"የኛ የሁላችንም ታሪክ"

በሴቶች ብቻ በተመራ ቡድን የተሰራው "የኛ የሁላችንም ታሪክ" አራተኛ ምዕራፍ የታዳጊ እና ወጣቶች የቲቪ ድራማ ጥር 16/2013 ዓ.ም. እንደሚጀምር 'ገርል ኢፌክት' በላከልን መግለጫ አሳውቋል።

16 (አስራ ስድስት) ክፍሎች ያሉት ይህ ምዕራፍ በአገር አቀፍ ደረጃ ዘወትር እሁድ ከምሽቱ 2 ሰዓት ጀምሮ 'ቃና' በተሰኘው ቴሌቪዥን ጣቢያ እንደሚተላለፍ ተገልፆልናል።

በሴት ደራሲያን ተፅፎ በሴቶች ዳይሬክት የተደረገው ይህ ድራማ በኢትዮጵያ በሴቶች ብቻ ተመርተው ከተስሩ ጥቂት ስራዎች አንዱ ነው።

በ4ኛው ምዕራፍ ድራማው አዳዲስ ገፀ-ባህሪያትን አካቶ ሁሉም ታዳጊዎች ሊጋሯቸው የሚችሉ ርዕሰ ጉዳዮችን ማለትም እንደ ጤናማ አመጋገብ፣ እርግዝና እና የስራ አለምን መቀላቀል የመሳሰሉ ርዕሰ ጉዳዮችን የሚዳስስ ይሆናል።

በተጨማሪም በዚህ ምዕራፍ ከኢትዮጵያ በስደት ለጉልበት ስራ ወደ ሌላ ሃገር ሄደው ተመላሽ የሆኑ ሴቶች የሚያልፉበት ውጣ ውረድ ላይ ትኩረት ያደርጋል።

ይህ ምዕራፍ ለአለም አቀፉ ተከታታይ (አድማጭ ተመልካች) ከታህሳስ 18/2013 ጀምሮ በኦንላይን ሲስተም ጥራት እና ተደራሽነት ያላቸውን አለም አቀፍ እንዲሁም የኢትዮጵያ ስራዎችን በሚያስተላልፈው ሀበሻ ቪው ላይ በመታየት ላይ ይገኛል።

* ከ 'ገርል ኢፌክት' የተላከልን መግለጫ ከላይ ተያይዟል።

@tikvahethiopia @tikvahethiopiaBOT

"በትግራይ የፀጥታ ችግር መድሃኒት ማቅረብ አልተቻለም"

የትግራይ ክልል ጤና ቢሮ የመድሃኒት ክፍል አስተባባሪ ኣቶ ገ/እግዚአብሔር ገ/ጊዮርጊስ ለቪኦኤ የሰጡት መረጃ ፦

- በክልሉ ያሉ የጤና ተቋማት ዝርፊያ ተፈፅሞባቸዋል፤ በአንድ ወረዳ እስከ 5 የሚደርሱ ጤና ጣቢያዎች ቢኖሩም ያሉበትን ሁኔታ ለማወቅ አዳጋች ሆኗል።

- በተለያዩ የጤና ተቋማት የሚሰሩ ሰራተኞች ለ3 ወር ደሞዝ አልተከፈላቸውም። ቢሯቸውን ትተው ተበታትነው ይገኛሉ።

- አሁን ላይ ጥቂት የጤና ተቋማት ስራ የጀመሩ አሉ፤ በሽረ፣ አክሱም፣ አዲግራት፣ መቐለ፣ ኣብይ ዓዲ የሚገኙ ናቸው። በደቡባዊ ዞንም አንዳንድ ተቋማት ስራ ጀምረዋል።

- በፀጥታው ችግር ምክንያት ስራ ወደ ጀመሩ ተቋማት መድሃኒት ለማቅረብ እንቅፋት ሆኗል። እንዲሁም ስራ በጀመሩት እና ባልጀመሩት ተቋማት ላይ ዳሰሳ ለማድረግ ከባድ ሆኗል።

- ጤና ሚኒስቴር ለጤና ተቋማት በነፃ መድሃኒት እንዲወስዱ ቢያመቻችም የተቋማቱ መኪናዎች በመዘረፋቸው መድሃኒት ለማምጣት ተቸግረዋል። ይህን ችግር ከግብረሰናይ ድርጅቶች ጋር ለመፍታት እየተሰራ ነው።

- ህብረተሰቡ መድሃኒት ማግኘት ስለሚገባው የፀጥታው ችግር በአቸኳይ ቢፈታ፣ የጤና ተቋማት ሰራተኞችም ደመወዝ ቢከፈላቸውና ወደስራቸው እንዲመለሱ ቢደረግ ብለዋል።

* የመቐለ ከተማ ነዋሪዎች ለመንግስት ሰራተኞች (የጤና ተቋማት ሰራተኞችን ጨምሮ) ደመወዝ መከፈል እንደተጀመረ ተናግረዋል። ከሌሎች የትግራይ ክፍሎች ወደ መቐለ የገቡ ግን ደመወዝ ስላልተከፈላቸው ከፍተኛ ችግር ላይ እንደሆኑ ለሬድዮ ጣቢያው ተናግረዋል።

Via ሙልጌታ ኣፅብሃ
@tikvahethiopia

የአቶ ስብሃት ነጋ የፍርድ ቤት ውሎ ፦

"ህገ መንግስታዊ ስርዓቱን በኃይል ለመናድ ሞክረዋል" ተብለው ፍርድ ቤት ቀረቡት የህወሓት ከፍተኛ አመራሮች 20 ናቸው።

አቶ ስብሃት ነጋ፣ አቶ ኣባዲ ዘሙ፣ ወ/ሮ ኬሪያ ኢብራሂም፣ የቀድሞ የትራንስፖርት ሚኒስትር ዴኤታ ሙሉ ገ/እግዚአብሔር፣ ዶ/ር አብርሃም ተከስተ ይገኙበታል።

የፌዴራል ፖሊስ የወንጀል ምርመራ ቢሮ ተጠርጣሪዎቹ ፈፅመዋቸዋል ያላቸውን የወንጀል ተግባራት ለፍርድ ቤት አቅርቧል ፦

- በትግራይ ክልል ህገ ወጥ ቡድን አደራጅተው ሰሜን ዕዝ እንዲጠቃ አድርገዋል።

- የክልሉ ወጣቶች ለጦርነት እንዲዘመቱ ቀስቅሰዋል።

- የነዳጅ ዴፖ እንዲዘረፍ አድርገዋል።

- በጥቅምት 24 ጥቃት በርካታ የሰራዊቱ አባላት ህይወት እንዲጠፋ አስደርገዋል።

- ባልተሰጣቸው ስልጣን ከተለያዩ ሀገራት ጋር ግንኙነት በመፍጠር ለጦርነቱ ገንዘብ ሰብስበዋል።

- በጎንደር እና ባህር ዳር ኤርፖርቶች ሮኬት እንዲወረወር እና የንፁሃን ህይወት እንዲጠፋ አድርገዋል የሚሉና በሌሎች ወንጀሎች እንደጠረጠራቸው ገልጿል።

ፖሊስ ከወንጀሉ ውስብስብነት አንፃር ለተጨማሪ ምርመራ የጊዜ ቀጠሮ ጠይቋል።

የፖሊስን ማመልከቻ ተከትሎ ሁሉም ተጠርጣሪዎች ወንጀሉን አልፈፀምንም ብለዋል።

አቶ ስብሃት፣ ወ/ሮ ሙሉን ጨምሮ አብዛኞቹ ተጠርጣሪዎች ከነበርንበት ጉድጓድ ውስጥ በሀገር መከላከያ ሰራዊት ቁጥጥር ስር ውለናል ብለዋል።

በእነ ኣቶ ስብሃት ነጋ መዝገብ ከተከሰሱት ተጠርጣሪዎች አቶ ስብሃትን ጨምሮ አብዛኞቹ ጠበቃ አቁመው እንደሚከራከሩ ገልፀዋል ፤ 2ቱ መንግስት ጠበቃ ያቁመልን ብለዋል።

ተጠርጣሪዎቹ ፦
- በቂ ህክምና ይሰጠን
- ከቤተሰቦቻችን እና ከጠበቆቻችን ጋር እንድንገናኝ ይታዘዝልን
- ልብስና ምግብ እንዲቀርብልን ይደረግልን የሚሉ አቤቱታዎችን አሰምተዋል።

@tikvahethiopia

የቀጠለ ...

እነአቶ ስብሃት ነጋን ጨምሮ ኣብዛኛዎቹ ተጠርጣሪዎች ህጉ በሚፈቅደው የጊዜ መሰረት ፍ/ቤት አለመቅረባቸው ተገቢነት እንደሌለው በተቀጠሩ እና በነፃ በቆሙ ጠበቃዎቻቸው በኩል ገልፀዋል።

ተጠርጣሪዎች ፖሊስ የጠየቀው የጊዜ ቀጠሮ ተገቢነት የለውም ሲሉ ተቃውመዋል።

ለምን ህጉ በሚፈቅደው ጊዜ ተጠርጣሪዎች ፍርድ ቤት አልቀረቡም ?

ፖሊስ የሰጠው ምክንያት በክልሉ የነበረው ጦርነት እና አስቸኳይ ጊዜ አዋጅ ይጠቀሳል ብሏል።

በተጨማሪ እነአቶ ስብሃት፣ አቶ ኣባይና በርካታ ተጠርጣሪዎች የነበሩባቸው ቦታዎች ጉድጓድ እና ሰርጥ በመሆኑ እዚህ ሲደርሱ በተገቢው መንገድ ለመቆምና ለመራመድ ተቸግረው ነበር።

ከዚህ ባለፈ በነበሩበት ሁኔታ ምክንያት ለተደራራቢ ጤና ችግር በመጋለጣቸው ፤ ንፅህናቸውን በመጠበቅ እና ስነ ልቦናቸውን ማጠንከር ላይ ትኩረት መደረጉን ለችሎት አስረድቷል።

ፖሊስ ንፅህናቸውን ጠብቆ ልብስ ሁሉ አልብሶ፣ ጠንክረው ችሎት ቀርበው መብታቸውን በአግባቡ እንዲጠይቁ ምቹ ሁኔታ መፍጠሩን ገልጿል።

በቂ ህክምና እንዳገኙ ለችሎት አብራራቷል።

ችሎቱ ምን አለ ?

ግራ ቀኙን የመረመረው ችሎት ፖሊስ ህጉ የሚደነግገውን ጊዜ ባከበረ መልኩ ተጠርጣሪዎችን ፍርድ ቤት ሊያቀርብ ይገባል ብሏል።

ተጠርጣሪዎች ከቤተሰቦቻቸውን እና ከጠበቆቻቸው ጋር እንዲገናኙ አዟል።

ለፖሊስ የ14 ቀን የጊዜ ቀጠሮ በመፍቀድ የዛሬው ችሎት ተጠናቋል።

* በዛሬው ችሎት አቶ አባይ ወልዱ (የቀድሞ የትግራይ ክልል ፕሬዜዳት) እና ዶ/ር ሰለሞን ኪዳኔ (የአ/አ ትራንስፖርት ቢሮ ኃላፊ) በነበረባቸው ህመም ሆስፒታል ህክምና እየተከታተሉ በመሆኑ ፍርድ ቤት ኣልቀረቡም።

ምንጭ፦ ጋዜጠኛ ጥላሁን ካሳ (ኢብኮ)
Compiled by : Tikvah Ethiopia
@tikvahethiopiaBot @tikvahethiopia