የኢትዮጵያ ብሄራዊ ቡድን ሁለት ጎል አስቆጥሯል።

በባህር ዳር ዓለም አቀፍ ስታዲየም ለአፍሪካ ዋንጫ ማጣሪያ ከ #ማዳጋስካር አቻው ጋር እየተጫወተ የሚገኘው የሀገራችን ብሄራዊ ቡድን በኣማኑኤል ገ/ሚካኤል እና ጌታነህ አማካኝነት ሁለት ጎል ማስቆጠር ችሎ ጨዋታውን 2-0 በሆነ ውጤት እየመራ ነው።

ጨዋታውን ሂደት እና ውጤት በቲክቫህ ስፖርት በኩል መከታተል ትችላላችሁ @tikvahethsport

@tikvahethiopia

ኢትዮጵያ ሶስተኛ ጎል በአቡበክር ናስር አማካኝነት አገባች።

ለአፍሪካ ዋንጫ ማጣሪያ በባህር ዳር ዓለም አቀፍ ስታዲየም #የማዳጋስካር አቻውን እያስተናገደ የሚገኘው የኢትዮጵያ ብሄራዊ ቡድን በአቡበክር ናስር አማካኝነት 3ኛውን ጎል አግብቷል።

የመጀመሪያው የጨዋታው አጋማሽ በኢትዮጵያ የ3 ለ 0 መሪነት ተጠናቋል።

* ከላይ በቪድዮ የተያያዘው የጌታነህ ከበደ ሁለተኛ ጎል ነው።

More : @tikvahethsport

ተጠናቀቀ | ኢትዮጵያ 4 - 0 ማዳጋስካር

ኢትዮጵያ ከማዳጋስካር ጋር ያደረገችውን የአፍሪካ ዋንጫ ማጣሪያ ጨዋታ 4 ለ 0 በሆነ ሰፊ ውጤት አሸንፋለች። አራተኛው ጎል በሽመልስ በቀለ አማካኝነት የተገኘ ነው።

More : @tikvahethsport

አጫጭር የምርጫ 2013 መረጃዎች ፦

- ነገ መጋቢት 16/2013 ዓ/ም የ6ተኛው አጠቃላይ ምርጫ የመራጮች ምዝገባ ይጀምራል። የመራጮች ምዝገባ ነገ ጀምሮ የሚጠናቀቀው ሚያዚያ 15 ቀን 2013 ዓ/ም ነው። (እንደምርጫ ቦርድ የጊዜ ሰሌዳ)

- የብሄራዊ ምርጫ ቦርድ የመራጮች ምዝገባ የሚያገለግሉ ቁሳቁሶችን ከትላንት ጀምሮ ለምርጫ ክልሎች ማሰራጨት ጀምሯል፡፡ ቦርዱ ለአንድ ወር ለሚቆየው የመራጮች ምዝገባ ለ673 የምርጫ ክልሎችና 50 ሺህ የሚሆኑ የምርጫ ጣቢያዎች የሚሆኑ የምርጫ ቁሳቁሶችን ነው ማጓጓዝ የጀመረው።

- የኢትዮጵያ ብሔራዊ ምርጫ ቦርድ መጋቢት 14 ቀን 2013 ዓ.ም. ለመራጮች ምዝገባ ያለውን የቁሳቁስ ዝግጅት ለብዙኃን መገናኛ አካላት አስጎብኝቷል፤ በጉብኝቱ ወቅት የኮሚኒኬሽን ኃላፊዋ ወ/ሪት ሶሊያ ሽመልስ እንዲሁም የቦርዱ የሎጂስቲክ ድልድልና ሥርጭት ባለሙያ ማብራሪያ ሰጥተዋል።

- በአፋር ክልል 8 ቀበሌዎች ሊከፈቱ የነበሩ 30 የምርጫ ጣቢያዎች እንዳይቋቋሙ ምርጫ ቦርድ ዛሬ ውሳኔ አሳልፏል። በአካባቢው የሚኖሩ ዜጎች በአቅራቢያቸው ባለ ሌላ ቀበሌ መመዝገብ እና ድምጻቸውን መስጠት የሚችሉ መሆኑን አስታውቋል።

• በጋላእቶ/አዳይሌ
• በአዳይቱ/አዳይቱ
• በቴውኦ/አላሌ
• በጉርሙዳሊ/ዳንሌሄላይ
• በኡንዳፎኦ/ኡንዱፎ • በጋዳማይቱ/ጋርባኢሴ
• በአፍዓሶ/አፉአሴ
• በባላእቲ ጎና/መደኒ ቀበሌዎች ነው ሊከፈቱ የነበሩትን 30 የምርጫ ጣቢያዎች በአካባቢው እንዳይቋቋሙ የተወሰነው።

@Tikvahethiopia

#Attention

ይህ አጭር ቪድዮ የደብረ ወገገ አሰቦት ገዳም ሰደድ እሳትን የሚያሳይ ሲሆን ከምዕራብ ሐረርጌ ሀገረስብከት (EOTC TV) የተገኘ ነው።

ዛሬ ከሰዓት ላይ እንዳጋራናችሁ መረጃ እሳቱ በተለያየ አቅጣጫ እየተነሳ ለመቆጣጠር ፍፁም አስቸጋሪ ሆኗል ፤ በሰው ኃይል እሳቱን ማጥፋት ከባድ ስለሆነ ሌሎች አማራጮች እንዲፈለጉ ጥሪ ቀርቧል።

በሌላ በኩል ፦

በአንኮበር ወረዳ ወፍ ዋሻ ደን ላይ የተከሰተውን የእሳት አደጋ እስካሁን መቆጣጠር አልተቻለም።

ከጠዋቱ 12፡00 ጀምሮ በርካታ በጎ ፈቃደኛ የጎረቤላ ከተማ ወጣቶች ፣ የወረዳው መንግስት ሰራተኞችና እሳቱ በተከሰተበት አካባቢ ያሉ የዘጎ፣ የመሐልወንዝና የሐርአምባ ቀበሌ ነዋሪዎች ቦታው ድረስ በመሄድ እሳቱን ለማጥፋት የቆረጣ ስራና ልዩ ልዩ መንገዶች ሲጠቀሙ የነበሩ ቢሆንም እሳቱን ማጥፋት ከአቅም በላይ እንደሆነባቸው የአንኮበር ወረዳ አሳውቋል።

8 ሽህ 732 ነጥብ 28 ሄክታር ከሚሸፍነው ጠቅላላ ደን ውስጥ በአብዛኛው ማለትም 5 ሽህ 434 ነጥብ 78 ሄክታር (62.24%) በአንኮበር ወረዳ የሚገኘው የወፍ ዋሻ ጥብቅ ደን ከመጋቢት 13/2013 ዓ.ም እኩለ ቀን ጀምሮ በእሳት እየነደደ ይገኛል፡፡

@tikvahethiopia

የኤርትራ ጦር በአል ፋሽጋ ?

የተባበሩት መንግስታት ድርጅት (ተመድ) 'አል ፋሽጋ' አካባቢ የኤርትራ ወታደሮች ሰፍረዋል በማለት ሪፖርት አውጥቷል።

ይህ ቦታ ኢትዮጵያ እና ሱዳን በድንበር ጉዳይ የሚወዛገቡበት ነው።

የኤርትራ ጦር ሰፍረዋል የተባለው በአወዛጋቢው አል ፋሽጋ ልዩ ስሙ "ባርካት" በተባለ ቦታ እንደሆነ ነው የተገለፀው።

ብሉምበርግ በጉዳዩ ዙሪያ ከኤርትራ የኢንፎርሜሽን ሚኒስትር የማነ ገ/መስቀል ምላሽ ለማግኘት ስልክ ቢመታላቸውም ስልካቸው እንዳልተነሳለት አሳውቋል።

የተመድ ሪፖርት የወጣው ጠ/ሚ ዶ/ር አብይ የኤርትራ ጦር ድንበር ተሻግሮ ወደ ኢትዮጵያ መግባቱን ለመጀመሪያ ጊዜ ካመኑ በኃላ ነው።

ትላንት ዶ/ር አብይ በፓርላማ በሰጡት ማብራሪያ ፥ ኢትዮጵያ ከሱዳን ጋር ወደ ጦርነት መግባት እንደማትፈልግ ገልፀዋል።

ጠ/ሚ ዶ/ር አብይ ፥ "ሱዳን አሁን ባለችበት ሁኔታ ከጎረቤት ሀገር ጋር ለመዋጋት የሚያስችል ነገር ላይ አይደለም ያለችው በጣም ብዙ ችግር አለባት ፤ ኢትዮጵያም አሁን ባለችበት ሁኔታ ከሱዳን ጋር ለመዋጋት ብዙ ችግር አለባት ፤ ለሁለታችንም አይስፈልገንም በሰላም በንግግር መፍታት ነው የሚሻለው" ሲሉ ነው ለህዝብ ተወካዮች ምክር ቤት አባላት የተናግሩት።

የብሉምበርግ ዘጋባ : https://www.bloomberg.com/news/articles/2021-03-24/eritrea-forces-deployed-in-disputed-sudan-ethiopia-area-un-says

@tikvahethiopia @tikvahethiopiaBOT

#እጅግ_ከፍተኛ_ጥንቃቄ

ኢትዮጵያ ውስጥ የኮቪድ-19 ፅኑ ታማሚዎች 752 ደርሰዋል።

የኮቪድ - 19 ወረርሽኝ ኢትዮጵያ ከገባ ጊዜ አንስቶ ይህን ያህል የፅኑ ታማሚ ቁጥር አልተመዘገበም።

ባለፉት 24 ሰዓታት የ25 ሰዎች ህይወት ማለፉን ከጤና ሚኒስቴር የሕክምና አገልግሎት ዳይሬክተር ከሆኑት አቶ ያዕቆብ ሰማን (MoH) ያገኘነው መረጃ ያሳያል።

በተጨማሪ ከተደረገው 7,659 የላብራቶሪ ምርመራ 1,981 ሰዎች በቫይረሱ መያዛቸው ተረጋግጧል። ትላንት 1,052 ሰዎች ከበሽታው አገግመዋል።

ሁኔታው #አስከፊ ወደሆነ ደረጃ እየተሸጋጋረ ስለሆነ በምትችሉት አቅም ሁሉ እራሳችሁንና ቤተሰቦቻችን ከወረርሽኙ ጠብቁ እንላለን።

@tikvahethiopia

"...አፋጣኝ ፍትሕ ስጡን እና ከእስር ቤት ወጥተን ለምርጫው አስተዋፅኦ ማድረግ እንፈልጋለን" - አቶ እስክንድር ነጋ

የባልደራስ ለእውነተኛ ዴሞክራሲ ፓርቲ (ባልደራስ) አመራሮች እስክንድር ነጋ፣ ስንታየሁ ቸኮል ፣ አስቴር ስዩም እና አስካለ ደምሌ ትላንት የከፍተኛ ፍርድ ቤት ችሎት ቀርበው ነበር።

ፍርድ ቤቱ ብይን መስጠት የሚችለው የጠቅላይ ፍርድ ቤቱን ውሳኔ ካወቀ በኋላ እንደሆነ በመጥቀስ ለሚያዝያ 11 ቀን 2013 ዓ.ም. ተለዋጭ ቀጠሮ ሰጥቷል።

አቶ እስክንድር ነጋ ፥ "አሁንም እድሎች ሙሉ በሙሉ አላለፉም፤ አፋጣኝ ፍትሕ ስጡን እና ከእስር ቤት ወጥተን ለምርጫው አስተዋፅኦ ማድረግ እንፈልጋለን" ሲሉ ጠይቀዋል።

የከፍተኛው ፍርድ ቤት ዳኞች በበኩላቸው ጠቅላይ ፍርድ ቤቱ አፋጣኝ ምላሽ ከሰጠ እነርሱም ፈጣን ብይን እንደሚሰጡ ገልፀዋል።

አቶ ስንታየሁ ቸኮል ወቅቱ ዐብይ ፆም የሚጾምበት መሆኑን ጠቅሰው የምልኮ ስፍራ ወዳለበት የእስር ቤቱ ክፍል (ዞን) አራቱንም የህሊና እስረኞች እስር ቤቱ እንዲያዘዋውራቸው ጠይቀዋል። ይህ ካልሆነ በያሉበት የአምልኮ ስፍራ እንዲሰጣቸው ፍርድ ቤቱ ወህኒ ቤቱን ያዝዝ ዘንድ አሳስበዋል።

ወይዘሮ አስቴር ስዩም በበኩላቸው "የመደመር መንገድ የተባለው የጠቅላይ ሚንስትሩ መፅሐፍ እስር ቤት ውስጥ እየገባ ነው፤'ሀገር ስታምጥ' የተሰኘውን የእኔን መፅሐፍ ግን ማስገባት አልቻልኩም። ተከልክያለሁ። ለምን?" ሲሉ ጠይቀዋል።

ተጨማሪ ያንብቡ👇
https://telegra.ph/Balderas-Party-03-25

የሴናተር ክሪስ ኩንስ የኢትዮጵያ ቆይታ ማብራሪያ ፦

By : Al Ain News Agency

ከአሜሪካ ፕሬዚደንት ጆ ባይደን ወደ ኢትዮጵያ ተልከው ፣ በኢትዮጵያ የነበሩት ሴናተር ክሪስ ኩንስ የኢትዮጵያ ቆይታቸው ስኬታማ እንደነበር ገልጸዋል፡፡

ሴናተር ኩንስ ወደአሜሪካ ከተመለሱ በኋላ ከአሜሪካ ሴኔት የውጭ ግንኙነት ኮሚቴ ጋር በነበራቸው ስብሰባ ላይ ፣ በኢትዮጵያ ቆይታቸው ከጠ/ሚ ዐቢይ አሕመድ እና ከሌሎች የኢትዮጵያ ከፍተኛ ባለስልጣናት እንዲሁም የዓለማቀፍ ድርጅቶች ኃላፊዎች ጋር መወያየታቸውን ተናግረዋል፡፡

ሴኔቱ ኢትዮጵያን በተመለከተ በሚያሳልፈው ውሳኔ ላይ ለውጥ ለማድረግ የሚያስችል ሀሳብ እንዲሰጡ በውጭ ግንኙነት ኮሚቴው እንደተፈቀደላቸው ጠቅሰው ለዚህም ምስጋና አቅርበዋል፡፡

ጠ/ሚ ዐቢይ አሕመድ በትግራይ ክልል ለተፈጸሙ የሰብዓዊ መብት ጥሰቶች የሚመለከታቸው አካላት ተጠያቂ እንደሚሆኑ መግለጻቸው ፣ በኢትዮጵያ ግዛት የኤርትራ ወታደሮች ስለመኖራቸው በይፋ መናገራቸውን ሴናተር ኩንስ በስብሰባው ላይ በአዎንታዊነት ጠቅሰዋል፡፡

ከሱዳን ጋር ላለው የድንበር ውዝግብ ዕልባት ለማምጣት እንዲሁም የታላቁን የኢትዮጵያ ሕዳሴ ግድብ አለመግባባት ለመፍታት የኢትዮጵያን ዝግጁነትም በአዎንታዊነት ነው ሴናተሩ ያነሱት፡፡

ይሁንና “አሁንም መፈታት ያለባቸው ጉዳዮች አሉ” ያሉት ሴናተሩ እነዚህም “የተሟላ የሰብዓዊ ድጋፍ ተደራሽነት፣ ግጭት ማቆም እና ነጻ፣ ፍትሀዊ ምርጫ የማድረግ ሽግግር” መሆናቸውን ጠቅሰዋል፡፡ በነዚህ ጉዳዮች ላይ ከሴኔቱ ኮሚቴ ጋር በጋራ እንደሚሰሩና የተሻለ ለውጥ ማምጣት እንደሚቻል ያላቸውን ተስፋም ገልጸዋል፡፡

@tikvahethiopiaBot @tikvahethiopia

አጭር መረጃ ስለተሻሻለው የንግድ ህግ ፦

By : Haileyesus Seyume

ላለፉት 62 ዓመታት ያህል በስራ ላይ የነበረው የንግድ ህግ ዛሬ በህዝብ ተወካዮች ምክር ቤት ተሻሽለ ፀድቋል።

- የህዝብ ተወካዮች ምክር ቤት ከሌሎች አዋጆች በተለየ እስከ 3 ወር ጊዜ ተወስዶ ተወያይቶ ነው ዛሬ ያፀደቀው

- 825 አንቀፆች ማሻሻያ ተደርጎባቸዋል፤

- የተሻሻለው አዋጅ ወቅቱን እና ቴክኖሎጂን ታሳቢ ያደረገ ነው ፤ ኢትዮጵያ የዓለም ንግድ ተሳፍቶ ለምታደርገው ጥረት የሚያቀል ነው።

- ማንኛውም ሰው ወደ ንግድ ስርዓት ለመግባት ይቸገርበት የነበረውን ረጅም አሰራር የሚያሳጥር ነው።

- የተሻሻለው ህግ የሚመለከተው የንግድ ስራን ብቻ ሲሆን የባንክ እና ሂሳብ ጉዳይ የሚመለከተው ከነበረው የንግድ አወጅ እንዲወጣ ተደርጎ ለብቻው እንዲታይ ተደርጓል።

- ማንኛውም ግለሰብ እና ድርጅት ባለው ካፒታል በንግድ ስርዓቱ ውስጥ ለመሳተፍ በፈለገበት ወቅት ሃሳቡን አቅርቦ በፈለገው ሞያ ላይ መሳተፍ ይችላል፤ ነገር በህግ የተከለከሉትን አይመለከትም።

- ማኛውም ሁለት እና ከዚያ በላይ የሆኑ ሰዎች በህብረት ስራ ማህበራት መስርተው በንግድ ላይ መሳተፍ ይችሉ ነበር ነገር ግን በግለሰብ ደረጃ ማህበር መመስረት አይቻልም ይህ እንዲቀር ተደርጎ ማንኛውም ግለሰብ ብቻውን ሆኖ የንግድ ህብረት ስራ ማህበር መስርቶ በንግድ ውስጥ እንዲንቀሳቀስ መብት ይሰጣል።

- የውጭ ባለሃብቶች በሀገር ውስጥ በተለያዩ የስራ መስኮች እንዲሰማሩ የሚያመቻችበት ምቹ ሁኔታ ፈጥሯል።

- ከዚህ ቀደም ትናንሽ የሚባሉ ስራዎች (1ና 2 ሰው ተሳትፎ የሚሰራባቸው) በንግድ ስርዓት ውስጥ እንዲየልፉ ይገደዳሉ በዚህም ከትንሽ ተነስተው ወደ ትልቅ ደረጃ ለመድረስ የሚየስቡ ነጋዴዎች በስርዓቱ ምክንያት ከስራው ሲወጡ ነበር ይህን ለመቅረፍ በአዲሱ አዋጅ ትናንሽ ስራዎች ነጋዴ ተብለው እንዳይመዘገቡ እና ያለ ንግድ ፍቃድ ስራቸውን እንዲሰሩ የሚፈቅድ ነው ፤ በአዋጁ ላይ አንድ ወይም ሁለት ብሎ በቁጥር ተቀምጧል።
ለምሳሌ ፦
- እርሻ እና ከብት ማርባት
- የደን ልማት
- የእደጥበብ ስራዎችም በነጋዴ የሚለው ውስጥ እንዳይካተቱ ተደርገዋል።

ነገር ግን ካፒታል ያላቸው ወይም ተጨማሪ ስራቸውን ለመስራት የሚያስችል ከሆነ በዚህ ውስጥ አይስተናገዱም ፥ ካፒታላቸው ምን ያህል ነው የሚለው በቀጣይ በሚወጣ ዝርዝር የህግ አዋጅ የሚካተት ነው።

- ዛሬ ተሻሽሎ የፀደቀው አዋጅ ለ30 ዓመታት ስራ ላይ ይውላል ተብሎ የሚጠበቅ አዋጅ ነው።

@tikvahethiopiaBot @tikvahethiopia