በእንግልት ላይ የሚገኙ ኢትዮጵያውያን ተማፅኖ...

(በቢቢሲ)

በሳዑዲ አረቢያ እስር ቤቶች የሚገኙ ኢትዮጵያውያን ከፍተኛ እንግልት እንደሚደርስባቸው በመግለጽ መንግሥት ወደ አገር ቤት እንዲመልሳቸው እየተማፀኑ ነው።

ጂዳ በሚገኝ እስር ቤት የሚገኙ ሶስት ኢትዮጵያውያን ስለሚደርስባቸው ስቃይ ለቢቢሲ የገለፁ ሲሆን ፣ በየጊዜው በፖሊስ ድብደባ እንደሚደርስባቸው ፣ በቂ ምግብ እንደማይሰጣቸውና መታረዛቸውን ጨምረው ገልፀዋል።

ወደ አገራችን መልሱን የሚሉት እነዚህ ኢትዮጵያውያን ከኢትዮጵያ ቆንስላ መጥቶ የሚጠይቃቸው ማንም እንደሌለ፣ በአንድ ወቅት ወደ ኢትዮጵያ ለመመለስ ቅጽ ቢሞሉም ከዚያ በኋላ ግን ማንም እንዳላነገራቸው ተናግረዋል።

የውጪ ጉዳይ ሚኒስትር ቃል አቀባይ አምባሳደር ዲና ሙፍቲ ፥ በየሳምንቱ ከሳዑዲ አረቢያ፣ ከኩዌይት ፣ ከሌባኖስ እና ከሌሎችም የአረብ አገራት ኢትዮጵያውያን እየተመለሱ መሆኑን ገልፀዋል።

እስር ቤት ያሉና ቆንስላው ያላገኛቸው ኢትዮጵያውያን ወደ ኋላ እንደቀሩና እነርሱም በጊዜ ሂደት ወደ አገራቸው እንደሚገቡ አስረድተዋል።

@tikvahethiopia

#NewsAlert

የአሜሪካ ምክር ቤቶች የጆ ባይደንን የምርጫ ውጤት አረጋገጡ።

የሁለቱ ምክር ቤት እንደራሴዎች የተሰጡትን የውክልና ድምጾች (ኤሌክቶራል ቮት) በመቁጠር ጆ ባይደን ቀጣዩ የአሜሪካ ፕሬዝዳንት ሆነው መመረጣቸውን አረጋግጧል።

ኮንግረስ ጆ ባይደን እና ምክትላቸው ካማላ ሀሪስን የቀጣዮቹ የአሜሪካ ፕሬዝዳንት እና ምክትል ፕሬዝዳንት በማድረግ ያገኙትን ድምጽ #አጽድቋል።

የተሰጡት የውክልና ድምጾች የጸደቁት የሁለቱ ምክር ቤት ተወካዮች በፔንሰልቫንያ እና አሪዞና ግዛቶች የቀረበውን ተቃውሞ ውድቅ ካደረጉ በኋላ ነው።

የአገሪቱ ሕዝብ እንደራሴዎች ተሰብስበው ቀጣዩ ፕሬዝዳንት ጆ ባይደን የምርጫ ውጤት ዙሪያ በመነጋገር ላይ ሳሉ በድንገት በሺህ የሚቆጠሩ የዶናልድ ትራምፕ ደጋፊዎች ምክር ቤቱን ሰብረው ገብተው ነበር።

በዚህ የተነሳ ተቋርጦ የነበረው የምክር ቤቶቹ የጋራ ስብሰባ ተቃዋሚ ሰልፈኞቹ እንዲወጡ ከተደረገ በኋላ ቀጥሏል።

ዋሺንግተን ውስጥ የተሰናባቹ ፕሬዝዳንት ዶናልድ ትራምፕ ደጋፊዎች የአገሪቱን ምክር ቤት ጥሰው መግባታቸውን ተከትሎ በተፈጠረ ፍጥጫ 4 ሰዎች ሞተዋል።

በተቀሰቀሰው ግርግር ሳቢያ የዋሺንግተን ከንቲባ በከተማዋ ከምሽቱ 12 ሰዓት ጀምሮ የሰዓት እላፊ ገደብ ጥለዋል።

የካፒቶል ሂል አካባቢም ሙሉ በሙሉ ዝግ እንዲሆን ተደርጓል። ~ BBC

@tikvahethiopiaBot

#BREAKING

ፕሬዜዳንት ዶናልድ ትራምፕ እ.ኤ.አ ጥር 20 ላይ የስልጣን ሽግግር እንደሚደረግ አሳውቀዋል።

አሁንም ቢሆን ግን ዶ. ትራምፕ በምርጫው ውጤት ሙሉ በሙሉ እንደማይስማሙ ገልፀዋል። ያም ቢሆን ሽግግሩ እ.አ.አ ጥር 20 እንደሚደረግ ገልፀዋል።

የአሜሪካ ምክትል ፕሬዜዳንት ማይክ ፔንስም ጆ ባይደን እ.ኤ.አ ጥር 20 የአሜሪካ ፕሬዜዳንት ሆነው እንደሚሰየሙ አሳውቀዋል።

* ፕሬዜዳንት ዶናልድ ትራምፕ በዋይት ሃውሱ ዳን ስካቪኖ በኩል ያሰራጩት መልዕክት ከላይ ተያይዟል።

@tikvahethiopiaBot @tikvahethiopia

"...አዲሱ አይነት ቫይረስ በክትባቱ ላይ ያሰደረው ተጽእኖን የሚያመለክት ነገር የለም" - ዶ/ር ማሪያ ቫን ኬርሆቬ

ደቡብ አፍሪካ ውስጥ ተገኘ የተባለው አዲስ አይነት የኮሮናቫይረስ ዝርያ ለሰዎች እየተሰጠ ያለውን ክትባት እንደሚቋቋም የሚያሳይ ምንም ምልክት እንደሌለ የዓለም ጤና ድርጅት አስታወቀ።

የዓለም ጤና ድርጅት የቴክኒክ ኃላፊ ዶክተር ማሪያ ቫን ኬርሆቬ እንዳሉት በተለያየ አይነት የኮሮረናቫይረስ ዝርያዎች የተያዙ ሰዎች ተመሳሳይ የሆነ የበሽታውን ምልክት የሚያሳዩ ሲሆን አስካሁን የከፋ ምልክት አልታየም ብለዋል።

ነገር ግን አዲሱ የቫይረስ ዝርያ የበሽታውን የመስፋፋት ፍጥነት ከፍ ማድረጉን ዶክተሯ ተናግረዋል።

"አዲሱን አይነት ቫይረስ በክትባቱ ላይ ያሰደረው ተጽእኖን የሚያመለክት ነገር የለም። ይህ መልካም ዜና ነው። እስካሁን ያለን መረጃ ይህ ነው፤ ጥናቶች ግን እየተካሄዱ ነው" ብለዋል ዶክተር ቫን ኬርሆቬ። ~ BBC

@tikvahethiopiaBot @tikvahethiopia

#FDREDefenseForce

መከላከያ ሰራዊት ዛሬ ምሽቱን ይፋዊ በሆነ መገለጫ እርምጃ ከተወሰደባቸው የህወሓት አመራሮች ውጭ የነሱ ሹፌሮች እና ጥበቃዎቻቸው ይገኙበታል ብሏል።

እርምጃ የተወሰደባቸው /የተገደሉ/ አመራሮች ፦

1. አቶ ሴኩቱሬ ጌታቸው

2. አቶ ዘርአይ አስገዶም የቀድሞው የኢትዮጵያ ቴሌቪዥን ስራ አስኪያጅና የብሮድካስት ባለስልጣን ዋና ዳይሬክተር የነበሩ

3. አቶ አበበ አስገዶም የድምጸ ወያኔ ሃላፊ የነበሩ

4. አቶ ዳንኤል አሰፋ የክልሉ ፋይናንስ ቢሮ ሃላፊ የነበሩ ናቸው።

በቁጥጥር ስር የዋሉት 9 የህወሓት ቁልፍ አመራሮች ናቸው ያለው የመከላከያ ሰራዊት አመራሮቹ በቁጥጥር ስር የዋሉት በጫካ እና ዋሻ ለዋሻ ሲንቀሳቀሱ ነው ብሏል።

በቁጥጥር ስር የዋሉት ፦

- ወይዘሮ ቅዱሳን ነጋ የቀድሞ የክልሉ አፈጉባኤ የነበሩ

- ዶ/ር ሰለሞን ኪዳኔ የቀድሞ የትግራይ ክልል ከተማ ልማት ቢሮ ሃላፊና የአ/አ ከተማ አስተዳደር ትራንስፖርት ቢሮ ሃላፊ የነበሩ

- አቶ ተክለወይኒ አሰፋ የማረት ስራ አስፈጻሚ የነበሩ

- አቶ ገብረመድህን ተወልደ የክልሉ ንግድ ቢሮ ሃላፊ የነበሩ

- አቶ ወልደጊዮርጊስ ደስታ የክልሉ መንገድ ትራንስፖርት ቢሮ ሃላፊ የነበሩ

- አምባሳደር አባዲ ዘሙ በሱዳን የኢትዮጵያ የቀድሞ አምባሳደር የነበረና የህወሓት ፖለቲካ ክንፍ የተቀላቀሉ፣

- አቶ ቴዎድሮስ ሃጎስ የመለስ አመራር አካዳሚ ፕሬዚዳንትና የኢፈርት ቦርድ ሃላፊ የነበሩ

- ወይዘሮ ምህረት ተክላይ የክልሉ ምክር ቤት ህግ አማካሪ የነበሩ

- አቶ ብርሃነ አደም መሃመድ የክልሉ የንብረትና ግዢ ስራ ሂደት ሃላፊ የነበሩ ናቸው። ~ ENA

@tikvahethiopia

የአሜሪካ ባለስልጣናት ስልጣናቸውን እየለቀቁ ነው።

የትምህርት ሚኒስትር ቤትሲ ዴቫስ በገዛ ፍቃዳቸው ስልጣናቸውን ለቀዋል።

ለረዥም ጊዜ ያገለገሉት ሚስስ ቤትሲ ዴቫስ በመልቀቂያቸው ዶናልድ ትራምፕ የወንበዴዎችን አመጽ በማቀጣጠል እና ይሁንታን በመስጠት ወንጅለዋቸዋል።

የትራንስፖር ሚኒስትሯ ኤሌይን ቻዎ ሥልጣን ለቀዋል።

በሆነው ነገር ስለተረበሽኩ ከትራምፕ ጋር ለመሥራት እቸገራለሁ ብለዋል በመልቀቂያቸው።

ወ/ሮ ቻው በሴኔት የሪፐብሊካኑ ተጠሪ ሚች መከኔል ባለቤት ናቸው።

ከካቢኔ አባላት በተጨማሪ የዶናልድ ትራምፕ ልዩ ረዳቶቻቸውም መልቀቂያ እያስገቡ ነው።

የስቴት ዲፓርትመንቱ አማካሪ ደግሞ ትራምፕ ለአሜሪካ አይመጥኑም ማለታቸውን ተከትሎ ከሥራ ተሰናብተዋል። ~ BBC

@tikvahethiopiaBot @tikvahethiopia