"... በምስራቅ የኢትዮጵያ 2.1 ሚሊየን ሰዎች ሰብዓዊ ድጋፍ ያስፈልጋቸዋል" - UN OCHA

BY : AL AIN NEWS & CGTN

በምስራቅ የኢትዮጵያ 2.1 ሚሊየን ሰዎች ሰብዓዊ ድጋፍ እንደሚያስፈልገቸው በተመድ የሰብአዊ ጉዳዮች ማስተባበሪያ አስታውቋል።

ማስተባበሪያው ይህን ያሳወቀው ትላንት ባወጣው ሳምንታዊ መግለጫ ነው።

UN OCHA ባህላዊ የውሃ ምንጮች መድረቅ እና ከጉድጓድ ውሃ የሚወጡ የውሃ አቅርቦቶች ውስንነት ክፍተኛ ችግር እያስከተለ መሆኑን በመግለጽ ፤ በክልሉ በአፋጣኝ የዉሃ ማጓጓዣ ተሸከርካሪዎች አቅርቦት እንደሚያስፈልግ አስታውቋል።

በክልሉ በድርቅ ምክንያት ለችግር ለተጋለጡ ወደ 2 ነጥብ 1 ሚሊየን ገደማ የሚጠጉ ሰዎች የምግብ እና ምግብ ነክ ያልሆኑ አስቸኳይ ድጋፍ ያስፈልጋል ብላል።

በክልሉ በድርቅ ምክንያት ለችግር ለተዳረጉ ዜጎች ለመድረስ 65. 5 ሚሊየን የአሜሪካ ዶላር እንደሚያስፈልገው የሰብአዊ አስታውቋል።

ግጭቶች ፣ ድርቅ እና በየወቅቱ የሚደርሱ የጎርፍ አደጋዎች የሶማሌ ክልልን ጨምሮ በሌሎች የኢትዮጵያ ክፍሎች የተለያዩ ሰብዓዊ ቀውሶችን ሲያስከትል መቆየቱንና የሰብአዊ ድጋፍ የሚስፈልጋቸው ሰዎች እንዲያሻቅብ ማድረጉን ድርጅቱ አስታውሷል።

ከዚህ በተጨማሪ በኢትዮጵያ ያለው የኮቪድ-19 ወረርሽኝ ስርጭት ሰብዓዊ ድጋፍ የሚስፈልጋቸው ሰዎች ቁጥር እንዲጨምር ምክንያት መሆኑን UN OCHA በመግለጫው አስታውቋል።

@tikvahethiopia @tikvahethiopiaBOT

#Update

የሚያዚያ ወር የነዳጅ ምርቶች የችርችሮ መሸጫ ዋጋ ባለበት ይቀጥላል።

የንግድና ኢንዱስትሪ ሚኒስቴር ከመጋቢት 26 እስከ ሚያዚያ 30 ቀን 2013 ዓ/ም ድረስ ተግባራዊ የሚሆን የነዳጅ ምርቶች የችርቻሮ መሸጫ ዋጋን አስመልክቶ መግለጫ አውጥቷል።

ሚኒስቴሩ በመግለጫው፥ ከአውሮፕላን ነዳጅ ውጪ የሌሎች የነዳጅ ምርቶች የችርቻሮ መሸጫ ዋጋ ባለበት እንዲቀጥል ወስኗል።

ሚያዚያ ወር የአውሮፕላን ነዳጅ ዋጋ በሊትር 43 ብር ከ70 ሳንቲም እንዲሸጥ የተወሰነ ሲሆን በመጋቢት ወር ሲሸጥበት ከነበረበት ዋጋ የ5 ብር ከ5 ሳንቲም ጭማሪ እንዳለው አስታውቋል። #ENA

@tikvahethiopia

ከ1.8 ሚሊዮን ብር በላይ ንብረት ያወደመው የእሳት ቃጠሎ ፦

BY : ENA

በደብረ ብርሀን ከተማ በንግድ ሱቅ ውስጥ የተነሳ የእሳት ቃጠሎ ከአንድ ነጥብ 8 ሚሊየን ብር በላይ የሚገመት ንብረት መውደሙን ፖሊስ አስታወቀ።

አደጋው በሰው ህይወት ላይ ያደረሰው ጉዳት እንደሌለ ተመልክቷል።

በከተማው የሁለተኛ ፖሊስ ጣቢያ ሃላፊ ኮማንደር ጥበበ ሙላቱ እንደተናገሩት ፤ የእሳት ቃጠሎው የተነሳው ትናንት ምሽት ሶስት ሰዓት ተኩል አካባቢ  በቀበሌ ዘጠኝ ቀጠና ሁለት ሰፈረ ሰላም ባሉ የንግድ ሱቆች ውስጥ  ነው።

በአደጋው  በስድስት የንግድ ሱቆች ውስጥ የሚገኙ የወረቀት ማባዥ ማሽኖች፣ የመዋቢያ ቅባቶችና ሽቶዎች ፣ኮምፒውተሮችና ሌሎችም ንብረቶች መውደማቸውን አስታውቀዋል።

እሳቱ አንድ ሱቅ ውስጥ የተያያዘ ከሰል የነበሩ ሰዎች ሳያጠፉ በመሄዳቸው እንደተነሳ ያስረዱት ኮማንደሩ ጊዜው ምሽት በመሆኑና ሱቆቹ በመቆለፋቸው ንብረቶቹን ማዳን እንዳልተቻለ ገልጸዋል።

የአካባቢው ማህበረሰብና ፖሊስ ፣ እንዲሁም የእሳት አደጋ መከላከያ ተሽከርካሪዎች ባደረጉት ርብርብ የእሳት ቃጠሎ ወደ  መኖሪያ ቤቶች ሳይዛመት መቆጣጠር መቻሉን ተናግረዋል።

@tikvahethiopiaBOT @tikvahethiopia

#UPDATE

ግብፅ በኪንሳሻ የተጀመረው የታላቁ ህዳሴ ግድብ ውይይት ሁለተኛው ዙር የውሃ ሙሌት ከመደረጉ በፊት ስምምነት ላይ ለመድረስ የመጨረሻው እድል ሊሆን ይችላል ብላለች።

ግብፅ ይህን ያለቸው ግብፅ ፣ ኢትዮጵያና ሱዳን በታላቁ የህዳሴ ግድብ ዙሪያ እየተደረገ የሚገኘውን ውይይት አስመልክታ ባወጣችው መግለጫ ነው።

ዛሬ ሰኞ እንደሚጠናቀቅ በሚጠበቀው ውይይቱ 3ቱ ሃገራት በዕድሉ ተጠቅመው ከመጪው ክረምት በፊት ከአንዳች ስምምነት እንዲደርሱ ፍላጎታቸው መሆኑን የግብጽ ውጭ ጉዳይ ሚኒስቴር ባወጣው መግለጫ አሳእቋል።

ሶስቱን ሃገራት የማደራደር ሃላፊነቱን የተረከቡት የኮንጎ ዴሞክራቲክ ሪፐብሊክ ፕሬዚዳንት እና የወቅቱ የአፍሪካ ህብረት ሊቀመንበር ፍሌክስ ሺሴኬዲ «ሃገራቱ አንድ አልያም በርካታ የተስፋ በሮችን ይከፍቱ ዘንድ አዲስ ጅማሬ እንዲያሳዩ እጋብዛለሁ » ብለዋል።

በእሁዱ ውይይት ስለተነሱ ሀሳቦች ሆነ ስለተደረሰ ስምምነት የተባለ ምንም ነገር የለም።

የግብጹ ፕሬዚዳንት አብደልፈታህ አልሲሲ ባለፈው ሳምንት የግብጽ የውሃ ድርሻ ከተነካ «በቀጣናው አለመረጋጋት ሊያስከትል ይችላል።» ብለው ነበር።

ምንም እንኳ ግብጽ እና ሱዳን ሁለተኛው ዙር የውኃ ሙሌት እንዲራዘም ቢፈልጉም ኢትዮጵያ ሁለተኛውን ዙር የግድቡን ውኃ ሙሌት የፊታችን የክረምት ወራት የመሙላት ዕቅድ እንዳላት ቀደም ብላ አስታውቃለች።

ምንጭ፦ Reuters እና DW

@tikvahethiopia @tikvahethiopia

በአንድ ቀን 37 ሰዎች በኮቪድ-19 ሞቱ፥ አጠቃላይ የሟቾች ቁጥርም 3 ሺህ ደረሰ !

ባለፉት 24 ሰዓት 37 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 9,038 የላብራቶሪ ምርመራ 2,138 ሰዎች በቫይረሱ መያዛቸው ተረጋግጧል።

ትላንት 1,054 ሰዎች ከበሽታው አገግመዋል።

በአጠቃላይ 217,327 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,000 ሰዎች ህይወታቸው አልፏል፤ 163,022 ሰዎች አገግመዋል።

በአሁን ሰዓት 862 ሰዎች በፅኑ ታመዋል።

#Purpose
@tikvahethiopia @tikvahethiopiaBOT

የአሜሪካ የውጭ ጉዳይ ሚኒስትር አንቶኒ ብሊንከን ከሱዳን ጠ/ሚ ዶ/ር አብደላ ሃምዶክ ጋር በስልክ ተወያይተዋል ፤ በውይይታቸው ፦

- አሜሪካ በሲቪሉ ለሚመራው የሱዳን የሽግግር መንግስት ስለምታደርገው ድጋፍ ተወያተዋል (የሰላም ሂደቱን ስለማስቀጠል፤ ኢኮኖሚያዊ፣ ቀጠናዊ ጉዳዮች እንዲሁም የፖለቲካ ሪፎርም)

- በቅርቡ ከሱዳን ህዝብ ነፃነት ንቅናቄ - ሰሜን (SPLM-N) አል-ሂሉ ጋር የተደረገውን ስምምነት አንቶኒ ብሊንከን በደስታ ተቀብለዋል ፤ በመላ ሱዳን የዜጎችን ደህንነት ማረጋገጥ አስፈላጊ መሆኑን አስገንዝበዋል።

- በታላቁ የኢትዮጵያ ህዳሴ ግድብ ዙሪያ ስለሚደረገው ድርድር ተወያይተዋል።

- በሱዳን እና ኢትዮጵያ በድንበር (አልፋሽጋ አካባቢ) ያለውን ውጥረት ስለማርገብ አስፈላጊነትና ችግሩ በውይይት እንዲፈታ ተወያይተዋል።

በስቴት ዲፓርትመንት የወጣው መግለጫ ከላይ ተያይዟል።

@tikvahethiopia

ዶክተር ሚዘን ኪሮስ በጤና ሚኒስቴር የኮቪድ -19 ምላሽ ግብረ-ሃይሎች አስተባባሪ ለኢፕድ ከተናግሩት ፦

"...የአስክሬን ምርመራዎች ቢካሄዱ እና የምርመራ አቅሙ ቢያድግ አሁን እየተመዘገበ ካለው በላይ ሞት ሊመዘገብ ይችላል። በጤና ሚኒስቴር በኩል እየተደረገ ያለው ሪፖርት የችግሩን ትክክለኛ ስፋት የማያሳይ መሆኑን መገንዘብ ያስፈልጋል።

በዚህ አነስተኛ ሪፖርት እየተመዘገበ ያለው በበሽታው የሚያዙና የሚሞቱ ሰዎች ቁጥር የበሽታው ስርጭት ምን ያህል በከፍተኛ ደረጃ እየጨመረ መምጣቱን የሚጠቁም ነው።

ለበሽታው መቀነስ አስፈላጊ ናቸው ተብለው የሚታመኑ መሰረታዊ የመከላከያ መንገዶች ከጊዜ ወደ ጊዜ እየቀነሱ መምጣታቸው ለስርጭቱ መጨመር ትልቅ አስተዋፅኦ አበርክቷል።

ሰዎች መሰረታዊ የጥንቃቄ መንገዶችን ካልተከተሉ፣ ህግን የተከተሉ ጠንካራ እርምጃዎች ካልተወሰዱና የመንግስት ስብሰባዎች በውስን ቁጥር ካልተካሄዱ በቀጣይ በሽታው በከፍተኛ ደረጃ ዋጋ ሊያስከፍል ይችላል"

@tikvahethiopia

#ችሎት

ዐቃቤ ህግ በእነ ጃዋር መሀመድ ላይ በዝግ ችሎት ላሰማ ያለው የምስክር የአሰማም ሂደት ጥያቄ በፍርድ ቤት ውድቅ ተደረገ።

ዐቃቤ ህግ ባለፈው ቀጠሮው በምስክር ጥበቃ አዋጅ መሰረት ለምስክሮቼ ደህንነት ሲባል ከመጋረጃ በስተጀርባ እና በዝግ ችሎት ምስክሮቼን ላሰማ ሲል አቤቱታ አቅርቦ ነበር፡፡

ተከሳሾቹ የመከላከል መብታችንን የሚገድብ እና የዐቃቤ ህግ አቤቱታ ታማኝነት የለውም በማለት የዐቃቤ ህግ አቤቱታ ውድቅ እንዲደረግ አመልክተው ነበር።

የፌደራሉ ከፍተኛ ፍርድ ቤት ልደታ ምድብ አንደኛ የጸረ ሽብርና የህገ መንግስት ጉዳዮች ወንጀል ችሎት ጥያቄውን መርምሮ ውድቅ አድርጎታል፡፡

ችሎቱ በዛሬው እለት ተሰይሞ አቶ ጃዋር መሀመድን ጨምሮ ሁሉም ተጠርጣሪዎች በተገኙበት ጉዳያቸውን ተመልክቷል፡፡

በዚህም ዐቃቤ ሕግ ባለፈው ቀጠሮ በምስክር ጥበቃ አዋጅ 699/2003 አንቀጽ 4 /1 ሸ እና ቀ መሰረት ለ146 ምስክሮች ጥበቃ ተደርጓል ብሎ ከመጥቀስ በዘለለ ምስክሮች ላይ የሚደርሰውን ጉዳት በማስረጃ ያላስደገፈ በመሆኑ በቂ ምክንያት ሆኖ አላገኘሁትም ሲል ፍርድ ቤቱ ምስክሮቹ በግልጽ ችሎት ምስክርነታቸውን እንዲሰጡ ብይን ሰጥቷል።

ነገር ግን ተከሳሾቹ የምስክር ዝርዝር ይገለጽልን ብለው ያቀረቡት አቤቱታን በተመለከተ ግን ፍርድ ቤቱ የምስክር ዝርዝር ለምስክሮች ደህንነትና መብት ጥበቃ ሲባል የምስክሮች ማንነት እንዳይገለጽ ሲል ጥያቄውን ውድቅ አድርጎታል።

በዚህ መሰረት የምስክሮች ዝርዝር ሳይገለጽ ምስክርነታቸው በግልጽ ችሎት እንዲሰማ ሲል ፍርድ ቤቱ ብይን መስጠቱን ኤፍ ቢ ሲ ዘግቧል።

@tikvahethiopia @tikvahethiopiaBOT

የእነአቶ እስክንድር ነጋ የፍርድ ሂደት ፦

ዛሬ መጋቢት 28 ረፋድ በፌዴራል ጠቅላይ ፍርድ ቤት ሁለተኛ ወንጀል ችሎት ሊዳኝ የነበረው የእነ አቶ እስክንድር ነጋ ጉዳይ ከሦስቱ ዳኞች መካከል አንዱ ባለመገኘታቸው ለሚያዝያ 6 ቀን 2013 ዓ.ም. ተራዝሟል።

ይግባኝ ለማከራከር የተቀጠረው መዝገብ ሳይከፈት በቀጥታ ለቀጣዩ ችሎት ተዘዋውሯል።

የተከሳሽ ጠበቆች ዳኞች ከቀትር በኋላ ተሟልተው እንዲቀርቡ፣ ይህ ካልተቻለም ነገ እንዲቀርቡ፣ እነኝህን አማራጮች ማድረግ ካልተቻለ ግን ችሎቱ ተከሳሾችን በነፃ እንዲያሰናብታቸው ጠይቀዋል። ሆኖም ዳኞች ውድቅ አድርገውታል።

ባሉበት እስር ቤት ሆነው በፕላዝማ የቀረቡት እነ እስክንድር ነጋ በበኩላቸው ጉዳዩ ከ6ኛው ሀገራዊ ምርጫ ጋር የተያያዘ መሆኑን እና ላለፉት ዘጠኝ ወራት ያለ ውሳኔ በቀጠሮዎች እየተጉላሉ መሆኑን ጠቅሰው አፋጣኝ ምላሽ እንዲሰጣቸው ጠይቀዋል።

ስድስት ኪሎ በሚገኘው ጠቅላይ ፍርድ ቤት በአካል መቅረብ ሲገባቸው ችሎቱን በፕላዝማ እንዲከታተሉ መደረጉም ስህተት እንደሆነ ተናግረዋል። በቀጣዩ ችሎት ፖሊስ በአካል እንዲያቀርባቸው ጠይቀዋል።

አፋጣኝ ፍትሕ እንዲሰጣቸው ከወራት በፊት ለጠቅላይ ፍርድ ቤት ፕሬዚደንቷ በቀጥታ ደብዳቤ መፃፋቸውን አስታውሰዋል።

የባልደራስ ለእውነተኛ ዴሞክራሲ ፓርቲ (ባልደራስ) አመራሮች እስክንድር ነጋ፣ ስንታየሁ ቸኮል፣ አስቴር ስዩም እና አስካለ ደምሌ የፊታችን ሚያዝያ 11 ቀን 2013 ዓ.ም. በከፍተኛው ፍርድ ቤት ችሎት እንደሚቀርቡ ከባልደራስ ያገኘነው መረጃ ያሳስያል።

@tikvahethiopiaBOT @tikvahethiopia

የኦነግ ስራ አስፈፃሚ አባል አቶ አብዲ የፍርድ ሂደት ፦

አቶ አብዲ ረጋሳ ከተከሰሱበት ሶስት ክሶች 1 ውድቅ ሲደረግ በሌላኛው ፍርድ ቤት እየተመለከተው ነው።

ትላንት አቶ አብዲ የኦሮሚያ ጠቅላይ ፍ/ቤት ወንጀል ችሎት ቀርበው ነበር ፤ የመከላከያ ምስክሮችን ለማሰማት በተያዘው በዚሁ ቀጠሮ ምስክሮች ባለመገኘታቸው ፍርድ ቤቱ ተለዋጭ ቀጠሮ ሰጥቷል።

ጠበቃቸው ቱሊ ባይሳ የመከላከያ ምስክሮች ያልቀረቡበት ምክንያት አስረድተዋል ፦

- ኮሎኔል ገመቹ አያና በፌዴራል ማረሚያ ቤት የቂሊጦ ማረሚያ የኦሮሚያ ጠ/ፍርድ ቤት በፃፈው ደብዳቤ የደረሰን ትዕዛዝ የተፈረመው በዳኛ ሳይሆን በህግ ኦፊሰር ነው ስለዚህ በዚህ ትዕዛዝ እንደማያቀርብ በማሳወቁ ነው። ኮሎኔል ገመቹ የታሰሩት በፌዴራል ከፍተኛ ፍርድ ቤት ልደታ ምድብ ችሎት ስለሆነ ፍርድ ቤቱ ኮሎኔሉ ለኦሮሚያ ጠቅላይ ፍርድ ቤት ቀርበው የምስክርነት ቃላቸውን እንዲሰጡ መፍቀድ ነበረበት አይቀርብም የሚል ደብዳቤ ልካል።

- ሌላው ኦነግ ሊቀመንበር አቶ ዳውድ ኢብሳ ናቸው። የፍርድ ቤት ትዕዛዝ አውጥቶ የአቶ አብዲ ቤተሰቦች መጥሪያውን ይዘው ወደ አቶ ዳውድ ቤት ቢሄዱም የመንግስት ፀጥታ ኃይሎች አካባቢውን በመቆጣጠራቸው ወደ ቤት ገብተው መጥሪያ መስጠት እንዳይችሉ እንደተከለከሉ ቤተሰቦቻቸው ተናግረዋል።

አቶ አብዲ ረጋሳ ከታሰሩ ከ1 ዓመት በላይ ሲሆናቸው በተለያዩ የኦሮሚያ ክልል ፍርድ ቤቶች ሲቀርቡ ቆይተዋል።

3 ጊዜ የዋስትና መብት ተፈቅዶላቸው መዝገባቸውም ተዘግቶ ነበር።

More : https://telegra.ph/AtoAbdiRegassa-04-06

@tikvahethiopiaBOT @tikvahethiopia

በአፋር እና ሱማሊ ክልል መካከል ያለው ውጥረት ፦

የአፋር ክልል መንግስት ፦

- በክልሉ "ሀሩቃ" በተባለ ቦታ ባለፈው አርብ በተሰነዘረ ጥቃት በትንሹ 30 ሰዎች መገደላቸውን እና ከ50 በላይ የአካባቢው ነዋሪዎች መቁሰላቸውን የአፋር ክልል ፖሊስ ኮሚሽን አስታውቋል።

- በአርቡ ጥቃት ከተገደሉት ውስጥ ሴቶች እና ህጻናት ይገኙበታል።

- የሶማሌ ክልል ልዩ ኃይል አባላት በዚያኑ ዕለት ምሽት "ገዋኔ" በተባለ ቦታ በከፈቱት ተኩስ ሁለት የክልሉ መንግስት ሰራተኞች መገደላቸውን አሳውቋል።

- ጥቃት ሲፈጽም ነበር የተባለ አንድ የሶማሌ ክልል ልዩ ኃይል አባል “እጅ ከፍንጅ” ተይዟል፤ ግለሰቡ በአሁኑ ወቅት “በፖሊስ ቁጥጥር ስር” ይገኛል። የአካባቢው ህብረተሰብ በወሰደው የመከላከል እርምጃ ሌሎች የሶማሌ ክልል ልዩ ኃይል አባላት ተገድለዋል።

- መሰል ጥቃቶች ከዚህ ቀደምም በአካባቢው በተደጋጋሚ ይከሰቱ ነበር ፥ መንስኤው ከሶማሌ ክልል መንግስት የመሬት ይገባኛል ጥያቄ ጋር የተያያዘ ነው።

የሱማሊ ክልል መንግስት ፦

- አርብ መጋቢት 24 ቀን 2013 ዓ.ም ደአዋዲ እና ቀረፋ በተበሉ ቀበሌዎች ፤ ዛሬ መጋቢት 28 ጠዋት በደዋዲድ ፣ በገውረአን ፣ በቀላሌና በደንለሄላይ በሚባሉ 4 ቀበሌዎች በሚኖሩ ንፁሃን ነዋሪዎች ላይ የአፋር ክልል ልዩ ሀይል ግድያ፣ የአካል ጉዳትና የንብረት ውድመት ፈፅሟል ሲል ከሷል።

- አርብ መጋቢት 24 ቀን 2013 ዓ/ም ደአዋዲ እና ቀረፋ በተባሉ ቀበሌዎች በኑፁሃን ዜጎች ላይ በተፈፀመው ጥቃት ከ25 በላይ አርብቶ አደሮች ሲገደሉ ከ30 በላይ የሚሆኑ አርብቶ አደሮች ደግሞ የአካል ጉዳት ደርሶባቸዋል፤ ንብረትም ወድሟል ብሏል።

- ዛሬ መጋቢት 28 ቀን 2013 ዓ/ም ጠዋት የአፋር ክልል ልዩ ፖሊስ በአራት ቀበሌዎች በደዋዲድ፣ በገውረአን ፣ በቀላሌና በደንለሄ ላይ ስፊ ጥቃት በመፈፀም ለጊዜው ቁጥራቸው በውል ያልታወቀ በርካታ ንፁሀንን ገድለዋል ብሏል።

- ጉዳዩ ወደለየለት ግጭት ከማምራቱ በፊት የአፋር ብሄራዊ ክልል መንግስት ያስብበት ፤ የፌደራል መንግስት የመፍትሔው አካል ለመሆን እንዲሰራ ብሏል።

** እስካሁን ድረስ በሁለቱ ክልሎች መካከል ስላለው እና የሰዎችን ህይወት እየቀጠፈ ስላለው ግጭት በፌዴራል መንግስቱ በኩል ምንም የተባለ ነገር የለም።

ተጨማሪውን ያንብቡ👇
https://telegra.ph/Afar-Somali-04-06-2