የብሔራዊ የአደጋ ስጋት ስራ አመራር ኮሚሽን ኮሚሽነር አቶ ምትኩ ካሳ መግለጫ ፦

- መንግስት ከዚህ በኋላ ከትግራይ አጠቃላይ የቆዳ ስፋት ውስጥ በ14 በመቶው ብቻ ድጋፍ ያደርጋል ፤ ቀሪው 86 በመቶው የዓለም ምግብ ፕሮግራምን ጨምሮ በሌሎች ዓለም አቀፍ እርዳታ ሰጭ ተቋማት ይሸፈናል። ከዚህ ቀደም 70% ሲሸፈን የነበረው በኢትዮጵያ መንግስት ብቻ ነበር።

- ተፈናቃዮችን ወደቀያቸው ለመመለስ በ3 መንገድ እየተሰራ ነው።

ሶስቱ መንገዶች ፦

• ሰላም በተረጋገጠባቸው ቦታዎች ላይ ህዝቡን በማወያየት መመለስ፣
• ሙሉ ሰላም ያልተረጋገጠባቸው ቦታዎች ላይ ስነልቦናዊ ችግሮችን ለማቅለል ወደዘመድ እንዲሄዱ መርዳት
• ሰላም ካልተረጋገጠባቸው ቦታዎች ለተፈናቀሉት ደግሞ ጊዜያዊ መጠለያን ማዘጋጀት የሚሉ ናቸው።

- ለሰብዓዊ ድጋፍ አቅርቦት ተጨማሪ 4 ተቋማት ፈቃድ አግኝተዋል፡፡

- ሰብዓዊ ድጋፎችን ለማድረግ አልተቻለም በሚል የሚቀርቡ ክሶችና ወቀሳዎች ከአሁን በኋላ ተቀባይነት የላቸውም።

- እርዳታዎችን ለማድረግ የሚያስችሉ ሁኔታዎች ሙሉ በሙሉ ተከፍተዋል።

- “በረሀብ የሞተ ሰው የለም”፤ ነገር ግን ዓለም አቀፍ ተቋማት “እርዳታ ለማግኘት ሲሉ ጉዳዩን እያስጮሁት” ነው። “ልክ እንደ የመን እና ሶሪያ እርዳታ ለማግኘት ጉዳዩን እየተደረገ ያለ ሩጫ ነው።

በሌላ በኩል ፦

በሀገሪቱ ያለው የተፈናቃይ ብዛት 2 ነጥብ 1 ሚሊዮን ሲሆን 40 በመቶ ያህሉን ለመመለስ መታሰቡን ተጠቁሟል።

አጣየ በተመለከተ፦ አማራ ክልል ውስጥ ለ50ሺ ተረጂዎች ድጋፍ እንዲደረግ ችግሩ በተፈጠረበት ወቅት ወዲያውኑ መጠየቁን ተከትሎ ድጋፉ በማግስቱ (ቅዳሜ ተጠይቆ እሁድ) እንዲደርስ ተደርጓል።

ምንጭ፦ አል ዓይን
@tikvahethiopia @tikvahethiopiaBOT

የUN ድጋፍ ለኢትዮጵያ !

UN በኢትዮጵያ ለሰብአዊ ድጋፍ የሚውል 65 ሚሊየን ዶላር ለቋል።

ድጋፉ በተለያዩ ምክንያቶች ሰብአዊ ድጋፍ የሚያስፈልጋቸው ዜጎች ምግብ ፣ የመጠለያ ፣ የንጹህ መጠጥ ውሃ አቅርቦት እና የህክምና አገልግሎት እንዲያገኙ ለማድረግ ያስችላል።

የUN ድጋፍ በመላው ኢትዮጵያ ለሚገኙ ከ16 ሚሊየን በላይ ዜጎች ሰብአዊ ድጋፍ ለማድረስ ይውላል። ከነዚህ ውስጥ 4.5 ሚሊዮን ገደማ በትግራይ ክልል የሚገኙ ናቸው።

ከድጋፍ ውስጥ 40 ሚሊየን ዶላሩ በትግራይ ሰብአዊ ድጋፍ ለሚያስፈልጋቸው ዜጎች የሚውል ሲሆን ቀሪው በሌሎች የሃገሪቱ አካባቢዎች ይውላል።

* የUN መግለጫ ከላይ ተያይዟል።

@tikvahethiopia @tikvahethiopiaBOT

"የዘንድሮው የፊቼ ጫምባላላ በዓል በኮሮና ወረርሽኝ ምክንያት በአደባባይ አይከበርም" - አቶ ደስታ ሌዳሞ

የዘንድሮውን የፊቼ ጫምባላላ በዓል የኮሮና ወረርሽኝ መስፋፋትን ለመከላከል ሲባል በአደባባይ እንደማይከበር የሲዳማ ክልል ርዕሰ-መስተዳደር አቶ ደስታ ሌዳሞ አስታወቁ።

ህብረተሰቡ በዓሉን ሲያከብር ለችግር የተጋለጡ ወገኖችን በመርዳትና እርስ በእርስ በመደጋገፍ ሊሆን እንደሚገባውም ርዕሰ መስተዳደሩ ዛሬ ባስተላለፉት የእንኳን አደረሳችሁ መልዕክት ገልጸዋል።

የሲዳማ ህዝብ ዘመን መለወጫ የሆነው“ ፊቼ ጫምባላላ ” ከጥንት ጀምሮ ሲከበር የቆየ መሆኑን አስታውሰው፤ በዓሉ የተጣሉትን በማስታረቅ ፣ የተቸገሩትን በመርዳትና ለሰው ልጆችና እንስሳት ክብር በመስጠት የሚከበር ታላቅ በዓል መሆኑን አስረድተዋል።

“ለበዓሉ ሲባል እንስሳት የማይታረዱበት በቀያቸው በእንክብካቤ የሚያሳልፉበት እንዲሁም ዛፍ የማይቆረጥበት በመሆኑም እለቱን ልዩ ያደርገዋል” ብለዋል።

በአሁን ወቅት በፍጥነት እየተዛመተና በህብረተሰቡ ላይ ከፍተኛ ጉዳት እያሰከተለ ባለው የኮሮና ወረርሽኝ ተዕዕኖ ምክንያት በዓሉ እንደወትሮው በአደባባይ በመሰባሰብ እንደማይከበርም ገልጸዋል።

ሆኖም በዓሉ ባህላዊ ትውፊቱን ሳይለቅ ዘንድሮ ሁሉም የብሄሩ ተወላጅ በየቤቱ ሆኖ የሚያከብረው መሆኑን አመላክተዋል።

ህብረተሰቡ የዘንድሮውን ፊቼ ጫምባላላ በአልን ሲያከብር እራሱን ከኮሮና ወረርሽኝ በመከላከል ሊሆን እንደሚገባም አሳስበዋል።

በተለይ ከተጣላው ጋር ይቅር በመባባል እና ከመዋደድ ባሻገር እርስ በእርስ በመደጋገፍ እንዲሆንም አቶ ደስታ መልእክታቸውን አስተላልፈዋል።

የዘንድሮው የሲዳማ ህዝብ ዘመን መለወጫ “ፊቼ ጫምባላላ” በዓል ከንክኪ በራቀ መልክ ሚያዝያ 29 እና 30 እንደሚከበርም ጨምረው ገልፀዋል። #ENA

@tikvahethiopiaBOT

#Ethiopia😷

ባለፉት 24 ሰዓት 27 ሰዎች በኮቪድ-19 ህይወታቸው አልፏል።

በተመሳሳይ ከተደረገው 4,914 የላብራቶሪ ምርመራ 663 ሰዎች በቫይረሱ መያዛቸው ተረጋግጧል።

ትላንት 2,050 ሰዎች ከበሽታው አገግመዋል።

በአጠቃላይ 260,802 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,822 ሰዎች ህይወታቸው አልፏል፤ 205,458 ሰዎች አገግመዋል።

አሁን ላይ 748 ሰዎች በፅኑ ታመዋል።

በሀገራችን እየተሰጠ ያለውን የኮቪድ-19 ክትባት የተከተቡ ዜጎች ቁጥር 1,237,826 ደርሷል።

#Purpose
@tikvahethiopia @tikvahethiopiaBOT

'በኮንሶ ዞን ካራት ከተማ ሰዓት እላፊ ታወጀ'

ምክንያት ?

የካራት ከተማ አስተዳደር እንደሚለው ከዚህ ቀደም በተናጥል ሆነ በቡድን በመደራጀት የመንግሥትና የግለሰቦች ንብረት የመስረቅና የመቀማት ድርጊቶች የዕለት ተዕለት የሌቦች እና የዘራፊዎች ተግባር ሆኖ ቆይቷል።

የጸጥታ ኃይል ይህንን "አስጸያፊ መጤ ድርጊት" ለመመከት የተለያዩ ስልቶችን በመጠቀም ከእነዚያ ሌቦች፣ ዘራፊዎችና ቀማኞችን በብዙ ጥረት በህግ ቁጥጥር ሥር እንዲውሉ አድርጓል፣ በማድረግም ላይም ይገኛል ብሏል አስተዳደሩ።

ነገር ግን ይላል ከተማው አብዛኛዎቹ እየተሰወሩና በድብቅ እየተደራጁ ጨለማን ተገን በማድረግ በሰፈር ውስጥ እና በቀበሌያት እንዲሁም በመንግሥት መ/ቤቶች ላይ በከፍተኛ ደረጃ የስርቆት ድርጊቶችን ቀጥለዋል ፤ ይህንን መንግስት ደርሶባቸዋል ሲል አስረድቷል።

በተጨማሪም "6ኛውን ሀገራዊ ምርጫ ለማወክ እና ህብረ ብሔራዊ አንድነታችንን ለማጠልሸት ሌት ተቀን እየሰሩ ያሉ ፀረሠላም ግለሰቦች እና ቡድኖች እንዳሉ መንግስት ደርሶባቸዋል፤ ክትትል እያደረገም ይገኛል" ብሏል።

በዚህ ምክንያት ነው በካራት ደረጃ መንግሥት ሁኔታውን በማጤን ለህብረተሰቡ ደህንነት ሲባል የሰዓት እላፊ ቁጥጥር ገደብ እንዲበጅለት የተወሰነው ብሏል።

የተጣሉ ክልከላዎችን ምንድናቸው ?

- ማንኛውም ግለሰብ ከምሽቱ 3፡00 ሰዓት ጀምሮ እስከ ማለዳ 11፡00 ሰዓት መንቀሳቀስ ተከልክሏል።

- ማንኛውም ባለ 2 እና 3 እግር ባጃጅ ተሽከርካሪ ከምሽቱ 2፡00 ሰዓት ጀምሮ እስከ ማለዳ 12፡00 ሰዓት ማሽከርከር ተከልክለዋል።

- ማንኛውም ሆቴል፣ ምግብ ቤት፣ መጠጥ ቤት ከምሽቱ 3፡00 ሰዓት በኋላ አገልግሎት መስጠት ተከልክሏል።

ተጨማሪ ያንብቡ : https://telegra.ph/Konsso-Zone-Government-05-06

@tikvahethiopia

*Update

የኮቪድ-19 ስርጭት በዓለም አቀፍ ደረጃ ተባብሷል።

ውድ የቲክቫህ ኢትዮጵያ አባላት የሚከተሉት ሪፖርቶችን ተመልከቷቸው፦

- ትላንት ህንድ ውስጥ 414,433 ሰዎች በኮቪድ-19 ሲያዙ 3,920 ሰዎች ሞተዋል። ህንድ በየዕለቱ አስገንጋጭ ቁጥሮችን ሪፖርት ማድረጓን ቀጥላለች።

- ብራዚል ትላንት 72,559 ዜጎቿ ለበሽታው ተጋላጭ መሆናቸውን እና 2,531 ሰዎች ደግሞ መሞታቸውን ሪፖርት አድርጋለች።

- ትላንት ከፍተኛ ሞት የተመዘገበባቸው ሀገራት ስንመለከተ፦

• አሜሪካ 860
• ቱርክ 304
• ፖላንድ 510
• ኮሎምቢያ 399
• አርጀንቲና 398
• ሩሲያ 351 ይገኙበታል።

- የአፍሪካ አቀፍ ስርጭትም ተባብሷል፤ ትላንት 12,434 ሰዎች ቫይረሱ ሲያዙ 383 ሰዎች ሞተዋል። አሁንም ደቡብ አፍሪካ 1,590,370፣ሞሮኮ 513,016፣ቱኒዝያ 317,010፣ ኢትዮጵያ 260,802 ታማሚዎችን በሪፖርት በማድረቅ የቀዳሚዎችን ቦታ ይዘዋል።

ክትባት በሚመለከት አንድ ከዛሬ የቢቢሲ መረጃ፦

የሪስያው ፕሬዝደንት ቭላድሚር ፑቲን "ስፑትኒክ" የተሰኘው ሩሲያ ሠራሹ የኮቪድ-19 ክትባት ልክ እንደ 'ክላሽንኮቭ' የጦር መሳሪካ አስተማማኝ ነው ሲሉ ተደምጠዋል።

ፑቲን ይህን ያሉት ከአገሪቱ ምክትል ጠቅላይ ሚንስትር ጋር በነበራቸው የቪዲዮ ኮንፍረንስ ነው።

ትናንት የአገሪቱ ጤና ተመራማሪዎች በአንድ ዙር ብቻ የሚሰጠውን እና 'ስፑትኒክ ላይት' የሚል መጠሪያ ስላገኘው ክትባት ውጤታማነት መግለጫ ሰጥተዋል።

ፕሬዝደንት ፑቲን ከክትባቱ ጋር ያነጻጸሩት "ክላሽንኮቭ" የተሰኘው መሳሪያ ጋር ሲሆን መሳሪያው ፤ ይህ መሳሪያ የተፈበረከው በሩሲያ ሲሆን በመላው ዓለም ዝነኛ የጦር መሳሪያ ሆኖ ቀጥሏል።

የመረጃ ግብዓት የዎርልድሜትሮ ድረገፅ፣ቢቢሲ፣CDC አፍሪካ ናቸው።

#Purpose

@tikvahethiopia

አጭር መረጃ ስለኮቪድ-19 ኢትዮጵያ መተግበሪያ፦

የኮቪድ ኢትዮጵያ መተግበሪያ በውስጡ ስለኮቪድ ቁጥጥር ፣ ህክምና እና መከላከል ማወቅ ያለብንን በ7 ኮርሶች የያዘ ሲሆን ስልጠናው ፦

- የኮቪድ-19 ቫይረስ ተገኝቶቦት በቤት ውስጥ እራሳችንን ለይተን ለራሳችን ማድርግ ስለሚገባን እንክብካቤ እና ወደ ሌሎች እንዳይተላለፍ ማድረግ ስለሚገባን ጥንቃቄ ያሳውቃል።

- ስለኮቪድ-19 ክትባት ለማወቅ እና ስልጠና ለመውሰድ ይጠቅማል።

- ቤተሰቦች፣ ተማሪዎች፣ መምህራን እና የትምህርት ቤት አስተዳደር ሰራተኞች ማድረግ ስላለባቸው ጥንቃቄዎች ለማውቅ ይረዳል።

- ሰልጣኞች ስልጠና እንዳጠናቀቁ በሚመዘገቡበት የስልክ ቁጥር ባላቸው የቴሌግራም አድራሻ ስልጠናውን በአግባቡ ላጠናቀቁ እና የስልጠና መመዝኛውን ከ80 በመቶ በላይ ላስመዘግቡ በጤና ሚኒስቴር የተረጋገጠ የተከታታይ ሙያ ማጎልብቻ ነጥብ ያለው ሰርተፍኬት የሚላክላቸው ሲሆን በአሁኑ ጊዜ በየ3 አመት ለሚደረገው የሙያ ፍቃድ እድሳት ነጥብ ለመጠቀም ያስችላል።

- መተግበሪያውን በተንቀሳቃሽ ስልክዎ ከጫኑና ስልጠናዎች ካወረዱ በኋላ ኢንተርኔት የማይፍልግ ሲሆን ስልጠናውን የሚስብ እና ለመረዳት ቀላል ለማድረግ ቪድዮዎች ተካተውብታል።

- ኮቪድ-19 ኢትዮጵያ ለሁሉም የጤና ባለሙያዎች ስልጠና ለመስጠት የተዘጋጀ ሲሆን በፍጥነት እየጨመረ ያለውን የኮቪድ ስርጭት ለመከላከል እና ለመቆጣጠር እንዲሁም የተሻለ እንክብካቤ ለመስጠት ይረዳል።

መተግበሪያውን ከየት ላግኘው ?

መተግበሪያውን በስልክዎ ለመጫንና ስልጠናውን ለመከታተል ይህን ሊንክ ይጫኑ - https://bit.ly/3apv5J2

#MoH #EPHI

@tikvagethiopia @tikvagethiopiaBOT

እንኳን አደረሰን !

እንኳን ለሲዳማ የፊቼ ጨምበላላ በዓል በሰላም አደረሰን ፤ አደረሳችሁ። በዓሉ የሰላም ፣ የፍቅር ፣ የደስታ ፣ የመተሳሰብ ይሆንልን ዘንድ ከወዲሁ እንመኛለን።

ካለፈው ዓመት ጀምሮ በዓሉ በኮቪድ-19 ወረርሽኝ ምክንያት በአደባባይ እየተከበረ አይደለም።

የተሻለ ጊዜ መጥቶ ፣ ይህ አስከፊ ወረርሽኝ መፍትሄ አግኝቶ ሁሉም በደስታ እንደቀድሞ አደባባይ ተሰብስቦ የሚያከብርበት ጊዜ እንዲመጣ እንመኛለን።

በዓሉን በየቤታችሁ የምታከብሩ አባላት አስፈላጊውን የኮቪድ-19 ጥንቃቄ እየተገበራችሁ እንዲሆን አደራ እንላለን።

መልካም በዓል !

@tikvahethiopiaBot @tikvahethiopia

ችሎት !

የፌደራል የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት፤ በእነ ስብሃት ነጋ መዝገብ የቅድመ ምርመራ የምስክሮች አሰማም ሂደት፤ በዝግ ችሎት እና የምስክሮች ስምና አድራሻቸው ሳይጠቀስ እንዲካሄድ ዛሬ አርብ ውሳኔ አስተላለፈ።

ፍርድ ቤቱ ውሳኔውን ያስተላለፈው ዐቃቤ ህግ “ለምስክሮች ጥበቃ አድርጊያለሁ” ማለቱን ተከትሎ በተከሳሽ ጠበቆች የቀረበውን መቃወሚያ ከመረመረ በኋላ ነው።

በዐቃቤ ህግ በኩል የተነሳው የምስክሮች ጥበቃ ህገ-መንግስታዊ መሆኑን የገለጸው ፍርድ ቤቱ፤ ከቀረቡለት ሶስት የምስክር አሰማም ሂደቶች ሁለቱን መቀበሉን በውሳኔው አመልክቷል።

ተቀባይነት ካገኙት የምስክር አሰማም ሂደቶች የመጀመሪያው ማንኛውም ሚዲያ እና ታዳሚ ሳይገባ በዝግ ችሎት የቅድመ ምርመራ ምስክሮች የሚሰሙበት ነው።

የምስክሮች ስም እና አድራሻ ለተጠርጣሪዎች ሳይጠቀስ የምስክሮች ቃል የሚሰማበት ሁለተኛው አካሄድም እንዲሁ በፍርድ ቤቱ ተቀባይነት አግኝቷል።

ፍርድ ቤቱ ውድቅ ያደረገው የምስክር አሰማም ሂደት፤ ምስክሮች በአካል ሳይታዩ ከመጋረጃ ጀርባ ሆነው እንዲመሰክሩ በሚል በዐቃቤ ህግ የቀረበውን ነው።

የፌደራል የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት፤ በእነ ስብሃት ነጋ መዝገብ የቅድመ ምርመራ የምስክሮች አሰማም ሂደት፤ በዝግ ችሎት እና የምስክሮች ስምና አድራሻቸው ሳይጠቀስ እንዲካሄድ ዛሬ አርብ ውሳኔ አስተላለፈ።

ፍርድ ቤቱ ውሳኔውን ያስተላለፈው ዐቃቤ ህግ “ለምስክሮች ጥበቃ አድርጊያለሁ” ማለቱን ተከትሎ በተከሳሽ ጠበቆች የቀረበውን መቃወሚያ ከመረመረ በኋላ ነው።

ምንጭ፦ ኢትዮጵያ ኢንሳይደር
@tikvahethiopiaBOT @tikvahethiopia

በህገወጥ መንገድ ሲዘዋወር ነበር የተባለ 110 ሺህ የአሜሪካ ዶላር ተያዘ !

በአዲስ አበባ ፖሊስ ኮሚሽን እና በብሄራዊ መረጃና ደህንነት አገልግሎት ጋር አረኩት ባለው ክትትል በህገ ወጥ መንገድ ሲዘዋወር የነበረ 110 ሺህ የአሜሪካ ዶላር መያዙን አስታውቋል።

ፖሊስ ገንዘቡን ከነተጠርጣሪዎቹ ነው በቁጥጥር ስር መዋሉን ያሳወቀው።

መቼ እና የት ?

በህገ ወጥ መንገድ ሲጓጓዝ የነበረው ዶላር የተያዘው ሚያዚያ 28 ለ29 አጥቢያ 2013 ዓ/ም የካ ክፍለ ከተማ በተለምዶ "ላምበረት" ተብሎ በሚጠራው መናኸሪያ ግቢ ውስጥ በግምት ከለሊቱ 10 ሰዓት ከ40 ደቂቃ ገደማ ነው፡፡

ገንዘቡ እንዴት ሊገኝ ቻለ ?

የአ/አ ፖሊስ እንዳለው ገንዘቡ የተገኘው ከህዝብ በተገኘ ጥቆማ የብሄራዊ መረጃና ደህንነት አገልግሎት በቅንጅት በተደረገው ክትትል ነው።

110 ሺህ ዶላሩ ከአዲስ አበባ ወደ ሃረር ሊጓዙ የተዘጋጁ 2 ተጠርጣሪዎች በያዙት ሻንጣ ላይ በተደረገ ፍተሻ በጥቁር ላስቲክ ተጠቅልሎ ነው የተገኘው።

ተጠርጣሪዎቹ በቁጥጥር ስር ውለው ምርመራ እየተጣራባቸው እንደሚገኝ የአዲስ አበባ ፖሊስ ኮሚሽን አስታውቋል፡፡

@tikvahethiopia

የመራጮች ምዝገባ ዛሬ ይጠናቀቅባቸዋል በተባሉ ክልሎች እና ከተማ አስተዳደሮች እስከ ግንቦት 06 ቀን 2013 ዓ.ም ድረስ ተራዘመ !

ብሔራዊ ምርጫ ቦርድ ለ6ተኛው አጠቃላይ ምርጫ ዋና ተግባር የሆነው የመራጮች ምዝገባን እያከናወነ እንደሆነ አስታውሷል።

በአሁኑ ወቅት በጊዜያዊነት በተሰበሰበው መረጃ (ያለፉት 3 ቀናትን ሳይጨምር) 28,731,935 ያህል መራጮች የተመዘገቡ መሆኑን ገልጿል።

የመራጮች ምዝገባ በ41,798 ያህል ምርጫ ጣቢያዎች እየተከናወነ ይገኛልም ብሏል።

የመራጮች ምዝገባ ከተያዘለት የጊዜ ገደብ በተጨማሪ ለ15 ቀን ተጨምሮ ከአፋርና ከሶማሌ ክልሎች ውጪ የማጠናቀቂያ ጊዜው በዛሬ ሚያዝያ 29 ቀን 2013 ዓ.ም እንደሚሆን ማሳወቁ አስታውሷል።

በዚህ ወቅት ፦

1. የመራጮች ምዝገባ በተራዘመበት ወቅት ተደራራቢ የበአላት ቀናት መኖራቸው እና በዚያም የተነሳ በህጉ መሰረት ብሔራዊ በአላት ዝግ በመሆናቸው የመራጮች ምዝገባ ሊከናወን አለመቻሉን

2. የመራጮች ምዝገባ በተራዘመበት ወቅት 1500 መራጮች የመዘገቡ ጣቢያዎቸን ለይቶ ንኡስ ጣቢያዎችን የማደራጀት ሂደት ጊዜ መውሰዱን በዚህም ምክንያት ከፍተኛ የመራጮች መጨናነቅ ምርጫ ጣቢያ ላይ መፈጠሩን

ይህንን ከግምት ውስጥ በማስገባት የመራጮች ካርድ በመውሰድ መምረጥ የሚችሉ ቀላል የማይባሉ ዜጎች በዚህ የተነሳ የመራጮች ካርድ አለመውሰዳቸውን ቦርዱ ተገንዝቢያለሁ ብሏል።

ቦርዱ ባደረገው ስብሰባ የመራጮች ምዝገባ ዛሬ ይጠናቀቅባቸው በነበሩ፦
- አዲስ አበባ ከተማ
- ድሬዳዋ ከተማ
- አማራ
- ቤኒሻንጉል ጉሙዝ
- ደቡብ ብሔር ብሔረሰቦችና ህዝቦች ክልል
- ጋምቤላ
- ሃረሪ
- ኦሮሚያና ሲዳማ ክልሎች የመራጮች ምዝገባ እስከ አርብ ግንቦት 6/2013 ድረስ ለተጨማሪ 7 ቀናት እንዲከናወን ወስኗል።

@tikvahethiopia