#EthioTelecom

ኢትዮ ቴሎኮም የሞባይል ጥቅል ክሬዲት አገልግሎት ለደንበኞቹ እያቀረበ ይገኛል።

አገልግሎቱን ለማግኘት A ፣ C ወይም L ወደ 810 መላክ ወይም *810# ላይ መደወል እንደሆነ ገልጿል።

ኢትዮ ቴሌኮም የሞባይል ጥቅል ክሬዲት አገልግሎት ለማግኘት የሚያስችሉ መስፈቶች ተከታዮቹ እንደሆኑ አሳውቋል ፦

• የቅድመ ክፍያ ሞባይል አገልግሎት ጊዜ ያላለፈባቸው።

• የሞባይል አገልግሎታቸው በማንኛውም ምክንያት ያልተቋረጠ።

• ከአሁን በፊት የወሰዱትን ክሬዲት በሙሉ አጠናቀው የከፈሉ።

• ከ3 ወራት ያላነሰ በኢትዮ ቴሌኮም ኔትዎርክ ላይ የቆዩ እንዲሁም በየወሩ የ30 ብር የሞባይል አየር ሰዓት በመሙላት ሲጠቀሙ የነበሩ አገልግሎቱን ማግኘት ይችላሉ።

ለክሬዲት አገልግሎት የተዘጋጁ የሞባይል ድምፅ እና ኢንተርኔት ጥቅሎች ዝርዝር ከላይ ባሉት 2 ምስሎች ተያይዟል።

* ኢትዮ ቴሌኮም 10% የአገልግሎት ክፍያ ቀጣይ ከሚሞሉት የአየር ሰዓት እንደሚቀንስ አስገንዝቧል።

@tikvahethiopiaBOT @tikvahethiopia

#AgituGudeta #EthiopiaEmbassyRome

በጣሊያን ውስጥ ከፍየል ወተት በምታዘጋጀው አይብና ለስደተኞች መብት ተቆርቋሪነቷ የምትታወቀው ኢትዮጵያዊቷ ስደተኛ አጊቱ ጉደታ ቤቷ ውስጥ ተገድላ መገኘቷን ፖሊስ ማሳወቁን በጣሊያን የኢትዮጵያ ኤምባሲ ለቢቢሲ አረጋገጠ።

የኤምባሲው ፐብሊክ ዲፕሎማሲ ሠራተኛ የሆኑት አቶ ደሳላኝ መኮንን እንደተናገሩት ትናንት ግድያው ከተፈጸመ በኋላ ፖሊስ ባደረገው ማጣራትና ምርመራ በአጊቱ ተቀጥሮ ይሰራ የነበረ ተጠርጣሪ ስደተኛ ወንጀሉን መፈጸሙን እንዳመነ ገልጸዋል።

በሮም የሚገኘው የኢትዮጵያ ኤምባሲም የአጊቱ ጉደታን ሞት በተመለከተ በፌስቡክ ገጹ ላይ የተሰማውን ጥልቅ ሐዘን ገልጾ፤ ግድያውን በተመለከተም ኤምባሲው ከጣሊያን የውጭ ጉዳይ ሚኒስቴር ጋር በመሆን በቶሎ ተጣርቶ ይፋ እንዲደረግና ወንጀለኛው ለፍርድ እንዲቀርብ በትኩረት የሚሰራ መሆኑን አመልክቷል።

የአጊቱ ግድያ በኢትዮጵያውያን ዘንድ ብቻ ሳይሆን በጣሊያኖችም ላይ ትልቅ ድንጋጤና ሐዘን የፈጠረ መሆኑን የገለጹት አቶ ደሳለኝ በተለይ በስደት ወደ ጣሊያን የሚመጡ ኢትዮጵያውያንና ሌሎች አፍሪካውያንን በመርዳት ስለምትታወቅ ወንጀሉ በስደተኞች ዘንድ ታላቅ ሐዘንን አስከትሏል ብለዋል።

ፖሊስ እንዳለው አጊቱ ጉደታ ትሬንቲኖ ውስጥ በሚገኘው ፍራሲሎንጎ በተባለው ስፍራ ባለው መኖሪያ ቤቷ ውስጥ ጭንቅላቷ ላይ ጉዳት ደርሶባት አስከሬኗ አግኝቷል።

ምርመራ እያደረገ እንደሆነ የገለጸው ፖሊስ የአጊቱ ጉደታ ሞት ጭንቅላቷ ላይ በመዶሻ በመምታት የተፈጸመ የግድያ ወንጀል ሳይሆን እንዳልቀረ ገልጿል።

ምንጭ፦ ቢቢሲ
@tikvahethiopia

የቅዱስ ጊዮርጊስ ስፖርት ማህበር ድጋፍ አደረገ።

የቅዱስ ጊዮርጊስ ስፖርት ማህበር ግምታቸው ከ5 ሚሊዮን ብር በላይ የሆነ ከ350 ሺህ በላይ ደብተሮች እና ሌሎች የመማሪያ ቁሳቁሶችን ድጋፍ ለሚፈልጉ ተማሪዎች አበረከተ።

ደብተሮቹ ላይ የክቡር ይድነቃቸው ተሰማ ፎቶግራፍ እና የክለቡ አርማ ያረፈባቸው ሲሆኑ መታሰቢያነቱም ለእሳቸው እንደሆነ ተገልጿል።

የቅዱስ ጊዮርጊስ ስፖርት ክለብ ማህበር ያሰባሰበው ቁሳቁስ ከፍተኛ መጠን ያለው በመሆኑ በአዲስ አበባ፣ በማይካድራ፣ በመቐለ ፣ በመከተል እና በሌሎች የሃገሪቱ ክፍሎች ለሚገኙ ትምህርት ቤቶችና ለተቸገሩ ተማሪዎች ተደራሽ ይሆናል ብሏል።

እንዲሁም ለተመረጡ የበጎ አድራጎት ድርጅቶች እና የተለያዩ ተቋማት ልገሳ አድርጓል ፦

- ለሜሪ ጆይ ኢትዮጵያ
- ለተስፋአዲስ የህጻናት ካንሰር መርጃ ድርጅት (TAPCCO)
- ለመከላከያ ሰራዊት
- ለታላቁ ሩጫ በኢትዮጵያ
- ለትኩረት በጎአድራጎት ማህበር
- ለህይወት የተቀናጀ የልማት ማህበር
- ለትምህርት ሚኒስቴር

መልዕክቱን የላከልን የቅዱስ ጊዮርጊስ ስፖርት ክለብ ነው።

@tikvahethiopia @tikvahethiopiaBOT

ለዓዲግራት ዩኒቨርሲቲ ተማሪዎች ፦

MoSHE የዓዲግራት ዩኒቨርሲቲ የ2012 ተመራቂ ተማሪዎች ትምህርታቸውን በመቐለ ዩኒቨርሲቲ እንዲማሩ መልዕክት አስተላልፏል።

በ2012 ዓ/ም ተመራቂ የነበሩ ተማሪዎች ዓዲግራት ዩኒቨርሲቲ በጥገና ላይ ስለሆነ ትምህርታቸውን መቐለ ዩኒቨርሲቲ ተምረው እንደሚመረቁ MoSHE አሳውቋል።

ከታህሳስ 30 እስከ ጥር 1 የምዝገባ ጊዜ መሆኑም ተገልጿል።

የዓዲግራት ዩኒቨርሲቲ ተማሪዎች በተጠቀሱት ቀናት መቐለ ዩኒቨርሲቲ ኩሃ ግቢ ሪፖርት እንዲያደርጉ ማሳሰቢያ ተሰጥቷል።

ጥር 2 ትምህርት ይጀምራል።

@tikvahethiopia @tikvahethiopiaBOT

ምስራቃዊ ሶሪያ ውስጥ በተፈፀመ ጥቃት የሰዎች ህይወት አለፈ!

በምሥራቃዊ ሶሪያ ውስጥ በአውቶብሶች ላይ በተፈጸመ ድንገተኛ ጥቃት ቢያንስ 28 ሰዎች ሳይሞቱ እንዳልቀረና ሁሉም ወታደሮች ሊሆኑ እንደሚችሉ ተገለጸ።

የሶሪያ ብሔራዊ የቴሌቪዥን ጣቢያ እንደገለጸው አውቶብሶቹ ዴር አል ዘር ተብሎ በሚታወቀው ግዛት ረቡዕ እለት ነው ኢላማ የተደረጉት።

በጥቃቱም በርካታ ዜጎች ተገድለዋል ብሏል ጣቢያው።

ነገር ግን አንዳንድ ምንጮችና ጉዳዩን በቅርበት የሚከታተሉ አውቶብሱ ውስጥ ወታደሮች እንደነበሩ እና የሟቾች ቁጥር ከዚህም በላይ ከፍ ሊል እንደሚችል አስታውቀዋል።

ከጥቃቱ በኋላ ወዲያው ኃላፊነቱን የወሰደ ቡድን አልነበረም።

መቀመጫውን UK ያደረገው የሶሪያ ሰብአዊ መብቶች ተቆጣጣሪ ድርጅት ጥቃቱን የፈጸመው #አይኤስ እንደሆነ በመግለጽ የሟቾች ቁጥር ደግሞ 37 ነው ብሏል።

ድርጅቱ በቦታው ላይ የነበሩ ምንጮችን በመጥቀስ ''ጥቃቱ በተቀናጀ መልኩ በአይኤስ አባላት የተካሄደ ነው ብሏል።

መንግስትን የሚደግፉ ታጣቂዎችና ወታደሮችን የጫኑ ሶስት አውቶብሶች ላይ ጥቃት ተፈጽሟል'' ሲል ነው መግለጫ ያወጣው። ~ BBC

@tikvahethiopia @tikvahethiopiaBOT

የተሽከርካሪ ባለንብረቶች ህዝባቸውን እንዲያገለግሉ ጥሪ ቀረበ !

በቤኒሻንጉል ጉሙዝ ክልል መተከል ዞን ካሉት 6 ወረዳዎች በ5ቱ ወረዳዎች ወደ መቶ ሺ ተፈናቃዮች ይገኛሉ።

ለተፈናቃዮች የሰብዓዊ እርዳታ በወቅቱ ለማድረስ እየተቸገረ እንደሆነ የክልሉ የአደጋ ስጋት ኮሚሽን ለቪኦኤ አስታውቋል።

ለዚህ ምክንያቱ በአካባቢው ባለው የፀጥታ ስጋት የተሽከርካሪ ባለንብረቶች መምጣት ባለመፈለጋቸው ነው ተብሏል።

ኮሚሽኑ የአቅርቦት ችግር እንደሌለ ገልፆ ነገር ግን የትራንስፖርት ባለንብረቶች አንሄደም የማለት እንቢተኝነት እየታየባቸው እንደሆነ አሳውቋል።

ባለነብረቶች ህዝባቸውን እንዲያግዙ ፣ ህዝባቸውን እንዲታደጉ፣ ኢትዮጵያዊነታቸውን እንዲያሳዩ ለራሳቸው እና ለህዝባቸው ታሪክ አስመዝግበው እንዲያልፉ ጥሪ ቀርቧል።

መኪናቸውን አቁመው ህዝብ ቢያልቅ የታሪክ ተወቃሽ መሆን እንዳለ በማሰብ ህዝባቸውን እንዲያገለግሉ የክልሉ አደጋ ስጋት ኮሚሽን መልዕክት አስተላልፏል።

በሌላ በኩል ፦

ተፈናቃዮች ባሉባቸው ቦታዎች ነዋሪዎች ከ15-20 ተፈናቃይ እያስተናገዱ ነው።

በርካታ ተፈናቃይ መጠለያ አጥቶ በግለሠብ ቤት ውስጥ አርፏል።

ነዋሪዎች ማስጠለል ብቻ ሳይሆን ምግባቸውንም እየሸፈኑ እንደሚገኝ ተነግሯል።

የቤኒሻንጉል ጉሙዝ ክልል አደጋ ስጋት ኮሚሽንም ተፈናቃዮችን እየተንከባከቡ ላሉ ነዋሪዎች ምስጋና ማቅረቡን ቪኦኤ ዘግቧል።

@tikvahethiopia @tikvahethiopiaBOT