የአዲስ አበባ ከተማ ፖሊስ የትንሳኤ በዓል ሪፖርት :

- በትራፊክ አደጋ ዙሪያ በበዓሉ ዋዜማ እና በበዓሉ እለት በደረሱ አደጋዎች የ2 ሰዎች ህይወት አልፏል።

- በንፋስ ስልክ ላፍቶ ክፍለ ከተማ ወረዳ 9 ልዩ ቦታው "ካዲስኮ" አካባቢ አንድ የ30 ዓመት ግለሰብ ከጓደኛው ጋር በመሆን ቤት ውስጥ ጥሬ ስጋ ሲበላ አንቆት ሕይወቱ አልፏል።

- ከወንጀል ድርጊት ጋር ተያይዞ ግን ከወትሮ የተለየ ወንጀል ድርጊት አልተፈፀመም።

በአጠቃላይ በዓሉ በሰላም ተከብሮ ማለፉን የአ/አ ከተማ ፖሊስ ያሳወቀ ሲሆን በዓሉ በሰላም እንዲከበር ህብረተሰቡ ላደረገው ቀና ትብብርና ኃላፊነታቸውን ለተወጡት የፀጥታ ኃይሎች ምስጋና አቅርቧል።

@tikvahethiopiaBOT @tikvahethiopia

"...ለተማሪዎቻችን ደህንነት እንጨነቃለን፤ የሚቀርቡ የጤና እክል ማስረጃዎችን ሚኒስቴሩ ይመለከታል" - የMoSHE የሕዝብ ግንኙነት ኃላፊ አመለወርቅ ህዝቄል

አዲስ የተመደቡ የዩኒቨርሲቲ ተማሪዎች ያላቸውን ቅሬታ በአካል መሄድ ሳያስፈልጋቸው በድረ ገጽ፣ በኢ-ሜይል እና በስልክ ማቅረብ እንደሚችሉ የሳይንስና ከፍተኛ ትምህርት ሚኒስቴር አሳውቋል።

ይሁን እንጂ ከጤና እክል ጋር በተያያዘ የሚቀርቡ ቅሬታዎች ያሏቸው ተማሪዎች በአካል ሊስተናገዱ የሚችሉበት እድል መኖሩን ሚኒስቴሩ ገልጿል።

ተማሪዎች ከመንግስት የሕክምና ተቋም የሀኪሞች ቦርድ የተፈረመ ትክክለኛ ማስረጃ ይዘው መቅረብ እንደሚችሉ የሚኒስቴሩ የሕዝብ ግንኙነት ኃላፊ አመለወርቅ ህዝቄል ለቲክቫህ ዩኒቨርሲቲ ገፅ ተናግረዋል።

ለተማሪዎቻችን ደህንነት እንጨነቃለን ያሉት ኃላፊዋ፤ የሚቀርቡ የጤና እክል ማስረጃዎችን ሚኒስቴሩ እንደሚመለከት ገልፀዋል።

የ2013 አዲስ ዩኒቨርስቲ ገቢ ተማሪዎች የዩኒቨርስቲ ምደባ ፤ በዩኒቨርስቲዎች ልየታ መሰረት ተማሪዎቹ ምርጫቸውን ካስተካከሉ በኋላ የተፈፀመ መሆኑን ኃላፊዋ አስታውሰዋል።

በቀጣይ ዩኒቨርስቲዎች በራሳቸው ፕሮግራም መሠረት ተማሪዎችን መጥራት እንደሚጀምሩ ኃላፊዋ ለቲክቫህ ዩኒቨርሲቲ ገልፀዋል።

ቲክቫህ ዩኒቨርሲቲ : https://t.iss.one/joinchat/RYD_4tbNBwRoKR2h

@tikvahuniversity @tikvahethiopia

ዶ/ር ቴድሮስ አድሃኖም WHOን ለመምራት ሁለተኛ ዙር ለመወዳደር ፍላጎት እንዳላቸው ተዘገበ !

የዓለም ጤና ድርጅት [WHO] ዋና ዳይሬክተር የሆኑት ዶ/ር ቴድሮስ አድሃኖም የድርጅቱን ኃላፊ ሆነው ለቀጣይ አምስት አመታት ለምምራት በሚያስችላቸው የሁለተኛ ዙር ውድድር ለመሳተፍ ፍላጎት እንዳላቸው ሮይተርስ ስቴት ኒውስን ዋቢ በማድረግ ዘግቧል።

ዶ/ር ቴድሮስ ለ2ኛ ዙር በሚወዳደሩበት ወቅት “በሌሎች ተቀናቃኞች ይፈተኑ ይሆን?” ለሚለው ግን የታወቀ ነገር የለም፡፡

ዋና ዳይሬክተሩ ለሁለተኛ ዙር በሚያደርጉት ውድድር ከአፍሪካ ሀገራት ወሳኝ ድጋፍ እንደሚያገኙ ከወዲሁ ቢገመትም ከሀገራቸው ኢትዮጵያ ድጋፍ ልያገኙ ስለመቻላቸው ግን እርግጠኛ መሆን እንደማይቻል ሮይተርስ ዲፕሎማቶች ነግረውኛል ሲል ዘግቧል፡፡

ምክንያቱም የኢትዮጵያ መንግስት በትግራይ ግጭት ጉዳይ ዋና ዳይሬክተሩ ለቀድሞ ድርጅታቸው ህወሀት ወግነዋል እንዲሁም ለትግራይ ክልል መንግስት የዲፕሎማሲ ድጋፍ አድረገዋል በማለት ከሷቸዋል፡፡

ምንጭ፦ telegra.ph/AL-AIN-News-Agency-05-03-2

@tikvahethiopiaBOT @tikvahethiopia

"...ተማሪዎች የእርስ በእርስ የዩኒቨርሲቲ ቅያሬ ሙከራ አይቻልም" - ወ/ሮ አመለወርቅ ሕዝቅኤል

[የኢትዮጵያ ቴሌቪዥን]

አዲስ የተመደቡ ተማሪዎች በግል የሚያደርጉት የእርስ በእርስ የዩኒቨርሲቲ ቅያሬ ሙከራ ህገ-ወጥ እንደሆነ እና እንደማይቻል የኢፌዴሪ ሳይንስና ከፍተኛ ትምህርት ሚኒስቴር አስታውቋል።

በተለያዩ ማህበራዊ ሚዲያዎች ላይ ከዩኒቨርሲቲ ዩኒቨርሲቲ በግል ለመቀያየር እየተቀመጡ ያሉ መልዕክቶች ተገቢ ያልሆኑ እና ህጋዊ አለመሆናቸውን ሚኒስቴር መስሪያ ቤቱ አስታውቋል።

ዘንድሮ የኢትዮጵያ ዩኒቨርሲቲዎች ከ147 ሺህ በላይ ተማሪዎችን ለመቀበል የተዘጋጁ ሲሆን የተማሪዎች ምደባም ይህን የመቀበል አቅም መሰረት በማድረግ እንደተካሄደ ወ/ሮ አመለወርቅ ሕዝቅኤል ለኢትዮጵያ ቴሌቪዥን ተናግረዋል።

ወ/ሮ አመለወርቅ አክለው ፥ "ወደ ተመደቡበት ዩኒቨርሲቲ ለመሄድ የማያስችል ምክንያት ያላቸው ተማሪዎች ማስረጃቸውን በማቅረብ ውሳኔ እያገኙ ነው ፤ ይህ አሰራር ከዚህ በፊትም እየተሰራበት ነበር" ብለዋል።

በተለይ ከህመም ጋር በተያያዘ ችግር ያለባቸው ተማሪዎች በሀኪሞች ቦርድ የተረጋገጠ ማስረጃ ካቀረቡ ቅድሚያ ይሰጣቸዋል ሲሉ ገልፀዋል።

ከዚህ ውጭ ሚኒስቴሩ አዲስ የተመደቡ የዩኒቨርሲቲ ተማሪዎች በአመዳደብ ላይ ያላቸውን ቅሬታ በአጭር ጊዜ ውስጥ ምላሽ ይሰጣል ብለዋል።

@tikvhaethiopiaBOT @tikvahethiopia

#Ethiopia😷

ባለፉት 24 ሰዓት 31 ሰዎች በኮቪድ-19 ህይወታቸው አለፈ።

በተመሳሳይ ከተደረገው 4,008 የላብራቶሪ ምርመራ 429 ሰዎች በቫይረሱ መያዛቸው ተረጋግጧል።

ትላንት 648 ሰዎች ከበሽታው አገግመዋል።

በአጠቃላይ 258,813 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,757 ሰዎች ህይወታቸው አልፏል፤ 201,156 ሰዎች አገግመዋል።

አሁን ላይ 858 ሰዎች በፅኑ ታመዋል።

በሌላ በኩል በሀገራችን እየተሰጠ ያለውን የኮቪድ-19 ክትባት የተከተቡ ዜጎች ቁጥር 1,168,268 ደርሷል።

#Purpose
@tikvahethiopia @tikvahethiopiaBOT

'ሸኔ' እና 'ህወሓት'

የህግ ምሁራንና ባለሞያዎች አስተያየት እና የህ.ተ.ም/ቤት ጥሪ ፦

ዛሬ የሕዝብ ተወካዮች ምክር ቤት ባስተላለፈው ማስታወቂያ "ህወሓት" እና "ሸኔ" የሚባሉት ድርጅቶች በአሸባሪነት እንዲፈረጁ ሚንስትሮች ምክር ቤት ባቀረበው ውሳኔ ሃሳብ ላይ የተቃውሞ ማስረጃ ካላቸው በአካል እንዲያቀርቡ ጥሪ አቅርቧል።

የምዑራን አስተያየት በሚኒስትሮች ምክር ቤት ውሳኔ ላይ ፦

• የህግ ጠበቃ እና አማካሪው አቶ አመሃ መኮንን ፡

"እነዚህ ድርጅቶች በረጅም ጊዜ ሂደት ውስጥ ስጋት፣ ለህዝቡ ፀጥታ ስጋት ፣ለሀገር ሰላም ስጋት የሚሆኑበት መንገድ በእጅጉ ይቀንሳል ብዬ ገምታለሁ።
በሽብረትኝነት የመሰየሙ ውጤት ፦
- እነዚህን ድርጅቶች መምራት የሚያስጠይቅ ይሆናል።
- የድርጅቶቹ አባል መሆን ያስጠይቃል።
- ድርጅቶቹን ባማቸውም ሁኔታ መደገፍ እና መተባበር የሚያስጠይቅ ነው የሚሆነው።
ስለዚህ በእጅጉ አቅም የሚያሳጣቸው ነው የሚሆነው።"

• በአምቦ ዩኒቨርሲቲ የህግ መምህሩ አቶ ሚኪያስ በቀለ :

"...አሁን አጠያያቂ የሆነው አንዱ ጉዳይ ፥ ሸኔ የሚባል ድርጅት አለ ወይ ? የሚለው ነገር ነው። እራሱን "ሸኔ" ብሎ የሚጠራ ቡድን አይታወቅም። ስለዚህ መንግስት ማለት የፈለገው የኦነግ የወታደራዊ ክንፉን ለማለት ይመስለኛል። 

ህዝብ ተወካዮች ምክር ቤት በደንብ አድርጎ መርምሮ እነዚህን ድርጅቶች እራሳቸውን እንዲከላከሉ እድል ሰጥቶ ሽብርተኛ ድርጅት ነው የሚለውን ስያሜ ሊሰጥ ይችላል።

ውሳኔው በህዝብ ተወካዮች ምክር ቤት የሚፀድቅ ከሆነ በተለይ ህወሓት በትግራይ ፣ ሸኔ በኦሮሚያ መሰረታቸውን ያደረጉበት ህዝብ ላይ እንግልት እንዳይኖር ፍርድ ቤቶች ከፍተኛ ኃላፊነት ይጠብቃቸዋል።"

• ስማቸውን ያልተገለፀ የአዲስ አበባ ዩኒቨርሲቲ ምሁር :

“በሽብርተኝነት ሊፈረጅ የሚችል አካል ለቁጥጥር ያስቸገረ ጠንካራ መዋቅር ያለው ነው።

ጠቅላይ ሚኒስትሩ መከላከያው ጭምር ህወሓት ስጋት ሊሆን በማይችልበት ደረጃ መመታቱን እና መዳከሙን ደጋግመው በአደባባይ በተናገሩ ማግስት እንዲህ መባሉ ምን ለማለት ተፈልጎ ነው የሚል ጥያቄ ያስነሳል።

‘አጥፍተነዋል’ በሚል ሲነገር የነበረው ፕሮፓጋንዳ እንደነበር እና ህወሓት አሁንም ስጋት እንደሆነ የሚያሳይ ነው። የመንግስትን ተዓማኒነት 'ይበልጥኑ የሚጎዳ' ነው።

• የአዲስ አበባ ዩኒቨርሲቲ የሕግ እና ፌደራሊዝም መምህሩ ዶክተር ሲሳይ መንግስቴ :

“ውሳኔ እንዲያውም ቢዘገይ እንጂ የሚጎዳ አይደለም።

ህወሓትን ሽብርተኛ ብሎ ለመፈረጅ በሰሜን እዝ ላይ ያደረሰው ጉዳት ብቻ በቂ ነው።

ህወሓት ባለፉት 3 ዓመታት በግልጽና በስውር በርካታ ጥፋቶችን አድርሷል። የዘገየ ግን ትክክለኛ የውሳኔ ሀሳብ ቀርቧል።

መንግስት በውሳኔ ሃሳቡ ኦነግ ሸኔ ከማለት ይልቅ ‘ሸኔ’ ማለቱ ምናልባት ለሌላ ትርጉም እንዳይጋለጥ በማሰብ ሊሆን ይችላል እንጂ ‘ሸኔ’ በሚል በኦሮሚያ ክልል ባለስልጣናትን እና ሌሎች በክልሉ የሚኖሩ ማንኛውንም ማህበረሰብ እንደፈለገ እየገደለ ነው ይሄንን የሚያደርገው ደግሞ "ኦነግ ሸኔ" ነው።

ያንብቡ 👇
https://telegra.ph/SHANE--TPLF-05-03

#AL_AIN #Deutsche_Welle #SolomonMuchie #HoPR

* Update

የሀገር መከላከያ ሰራዊት ክስ መሰርትባቸዋለሁ ያላቸው ነቢይ ኢዩ ጩፋ በዛሬው ዕለት ባሰራጩት የ18 ደቂቃ ቪድዮ በእሳቸው ጉዳይ ትላንት ይፋ በሆነው መረጃ ላይ ምላሽ ሰጥተዋል።

ከሰጡት የቪድዮ ምላሽ ላይ የተወሰኑት :

- ፕሮግራሙ ከአንድ ወር በፊት የተለቀቀ ነው።

- የመከላከያ ልብስ የለበሱ ፣ አባልም የሆኑ ዩኒፎርማቸውን ለብሰው በአዲስ አበባ ክራይስት አርሚ ኢንተርናሽናል ቸርች ማንኛውም ሰው እንደሚገኝ ነው የተገኙት።

- ሲመጡ የመከላከያ ልብስ ፣ወይም ዩኒፎርም ለብሳችሁ ኑ ተብሎ የተጠሩ ሰዎች አይደሉም።

- አባላቱ ተደውሎላቸው የመጡ ሰዎች አይደሉም።

- ዩኒፎርም ለብሰው እንዲመጡ የተሰጠ ትዕዛዝ የላቸውም።

- በዕለቱ እንደሚመጡ አናውቅም፤ ስራችን ህዝቡን የምናገለግልበትን ቸርች ከፍተን መጠበቅ ነው። ስራችን የመጣውን ህዝብ ማገልገል ነው።

- ወታደሮቹ እኛ ጋር መጥተው የሰሩት ወንጀል የለም፤ አለ ከተባለ ተቋሙ ባስቀመጠው አቅጣጫ ሊጠየቁ ይችላሉ።

- ነቢይ እዩ ይከሰሳል የሚለው ጉዳይም ፥ ለአንዳድን ሰው የተለየ ህግ ካለ ሊሆን ይችላል፤ የተለየ ህግ ካለ የሚያስከስስ አይደለም። በምን አይነት አግባብ ሊያስጠይቅ የሚያስችል እውነት የለም።

- ከእነሱም በፊት የመከላከያ ልብስ የለበሱ ሰዎች ይገባሉ፣ ይገለገላሉ።

Video : 27 MB
@tikvahethiopiaBOT @tikvahethiopia

* Update

የአሜሪካ የአፍሪካ ቀንድ ጉዳዮች ልዩ መልዕክተኛ ጄፍሪ ፊልትማንወደ ግብፅ፣ ኤርትራ፣ ኢትዮጵያ እና ሱዳን የሚያደርጉትን ጉዞ ዛሬ ይጀምራሉ።

ጉዟቸው ከዛሬ ሰኞ ሚያዚያ 26 ቀን 2013 ዓ/ም የሚጀምር ሲሆን ለ9ኝ ቀናት ይቆያል ተብሎ ይጠበቃል።

በአሜሪካው ፕሬዝዳንት ጆ ባይደን የተሰየሙት ልዩ መልዕክተኛው ፊልትማን የትግራይን ጦርነት ጨምሮ በሕዳሴው ግድብ በሱዳንና በኢትዮጵያ የድንበር ውዝግብ ዙሪያ መፍትሄ የማፈላለግ ተልዕኮ ተሰጥቷቸዋል።

በዚህ ጉዟቸውም በትግራይ ቀውስ እና በሌሎች ክፍለ አህጉራዊ ጉዳዮች ላይ ይመክራሉ።

በሱዳን፣ ግብፅ፣ ኤርትራ እና ኢትዮጵያን ጉብኝንታቸው ከየሀገራቱ ባለስልጣናት ጋር የመነጋገር መርሀ ግብር አላቸው።

ልዑኩ በትግራዩ ቀውስ ዙሪያ ግጭት ቆሞ ሰላማዊ መፍትሄ እንዲፈለግ እስከ ድርድር የሚደርስ ሀሳብ እንዳላቸው በስፋት እየተነገረ ነው የሚገኘው።

በአዲስ አበባ ከአፍሪቃ ህብረትና ከመንግስታቱ ድርጅት ሀላፊዎች ጋር ውይይት እንደሚያደርጉም መገለፁን ዋዜማ ሬድዮ ድረገፅ የአሜሪካ የወጪ ጉዳይ መስሪያ ቤትን ዋቢ አድርጎ ዘግቧል።

ጄፍሪ ፊልትማን አንጋፋ ዲፕሎማት ሲሆኑ የመንግስታቱ ድርጅት የፖለቲካና የፀጥታ አማካሪ በመሆን ስርተዋል። በመካከለኛው ምስራቅ ሀገራት በተለይም በሶሪያና ሊባኖስ ጦርነት ቆሞ ሰለም እንዲመጣ በተደረጉ የዲፕሎማሲ ጥረቶች ዋና ልዑክ በመሆን አገልግለዋል።

@tikvhaethiopia @tikvahethiopiaBOT

#Update

"ሱዳን ሰምኑን ቤኒሻንጉል ጉሙዝ ክልል የእኔ ነው ማለቷ አሳፋሪ ነው" - አምባሳደር ዲና ሙፍቲ

ሱዳን ከቀናት በፊት ላወጣችው መግለጫ ኢትዮጵያ ምላሽ ሰጥታለች።

ሱዳን ሰምኑን ቤኒሻንጉል ጉሙዝ ክልል የእኔ ነው ማለቷ አሳፋሪ ነው ሲሉ የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ አስታውቀዋል።

አምባሳደር ዲና ዛሬ በወቅታዊ ጉዳዮች ዙሪያ መግለጫ ሰጥተዋል፡፡

በወቅቱ የሱዳን ባለስልጣናት የህዳሴ ግድብ የሚገኝበትን የቤኒሻንጉል አካባቢ በተመለከተ የእኛ ነው የሚል መረጃ መልቀቃቸው አስነዋሪ ነው ሲሉ ተችተውታል።

የሱዳን ወታደሮች ድንበር አልፈው የኢትዮጽያን አርሶአደሮች ማፈናቀላቸው ሳያንስ እንዲህ አይነት መረን የወጣ መረጃ መልቀቃቸው የሚኮነን ነው።

የኢትዮጵያ መንግስትም ተገቢውን ምላሽ ይሰጣል ሲሉ አስታውቀዋል።

በዚሁ መግለጫ ላይም አምባሳደር ዲና እንደገለፁት ፤ ሱዳኖች የሚያወጡት መግለጫ ያለአግባብ የተለጠጠ እና አለም አቀፍ ህግጋትንም ያላከበረ ነው ብለውታል።

@tikvahethiopiaBOT @tikvahethiopia

#AddisAbabaCOVID19

የአዲስ አበባ ትራንስፖርት ቢሮ በአዲስ አበባ ከተማ የኮሮና ቫይረስ ስርጭትን ለመቀነስ የህዝብ ትራስፖርት የሚሰጡ ተሸከርካሪዎች የመጫን አቅማቸውን እንዲቀንሱ የሚያስገድድ መመሪያ መዘጋጀቱን ይፋ አድርጓል።

አዲሱ መመሪያ ከዛሬ ጀምሮ ተግባራዊ እንደሚሆን ቢሮው አስታውቋል፡፡

የቢሮው ኃላፊ ኢ/ር ስጦታው አከለ ዛሬ በሰጡት መግለጫ አዲሱን መመሪያ በተመለከተ ተከታዮቹን መረጃ ሰጥተዋል ፦

- በአዲሱ መመሪያ መሰረት ተሽከርካሪዎች የሚቀንሱበት መጠን ይለያያ አንጂ ሁሉም አይነት የህዝብ አገልግሎት የሚሰጡ ተሽከርካሪዎች የተሳፋሪ ቁጥር ይቀንሳሉ።

- በኢዲሱ መመሪያ መሰረት ታክሲዎች በወንበር ሙሉና እና ከኋላ 3 ሰውና ሃይገሮች (ቅጥቅጦች) በወንበር ልክና ተራርቀው የሚቆሙ 5 ሰዎች እንዲጭኑ ታዟል።

- ባሶች ከዚህ በፊት ከሚጭኑት በ50 በመቶ ቀንሰው እንዲጭኑ።

- የተሽካርካሪዎች የመጫን አቅም ዝቅ ቢልም በታሪፍ ላይ የተለየ ጭማሪ አይኖርም።

- የመመሪያውን ተፈጻሚነት የአዲስ አበባ ትራንስፖርት ባለስልጣንና የአዲስ አበባ ትራፊክ ማኔጅመንት ቢሮ ይቆጣጠራሉ።

- ይህን መመሪያ ተላልፈው በሚገኙ አሽከርካሪዎች ላይ ከ500 እስከ 5ሺ የሚደርስ ቅጣት ይጠብቃቸዋል።

ምንጭ፦ አል ዓይን ኒውስ
@tikvahethiopia @tikvahethiopiaBOT