የኑሮ ውድነቱ ነገር ...

በሀገራችን የሚታየው የኑሮ ውድነት የሰዎችን ህይወት በእጅጉ እየተፈተነው ይገኛል።

በሸቀጦች ዋጋ ላይ በየጊዜው የሚታየው ጭማሪም በርካቶች ህይወታቸው በፈተና እንዲሞላ እያደረገው ነው።

ከሰሞኑ ደግሞ የነዳጅ ምርቶች ላይ የዋጋ ክለሳ መደረጉ / የዋጋ ጭማሪ መደረጉ በእንቅርት ላይ ጆሮ ደግፍ እንዲሉ ሁኔታዎችን ይበልጥ አስቸጋሪ አድርጎታል።

በአንድ በኩል በየጊዜው የሚጨምረው የሸቀጦች ዋጋ በሌላ በኩል የሰሞኑ የነዳጅ ዋጋ ጭማሪ በኑሮ ላይ ከፍተኛ ጫና አሳድሯል።

እናትስ ምን ትላላችሁ ? ኑሮውስ እንዴት ይዟችኃል ? በአስተያየት መስጫው ላይ ሀሳባችሁን አስፍሩ።

@tikvahethiopia @tikvahethiopiaBOT

የጋምቤላ ክልል የ8ኛ ክፍል ክልላዊ ፈተና ውጤት ይፋ ሆነ !

በኮሮና ቫይረስ ምክንያት ዘግይቶ በ2013 ዓ.ም በክልሉ የተሰጠው የ2012 ዓ.ም የ8ኛ ክፍል ክልላዊ ፈተና ይፋ መደረጉን የጋምቤላ ክልሉ ትምህርት ቢሮ ዛሬ አስታወቀ፡፡

በክልሉ ለፈተናው ከተቀመጡ ተማሪዎች መካከል 98.5 በመቶ ተማሪዎች ወደ ቀጣይ ክፍል ተዛውረዋል።

የማለፊያ ነጥብ ለወንዶች 42 ሲሆን ለሴቶች ደግሞ 39 መሆኑ ተገልጿል።

ፈተናው ታርሞ ቢጠናቀቅም ካርድና ሮስተር ላይ የሚሞሉ መረጃዎች እንደተጠናቀቁ በቀጣይ ሳምንት በየትምህርት ቤቱ ካርድ እየተሰጠ ምዝገባ እንደሚከናወን ቢሮ ገልጿል።

የዘጠነኛ ክፍል ትምህርት መጋቢት 1 ለማስጀመር ቅድመ ዝግጅት መደረጉን የተገለፀ ሲሆን ዘንድሮ ወደ ዘጠነኛ ክፍል የተዛወሩት ከባለፈው 2011 ዓ.ም ጋር ሲነፃፀር የወንድ ተማሪዎች በ21 በመቶ የሴት ተማሪዎች በ19 በመቶ እድገት ማሳየቱን ተነግሯል።

መረጃው የጋምቤላ ክልል ፕሬስ ሴክሬተሪያት ነው።

@tikvahethiopiaBOT @tikvahethiopia

"... ነጋዴዎች እና አንዳንድ የመንግስት የንግድ ተቋማት ጭምር ምርትን በመደበቅ ከፍተኛ ዋጋ በመጠየቅ የዋጋ ንረትን ፈጥረዋል" - የአዲስ አበባ ንግድ ቢሮ

By : Ahadu Radio 94.3

የአ/አ ከተማ ንግድ ቢሮ ከ1 መቶ በላይ የመንግስት የንግድ ተቋማት የዋጋ ንረት በመፍጠራቸው ምክንያት እርምጃ እንደተወሰደባቸው ገለፀ፡፡

ቢሮው በከተማዋ የተስተዋለው የዘይት ምርት እጥረት በነጋዴዎች በጅምላ ሻጮች ብቻ ሳይሆን በአንዳንድ የመንግስት የንግድ ተቋማትም ጭምር የተፈጠረ ነው ብሏል።

የቢሮው የህዝብ ግንኙነት ኃላፊ አቶ ዳንኤል መኤሳ፥በከተማዋ የተስተዋለው የዘይትና ሌሎች የፍጆታ ምርቶች እጥረት ከፍተኛ የዋጋ ንረትን በሚፈጥሩ የንግድ አካላት የተፈጠረ መሆኑን ገልፀዋል።

ጋላፊው ፥ ነጋዴዎቹ እና አንዳንድ #የመንግስት የንግድ ተቋማትም ጭምር ምርትን በመደበቅ ከፍተኛ ዋጋ በመጠየቅ የዋጋ ንረትን ፈጥረዋል ያሉ ሲሆን እስካሁን በተደረገው ክትትልና ቁጥጥር ከ1 መቶ በላይ የመንግስት የንግድ ተቋማት ላይ እርምጃ መውሰዱን ለሬድዮ ጣቢያው ገልፀዋል፡፡

@tikvahethiopiaBOT @tikvahethiopia

ሱዳን ?

• ሱደን በምዕራብ ጎንደር ዞን ከቋራ እስከ አቡጢር ድረስ ሰፊ ቦታ በጉልበት ተቆጣጥራለች።

• ሱዳን በፈፀመችው ወረራ ከፍተኛ ጉዳት ደርሷል፤ ከ1 ነጥብ 5 ቢሊዮን ብር በላይ የሚገመት የንብረት ዝርፊያ ተፈፅሟል።

• ከምድረገነት በቅርብ ርቀት በምትገኘው ሰላም በር ቀበሌ በርካታ የአካባበው ነዋሪዎች ከመኖሪያቸው ተፈናቅለዋል። የአርሶ አደሮችና የባለሀብቶች ሰብል ፣ ትራክተሮችና ካምፖች ውድመትና ዝርፊያ ተፈፅሞባቸዋል።

የሱዳን ታጣቂዎች አስካሁን ድረስ "በምድረ ገነት ከተማ" በማኅበረሰቡ ላይ ትንኮሳ እያደረጉ መሆኑን እና የአካባቢው ነዋሪዎችም ስጋት እንዳደረባቸውን የምድረ ገነት ከተማ ከንቲባ አይሸሽም ጓንቼ ተናግረዋል።

የአካባቢው መስተዳደር አካላት ፣ የሀገር ሽማግሌዎች እና የሃይማኖት አባቶች ማኅበረሰቡን ለማረጋጋት ጥረት እያደረጉ መሆኑን ገልፀዋል።

የኢትዮጵያ መንግሥት በዲፕሎማሲያዊ መንገድ ሱዳን ከጥቅምት 24 በፊት ወደነበረችበት እንድትመለስ እየሠራ ነው፡፡

ነገር ግን የመንግሥት ዲፕሎማሲያዊ ጥረት ውጤታማነት የሚለካው ሱዳንን ወደነበረችበት መመለስ ሲቻል መሆኑን ተገልጿል።

"የእርሻ ጊዜ አልፎ" የሱዳን ታጣቂዎች ካደረሱት ጉዳት በላይ የከፋ ችግር እንዳይገጥም በተጀመረው አግባብ ፈጣን መፍትሔ እንዲገኝ ጥረቱ ተጠናክሮ እንዲቀጥል ተጠይቋል።

በአካባቢው የሚኖረው ማኅበረሰብ የኢትዮጵያ መንግሥት የሚያሳልፈውን ውሳኔ በትግሥት እየተጠባበቀ መሆኑን ተሰምቷል።

መረጃው የተገኘው ከአማራ ብዙሃን መገናኛ ድርጅት/ ከምዕራብ ጎንደር ዞን ብልፅግና ፅህፈት ቤት የፖለቲካ ዘርፍ ኃላፊ ከሆኑ አቶ ሁናለም አሻግሬ ነው።

@tikvahethiopiaBot @tikvahethiopia

#Attention😷

በኢትዮጵያ ባለፉት 24 ሰዓታት ከተደረገው 5,164 የኮቪድ-19 የላብራቶሪ ምርመራ 665 ሰዎች በበሽታው መያዛቸው ተረጋገጠ።

ባለፉት 24 ሰዓት ውስጥ የ14 ሰዎች ሞት ሲመዘገብ፤ 199 ሰዎች ከበሽታው አገግመዋል።

ኮቪድ-19 ወረርሽኝ በኢትዮጵያ ከተከሰተበት ጊዜ አንስቶ 148,490 ሰዎች በቫይረሱ ሲያዙ ከነዚህ መካከል ፣2,223 ሰዎች ሞተዋል፤ 129,145ሰዎች ከበሽታው አገግመዋል።

አሁን ላይ 308 ሰዎች በፀና ታመው በህክምና ክትትል ላይ ይገኛሉ።

#Purpose #Tikvah
@tikvahethiopiaBot @tikvahethiopia

#Attention😷

በሀገራችን የኮቪድ-19 ሟቾች ቁጥር እጨመረ ነው።

ባለፉት ቀናት ኢትዮጵያ ውስጥ በኮቪድ-19 የሚሞቱ ሰዎች ቁጥር መጨመር አሳይቷል።

የካቲት 7፣ የካቲት 8 እና የካቲት 9 በአጠቃላይ የ42 ሰዎች ህይወት አልፏል።

ከዚህ በተጨማሪ በፅኑ ታመው ህክምና ያላይ ያሉ ሰዎች ቁጥር በፍጥነት አሻቅቧል። አሁን ላይ 308 ፅኑ ታማሚዎች አሉ።

ካለው የመተንፈሻ መሳሪያ እጥረት ሳቢያም ወረፋ በመጠብቅ ስቃይ ውስጥ የሚገኙ ወገኖቻችንም በርካታ ናቸው።

ውድ የቲክቫህ አባላት ለራሳችሁ እና ለቤተሰባችሁ ስትሉ ጥንቃቄያችሁን ጨምሩ ፤ ይበልጥ አጠናክሩ።

በየአካባቢው ከዚህ ቀደም የነበረው ጥንቃቄ እየላላ ፤ አንዳንድ ቦታ እርግፍ ተደርጎ እየተተው ፤ ጭራሽ ለሚያስተዳድሩት ህብረተሰብ አርአያ ይሆናሉ የሚባሉት የመንግስት አመራሮች ሳይቀር ምንም ነገር እንደሌለ / ኮቪድ-19 እንደጠፋ በሚመስል መልኩ ጥንቃቄ በጎደለው መልኩ እየተንቀሳቀሱ ነው።

ሞት እና ስቃይ ቤታትችን እስኪገባ አንጠብቅ!
#Purpose #Tikvah

@tikvahethiopiaBot @tikvahethiopia

አቶ በቀለ ገርባ ዛሬ ወደሆስፒታል ሲወሰዱ ምን ተፈጠረ ?

"አባቴ በምን ሁኔታ ላይ እንዳለ አላውቅም" - ቦንቱ በቀለ

ትላንት የእነአቶ በቀለ ገርባ ጠበቆች በእስር ላይ የሚገኙትን የፖለቲከኞች የህክምና ጉዳይ አስመልክቶ ለፌዴራል ከፍተኛ ፍ/ቤት ልደታ ምድብ ችሎት አቤቱታ አቅርበው ነበር።

የፌዴራል ከፍተኛ ፍርድ ቤት ልደታ ምድብ ችሎትም እነአቶ በቀለ ገርባ በግል ሀኪሞቻቸው እንዲሁም በፈለጉት የግል ህክምና ተቋም መታከም እንደሚችሉ አፅንኦት ሰጥቶ ትዕዛዝ አስተላልፎ ነበር።

በፍርድ ቤቱ የተሰጠው ትእዛዝ አቶ በቀለ፣ አቶ ጃዋር፣አቶ ሃምዛ፣ አቶ ደጀኔ አ/አ ሜክሲኮ አካባቢ ላንድማርክ ጄነራል ሆስፒታል በአጃቢ አስፈላጊውን ጥበቃ ተደርጎ ህክምና እንዲወሰዱ የሚል ነው።

ነገር ግን በዛሬው ዕለት አቶ በቀለ ገርባ ወደ "ላንድማርድ ጄነራል ሆስፒታል" እንደሚወሰዱ ከተነገራቸው እና ከማረሚያ ከወጡ በኃላ የአጃቢ መኪኖቹና እሳቸውን የያዘው አምቡላንስ ከመንገድ ላይ ወደጦር ኃይሎች ሆስፒታል እንደወሰዷቸው ልጃቸው ቦንቱ ተናግራለች።

https://telegra.ph/BekeleGerba-02-16

አቶ በቀለ ገርባ ወደ ቃሊት እንዲመለሱ መደረጉ ፦

አቶ በቀለ ገርባ ትላንት ወደ "ላንድ ማርክ ጄነራል ሆስፒታል" እንደሚወሰዱ ተገልፆላቸው ከቃሊቲ ከወጡ በኃላ ከመንገድ ላይ ወደ ጦር ኃይሎች ሆስፒታል እንዲወሰዱ መደረጋቸው መገለፁ ይታወሳል።

ወደ ሆስፒታሉ ከገቡ በኃላ ቤተስቦቻቸው ስላሉበት ሁኔታ እንደማያውቁ ገልፀውም ነበር።

ትላንት ምሽት ከጠበቆቻቸው እንደተሰማው ከሆነ ፥ አቶ በቀለ ገርባ ምንም እንኳን በጠና ቢታመሙም ፍርድ ቤት በግል የህክምና ተቋም ነው እንድታከም ያዘዘው ፤ በመንግስት ሆስፒታል ለመታከም እምነት የለኝም በማለት ህክምና ለማድረግ ፋቃደኛ ሳይሆኑ በመቅረታቸው ያለምንም ህክምና ወደ ቃሊቲ ማረሚያ እንዲመለሱ ተደርገዋል።

@tikvahethiopiaBot @tikvahethiopia

ችሎት !

በ2012 በጀት አመት ለደብረ ማርቆስ ዩኒቨርስቲ የቀለብ ጤፍ ለማቅረብ በውስን ጫራታ አሸናፊ ከሆነው የሞጣ ሁለገብ የገበሬወች ህብረት ስራ ዩኒየን ፤ 230 ኩንታል ጤፍ ወጭ በማድረግና ወደ ዩኒቨርስቲው ገቢ ሳያደርጉ የገባ በማስመሰል ፤ እነማይ ወረዳ ጠልማ ቀበሌ ነዋሪ ለሆነ ታደሰ ውባለ ለተባለ ጤፍ ነጋዴ በ655 ሺ 600 ብር ሸጠው ለግል ጥቅማቸው በማዋል የተጠረጠሩ አምስት ግለሰቦች የሚከተሉት ናቸው ፦

1ኛ ጳውሎስ ዋለልኝ ገረመው የደ/ማ ዩኒቨርስቲ መንቆረር አግሮ ኢንደስትሪ ኢንተርኘራይዝ የንብረት ክፍል ሀላፊ፤
2ኛ ደነቀው አላምር አዳነ ጤፉን የጫነ መኪና ሾፌር ፤
3ኛ እናውጋው ደሴ መንጋው የመኪናው እረዳት ፤
4ኛ አዲሱ እንግዳ አይተነው የኢንተርኘራይዙ የምግብ አቅርቦት ክትትልና ቁጥጥር ሽፍት ሀላፊ ፤
5ኛ በለጠ ጌጤ ተመስገን ሾፌር፤

ግለሰቦቹ በተጠረጠሩበት በስልጣን አላግባብ መገልገል የሙስና ወንጀል ፤ በምስራቅ ጎጃም ዞን ፓሊስ የሙስና ወንጀሎች ዋና ክፍል ምርመራው ሲጣራ ቆይቶ መዝገቡ ለሚመለከተው የፍትህ አካል ከተላከ በኃላ ተከሳሾች ጥፋተኛ መሆናቸውን በቀረቡ የሰውና የሰነድ ማስረጃዎች ያረጋገጠው የአብክመ ጠቅላይ ፍርድ ቤት ደብረ ማርቆስ ተዘዋዋሪ ችሎት የካቲት 5 ቀን 2013 ዓ/ም በዋለው ችሎት ፦

• 1ኛ ተከሳሽ በ4 ዓመት ከ5 ወር ፅኑ እስራትና በ3 ሺ ብር የገንዘብ ቅጣት፤

• 2ኛ እና 3ኛ ተከሳሾች እያንዳንዳቸው በ4 ዓመት ፅኑ እስራትና 3 ሺ ብር የገንዘብ ቅጣት፤

• 4ኛ እና 5ኛ ተከሳሾች እያንዳንዳቸው በ6 ወር ቀላል እስራትና በ2 ሺ ብር የገንዘብ ቅጣት እንዲቀጡ ተወስኖባቸዋል።

(የምስራቅ ጎጃም ዞን ፖሊስ መምሪያ)
@tikvahethiopia