በእንሳሮ ወረዳ በ2.2 ቢሊዮን ዶላር ኢንዱስትሪ ሊገነባ ነው !

በአማራ ክልል ሰሜን ሸዋ ዞን እሳሮ ወረዳ ዲረሙ ቀበሌ ሰሊላ ተብሎ በሚጠራው አካባቢ በ2.2 ቢሊዮን የአሜሪካን ዶላር የብሄራዊ ሲሚንቶ አክሲዎን ማህበር ለሚ የግንባታ ቁሳቁስ ኢንዱስትሪ ሊገነባ መሆኑ ተሰማ።

ዛሬ ለዚህ ግዙፍ ግንባታ የመሰረት ድንጋይ ይጣላል ተብሎ እየተጠበቀ ነው።

አጭር መረጃ ስለ እንሳሮ ፦

- እንሳሮ በአማራ ክልል ሰሜን ሸዋ ዞን ውስጥ ካሉት 23 ወረዳዎች እና 4 ከተማ አስተዳደሮች መካከል አንደኛ ዋ ወረዳ ስትሆን ለሚ የወረዳዋ ዋና ከተማ ናት፡፡

- ከአዲስ አበባ 130 ከ.ሜ፣ ከባህር ዳር 513 ኪ.ሜ ከደብረ ብርሃን ደግሞ 83 ኪ.ሜትር ርቀት ላይ ትገኛለች።

- እንሳሮን ከምስራቅ የሲያደብርና ዋዩ ወረዳ፣ ከሰሜን የሞረትና ጅሩ እንዲሁም የመርሃቤቴ ወረዳ፣ ከምዕራብ ኦሮሚያ ክልል ግራር ጃርሶ ወረዳ፣ ከደቡብ ኦሮሚያ ክልል ውጫሌ ወረዳ ያዋስናታል፡፡

- ወረዳዋ በ13 የገጠር ቀበሌዎችና በ1 የከተማ ቀበሌ አስተዳደር የተከፋፈለች ናት፡፡

- ከ75 ሺህ በላይ ህዝብ የሚኖርባት እንሳሮ 41 ሺህ 27 ሄክታር ያህል የቆዳ ስፍት አላት፡፡

- አየር ንብረቷ 46 በመቶ ቆላ፣ 33 በመቶ ወይና ደጋ እንዲሁም 21 በመቶ ደጋ የሚሸፍን ሲሆን ለኑሮ እጅግ ተስማሚ የሆነ አየር ያላት ናት፡፡

- የህዝቦቿ ዋነኛ መተዳደሪያ ግብርና ነው፡ ከአጠቃላይ የቆዳ ስፋቷ 21,465 ሄክታር መሬት ያህሉ ለእርሻ የዋለ ነው፡፡

ምንጭ : እንሳሮ ወረዳ ኮሚኒኬሽን
@tikvahethiopiaBot @tikvahethiopia

የቦሎ ክፍያ በንግድ ባንክ በኩል ሊፈፀም ነው፡፡

ዛሬ የኢትዮጵያ ንግድ ባንክ ዓመታዊ የተሸከርካሪ ፈቃድ ማደሻ ክፍያ ለመሰብሰብ ከመንገድ ፈንድ ጽህፈት ቤት ጋር ስምምነት አድርጓል፡፡

ስምምነቱ በኢትዮጵያ የሚገኙ ከ1.2 ሚሊዮን በላይ ተሸከርካሪዎች ባለቤቶችን የዘመናዊ ክፍያ አሠራር ተጠቃሚ ያደርጋል ተብሏል፡፡

የክፍያ አገልግሎቱን በባንኩ ቅርንጫፎች ፣ በፖስታ ቤት በሚገኙ የፖስ (POS) ማሽኖች እንዲሁም በኢንተርኔት የባንክ አገልግሎት በኩል በፍጥነት ያለእንግልት ማግኘት እንደሚቻል ተገልጿል።

ምንጭ፦ የኢትዮጵያ ንግድ ባንክ
@tikvahethiopiaBot @tikvahethiopia

#NationalExam

በአ/አ ከተማ የ12ኛ ክፍል ፈተና ያለ ምንም እንከን እንዲካሄድ ሁሉም ባለድርሻ አካል ኃላፊነቱን እንዲወጣ ተጠየቀ።

ዛሬ የአዲስ አበባ ትምህርት ቢሮ የመማር ማስተማር ሂደቱ ሰላማዊ በሆነ መንገድ መቀጠል በሚችልበት ጉዳዮች ዙሪያ ከሁሉም ትምህርት ቤቶች ከተውጣጡ ርዕሳነ መምህራንና ሱፐር ቫይዘሮች ጋር ውይይት አካሂዷል።

የአዲስ አበባ ትምህርት ቢሮ ምክትል ቢሮ ኃላፊ አቶ ዳኜ ገብሩ ርዕሰ መምህራን በየትምህርት ቤቱ የሰላም እና ጸጥታ ጉዳዮችን በበላይነት መከታተል እና ከጸጥታ አካላት ጋር በጋራ መስራት ይገባቸዋል ብለዋል።

ከዚሁ ጋር በተገናኘ ከከተማ ጀምሮ እስከ ትምህርት ቤት ድረስ የሰላምና ጸጥታ ጉዳዮችን የሚከታተል የአብይ እና ቴክኒክ ኮሚቴ እንደሚዋቀር አሳውቀዋል።

ፈተናው በሰላም እንዲጠናቀ ሁሉን ኃላፊነቱን ይወጣ ተብሏል።

በሌላ በኩል ስድስተኛው ሀገራዊ ምርጫን ተከትሎ በየትምህርት ቤቱ የጸጥታ ችግር እንዳይከሰት ከወዲሁ መስራት እንደሚገባ ተጠቁሟል።

መረጃው ከአዲስ አበባ ትምህርት ቢሮ የተገኘው ነው።

@tikvahethiopiaBot @tikvahethiopia

#EthiopiaElection2013

"...የእጩ ተወዳዳሪዬ ቤት በጥይት ተደብድቧል" - የመላው ኢትዮጵያ አንድነት ድርጅት

የብሄራዊ ምርጫ ቦርድ ጊዜ ሰሌዳ እንደሚያሳየው ዛሬ የእጩዎች ምዝገባ ተጠናቋል።

መኢአድ በዘንድሮው ምርጫ በፌዴራል ደረጃ መንግስት ለመስረት በሚስችል የምክር ቤት ወንበር ቁጥር እንደሚወዳደር እና እጩዎችንም በዚህ ደረጃ ማስመዝገቡን አሳውቋል።

መኢአድ በእጩ ማስመዝገብ ሂደቱ በጎንደር የአንድ እጩ ተወዳዳሪው ቤት በጥይት መደብደቡ የገጠመው ከፍተኛው ችግር እንደሆነ ገልጿል።

በሌላ በኩል ቤኒሻንጉል ጉሙዝ ክልል አሶሳ ላይ እጩ ተወዳዳሪው ማስፈራሪያና ዛቻ እንደደረሰበት አሳውቋል።

ምንም እንኳን ችግሮች ቢኖሩም ሂደቱ ጥሩ የሚባል እንደነበር ገልጿል።

ብሄራዊ ምርጫ ቦርድ ትናንት እንዳስታወቀዉ እስከ ትናንት ድረስ በምርጫዉ ለመወዳደር ምልክት ከፀደቀላቸው 53 የፖለቲካ ድርጅቶች ዕጩ ያስመዘገቡት 15ቱ ብቻ ናቸው።

መረጃው የጀርመን ድምፅ ሬድዮ ጣቢያ ነው።

@tikvahethiopiaBot @tikvahethiopia