#SavetheChildren

ባለፉት አራት ሳምንታት ድንበር ተሻግረው ወደ ሱዳን የገቡ ኢትዮጵያውያን ስደተኞች ቁጥር ከ45 ሺህ ማለፉን UNHCR አስታውቋል።

ከነዚህ መካከል 45% ህፃናት እንደሆኑም ገልጿል።

በሱዳን ኡም ራክባ 158 የሚሆኑ ወላጅ እና አሳዳጊ ሳይኖራቸው ብቻቸውን መገኘታቸውን በሱዳን የSave the Children ዳይሬክተር አርሻድ ማሊክ ለቪኦኤ ተናግረዋል።

ዳይሬክተሩ ህፃናቱ በአስር (10) ዓመት የእድሜ ክልል ውስጥ ያሉ መሆናቸውን ገልፀው ካምፕ ውስጥ ባለው መጨናነቅ የተነሳ መሰረታዊ ነገር ለማሟላት ጥረት እየተደረገ ነው ብለዋል።

ከላይ የተጠቀሰው አሃዝ በአንድ የስደተኞች ማዕከል በተደረገ የመረጃ ማሰባሰብ ሂደት የተገኘ መሆኑን ገልፀው እንደ ሃምዳይት ባሉ ከ30 ሺህ በላይ ስደተኞች ባሉበት ትልልቅ ካምፖች ብዙ ህፃናት ሊገኙ ይችላሉ ብሏል።

ሁኔታው ህፃናቱን እና ታዳጊዎቹን ለተለያዩ ጥቃቶች እና ብዝበዛ ሊያጋልጣቸው እንደሚችል ገልፀዋል።

Save the Children ከሱዳን መንግስት እና ከተመድ (UNHCR) ጋር በመተባበር መሰረታዊ የሆነ ድጋፍ ለማድረግ እየሰራ መሆኑን ለቪኦኤ ራድዮ አሳውቋል።

@tikvahethiopiaBOT @tikvahethiopia

የአሜሪካ ጦር ከሱማሊያ እንዲወጣ ታዘዘ።

የአሜሪካው ፕሬዚደንት ዶናልድ ትራምፕ ሁሉም የአሜሪካ የጦር ኃይል አባላት በ2021 መጀመሪያ ወር ላይ ሶማሊያን ለቅቀው እንዲወጡ ትዕዛዝ ሰጡ። 

700 የሚሆኑ የአሜሪካ ሠራዊት አባላት እንዲወጡ የታዘዘው ተመራጭ-ፕሬዚደት ጆ ባይደን ቃለ መሃላ ከመፈጸማቸው አምስት ቀናት ቀደም ብሎ ጃኑዋሪ 15 ነው።

ይህ በሶማሊያ ይሰጥ የነበረውን ስልጠናና ይካሄድ የነበረውን ፀረ-ሽብር ተልዕኮ ፋይዳ አስመልክቶ ባልበረደው ክርክር ላይ ግለትን ጨምሯል።

በሶማሊያ የአሜሪካ ጦር ተልዕኮ ደጋፊዎችና የተወሰኑ ብርቱ የትራምፕ ደጋፊዎች ዘንድ የሠራዊቱ መኖር አል ሻባብ በሪጂኑ ኃይሉን አጠናክሮ እንዳይስፋፋ የገታ መሆኑንና የጦሩ ሶማሊያን ለቅቆ መውጣትም ለሶማሊያ የጸጥታ ኃይላት የሚሰጡትን ስልጠናዎች የሚያቋርጥ መሆኑ ጉዳት እንዳለው በማንሳት ድምጻቸውን አሰምተዋል።

ሆኖም የአሜሪካ መከላከያ ሚኒስቴር ባለስልጣናት ዓርብ ዕለት እንዳስታወቁት ገሚሱ ጦር ወደ ጎረቤት አገር ኬንያ በመዛወር እዚያ ሆኖ የድሮን አየር ጥቃት ሊፈጽም እንደሚችል ጠቅሰዋል።

የአሜሪካ ጦር ሶማሊያን ለቅቆ የሚወጣው አገሪቱ የፓርላማ ምርጫ ለማድረግ ስድስት ወራት እና ፕሬዚደንታዊ ምርጫም ፌብሪዋሪ 2021 ለማከናወን በዝግጅት ላይ ባለችበትና የኢትዮጵያ ጦርም በአገር ውስጥ ወታደራዊ ግዳጆች ተጠምዶ ባለበት ወቅት መሆኑን ኤስ ቢ ኤስ (SBS) አስነብቧል።

@tikvahethiopiaBOT @tikvahethiopia

#Mekelle

መቐለ ዩኒቨርሲቲ አይደር ካምፓስ ሚማሩ ተማሪዎች ምንም አይነት የደህንነት ችግር እንደሌለባቸው ተናግረዋል።

ግቢው በሀገር መከላከያ ሰራዊት ቁጥጥር ስር ነው የሚገኘው።

ለስፔሻላይዜሽን የሄዱ ተማሪ ሃኪሞች ከዚህ ቀደም ከግቢ ውጭ ይኖሩ ነበር አሁን ላይ አብዛኛው ከሌላ አካባቢ የመጡ ወደ ግቢ ገብተው የመኝታ ክፍል (ዶርም) ተሰጥቷቸው እየኖሩ ነው።

ነገር ግን የተሟላ አልባሳት እና ለመኝታ የሚሆን ብርድ ልብስ ይዘው አልገቡም።

በግቢው ውስጥ የውሃ ፣ የመብራት ፣ የምግብ በቂ የአቅርቦት ችግር እንዳለ አሳውቀዋል። ከዚህ ባለፈም ከቤተሰቦቻቸው ጋር ከወር በላይ ባለመገናኘታቸው ተጨንቀዋል።

የመቐለ አይደር ካምፓስ ተማሪዎችም ሆኑ ሃኪሞች ወደ መጡበት አካባቢ እንዲመለሱ መንግስት ጥረት እንዲያደርግ ጠይቀዋል።

ቤተሰቦች እንዳይረበሹ መልዕክት አስተላልፈዋል።

Via ጋዜጠኛ ሃይለሚካኤል ዴቢሳ (ከመቐለ ከተማ)

@tikvahethiopiaBOT @tikvahethiopia

#UPDATE

ከአላማጣ ወደ መቐለ የሚሄደው ከፍተኛ የኤሌክትሪክ ሃይል ማስተላለፍያ መስመር #በፍጥነት እየተጠገነ እንደሚገኝ ኢ.ዜ.አ. ከስፍራው በፎቶ ዘገባ ገልጿል።

@tikvahethiopiaBOT @tikvahethiopia

ለቲክቫህ ኢትዮጵያ አባላት 👆

- በትግራይ ክልል ስለሚኖሩ በ100 ሺዎች የሚቆጠሩ የቲክቫህ አባላት ጋር ከአንድ ወር በላይ አለመገናኘት።

- በማህበራዊ ሚዲያዎች ስለሚሰራጩ የተዛቡ እና ሀሰተኛ መረጃዎች ጉዳይ።

- በማህበራዊ ሚዲያ ላይ የቲክቫህ አባላት ማድረግ ስላለባቸው ጥንቃቄ።

* ነባር የቲክቫህ አባላት በእንዲህ ያለ ወቅት በቲክቫህ ቤተሰብ መካከል ስለሚደረገው የመረጀ ልውውጥ በቂ ግንዛቤ ቢኖራቸውም አዳዲስ አባላት ስለቤተሰቡ እንዲረዱት የቀረበ ነው።

@tikvahethiopiaBOT @tikvahethiopia