#InterReligiousCouncilOfEthiopia

የሃይማኖት ተቋማት ጉባኤ የበላይ ጠባቂ አባቶችን፣የሀገር ሽማግሌዎችንና መማክርትን ያካተተ ልዑክ በወቅታዊ ሁኔታ ላይ ለመወያየት እና ድጋፍ ለማድረግ ወደ ትግራይ ክልል ማቅናቱን የጉባኤው ዋና ጸሃፊ ሊቀ ትጉሃን ቀሲስ ታጋይ ታደለ ለኢዜአ ገለጹ።

ከዛሬ ጀምሮ ለ3 ቀናት የኢትዮጵያ የሃይማኖት ተቋማት ጉባኤ የበላይ ጠባቂ አባቶችን ፣የሀገር ሽማግሌዎች መማክርትን ያካተተ ልዑክ ወደ በትግራይ ክልል መቐለ ከተማ ማቅናቱ ነው የታወቀው።

ልዑኩ በሚኖረው ቆይታ በክልሉ ወቅታዊ ጉዳይ ላይ ከህብረተሰቡ እንዲሁም ከባለድርሻ አካላት ጋር እንደሚወያይም ነው የኢትዮጵያ የሃይማኖት ተቋማት ጉባኤ ዋና ጸሐፊ ገልጸዋል።

@tikvahethiopiaBot @tikvahethiopia

የረሃብ አድማው 12ኛ ቀን መያዙ ተገለፀ።

እነ አቶ ጃዋር መሐመድ፣ በቀለ ገርባ፣ ሐምዛ አዳነ እና ሸምሰዲን ጠሃ የረሃብ አድማ ማድረግ ከጀመሩ 12 ቀናት እንደሆናቸው ከOromo Political Prisoners Defense Team ያገኘነው መረጃ ያሳያል።

ቢቢሲ በድረገፁ እንዳስነበው ከሆነ ደግሞ ከአራቱ በተጨማሪም በእነ አቶ ጃዋር መሐመድ የክስ መዝገብ ሥር የሚገኙ ተከሳሾች የረሃብ አድማውን ተቀላቅለዋል።

ተከሳሾቹ የአቶ ጃዋር መሐመድ ጠባቂዎች እና የኦሮሚያ ሚዲያ ኔትዎርክ ጋዜጠኛ መለሰ ዲሪብሳ ሲሆኑ አድማውን ከተቀላቀሉ 6 ቀናት አልፏቸዋል።

ይህን ያሳወቁት ከእነ አቶ ጃዋር መሐመድ ጠበቆች መካከል አንዱ የሆኑት አቶ ምስጋኑ ሙለታ ናቸው።

እነ አቶ ጃዋር መሐመድን ትናንት ጠዋት መጎብኘታቸውን የሚያስረዱት ጠበቃው ፥ "ትናንት 11ኛ ቀናቸው ነበር። በጣም ተዳክመዋል" ሲሉ ተናግረዋል።

የአቶ በቀለ ገርባ ባለቤት ወ/ሮ ሃና ረጋሳ ለቢቢሲ ፤ እነ አቶ በቀለ አሁንም በረሃብ አድማ ላይ እንደሚገኙ አረጋግጠዋል።

የጋዜጠኛ መለሰ ዲሪብሳ ባለቤት ታደለች መርጋ ፥ ባለቤቷ የረሃብ አድማውን መቀላቀሉን እና ለመጠየቅ ይዛለት የምትሄደውን ምግብ አልቀበልም እያላት መሆኑን ገልጻለች።

ጠበቃ አቶ ሙለታ፥ "አንዳንዶቹ በሰው ድጋፍ ነው ከክፍላቸው የሚወጡት። በተለየ ደግሞ ዘግይተው የረሃብ አድማውን የተቀላቀሉት በጣም ከብዷቸዋል" ሲሉ ተናግረዋል።

የእነአቶ ጃዋር ሃኪሞች "ምርመራ ካደረጉላቸው በኋላ ውሃ ካልወሰዱ አንዳንድ የሰውነት አካላቸው ሥራ ሊያቆም እንደሚችል ከነገሯቸው በኋላ ነው በግድ ውሃ እየወሰዱ ያሉት። ምግብ የሚባል ነገር አፋቸው ጋር እየደረሰ አይደለም" ሲሉ አስረድተዋል።

Via BBC & Oromo Political Prisoners Defense Team
@tikvahethiopia

12ኛ ክፍል ብሄራዊ ፈተና እስካሁን የሚሰጥበት ቀን ባይታወቅም ክልሎች ፣ ዞኖች ፣ ወረዳዎች ለፈተናው ዝግጅት እያደረጉ ነው።

በተለይ ፈተናው በሚሰጥበት ወቅት እክል እንዳይፈጠር ከወዲሁ ዝግጅት እየተደረገ እንደሆነ ይሰማል።

ለአብነትም በአማራ ክልል የመቅደላ ወረዳ ትምህርት ፅ/ቤት የ12ኛ ክፍል ፈተና ያለምንም ችግር ለማጠናቀቅ ቅድመ ዝግጅት እያደረገ እንደሆነ ዛሬ አሳውቋል።

ፈተናው በኦንላይን የሚሰጥ ከመሆኑ ጋር በተያያዘ የወረዳው ፅ/ቤት የዲሽ ተከላ ስራ መሰራቱን፣ በመብራት መጥፋት ፈተና እንዳይቋረጥ አስተማማኝ ጄኔሬተር መዘጋጁቱን ፣ የፈተና መፈተኛ ክፍሎች መብራታቸው በትክክል መስራቱን እንዳረጋገጠ እና ለፈተናው ዝግጁ መሆኑን ገልጿል።

ትምህርት ፅ/ቤቱ ፈተናው በተለያዩ ምክንያቶች ወቅቱን ጠብቆ ባለመሰጠቱ በተማሪዎች ላይ መዘናጋት እና የስነ ልቦና ጫና ማሳደሩን ገልፆ ተማሪዎች ከዚህ ስሜት ውስጥ ወጥተው ከትምህርት ቤት ሳይርቁ ዝግጅት እያደረጉ እንዲቆዩ መልዕክት አስተላልፏል።

በሀገር አቀፍ ደረጃ የመፈተኛ ታብሌቶች ግዥ ተፈፅሞ ት/ቤቶች ላይ ከደረሰ በሗላ 2 ሳምንት የመለማመጃ ጊዜ እንደሚሰጥ እና ለዚህም ለተማሪዎች የICT ባለሙያዎች እገዛ እንድሚያደርጉላቸው ተገልጿል።

@tikvahethiopia @tikvahethiopiaBOT

#EthiopiaElection

የዕጩዎች ምዝገባ እና የምርጫ ክልል ቢሮዎችን መከፈት አስመልክቶ ከኢትዮጵያ ብሄራዊ ምርጫ ቦርድ የተሰጠ መግለጫ !

@tikvahethiopia

#Ethiopia

በኢትዮጵያ ባለፉት 24 ሰዓታት ከተደረገው 5,147 የኮቪድ-19 የላብራቶሪ ምርመራ 656 ሰዎች በበሽታው መያዛቸው ተረጋገጠ።

ባለፉት 24 ሰዓት ውስጥ የ8 ሰዎች ሞት ሲመዘገብ ፤ 137 ሰዎች ከበሽታው አገግመዋል።

ኮቪድ-19 ወረርሽኝ በኢትዮጵያ ከተከሰተበት ጊዜ አንስቶ 142,994 ሰዎች በቫይረሱ ሲያዙ ከነዚህ መካከል ፣2,156 ሰዎች ሞተዋል፤ 125,756 ሰዎች ከበሽታው አገግመዋል።

አሁን ላይ 225 ሰዎች በፀና ታመው በህክምና ክትትል ላይ ይገኛሉ።

@tikvahethiopiaBot @tikvahethiopia

እነ አቶ ጃዋር መሃመድ ለምንድነው የረሃብ አድማ እያደረጉ የሚገኙት ?
የጤናቸው በሁኔታ ላይ ይገኛል ?
የተካሄዱት ሰልፎች ጉዳይ ?

* ዘግየት ብሎ ከ Oromo Prisoners Defense Team ባገኘነው ሪፖርት ላለፉት 12 ቀናት በረሃብ አድማ ላይ ከሚገኙት መካከል አቶ ሸምሰዲን ጠሃ በአድማው በመዳከሙ ምክንያት ከምሽቱ 3:00 ላይ ከቃሊቲ እስር ቤት ወደ ሆስፒታል በአንቡላንስ ተወስዷል። በአጠቃላይ አድማውን እያደረጉ ያሉት 20 ሲሆኑ ሌሎችም ያሉበት ሁኔታ እጅግ በጣም አሳሳቢ መሆኑ ተገልጿል።

https://telegra.ph/TikvahFamily-02-08-2

@tikvahethiopia

ከአዲስ አበባ ወደ አማራ ክልል በመጓዝ ላይ የነበረ ተሳቢ መኪና ደጀን አካባቢ ተንሸራቶ በመውደቁ የትራንስፓርት መጉላላት መፍጠሩን የደጀን ከተማ አስተዳደር አስታወቀ !

ከአዲስ አበባ ወደ አማራ ክልል በመጓዝ ላይ የነበረው ተሳቢ መኪና ከደጀን ወጣ ብሎ በሚገኝ ደምበዛ በተባለ ስፍራ ከምሽቱ አንድ (1) ሰዓት ላይ ባጋጠመው መንሸራተት መንገድ ተዘግቷል።

በዚህ ምክንያት ወደ አዲስ አበባም ሆነ ወደ ባህርዳር ትራንፖርት መስተጓጎሉን ጉዳዩን በተመለከተ የደጀን ከተማ አስተዳደር ከንቲባ አበጀ አላምረው ተናግረዋል።

አቶ አበጀ ፥ "የጭነት ተሽከርካሪ መኪናው የግንባታ ፌሮ ጭኖ በመጓዝ ላይ እንዳለ ተንሸራቶ በመውደቁ መንገድ ዘግቷል፤ በዚህም የትራንስፖርት መጉላላትን ፈጥሯል። መኪናው ከደጀን ከተማ በግምት 7 ኪሎ ሜትር ርቀት ላይ በሚገኝ "ደምበዛ" በተባለ ስፍራ ሲደርስ ነው ክስተቱ የተፈጠረው" ብለዋል።

ያጋጠመውን ችግር ለመፍታት የክሬን አቅርቦት ባለመኖሩ ሎደር መላኩን ከንቲባው ገልጸዋል።

ምንጭ፦ የአማራ ብዙሃን መገናኛ ድርጅት
@tikvahethiopiaBOT @tikvahethiopia

አንበጣ መንጋ በኮንሶ ዞን ተከሰተ።

የበረሃ አንበጣ መንጋው በቦረና ዞን ቴልተሌ ወረዳ ወደ ካራት ዙሪያ ወረዳ አባሮባ ቀበሌ በኮታራ ተራራ በኩል አድርጎ ወደ ኮንሶ ዞን መግባቱን የአከባቢ ነዋሪዎች ጠቁመዋል።

በአሁኑ ሰዓት በዙሪያ ወረዳው በመጨሎና ጃርሶ ቀበሌ ሰገን ሳዋቴ እርሻዎች አካባቢ ማደሩን የካራት ዙሪያ ወረዳ እርሻና ተፈጥሮ ሀብት ልማት ጽ/ቤት ኃላፊ አቶ ገሠሠ ኦላታ አስረድተዋል።

የጽ/ቤት ኃላፊ አቶ ገሠሠ ኦላታ የሚመለከታቸዉ ባለድርሻ አካላት ሁሉ የበረሃ አንበጣን በመከላከል ረገድ በትኩረት ልሰሩ እንደሚገባ አሳስበዋል፡፡

በኮንሶ ዞን የካራት ዙሪያ ወረዳ የበረሃ አንበጣ የመከላከል ቅድመ ዝግጅት ተጠናክሮ እንዲቀጥል የወረዳው ምክትል አስተዳዳሪና ት/ቤቶች ጽ/ቤት ኃላፊ አቶ በዩ ጋላሌ ገልፀዋል።

ህብረተሰቡ የአንበጣ መንጋ በመከላከል እንዲሳተፍ ጥሪ መቅረቡን ከኮ/ዞ/መ/ኮ/ጉ/መምሪያ የደረሰን መረጃ ያሳያል።

@tikvahethiopiaBot @tikvahethiopia

ከያቤሎ ወደ ኮንሶ መስመር ...

ይህ የምትመለከቱት ቪድዮ ትላንት የካቲት 1 ቀን 2013 ዓ/ም አንድ የቤተሰባችን አባል ለስራ ጉዳይ በተጓዝንበት ከያቤሎ ወደ ኮንሶ መስመር በሚወስደው መንገድ ላይ የቀረፀው ነው።

ችግሩ ሳይባባስ እንዲሁም ጉዳት ሳያደርስ የሚመለከተው አካል ሁሉ አውቆት እርምጃ እንዲወስድ / መፍትሄ እንዲፈልግ ጥሪ መልዕክት ተላልፏል።

Video : 45 MB (WiFi)
@tikvahethiopiaBot @tikvahethiopia