በሀገራችን ኢትዮጵያ በኮቪድ-19 የተያዙ አጠቃላይ ሰዎች ቁጥር ከ160 ሺህ አለፈ !

ባለፉት 24 ሰዓት 6,030 የላብራቶሪ ምርመራ ተደርጎ 841 ሰዎች ላይ ቫይረሱ ተገኝቷል።

በተመሳሳይ ባለፉት 24 ሰዓት ውስጥ የ13 ሰዎች ሞት ሲመዘገብ 902 አገግመዋል።

በአጠቃላይ በሀገራችን 160,813 ሰዎች ቫይረሱ የተገኘባቸው ሲሆን ከነዚህ መካከል 2,386ቱ ህይወታቸው አልፏል ፤ 136,079 ከበሽታው አገግመዋል።

በአሁን ሰዓት 366 ሰዎች በፅኑ ታመዋል።

#Purpose #Tikvah
@tikvahethiopiaBot @tikvahethiopia

የኦጋዴን ብሄራዊ ነፃ አውጪ ግንባር (ኦብነግ) በምርጫ 2013 እንደሚሳተፍ አስታወቀ !

የኦጋዴን ብሄራዊ ነፃ አውጪ ግንባር (ኦብነግ) በመጪው 6ኛው ሀገራዊ ምርጫ እንደሚሳተፍ አስታውቋል።

በቅርቡ በተወሰኑ የኦብነግ ስራ አስፈፃሚ ኮሚቴ አባላት የፓርቲው ግዜያዊ ሊቀመንበር ሆነው የተመረጡት አቶ ረያሌ ሃሙድ ፥ ኦብነግን የሚወክሉ እጩ አባላት መረጣ በመጠናቀቅ ላይ እንደሆነ ገልፀው በቅርብ ቀን በመላው ክልሉ የፖለቲካ ማኒፌስቶና የምረጡኝ ቅስቀሳ ፓርቲው እንደሚጀምር ለሶማሊ ክልል ቴሌቪዥን ገልፀዋል።

አክለው ህዝቡ ለወደፊት የሚሰጠውን ድምፅ ኦብነግ ይተማመንበታል ብለው ፤ 6ኛው ሀገራዊ ምርጫ በጦር ካምፖች ውስጥ ይካሄዱ የነበሩት ምርጫዎች እንደሚለይ እምነታችን ነው ብለዋል።

በሌላ በኩል አቶ ረያሌ በሶማሊ ክልል እየታየ ያለውን የድርቅ ስጋት የፌዴራልና የክልሉ መንግሥት እንዲሁም አለም አቀፉ ማህበረሰብ ለድርቅ ስጋቱ አፋጣኝ መልስ እንዲሰጡ ጥሪ ማቅረባቸውን የሶማሊ ክልል ቴሌቪዥን ዘግቧል።

@tikvahethiopiaBot @tikvahethiopia

አንቶኒ ብሊንከን ከኢትዮጵያ ጠቅላይ ሚኒስትር ጋር እንደተወያዩ ተገለፀ።

የአሜሪካው የውጭ ጉዳይ ሚኒስትር አንቶኒ ብሊንከን ከጠቅላይ ሚኒስትር ዐብይ አህመድ ጋር መወያየታቸውን የአሜሪካ የውጭ ጉዳይ መስሪያ ቤት ዛሬ አስታውቋል።

የውጭ ጉዳይ ኃላፊው በውይይቱ ወቅት በትግራይ ክልል ያለው የሰብአዊ እርዳናታና የሰብአዊ መብቶች ቀውስ አሜሪካንን እንደሚያሳስባት አጽንኦት ሰጥተው ከጠቅላይ ሚኒስተሩ ጋር መነጋገራቸው ተገልጿል።

የውጭ ጉዳይ ሚኒስትሩ በአስቸኳይ ግጭቶች ቆመው የኤርትራ ወታደሮች እና የአማራ ክልል የጸጥታ ኃይሎችን ጨምሮ ከትግራይ ክልል እንዲወጡ አጥብቀው መጠየቃቸው ተገልጿል።

አንቶኒ ብሊንከን ከጠቅላይ ሚኒስትር ዐብይ ጋር ባደረጉት ውይይት በቅርቡ ኢትዮጵያ ወደ ትግራይ የሚደረጉ የሰብአዊ እርዳታ አቅርቦቶች ያለምንም ገደብ እንዲካሄዱ መፍቀዷን አድንቀዋል።

በተጨማሪ አሜሪካ ግጭቱ መፍትሔ እንዲያገኝ ለመርዳት ዝግጁ መሆኗንና በመላው ኢትዮጵያ የሚያስፈልግ ህይወት አድን የሰብአዊ እርዳታን በማቅረብ በኩል ያላትን ፈቃደኝነት ገልጸዋል።

የአሜሪካው የውጭ ጉዳይ ሚኒስተር አንቴኒ ብሊንከን እና ጠ/ሚር ዶክተር አብይ አህመድ አደረጉት ስለተባለው ንግግር በተመለከተ በኢትዮጵያ በኩል እስካሁን የተባለ ነገር የለም።

(ተጨማሪ በInstant View ያንብቡ)

https://telegra.ph/Secretary-Antony-Blinken-03-02

* Tigray

እድሜዋ ገና 18 ነው ፤ ስሟ ሞናሊዝ አብርሃ ይባላል።

የኤርትራ ወታደሮች ናቸው ካለቻቸው ሰዎች ጋር የገጠማትን ነገር ተናግራለች።

"የኤርትራ ወታደሮች ገብተው አያቴ ባለበት ሊደፍሩኝ ሞከሩ። ከአያቴ ጋርም ትግል ጀመሩ። ... እሱም እንቢ ብሎ በተከላከለበት ሰዓት መጥተው እኔን ሊደፍሩኝ ሞከሩ። አንዱ ወታደር እኔን ለማስደንገጥ ጥይት ተኮሰ ፤ ነገር ግን እጄን ነበር የመታኝ። ከዛም በኃላ ሌላ ጥይት ተኩሶ እግሬን አቆሠለኝ። ይህ ከሆነ በኃላ በወደኩበት ብዙ ደም ከፈሰሰኝ በኃላ ሰዎች መጥተው አዳኑኝ ፤ ሆስፒታልም መጥቼ እጄ ተቆርጧል።"

የሞናሊዛ ታሪክ ከተከሰቱት ክስተቶች መካከል አንዱ እንጂ ብዙዎች አሉ።

[Al Jazeera Tigray]
@tikvahethiopia @tikvahethiopiaBOT

#EthiopiaElection2013

አብን በተለያዩ አካባቢዎች የምርጫ ቅስቀሳ ማደረጉን ገለፀ።

የአማራ ብሔራዊ ንቅናቄ (አብን) ለምርጫ 2013 የሚያደርገውን ዝግጅት አጠናክሮ መቀጠሉን ገልጿል።

አብን በም/ጎጃም ዞን ጎንቻ ሲሶ እነሴ ወረዳ ግንደወይን ከተማ እና በማቻከል ወረዳ ደጋሰኝና ደብረቀለም ታዳጊ ከተሞች ፣ እና በደቡብ ወሎ ዞን አማራ ሳይንት «ታሪክ እየጠበቅን ታሪክ ለመስራት ድምጻችንን ለአብን እንስጥ!» በሚል መሪ ቃል የካቲት 22 እና 23 ቀን 2013 ዓ.ም ይፋዊ የምርጫ ቅስቀሳ እንዳካሄደ አሳውቋል።

አብን ከየካቲት 14/2013 ዓ.ም ጀምሮ በተለያዩ አካባቢዎች ይፋዊ የምርጫ ቅስቀሳ በማካሄድ ላይ ይገኛል።

@tikvahethiopiaBot @tikvahethiopia

የግብፁ ፕሬዜዳንት አል ሲ ሲ ሱዳንን ሊጎበኙ ነው።

የሱዳን ውጭ ጉዳይ ሚኒስትር ማርየም ሳዲቅ ኣልመሃዲ የግብፁ ፕሬዜዳንት አብዱል ፈታህ አል ሲ ሲ ከከፍተኛ የሀገሪቱ ልዕካን ጋር በመጪዎቹ ቀናት ሱዳንን እንደሚጎበኙ አሳውቀዋል።

በጉብኝቱ አል ሲ ሲ ከአብድል ፈታህ አልቡርሃን ጋርም ይመክራሉ ተብሏል።

ምክክር የሚያደርጉትም ስለሁለቱ ሀገራት ግንኙነት ፣ ስለ አካባቢ እና አለም አቀፋዊ ጉዳዮች እንደሆነ ተሰምቷል።

አብዱል ፈታህ አል ሲ ሲ በመጭው ቅዳሜ ነው ሱዳንን ይጎበኛሉ የተባለው።

በትላንትናው ዕለት የሁለቱ ሀገራት የውጭ ጉዳይ ሚኒስትሮች ግብፅ ካይሮ ላይ በህዳሴ ግድብ ድርድር ላይ ያላቸውን አቋም መግለፃቸው ፤ ካርቱም ላይ ደግሞ በጦር ኢታማዦር ሹሞቻቸው ወታደራዊ ስምምነት ማድረጋቸው ይታወቃል።

@tikvahethiopia

በኢራቅ ወታደራዊ ቤዝ ላይ የሮኬት ጥቃት ተፈፀመ።

በኢራቅ አል አንባር ግዛት በሚገኘው አይን አል አሳድ ኤር ቤዝ የሮኬት ጥቃት እንደተፈፀመበት ተሰማ።

ይህ የወታደሮች ቤዝ የኢራቅ እና የአሜሪካ ወታደሮች በጥምረት የሚገኙበት ነው።

አሁን በወጣው የመጀመሪያ ደረጃ ሪፖርት አይን አል አሳድ ቤዝ በ10 ሮኬቶች ጥቃት እንደተፈፀመት ተገልጿል።

የአሜሪካ ጦርም ስለጥቃቱ ማረጋገጫ የሰጠ ሲሆን የኢራቅ የደህንነት ሰዎች ምርመራ እያደረጉ ነው ብሏል።

የኢራቅ ጦር ዘግየት ብሎ ባወጣው መግለጫ ጥቃቱ የከፋ ጉዳት እንዳላደረሰ ገልጿል።

@tikvahethiopiaBot @tikvahethiopia

የውጭ ጉዳይ ሚኒስቴር ሳምንታዊ መግለጫ ፦

የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ዛሬ ሳምንታዊ መግለጫ ሰጥተዋል።

በመግለጫቸው ላይ ከዚህ ቀደም በፍቃድ ይገቡ የነበሩ በትግራይ ሰብአዊ ድጋፍ የሚሰጡ ዓለም አቀፍ ረጅ ተቋማት አሁን ላይ በማሳወቅ ብቻ እየገቡ መሆኑን ገልጸዋል።

ከሰብአዊ ድጋፍ አቅርቦት ጋር ተያይዞ መንግስት 70 በመቶውን ማቅረቡን አስረድተዋል።

በትግራይ ክልል የሚነሳውን የሰብአዊ መብት ጥሰት በተመለከተ የማጣራት ስራ እየተሰራ መሆኑንም አሳውቀዋል።

ከዚህ ጋር ተያይዞ የህግ ጥሰት ፈፅመዋል የተባሉ አካላትን ለህግ ለማቅረብ እየተሰራ ስለመሆኑም መግለጫቸውን ኤፍቢሲ (FBC) በድረገፁ አስነብቧል።

@tikvahethiopiaBot @tikvahethiopia

#Election2013

የአማራ ክልል ፕሬዜዳንት አቶ አገኘሁ ተሻገር የጎንደር ከተማ ሕዝብን ወክለው ለክልል ምክር ቤት ለመወዳደር በእጩነት ተመዘገቡ።

ፕሬዜዳንቱ የብልፅግና ፓርቲን ወክለው ነው በጎንደር ከተማ በሚገኘው ምርጫ ክልል 2 ነው በእጩነት የተመዘገቡት።

አቶ አገኘው ተሻገር በምዝገባው ወቅት የምርጫ ክልሉ ሠራተኞች በአግባቡ እንዳስተናገዷቸው ተናግረዋል።

አቶ አገኘሁ ቀጣዩ ምርጫ ዲሞክራሲያዊ እንዲሆን አንድም እንደ መንግሥት ሁለትም እንደ ፓርቲ ኀላፊነታቸውን እየተወጡ እንደሚገኙ ገልፀዋል።

የጎንደር ከተማ ምርጫ ክልል 2 ሥራ አስፈፃሚ አቶ ሰለሞን ካሳይ እስካሁን በምርጫ ክልሉ የተመዘገቡ እጩ አቶ አገኘሁ መሆናቸውን በመጠቆም ሌሎች 3 እጩዎች በቀሪ ቀናት እንዲመዘገቡ ጥሪ ማቅረባቸውን አብመድ ዘግቧል።

@tikvahethiopiaBot @tikvahethiopia

ጋዜጠኛ ግርማይ ገብሩ ከእስር ተፈታ።

መቐለ ውሰጥ በወታደሮች በቁጥጥር ሥር ውሎ የነበረው የቢቢሲ ሪፖርተር ግርማይ ገብሩ ዛሬ ከእስር ተለቀቀ።

ጋዜጠኛ ግርማይ ከእስር የተለቀቀው ለሁለት ቀናት በእስር ከቆየ በኋላ ምንም አይነት ክስ ሳይመሰረትበት ነው።

ጋዜጠኛዬ በምን ምክያት እንደታሰረ መረጃ የለኝም ብሏል ቢቢሲ።

ግርማይ ከተያዘ በኋላ መጀመሪያ ላይ በወታደራዊ ካምፕ ውስጥ የቆ ሲሆን በኋላ ላይ ወደ ፖሊስ ጣቢያ ተዘዋውሮ ነበር ተብሏል።

ትግራይ ውስጥ ከግርማይ በተጨማሪ ታስረው ነበሩ የኤ ኤፍ ፒ ዜና ወኪልና የፋይናንሻል ታይምስ ዘጋቢ እና አስተርጓሚዎች ከእስር መለቀቃቸው ቢቢሲ በድረገፁ አስነብቧል።

@tikvahethiopiaBot @tikvahethiopia

እነሜ/ጄኔራል ገብረመድህን ፍቃዴ ክስ ሊመሰረትባቸው ነው።

የመከላከያ ሰራዊት ሬዲዮ ግንኙነትን በማቋረጥ ሰሜን ዕዝ ጦር ላይ ጥቃት እንዲደርስ አድርገዋል የተባሉት የመከላከያ ኮሙዩኒኬሽን መምሪያ ኃላፊ እነ ሜጀር ጄኔራል ገብረመድህን ፍቃዴ (ወዲነጮ) ክስ ሊመሰረትባቸው ነው፡፡

በዛሬው ዕለት በፌደራል የመጀመሪያ ደረጃ ፍ/ቤት አራዳ ምድብ ጊዜ ቀጠሮ ችሎት ጠቅላይ ዐቃቤ ህግ በተጠርጣሪዎቹ ላይ ክስ መመስረቻ ጊዜ ጠይቆ ተፈቅዶለታል፡፡

ክስ መመስረቻ የተጠየቀባቸው ተጠርጣሪዎች ፦

- የመከላከያ ኮሙዩኒኬሽን መምሪያ ኃላፊ ሜ/ጄኔራል ገብረመድህን ፍቃዴ፣
- ሜጀር ጄኔራል ይርዳው ገብረመድህን፣
- ብርጋዴር ጄኔራል አብርሃም መውጫ፣
- ኮሎኔል ገብረህይወት ደስታ፣
- ኮሎኔል ዮሃንስ በቀለ፣
- ኮሎኔል ዘመን ታመነ ፣
- ሻለቃ ገብረእግዚአብሄር ግርማይ፣
- ሌተናል ኮሎኔል ተክለ ኃይሉ፣
- ሌተናል ኮሎኔል ምሩጽ ወልደአረጋይ፣
- ሻለቃ ኃይለስላሴ ግርማይ እና ሻለቃ ብርኃኔ ገብሩ ናቸው፡፡

ከላይ የተዘረዘሩት ተጠርጣሪዎች በፌደራል ፖሊስ ኮሚሽን ወንጀል ምርመራ ቡድን በተጠረጠሩበት ህገመንግስቱንና ህገመንግስታዊ ስርዓቱን ለመናድ ሙከራ ወንጀል ምርመራ ሲደረግባቸው ቆይቷል።

ምርመራው መጠናቀቁን ተከትሎ ዐ/ህግ ክስ መመስረቻ ጊዜ ጠይቆባቸዋል፡፡

ዐቃቤ ህግ ከጠየቀው 15 ቀናት ውስጥ 10 ቀናት ፍርድ ቤቱ በመፍቀድ ክስ እንዲመሰርት የምርመራ መዝገቡን መዝጋቱን አስታውቋል፡፡

ዐቃቤ ህግ በተጠቀሰው ጊዜ ከስ ካልመሰረተ በሌላ መዝገብ ተጠርጣሪዎቹ መብታቸውን መጠየቅ ይችላሉ ሲል ኤፍ ቢ ሲ ዘግቧል።

@tikvahethiopiaBot @tikvahethiopia