ዶክተር ሚዘን ኪሮስ በጤና ሚኒስቴር የኮቪድ -19 ምላሽ ግብረ-ሃይሎች አስተባባሪ ለኢፕድ ከተናግሩት ፦

"...የአስክሬን ምርመራዎች ቢካሄዱ እና የምርመራ አቅሙ ቢያድግ አሁን እየተመዘገበ ካለው በላይ ሞት ሊመዘገብ ይችላል። በጤና ሚኒስቴር በኩል እየተደረገ ያለው ሪፖርት የችግሩን ትክክለኛ ስፋት የማያሳይ መሆኑን መገንዘብ ያስፈልጋል።

በዚህ አነስተኛ ሪፖርት እየተመዘገበ ያለው በበሽታው የሚያዙና የሚሞቱ ሰዎች ቁጥር የበሽታው ስርጭት ምን ያህል በከፍተኛ ደረጃ እየጨመረ መምጣቱን የሚጠቁም ነው።

ለበሽታው መቀነስ አስፈላጊ ናቸው ተብለው የሚታመኑ መሰረታዊ የመከላከያ መንገዶች ከጊዜ ወደ ጊዜ እየቀነሱ መምጣታቸው ለስርጭቱ መጨመር ትልቅ አስተዋፅኦ አበርክቷል።

ሰዎች መሰረታዊ የጥንቃቄ መንገዶችን ካልተከተሉ፣ ህግን የተከተሉ ጠንካራ እርምጃዎች ካልተወሰዱና የመንግስት ስብሰባዎች በውስን ቁጥር ካልተካሄዱ በቀጣይ በሽታው በከፍተኛ ደረጃ ዋጋ ሊያስከፍል ይችላል"

@tikvahethiopia

#ችሎት

ዐቃቤ ህግ በእነ ጃዋር መሀመድ ላይ በዝግ ችሎት ላሰማ ያለው የምስክር የአሰማም ሂደት ጥያቄ በፍርድ ቤት ውድቅ ተደረገ።

ዐቃቤ ህግ ባለፈው ቀጠሮው በምስክር ጥበቃ አዋጅ መሰረት ለምስክሮቼ ደህንነት ሲባል ከመጋረጃ በስተጀርባ እና በዝግ ችሎት ምስክሮቼን ላሰማ ሲል አቤቱታ አቅርቦ ነበር፡፡

ተከሳሾቹ የመከላከል መብታችንን የሚገድብ እና የዐቃቤ ህግ አቤቱታ ታማኝነት የለውም በማለት የዐቃቤ ህግ አቤቱታ ውድቅ እንዲደረግ አመልክተው ነበር።

የፌደራሉ ከፍተኛ ፍርድ ቤት ልደታ ምድብ አንደኛ የጸረ ሽብርና የህገ መንግስት ጉዳዮች ወንጀል ችሎት ጥያቄውን መርምሮ ውድቅ አድርጎታል፡፡

ችሎቱ በዛሬው እለት ተሰይሞ አቶ ጃዋር መሀመድን ጨምሮ ሁሉም ተጠርጣሪዎች በተገኙበት ጉዳያቸውን ተመልክቷል፡፡

በዚህም ዐቃቤ ሕግ ባለፈው ቀጠሮ በምስክር ጥበቃ አዋጅ 699/2003 አንቀጽ 4 /1 ሸ እና ቀ መሰረት ለ146 ምስክሮች ጥበቃ ተደርጓል ብሎ ከመጥቀስ በዘለለ ምስክሮች ላይ የሚደርሰውን ጉዳት በማስረጃ ያላስደገፈ በመሆኑ በቂ ምክንያት ሆኖ አላገኘሁትም ሲል ፍርድ ቤቱ ምስክሮቹ በግልጽ ችሎት ምስክርነታቸውን እንዲሰጡ ብይን ሰጥቷል።

ነገር ግን ተከሳሾቹ የምስክር ዝርዝር ይገለጽልን ብለው ያቀረቡት አቤቱታን በተመለከተ ግን ፍርድ ቤቱ የምስክር ዝርዝር ለምስክሮች ደህንነትና መብት ጥበቃ ሲባል የምስክሮች ማንነት እንዳይገለጽ ሲል ጥያቄውን ውድቅ አድርጎታል።

በዚህ መሰረት የምስክሮች ዝርዝር ሳይገለጽ ምስክርነታቸው በግልጽ ችሎት እንዲሰማ ሲል ፍርድ ቤቱ ብይን መስጠቱን ኤፍ ቢ ሲ ዘግቧል።

@tikvahethiopia @tikvahethiopiaBOT

የእነአቶ እስክንድር ነጋ የፍርድ ሂደት ፦

ዛሬ መጋቢት 28 ረፋድ በፌዴራል ጠቅላይ ፍርድ ቤት ሁለተኛ ወንጀል ችሎት ሊዳኝ የነበረው የእነ አቶ እስክንድር ነጋ ጉዳይ ከሦስቱ ዳኞች መካከል አንዱ ባለመገኘታቸው ለሚያዝያ 6 ቀን 2013 ዓ.ም. ተራዝሟል።

ይግባኝ ለማከራከር የተቀጠረው መዝገብ ሳይከፈት በቀጥታ ለቀጣዩ ችሎት ተዘዋውሯል።

የተከሳሽ ጠበቆች ዳኞች ከቀትር በኋላ ተሟልተው እንዲቀርቡ፣ ይህ ካልተቻለም ነገ እንዲቀርቡ፣ እነኝህን አማራጮች ማድረግ ካልተቻለ ግን ችሎቱ ተከሳሾችን በነፃ እንዲያሰናብታቸው ጠይቀዋል። ሆኖም ዳኞች ውድቅ አድርገውታል።

ባሉበት እስር ቤት ሆነው በፕላዝማ የቀረቡት እነ እስክንድር ነጋ በበኩላቸው ጉዳዩ ከ6ኛው ሀገራዊ ምርጫ ጋር የተያያዘ መሆኑን እና ላለፉት ዘጠኝ ወራት ያለ ውሳኔ በቀጠሮዎች እየተጉላሉ መሆኑን ጠቅሰው አፋጣኝ ምላሽ እንዲሰጣቸው ጠይቀዋል።

ስድስት ኪሎ በሚገኘው ጠቅላይ ፍርድ ቤት በአካል መቅረብ ሲገባቸው ችሎቱን በፕላዝማ እንዲከታተሉ መደረጉም ስህተት እንደሆነ ተናግረዋል። በቀጣዩ ችሎት ፖሊስ በአካል እንዲያቀርባቸው ጠይቀዋል።

አፋጣኝ ፍትሕ እንዲሰጣቸው ከወራት በፊት ለጠቅላይ ፍርድ ቤት ፕሬዚደንቷ በቀጥታ ደብዳቤ መፃፋቸውን አስታውሰዋል።

የባልደራስ ለእውነተኛ ዴሞክራሲ ፓርቲ (ባልደራስ) አመራሮች እስክንድር ነጋ፣ ስንታየሁ ቸኮል፣ አስቴር ስዩም እና አስካለ ደምሌ የፊታችን ሚያዝያ 11 ቀን 2013 ዓ.ም. በከፍተኛው ፍርድ ቤት ችሎት እንደሚቀርቡ ከባልደራስ ያገኘነው መረጃ ያሳስያል።

@tikvahethiopiaBOT @tikvahethiopia

የኦነግ ስራ አስፈፃሚ አባል አቶ አብዲ የፍርድ ሂደት ፦

አቶ አብዲ ረጋሳ ከተከሰሱበት ሶስት ክሶች 1 ውድቅ ሲደረግ በሌላኛው ፍርድ ቤት እየተመለከተው ነው።

ትላንት አቶ አብዲ የኦሮሚያ ጠቅላይ ፍ/ቤት ወንጀል ችሎት ቀርበው ነበር ፤ የመከላከያ ምስክሮችን ለማሰማት በተያዘው በዚሁ ቀጠሮ ምስክሮች ባለመገኘታቸው ፍርድ ቤቱ ተለዋጭ ቀጠሮ ሰጥቷል።

ጠበቃቸው ቱሊ ባይሳ የመከላከያ ምስክሮች ያልቀረቡበት ምክንያት አስረድተዋል ፦

- ኮሎኔል ገመቹ አያና በፌዴራል ማረሚያ ቤት የቂሊጦ ማረሚያ የኦሮሚያ ጠ/ፍርድ ቤት በፃፈው ደብዳቤ የደረሰን ትዕዛዝ የተፈረመው በዳኛ ሳይሆን በህግ ኦፊሰር ነው ስለዚህ በዚህ ትዕዛዝ እንደማያቀርብ በማሳወቁ ነው። ኮሎኔል ገመቹ የታሰሩት በፌዴራል ከፍተኛ ፍርድ ቤት ልደታ ምድብ ችሎት ስለሆነ ፍርድ ቤቱ ኮሎኔሉ ለኦሮሚያ ጠቅላይ ፍርድ ቤት ቀርበው የምስክርነት ቃላቸውን እንዲሰጡ መፍቀድ ነበረበት አይቀርብም የሚል ደብዳቤ ልካል።

- ሌላው ኦነግ ሊቀመንበር አቶ ዳውድ ኢብሳ ናቸው። የፍርድ ቤት ትዕዛዝ አውጥቶ የአቶ አብዲ ቤተሰቦች መጥሪያውን ይዘው ወደ አቶ ዳውድ ቤት ቢሄዱም የመንግስት ፀጥታ ኃይሎች አካባቢውን በመቆጣጠራቸው ወደ ቤት ገብተው መጥሪያ መስጠት እንዳይችሉ እንደተከለከሉ ቤተሰቦቻቸው ተናግረዋል።

አቶ አብዲ ረጋሳ ከታሰሩ ከ1 ዓመት በላይ ሲሆናቸው በተለያዩ የኦሮሚያ ክልል ፍርድ ቤቶች ሲቀርቡ ቆይተዋል።

3 ጊዜ የዋስትና መብት ተፈቅዶላቸው መዝገባቸውም ተዘግቶ ነበር።

More : https://telegra.ph/AtoAbdiRegassa-04-06

@tikvahethiopiaBOT @tikvahethiopia

በአፋር እና ሱማሊ ክልል መካከል ያለው ውጥረት ፦

የአፋር ክልል መንግስት ፦

- በክልሉ "ሀሩቃ" በተባለ ቦታ ባለፈው አርብ በተሰነዘረ ጥቃት በትንሹ 30 ሰዎች መገደላቸውን እና ከ50 በላይ የአካባቢው ነዋሪዎች መቁሰላቸውን የአፋር ክልል ፖሊስ ኮሚሽን አስታውቋል።

- በአርቡ ጥቃት ከተገደሉት ውስጥ ሴቶች እና ህጻናት ይገኙበታል።

- የሶማሌ ክልል ልዩ ኃይል አባላት በዚያኑ ዕለት ምሽት "ገዋኔ" በተባለ ቦታ በከፈቱት ተኩስ ሁለት የክልሉ መንግስት ሰራተኞች መገደላቸውን አሳውቋል።

- ጥቃት ሲፈጽም ነበር የተባለ አንድ የሶማሌ ክልል ልዩ ኃይል አባል “እጅ ከፍንጅ” ተይዟል፤ ግለሰቡ በአሁኑ ወቅት “በፖሊስ ቁጥጥር ስር” ይገኛል። የአካባቢው ህብረተሰብ በወሰደው የመከላከል እርምጃ ሌሎች የሶማሌ ክልል ልዩ ኃይል አባላት ተገድለዋል።

- መሰል ጥቃቶች ከዚህ ቀደምም በአካባቢው በተደጋጋሚ ይከሰቱ ነበር ፥ መንስኤው ከሶማሌ ክልል መንግስት የመሬት ይገባኛል ጥያቄ ጋር የተያያዘ ነው።

የሱማሊ ክልል መንግስት ፦

- አርብ መጋቢት 24 ቀን 2013 ዓ.ም ደአዋዲ እና ቀረፋ በተበሉ ቀበሌዎች ፤ ዛሬ መጋቢት 28 ጠዋት በደዋዲድ ፣ በገውረአን ፣ በቀላሌና በደንለሄላይ በሚባሉ 4 ቀበሌዎች በሚኖሩ ንፁሃን ነዋሪዎች ላይ የአፋር ክልል ልዩ ሀይል ግድያ፣ የአካል ጉዳትና የንብረት ውድመት ፈፅሟል ሲል ከሷል።

- አርብ መጋቢት 24 ቀን 2013 ዓ/ም ደአዋዲ እና ቀረፋ በተባሉ ቀበሌዎች በኑፁሃን ዜጎች ላይ በተፈፀመው ጥቃት ከ25 በላይ አርብቶ አደሮች ሲገደሉ ከ30 በላይ የሚሆኑ አርብቶ አደሮች ደግሞ የአካል ጉዳት ደርሶባቸዋል፤ ንብረትም ወድሟል ብሏል።

- ዛሬ መጋቢት 28 ቀን 2013 ዓ/ም ጠዋት የአፋር ክልል ልዩ ፖሊስ በአራት ቀበሌዎች በደዋዲድ፣ በገውረአን ፣ በቀላሌና በደንለሄ ላይ ስፊ ጥቃት በመፈፀም ለጊዜው ቁጥራቸው በውል ያልታወቀ በርካታ ንፁሀንን ገድለዋል ብሏል።

- ጉዳዩ ወደለየለት ግጭት ከማምራቱ በፊት የአፋር ብሄራዊ ክልል መንግስት ያስብበት ፤ የፌደራል መንግስት የመፍትሔው አካል ለመሆን እንዲሰራ ብሏል።

** እስካሁን ድረስ በሁለቱ ክልሎች መካከል ስላለው እና የሰዎችን ህይወት እየቀጠፈ ስላለው ግጭት በፌዴራል መንግስቱ በኩል ምንም የተባለ ነገር የለም።

ተጨማሪውን ያንብቡ👇
https://telegra.ph/Afar-Somali-04-06-2

#ችሎት

ፌዴራል ከፍተኛ ፍ/ቤት 1ኛ የምርጫ ጉዳዮች ችሎት የባልደራስ ለእውነተኛ እና ዴሞክራሲ ፓርቲ ሊቀ-መንበር እስክንድር ነጋን ጨምሮ አራት በእስር ላይ የሚገኙ አመራሮች በመጪው ምርጫ በዕጩነት መወዳደር የለባቸውም ሲል ምርጫ ቦርድ የሰጠውን ውሳኔ አፅንቷል።

ፍርድ ቤቱ በጉዳዩ ላይ ውሳኔ የሰጠው፣ ፓርቲው የቦርዱን ውሳኔ በመቃወም ለፍርድ ቤት ይግባኝ በማቅረቡ ነው።

ዳኞች የይግባኙን ተገቢነት መርምረው የብሄራዊ ምርጫ ቦርዱን ውሳኔ ያጸኑት በአብላጫ ድምጽ መሆኑን ኤፍቢ ሲ ዘግቧል።

@tikvahethiopia

"...በጃዋር ላይ የቀረቡት ክሶች ከማንነቱ እና ስብዕናው ጋር የማይገናኙ ናቸው" - ወ/ሮ አርፋሴ ገመዳ

"ስታር ትሪቢዩን" የተባለ የአሜሪካ ጋዜጣ ፥ ወይዘሮ አርፋሴ ገመዳ በባለቤታቸው አቶ ጃዋር መሃመድ ላይ የቀረቡት ክሶች ከማንነት እና ስብዕናቸው ጋር የሚገናኙ አለመሆናቸውን ስለመናገራቸው ዘግቧል።

"ህዝባችን ለረጅም ጊዜ የሰቆቃ ኑሮ የገፋ በመሆኑ ጃዋር የህዝቡ ህይወት እንዲሻሻል በሰላማዊ መንግድ ሲታገል የቆየ ነው" ያሉት ወይዘሮ አርፋሴ ፥ "ጃዋር ሚኒሶታን ለቆ ወደ ኢትዮጵያ የተመለሰው ለዚሁ አላማ ነበር" ብለዋል።

አቶ ጃዋር፥ ለህዝቡ ህይወት መሻሻል ሲል የአሜሪካን ዜግነት ትቶ ወደኢትዮጵያ በመመለስ በሰላማዊ ፖለቲካ ውስጥ በመሳተፉ በአሁኑ ጊዜ ሀገር አልባ ሆኗል ያሉት ወ/ሮ አርፋሳ፥ ለህዝባዊ አላማው ብሎ የአሜሪካን ዜግነቱን በመቀየሩ በጉዳዩ ላይ ጠንካራ የአሜሪካን መንግስትን ድጋፍ ለማግኘት እንዳልተቻለ ገልፀዋል።

ወይዘሮ አርፋሴ እና አቶ ጃዋር ፥ የአራት ዓመት ልጅ ያላቸው ሲሆን ልጁ አባቱ ለምን እንደጠፋ ለሚያነሳው ጥያቄ ምላሽ መስጠት አስቸጋሪ እና አሰቃቂው የህይወቴ አካል ነው ሲሉ ተናግረዋል።

@tikvahethiopia @tikvahethiopiaBOT