#UPDATE

የፌዴራል ከፍተኛ ፍርድ ቤት በእነ ኮሎኔል መንግስቱ ኃይለማሪያም የክስ መዝገብ የተከሰሱና በጣሊያን ኤምባሲ ቅጥር ግቢ ውስጥ ለ30 ዓመታት በጥበቃ ስር የነበሩ ሌ/ጀነራል አዲስ ተድላ እና ሌ/ኮሌኔል ብርሃኑ ባየህ ጉዳይ ላይ ብይን ሰጥቷል፡፡

በዚህም መሰረት ሌ/ጄነራል አዲስ ተድላና ሌ/ኮሎኔል ብርሃኑ ባየህ ከጣሊያን ኤምባሲ በአመክሮ እንዲለቀቁ የፌዴራሉ ከፍተኛ ፍርድ ቤት ለፌዴራል ጠቅላይ አቃቤ ሕግና ለፌዴራል ፖሊስ ኮሚሽን ትዕዛዝ ሰጥቷል፡፡

ትዕዛዙ በኢ.ፌ.ዴ.ሪ የውጭ ጉዳይ ሚኒስቴር በኩል ለጣሊያን ኤምባሲ፣ እንዲሁም ለሌ/ጀነራል አዲስ ተድላና ለሌ/ኮሎኔል ብርሃኑ ባየህ እንዲደርስ ፍርድ ቤቱ አዟል፡፡ (ኢቲቪ)

@tikvahethiopiaBOT @tikvahethiopia

#BuleHoraUniversity

የቡሌ ሆራ ዩኒቨርሲቲ የነባር የአንደኛ እና ከዛ በላይ የተማሪዎች ከነገ ማለትም ታህሣስ 16/2013 ጀምሮ ተማሪዎችን ይቀበላል፡፡

የዩኒቨርሲቲውን የቅበላ ዝግጅት የሚያሳዩ በፎቶዎችን ከላይ መመልከት ይቻላል።

በሌላ በኩል ፦

• ዶ/ር ጉሚ ቦሩ የቡሌ ሆራ ዩኒቨርስቲ የምርምርና ማህበረሰብ አገልግሎት ምክትል ፕሬዜዳንት ሆነው ተመድበዋል።

• ዶ/ር ታምሩ አኖሌ የቡሌ ሆራ ዩኒቨርሲቲ የአካዳሚክ ጉዳዮች ምክትል ፕሬዜዳንት ሆነው ተመድበዋል።

• ዶ/ር ሮባ ደምቢ የቡሌ ሆራ ዩኒቨርሲቲ የአስተዳደር እና ተማሪዎች አገልግሎት ምክትል ፕሬዜዳንት ሆነው ተመድበዋል።

• ኢንጂነር አብርሃም ባያብል የቡሌ ሆራ ዩኒቨርሲቲ የቢዝነስና ተቋማዊ ልማት ምክትል ፕሬዜዳንት ሆነው ተመድበዋል።

@tikvahethiopiaBOT @tikvahethiopia

#WoalitaSodo

በዎላይታ ሶዶ በተከሰተዉ የእሳት አደጋ ለተጎዱ ነጋዴዎች ጊዜያዊ አማራጭ የገበያ ቦታ እየተዘጋጀ ነዉ፡፡

በተለምዶ መናፈሻ ተብሎ የሚጠራዉ የቀድሞ የዎላይታ ዞን ፖሊስ መምሪያ ምድረ ግቢ ነዉ በአማራጭ ገበያ ቦታነት እየተዘጋጀ የሚገኘዉ፡፡

የከተማ አስተዳደሩ እና የዞኑ መንግስት ከተጎጂዎቹ ጋር ተወያይተው በተስማሙት መሰረት ነው ስራው የተጀመረው።

ነጋዴዎቹ በሚዘጋጅላቸዉ ጊዜያዊ ቦታ እየሠሩ ጎን ለጎን ነባሩ መርካቶ ገበያ ተገንብቶ የሚጠናቀቅ ይሆናል ብሏል ከተማ አሰተዳደሩ።

ነባሩ የመርካቶ ገበያ ግንባታ በዘመናዊ መልኩ ሳይቆይ የሚጀምር እንደሚሆን ተገልጿል።

Via Wolaita City Administration
@tikvahethiopia @tikvahethiopiaBOT

#PASSPORT

የኢሚግሬሽን ዜግነትና ወሳኝ ኩነት ኤጀንሲ በቴክኒክ ችግር ምክንያት አቋርጦት የነበረውን የፓስፖርት አገልግሎት ከዛሬ ጀምሮ እንደሚቀጥል ገልጿል።

ኤጀንሲው ደንበኞች አገልግሎቱን ከዛሬ ታህሳስ 16 ቀን 2013 ዓ/ም ጀምሮ ማግኘት እንደሚችሉ በአጭር የፅሁፍ መልዕክት አሳውቋል።

@tikvahethiopia @tikvahethiopiaBOT

#NEBE

የኢትዮጵያ ብሄራዊ ምርጫ ቦርድ 6ተኛ አገራዊ ምርጫን አስመልክቶ ከዚህ ቀደም ከተካሄዱ ምክክሮች በኋላ የተከናወኑ ዋና ዋና ተግባራትን እንዲሁም መደረግ ስላለባቸው ተጨማሪ ጉዳዮች እና የጊዜ ሰሌዳን አስመልክቶ ከፓለቲካ ፓርቲዎች ጋር እየተወያየ ይገኛል።

ዛሬ የምርጫ የጊዜ ሰሌዳ ይፋ ይደረጋል።

አሁን ላይ የቦርዱ ሰብሳቢ ወ/ሪት ብርቱኳን ሚደቅሳ የቀድሞ ምክክሮችን በማስከተል የተከናወኑ ዋና ዋና ተግባራትን ለፓርቲ አመራሮችና ተወካዮች በማቅረብ ላይ ናቸው።

#TikvahFamilyAA
@tikvahethiopiaBot @tikvahethiopia

#UPDATE

በወላይታ ሶዶ ከተማ 'መርካቶ ገበያ' ደርሶ በነበረው የእሳት አደጋ 1.5 ቢሊዮን ብር የሚገመት ንብረት መውደሙን ተገለፀ።

42 ሺ የሚሆኑ ዜጎች በቀጥታና በተዘዋዋሪ በአደጋው ለቀውስ መጋለጣቸው ተነግሯል።

የደቡብ ክልል ምክትል ርዕሰ መስተዳድር አቶ እርስቱ ይርዳ እና ሌሎች የክልሉ ከፍተኛ የስራ ሀላፊዎች ከተጎጅዎች ጋር ውይይት አድርገዋል።

በአደጋው ሀብት ንብረታቸውን ያጡ ነጋዴዎች አደጋው በመከሰቱ ለከፍተኛ የስነ ልቦና ቀውስ መዳረጋቸውን በማንሳት ሀብታቸውን በማጣታቸው ቤተሰቦቻቸውን ጨምሮ በርካቶች ለከፋ ችግር ተጋላጭ በመሆናቸው ስጋት ገብቶናል ብለዋል።

የክልሉ መንግስትና ሁሉም ዜጋ ተገቢውን ድጋፍ እንዲያደርግላቸው ጥሪ አቅርበዋል።

የደቡብ ከልል ምክትል ርዕስ መስተዳድር አቶ እርስቱ ይርዳው ከእለታዊ ድጋፍ ጀምሮ እስከ መልሶ ማቋቋል ድረስ የክልሉ መንግስት የድርሻውን እንደሚወጣ አረጋግጠዋል።

ተጊጂዎቹ ወደ ቀደመ ስራቸው እንዲመለሱ የማይክሮ ፋይናንስና የባንክ ብድር ከሚመለከታቸው አካላት ጋር በመነጋገር ይመቻቻል ብለዋል።

የመርካቶ ገበያ ማእከል ለተመሣሣይ አደጋ ተጋላጭ እንዳይሆን በዘመናዊ መንገድ እንዲገነባ ድጋፍ የክልሉ መንግስት ያደርጋል ብለዋል።

ለመነሻ እንዲሆን የደቡብ ክልል መንግስት የ10 ሚሊየን ብር ድጋፍ አድርጓል።

Via Wolaita Zone Communication
@tikvahethiopiaBOT @tikvahethiopia