተለይቷት አያውቅም ሲሉም የዩናይትድ ስቴትሱ የህግ መወሰኛ ምክር ቤት አባል አክለዋል።

ዛሬ የትግራይ ህዝብ ዘግናኝ በሆነ ደረጃ ጭካኔ የተመላበት የሰብዓዊ መብት ጥሰት ጥቃት እየተፈጸመበት ነው ያሉት ሴኔተር ሌሂ ህዝቡ በአጣዳፊነት የሚያስፈልገው የምግብ እርዳታ እንዳይደርሰው የኢትዮጵያ እና የኤርትራ ወታደራዊ ኃይሎች እንዲሁም ሌሎች ታጣቂ ቡድኖች እየከለከሉ ናቸው" ብለዋል።

“የአሜሪካ እና ሌሎችም ከፍተኛ ዲፕሎማሲያዊ ጥረት ያደረጉ ቢሆንም የግጭቱ ተሳታፊ ወገኖች ግጭቱን አቁመው ሰላማዊ መፍትሄ ለመፈለግ የወሰዱት አንዳችም ትርጉም ያለው እርምጃ የለም" ሲሉ አክለዋል።

"ትግራይ ውስጥ የሚፈጸሙትን ግድያዎች፣ በግዴታ ከቀዬ ማፈናቀል፣ ወሲባዊ ጥቃቶች እና ሌሎችም የሰብዓዊ መብት ጥሰቶች እንዲሁም በውሃ አቅርቦት ስፍራዎችና በሆስፒታሎችና በመሰል የጤና ማዕከሎች ላይ የሚደርሰውን ውድመት የአሜሪካ መንግሥት አውግዟል።

ያንብቡ : telegra.ph/Tigray-06-07 #VOA

@tikvahethiopia

የሮይተርስ ምርመራ ሪፖርት :

ሮተርስ ዛሬ ይፋ ባደረገው የምርመራ ሪፖርቱ የማይካድራ ጭፍጨፋን የሕወሃት ኃይሎች እንደጀመሩት ገልጿል።

አማራ ተወላጆችን የጨፈጨፉት ሻምበል ካሳዬ መኻሪ የተባለ የሕወሃት አባል ያደራጃቸው ሚሊሻዎች እንደሆኑ ከምስክሮች አንደበት መስማቱን ሮይተርስ አሳውቋል።

ሚሊሻዎች እንዲሁም የከተማዋ ፖሊስ አባላት የአማራዎችን መኖሪያ ቀበሌዎች በመክበብ በገጀራ እና ጥይት በጅምላ እንደጨፈጨፉ ሪፖርቱ አብራርቷል፡፡

የአማራ ክልል ልዩ ኃይሎች እና መከላከያ ሠራዊት ወደ ከተማዋ የገቡት ከጭፍጨፋው በኋላ እንደሆነ ሪፖርቱ ይገልጿል።

የሮይተርስ ሪፖርት የአማራ ክልል ታጣቂዎች በትግራይ ተወላጆች ላይ የበቀል ርምጃ መውሰዳቸውን ጠቅሷል፡፡

የሮይተርስ የምርመራ ሪፖርት👇
https://www.reuters.com/investigates/special-report/ethiopia-conflict-expulsions/ #Wazema

@tikvahethiopia

የሔመቲ አቋራጭ መንገድ!

( #በጋዜጠኛ_ኤልያስ_መሰረት )

ሌ/ጀ መሐመድ ሐምዳን ዳግሎ (ሔመቲ) የሚመሩትን የሚሊሺያ ጦር ይዘው የሱዳን መከላከያ ሀይልን መቀላቀል እንደማይፈልጉ አሳውቀዋል።

ዛሬ ከወደ ካርቱም የተሰማው ይህ ዜና ብዙ ቀጠናዊ 'እድሎችን' ይዞ ሊመጣ እንደሚችል ይገመታል።

የአልበሽር መንግስት ከወደቀ ወዲህ ገሸሽ እንደተደረገ የተሰማው ሔመቲ የያዘውን ሀይል ይዞ በቀጣይ ምን ማድረግ እንዳሰበ በይፋ ባይታወቅም ከግብፅ ጋር ደፋ ቀና እያለ ላለው የሱዳን መንግስት ሌላ ከባድ ራስ ምታት ሊሆን ይችላል።

በቀጠናው ስትራቴጂካል አሰፋፈር ለማስተካከል ለሚጥሩ ደግሞ ጥሩ አጋጣሚ እንደሆነ ይታሰባል።

ከግመል ነጋዴነት ተነስቶ አሁን ሱዳን ውስጥ ከፍተኛ ሀይል በእጁ የያዘ ግለሰብ የሆነው ሔመቲ ሚሊሺያዎችን በቀላሉ ማንቀሳቀስ የሚችል፣ በፊት ከግመል፣ አሁን ደግሞ ከወርቅ ንግድ ሚሊዮኖችን ያፈሰ እንዲሁም የሱዳን ወታደራዊ ሽግግር ምክር ቤት ምክትል ሀላፊ ነው። ፈጣን ድጋፍ ሰጪ ሀይል (RSF) የተባለውን ጦር ይመራል።

"አሁን ላይ ሱዳን ጠቅላይ ሚኒስትር እና የሽግግር ምክር ቤቱ ዋና ሀላፊ ቢኖራትም ሔመቲ በእጁ ከፍተኛ ሀይል ያለው ግለሰብ ነው" ይላሉ የቀጠናው ተንታኞች።

ኢትዮጵያ፣ ሱዳን እና ግብፅ በህዳሴ ግድብ ዙርያ ሲያካሂዱት የነበረው ውይይት ካለ ስምምነት መጠናቀቁን ተከትሎ ሔመቲ የዛሬ አመት ግድም አዲስ አበባ ተገኝቶ ነበር። ይህ ጉብኝት ሱዳን እና ግብፅ ውስጥ ያሉ አንዳንዶችን አሳስቦ ነበር።

ቀጠናዊ ሚዛን ለማስተካከል ለሚፈልግ ሁሉ ሔመቲ አሁን ላይ ተገኚ (free agent) ይመስላል ፤ እዚህ ላይ በኢትዮጵያ በዲፕሎማቶች ስራ እንደሚሰራበት ተስፋ ይደረጋል።

@tikvahethiopia

ኤርትራ የባይደንን አስተዳደር ወቀሰች።

የኤርትራ ውጭ ጉዳይ ሚንስትር ትግራይ ክልል ውስጥ ላለው ጦርነት ላለፉት 20 ዓመታት የትግራይ ሕዝብ ነፃነት ግንባርን ሲደግፉ የቆየ ያሉትን የአሜሪካ መንግስት አስተዳደር ተጠያቂ ማድረጉን APን ዋቢ አድርጎ ዶቼ ቨለ አስነብቧል።

በኢትዮጵያ ትግራይ ክልል ለሚካሄደው ጦርነት ኤርትራን ተጠያቂ ማድረጉም መሠረተ ቢስ ነው ሲሉ የኤርትራ የውጭ ጉዳይ ሚኒስትር ኡስማን ሳሌህ መግለጫ ሰጥተዋል።

ኡስማን ሳሌህ ትናንት ሰኞ ለተባበሩት መንግስታት የፀጥታው ምክር ቤት በፃፉት እና በምክር ቤቱ በተሰራጨዉ ደብዳቤ የፕሬዚዳንት ጆ ባይደን አስተዳደር በክልሉ ጣልቃ በመግባት እና በማስፈራራት «ተጨማሪ ግጭትን እና አለመረጋጋትን ያስከትላል» ሲሉ ከሰዋል።

የአሜሪካው አሶሽየትድ ፕሬስ «በግምት ስድስት ሚሊዮን ሕዝብ ይኖርበት ከነበረዉ የትግራይ ክልል በጦርነቱ ምክንያት አንድ ሦስተኛውን አካባቢዉን ለቅቆ ሸሽቶአል፤ በሺዎች የሚቆጠሩ በጦርነቱ እንደተገደሉም ይገመታል። በአሁኑ ወቅት የመንግሥት ወታደሮች ለበርካታ ግፎች ተጠያቂ ናቸው ከሚባሉት ከጎረቤት ኤርትራ ወታደሮች ጋር በትብብር ላይ ናቸዉ» ሲል ስለመፃፉ ዶቸ ቨለ አስነብቧል።

@tikvahethiopia

#AntonioGuterres #Tigray

የተባበሩት መንግስታት ድርጅት (ተ.መ.ድ) ዋና ጸሃፊ አንቶንዮ ጉተሬዝ በርካታ የኢትዮጵያ ትግራይ ክልል አካባቢዎች ረሃብ አፋፍ ላይ መሆናቸው ተናገሩ፡፡

ዋና ጸሃፊው የትግራይ ሁኔታ በዚህ ከቀጠለ እጅግ አስከፊ ወደ ሆነ ደረጃ መሸጋገሩ አይቀሬ ነው ሲሉ አሳስበዋል፡፡

 የተጋረጠውን የረሃብ አደጋ ለመግታት ሰብአዊ እርዳታ ማዳረስ እንዲሁም በቂ ፈንድ ማድረግ እንደሚያስፈልግም ዋና ጸሃፊው በትዊተር ገጻቸው ላይ ባሰፈሩት መልእክት አስታውቋል፡፡

"አሁን የሚከናወኑ ተግባራት ለበርካታ ሰዎች የመኖርና አለመኖር ጉዳይ መሆናቸውን መረዳት ተገቢ ነው"ም ነው ያሉት የተ.መ.ድ ዋና ጸሃፊ አንቶንዮ ጉተሬዝ፡፡

የጉተሬዝ ትግራይን የተመለከተ መግለጫ የዓለም አቀፉ ማህበረሰብ በትግራይ ያሉ የግጭቱ ተዋናዮች ተኩስ እንዲያቆሙና ያልተገደበ የስብአዊ እርዳታ ተደራሽነት እንዲኖር ጥሪ እያደረገ ባለበት ወቅት መሆኑን አል ኣይን በድረገፁ አስነብቧል።

የተባበሩት መንግስታት የሰብዓዊ ጉዳዮች ቢሮ/ኦቻ/ እየተካሄደ ባለው ግጭት ሳቢያ በትግራይ ያለው የሰብዓዊ ቀውስ አሳሳቢ መሆኑን እና በኢትዮጵያ ከ1970ዎቹ ወዲህ ከፍተኛ የረሀብ አደጋ እንዳንዣበበ ባለፈው ሳምንት አሳትውቋል።

#AlAIN

@tikvahethiopia

የዓለም አቀፍ ዜና አውታሮች ድረገፆች ተቋረጡ።

ዓለም አቀፍ የዜና አውታሮች የሆኑት የፋይናንሻል ታይምስ ፣ የኒው ዮርክ ታይምስ እና የብሉምበርግ ኒውስን ጨምሮ የሌሎችም የዜና አውታሮች ድረገፆች አገልግሎታቸው ተቋረጠ።

የCNN እና የፈረንሳይ ሌሞንዴ ድረገፆችም 4 ሰዓት አካባቢ የስህተት ምልክት ታይቶባቸዋል። አልጀዚራ ድረገፅም ተመሳሳይ ችግር ገጥሞት ነበር።

የብሪታኒያው ዘጋርዲያን በድረገፁና በአፕሊኬሽኑ ላይ ችግር ገጥሞት እንደነበረ ገልጿል ሌሎች የብሪታኒያ የዜና አውታሮች ድረገፆች ወዲያው መስራት አቁመው ነበር።

በርከት ባሉት ዓለም አቀፍ ዜና አውታር ድረገፆች ላይ ምን እንደተፈጠረ እና ለምን እንደተቋረጡ ለጊዜው አልታወቀም።

#አልጀዚራ

@tikvahethiopia