#UPDATE

በመተከል ዞን የተቋቋመው ኮማንድ ፖስት ቃል አቀባይ ኮ/ል አያሌው በየነ ዛሬ በቡለን ወረዳ ንጹሃን መገደላቸውን እንዳረጋገጡ አል ዓይን በድረገፁ አስነብቧል።

ቃል አቀባዩ የሟቾቹ ቁጥር ከ100 ሊበልጥም ሊያንስም ይችላል ብለዋል፡፡

የቤንሻንጉል ጉሙዝ ክልል መንግስት ማምሻውን ባወጣው መግለጫ በቡለን ወረዳ ኩጂ ቀበሌ በንፁሃን ላይ አሳዛኝ ጥቃት መፈፀሙን አሳውቋል።

ምን ያህል ንፁሃን እንደተገደሉ አልገለፀም።

የክልሉ መንግስት በጥቃቱ በሰዎች እና ንብረት ላይ ጎዳት መድረሱንም ገልጿል።

መከላከያ ሰራዊት ፣ እና የክልሉ ፀጥታ አካላት በጥቃት አድራሾቹ ላይ እርምጃ እየወሰዱና አካባቢውን እያረጋጉ ነው ብሏል።

በመተከል ዞን ቡለን ወረዳ ቲክቫህ ኢትዮጵያ አባላት አሁንም በ www.tikvahethiopia.net ላይ የደህንነት እና የፀጥታ ስጋት እንዳለባቸው እያሳወቁን ይገኛሉ።

@tikvahethiopia @tikvahethiopiaBOT

#COVID19Ethiopia

የባለፉት 24 ሰዓት የኮቪድ-19 ሪፖርት :

• የተደረገ የላብራቶሪ ምርመራ - 5,096
• በበሽታው የተያዙ - 351
• ህይወታቸው ያለፈ - 6
• ከበሽታው ያገገሙ - 1,006

አጠቃላይ 120,989 ሰዎች በበሽታው መያዛቸው ሲረጋገጥ ፤ የ1,870 ሰዎች ህይወት አልፏል፤ 105,824 ሰዎች ደግሞ ከበሽታው አገግመዋል።

253 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

#Metekel

በቤኒሻንጉል ጉሙዝ ክልል መተከል ዞን "የጸጥታ ችግር" ጋር በተያያዘ እጃቸው እንዳለበት የተረጋገጠ ከፍተኛና በየደረጃው ያሉ አመራሮች በቁጥጥር ስር መዋል እንደጀመሩ የክልሉ መንግስት ዛሬ ምሽት ገልጿል።

እስካሁን ድረስ በቁጥጥር ስር የዋሉ ፦

• አቶ ቶማስ ኩዊ ፡- የኢፌዴሪ ሠራተኛ እና ማኅበራዊ ጉዳይ ሚኒስቴር የማኅበራዊ ዘርፍ ሚኒስትር ዴዔታ

• አቶ አድጎ አምሳያ፡- የቀድሞው የክልሉ ምክትል ርዕሰ-መስተዳድር

• አቶ ሽፈራው ጨሊቦ፡-የቀድሞ የክልሉ ሳይንስና ቴክኖሎጂ ኤጀንሲ ዳይሬክተር

• አቶ ባንዲንግ ማራ፡- የመተከል ዞን ብልጽግና ፓርቲ ጽ/ቤት ኃላፊ

• አረጋ ባልቢድ፡- የመተከል ዞን የቀድሞ አመራር የነበሩ

#BenishangulGumuz #MetekelZone

@tikvahethiopia @tikvahethiopiaBOT

#Eritrea

ጎረቤታችን ኤርትራ ትላንት የመጀመሪያውን የኮሮና ቫይረስ ሞት አስተናግዳለች።

ሟቹ የ50 ዓመት እድሜ ያለው ወንድ #ደቀምሓረ ሆስፒተል ውስጥ የኮቪድ-19 ህክምና ሲደረግለት የነበረ ነው።

የዛሬ ሪፖርትን ጨምሮ በአጠቃላይ በኤርትራ ውስጥ 877 ሰዎች በኮቪድ-19 መያዛቸው ሲረጋገጥ የ1 ሰው ህይወት አልፏል፤ 599 ሰዎች ከበሽታው አገግመዋል።

@tikvahethiopia @tikvahethiopiaBOT

#BenishangulGumuz

የኢትዮጵያ መንግሥት በቤኒሻንጉል ጉሙዝ ክልል መተከል ዞን ያለውን ችግር ከመሠረቱ ለመፍታት አስፈላጊውን የተቀናጀ ኃይል እንዲሠማራ ማድረጉን ጠ/ሚ ዶ/ር አብይ ዛሬ ጥዋት አሳወቁ።

በክልሉ መተከል ዞን ውስጥ በዜጎች ላይ እየተፈጸመ ያለው ጭፍጨፋ እጅግ አሳዛኝ ሆኗል ብለዋል ጠቅላይ ሚኒስትሩ።

በተፈጸመው ኢሰብአዊ የሆነ ተግባርም በእጅጉ ማዘናቸውን ገልፀዋል።

ጠ/ሚሩ ችግሩን በተለያዩ መንገዶች ለመፍታት የተደረገው ጥረት የሚፈለገውን ውጤት አላመጣም ብለዋል። መንግስት አሁን ላይ የተቀናጀ ኃይል እንዲሰማራ ማድረጉን በፌስቡክ ገፃቸው አሳውቀዋል።

@tikvahethiopiaBOT @tikvahethiopia

ሀገር መከላከያ ሰራዊት በወሰደው እርምጃ 42 ታጣቂዎች ተደመሰሱ !

በመተከል ዞን ቡለን ወረዳ በኩጂ ቀበሌ በትናንትናው ዕለት በንጹኃን ዜጎች ላይ #ጥቃት ያደረሱ የታጠቁ ኃይሎች ላይ ሀገር መከላከያ ሰራዊት ተከታትሎ በወሰደው እርምጃ 42ቱ መደምሰሳቸውን የክልሉ ኮሚኒኬሽን ቢሮ ከደቂቃዎች በፊት አሰውቋል።

የመከላከያ ሠራዊት በወሰደው እርምጃ ታጣቂዎቹ ለጥፋት ሲጠቀሙባቸው የነበሩ በርካታ የጦር መሳሪያዎችን እና ቀስቶችን በቁጥጥር ስር አዉሏል።

@tikvahethiopiaBOT @tikvahethiopia

#SecurityAlert

በመተከል ዞን ቡለን ወረዳ ኤማንጂ፣በኖሽ፣ ዶቢ ቀበሌዎች አሁንም ከፍተኛ የደህንነት ችግር እንዳለባቸውን የቲክቫህ አባላት አሳውቀዋል።

ትላንት ለሊቱን በዶቢ ቀበሌ የተኩስ ድምፅ ሲሰማ እንደነበረ ጠቁመዋል። ስለደረሰው ጉዳት አጣርተው እንደሚያሳውቁን ገልፀዋል።

በተጠቀሱት አካባቢዎች ነዋሪው ቤት ንብረቱን ጥሎ እየሸሸ መሆኑንም አባላቶቻችን መልዕክት አድርሰዋል።

በ www.tikvahethiopia.net ላይ በየአካባቢው ያለውን የፀጥታ እንዲሁም ደህንነት ስጋት ልታሳውቁን ትችላላችሁ።

#TikvahFamilyBulenWoreda

@tikvahethiopiaBOT @tikvahethiopia

#TikvahFamilyBulenWoreda

ትላንት ለሊቱን በዶቢ ቀበሌ ከፍተኛ የተኩስ ድምፅ ሲሰማ ነበር።

በቀበሌው በተፈፀመው ጥቃት የአምስት ሰዎች ህይወታቸው እንዳለፈ በቡለን ወረዳ የቲክቫህ ኢትጵያ አባላት አሳውቀዋል።

አሁን በስልክ ያገኘናቸው የዶቢ ቲክቫህ አባላት የሟቾችን ስርዓተ ቀብር በስጋት ውስጥ ሆነው እያከናወኑ እንደሆነ ተናግረዋል።

ጥቃት አድራሾቹ ከበኩጂ ቀበሌ የተበተኑ የታጠቁ ኃይሎች እንደሆኑ የቲክቫህ አባላት በ www.tikvahethiopia.net ላይ ገልፀዋል።

አንድ አባላችን እንደገለፁልን ወደ #ዶቢ የገቡት ታጣቂዎች እስከ 300 የሚደርሱ ናቸው።

የመከላከያ ሰራዊት መረጃው ደርሶት በመግባት ምሽግ ይዞ ጥቃቱን ባይከላከል የሟቾች ቁጥር ሊጨምር ይችል ነበር ብለውናል።

አንድ የመከላከያ አባልም መጠነኛ ጉዳት ደርሶበታል።

የመተከል ዞን የቲክቫህ አባላት ለአካባቢው እንዲህ መሆን አመራሮችን ተጠያቂ ያደርጋሉ።

መንግስት ውስጡን እንዲፈትሽም በተደጋጋሚ አሳውቀዋል።

ነዋሪው ተስፋ ቆርጧል ፥ ግፍ እና መከራ አድክሞታል እጅግ በጣም አስቸኳይ መፍትሄ ይፈልጋል ብለዋል።

አሁንም ቢሆን በወረዳው የተለያዩ ቀበሌዎች ውስጥ ከፍተኛ የደህንነት ስጋት በመኖሩ የሚመመለከተው አካል ንፁሃንን እንዲታደግ አባላቶቻችን እየተማፀኑ ነው።

@tikvahethiopiaBOT @tikvahethiopia

#Metekel

በቡለን ወረዳ በኩጅ ቀበሌ በታጣቂዎች በተፈፀመው ጥቃት 100 ንጹሃን ዜጎች መሞታቸውን የመተከል ዞን ኮማንድ ፖስት ዛሬ አሳውቋል።

@tikvahethiopiaBOT @tikvahethiopia

#Metekel

ዛሬ ጥዋት 2 የቤንሻንጉል ጉሙዝ ክልል ከፍተኛ አመራሮች በቁጥጥር ስር ውለዋል።

በቁጥጥር ስር የዋሉት የክልሉ ግዢ እና ንብረት ማስወገድ ዋና ዳይሬክተር ገመቹ አመንቴ እንዲሁም የገጠር መንገድና ትራንስፖርት ባለስልጣን ምክትል ዳይሬክተር አድማሱ ሞርካ ናቸው።

በትላንትናው ዕለት በኩጅ ቀበሌ የተፈጠው ችግር ከተከሰተ በኃላ እነዚህ ከፍተኛ አመራሮች #እጃቸው_አለበት ተብለው ተጠርጥረው ነው የታሰሩት።

አመራሮቹ ተጠርጥረው በቁጥጥር ስር የዋሉት ከህበረተሰቡ በተሰጠ ጥቆማ ነው።

በቀጣይም ከህብረተሰቡ በሚሰጥ ጥቆማ ለችግሩ መባባስ ድርሻ አላቸው የተባሉ የትኛውም የቤጉ ክልል አመራር ሆነ የፀጥታ አካል ተጣርቶ እርምጃ ይወሰድበታል ብሏል ክልሉ።

በትላንትናው ዕለት አምስት የክልሉ አመራሮች በቀጥጥር ስር እንደዋሉ መገለፁ ይታወሳል።

@tikvahethiopiaBOT @tikvahethiopia

በትግራይ ክልል ጊዜያዊ የጤና ቢሮ ኃላፊ ዶክተር ፋሲካ ዐምደሥላሴ በዐይደር ሪፈራል ሆስፒታል የቀዶ ሕክምና ስፔሻሊስት ሆነው ሲያገለግሉ በነበረበትና የኢትዮጵያ መካልከያ ሠራዊት መቀሌን ሲቆጣጠሩ ነበረ ያሉትን ሁኔታ አስረድተዋል።

https://telegra.ph/DrFasikaAmdesilase-12-24

የትግራይ ክልል ጊዜያዊ አስተዳደር የካቢኔ አባላትን ይፋ አደረገ !

የጊዜያዊ አስተዳደሩ የጽህፈት ቤት ሃላፊ አቶ ገብረመስቀል ካሳ ዛሬ ለኢዜአ እንደገለጹት በክልሉ አዲስ የካቢኔ አባላት ተሹመው ስራ ጀምረዋል፡፡

ከሚያስፈልጉት 16 የካቢኔ አባላት መካከል 11 ተሿሚዎች በይፋ ስራ መጀመራቸውን አቶ ገብረመስቀል አስታውቀዋል፡፡

ያልተሟሉ የካቢኔ አባላት በቀጣይ ሳምንታት ተሟልተው ወደ ስራ እንደሚገቡ ተናግረዋል።

አስራ አንዱ (11) የካቢኔ አባላት ፡-

1. ዶ/ር ካህሣይ ብርሃኑ - የክልሉ ፋይናንስ ቢሮ ኃላፊ

2. ኢንጂነር አሉላ ሃብተአብ - የኮንስትራክሽን፣ መንገድ እና ትራንስፖርት ቢሮ ኃላፊ

3. ዶክተር ፋሲካ አምደስላሴ - የጤና ቢሮ ኃላፊ

4. አቶ አበራ ንጉሴ - የፍትህ ቢሮ ኃላፊ

5. ወይዘሮ እቴነሽ ንጉሴ - የመንግስት ኮሙኒኬሽን ጉዳዮች ቢሮ ኃላፊ

6. አቶ ዮሴፍ ተስፋይ - የንግድ፣ ኢንዱስትሪ እና ከተማ ልማት ቢሮ ኃላፊ

7. ዶክተር ተስፋይ ሰለሞን - የትምህርት ቢሮ ኃላፊ

8. ዶክተር ገብረህይወት ለገሠ - የውሃ ጥናትና ዲዛይን ቢሮ ኃላፊ

9. አቶ ሰለሞን አበራ - የውሃ ሃብት ቢሮ ኃላፊ

10. አቶ አብርሃ ደስታ - የማህበራዊ ጉዳይ ቢሮ ኃላፊ

11. አቶ ገ/መስቀል ካሣ የትግራይ ጊዜያዊ አስተዳደር የጽ/ቤት ኃላፊ

@tikvahethiopiaBOT @tikvahethiopia