ጠቅላይ ሚኒስትር ፅህፈት ቤት ምን አለ ?

ዛሬ ከሰዓት የጠቅላይ ሚኒስትር ፅህፈት ቤት ጋዜጣዊ መግለጫ ሰጥቶ ነበር።

መግለጫውን ፥ የፌዴራል ጠቅላይ አቃቤ ህግ ዶክተር ጌዲዮን ጢሞቲዎስ ከጠቅላይ ሚኒስትር ጽህፈት ቤት የውጭ ቋንቋዎችና ዲጂታል ሚዲያ ኃላፊ ቢልለኔ ስዩም ጋር በመሆን ነው የሰጡት።

በመግለጫው የተነሱት ነጥቦች ፦ https://telegra.ph/PM-Office-06-03

@tikvahethiopia

#Update

ሚቀጥለው ሳምንት የአሜሪካ እንዲሁም የአውሮፓ ህብረት ሀገራት የሰብዓዊ ዕርዳታ እና ልማት አመራሮች በትግራይ ሁኔታ ላይ እንደሚመክሩ ተሰምቷል።

ውይይቱ በቀጥታ ስርጭት የሚተላለፍ እንደሆነ ይጠበቃል።

ስብሰባው በትግራይ ክልል ባለው የሰብዓዊ ቀውስና ሰብዓዊ መብት ጥሰቶች ዙሪያ የጋራ መግባባት ለመፍጠር እና በተባበሩት መንግስታት ድርጅት (UN) ማዕቀፍ ውስጥ አስቸኳይ ሰብዓዊ ዕርዳታ ላይ ወሳኝ ርምጃዎች እንዲወሰዱ ለማድረግ ያለመ መሆኑ ተነግሯል።

ምንጭ፦ devex.com

@tikvahethiopia

#Ethiopia #COVID19

ኢትዮጵያ ባለፉት 24 ሰዓት ውስጥ ካደረገችው 4,376 የኮቪድ19 የላብራቶሪ ምርመራ 249 ሰዎች ለቫይረሱ ተጋላጭ ሆነው ተገኝተዋል፤ ይህም አጠቃላይ በቫይረሱ የተያዙ ሰዎችን ቁጥር 272,285 አድርሶታል።

በ24 ሰዓት 7 ሰዎች ህይወታቸው ያለፈ ሲሆን በአጠቃላይ የሟቾች ቁጥር 4,185 ደርሷል።

የኮቪድ-19 ክትባት የተከተቡ ዜጎች 1,853,259 ደርሰዋል።

@tikvahethiopia

በማህበራዊ ሚዲያ ላይ አበበች ጎበና አርፈዋል ተብሎ እየተሰራጨ ያለው ዜና የተሳሳተ ነው።

አበበች ጎበና በቅዱስ ጳውሎስ ሆስፒታል ሕክምናቸውን እየተከታተሉ ሲሆን ጥሩ ሁኔታ ላይ ይገኛሉ፡፡

(ዶክተር ያሬድ አግደው)

@tikvahethiopia

የኢትዮጵያ አየር መንገድ ንብረት የሆነ የበረራ ቁጥር ኢቲ 3905 አውሮፕላን ናይጄሪያ ሌጎስ ደርሶ ካረፈ በኋላ ወደ መቆሚያ ስፍራው እየሄደ ሳለ ከመንገዱ ወጥቶ እንደነበር ተገለጸ።

የኢትዮጵያ አየር መንገድ እንዳደረጋገጠው ወደ ካርጎ የተቀየረው የመንገደኞች ቦይንግ 777-300 ግዙፍ አውሮፕላን ካጋጠመው ከስተት በኋላ ወደ ሥራ ተመልሷል።

አውሮፕላኑ ከአዲስ አበባ ወደ ናይጄሪያ ሌጎስ ከተማ ጭነት ይዞ ከበረረ በኋላ በሌጎስ ኤርፖርት አርፎ ወደ መቆሚያው እየሄደ ሳለ የአውሮፕላኑ በስተግራ በኩል ያለው ጎማ ከአስፓልቱ መውጣቱን አየር መንገዱ አስታውቋል።

በማኅበራዊ ሚዲያ ላይ የተለቀቀ ተንቀሳቃሽ ምስል የአውሮፕላኑ በስተግራ በኩል ያለው ጎማ ጭቃ ውስጥ ገብቶ አሳይቷል።

የኢትዮጵያ አየር መንገድ ክስተቱን ተከትሎ ባወጣው መግለጫ አውሮፕላኑ ምንም አይነት ጉዳት ሳያጋጥመው በመብረር ወደ አዲስ አበባ መመለሱን አስታውቋል።

አየር መንደጉ የሌጎስ ኤርፖርት ሠራተኞች ላደረጉት ድጋፍ ምስጋናውን አቀርቧል።

አውሮፕላኑ ከአስፓልቱ እንዲወጣ ያደረገው ምክንያት ምን እንደሆነ በአየር መንገዱ መግለጫ ላይ አልተመለከተም።

ፍላይትግሎባል' ድረገጽ ክስተቱ ባጋጠመበት ወቅት በአውሮፕላን ማረፊያው የነበረው የሜትሮሎጂ መረጃ ምንም አይነት አስቸጋሪ የአየር ጠባይ መኖሩን አላሳየም ማለቱን ቢቢሲ በድረገፁ አስነብቧል።

ምንጭ፦ ቢቢሲ
Video Credit : GoldMyne

@tikvahethiopia

በአማራ ክልል የ8ኛ ክፍል ፈተና ከሰኔ 23 - ሰኔ 25/2013 ዓ.ም እንደሚሰጥ የአማራ ክልል ትምህርት ቢሮ ገለጸ፡፡

ቢሮ ይህን የገለፀው ዛሬ የ2013 ዓ/ም የትምህርት ዘመን የ8ኛ ክፍል ፈተናን አስመልክቶ መግለጫ በሰጠበት ወቅት ነው።

መግለጫዉን የሰጡት የአማራ ክልል ትምህርት ቢሮ ምክትል ኀላፊ ሙላው አበበ ሲሆኑ የ2013 የትምህርት ዘመን የ8ኛ ክፍል ፈተና ከሰኔ 23 እስከ ሰኔ 25/2013 ዓ.ም እንደሚሰጥ ተናግረዋል።

በክልሉ የሚገኙ ትምህርት ቤቶች ለተማሪዎቻቸው ፈተናዉን የሚወስዱበትን ቀን እንዲያሳውቁ ምክትል ኀላፊው አሳስበዋል።

በትምህርት ወደኋላ የቀሩ ተማሪዎች የማካካሻ ትምህርት እንዲሰጣቸው፤ ተማሪዎች የፈተናውን ቀን አውቀው ቅድመ ዝግጅት እንዲያደርጉ ነው አቶ ሙላው የገለጹት።

ፈተናው በሚሰጥበት ቀንም ኾነ የፈተናው የጥያቄ ወረቀት የማጓጓዝ ሂደቱ ሰላማዊ እንዲኾን በየዘርፉ የሚገኙ የጸጥታ አካላት ኀላፊነታቸዉን እንዲወጡ ጠይቀዋል።

በአማራ ክልል ከ420 ሺ በላይ ተማሪዎች የ8ኛ ክፍል ፈተናን እንደሚወስዱ መታወቁን የአማራ ሚዲያ ኮርፖሬሽን ዘግቧል።

@tikvahethiopia