#UPDATE

የአምቦ ዩኒቨርሲቲ "ተመራቂ ተማሪዎች" ከህዳር 28 ቀን 2013 ዓ/ም ጀምሮ ትምህርት እንደሚጀምሩ ዩኒቨርሲቲው ገልጿል።

ሪፖርት ያላደረጉ ተመራቂ ተማሪዎች ህዳር 24 እና ህዳር 25 ቀን 2013 ዓ/ም ሪፖርት እንዲያደርጉ ጥሪ ቀርቧል።

በቀጣይም የዩኒቨርሲቲዎችን ጥሪ በተመለከተ በ @tikvahethmagazine መከታተል ትችላላችሁ።

በትግራይ ክልል ስለሚገኙ ተማሪዎች ፣ እንዲሁም በትግራይ ክልል ባሉ ዩኒቨርሲቲዎች ስለሚማሩ ተማሪዎች ጉዳይ ከሚመለከታቸው አካላት ጠይቀን የምናሳውቃችሁ ይሆናል።

@tikvahethiopiaBOT @tikvahethiopia

አጫጭር መረጃዎች ፦

1. ጠ/ሚ ዶ/ር አብይ በህግ የሚፈለጉት የህወሓት አባላት ከመቐለ ሸሽተው "ሀገረ ሰላም" (ከመቐለ 52 KM) አካባቢ እየተሰባሰቡ ነው ሲሉ ተናገሩ።

ትላንት ምሽት የነበሩበትን ሁኔታ በቀጥታ ስንከታተል ነበር፤ ጥቃት ግን አልፈፀምንም ለዚህ ምክንያቱ በሽሽት ውስጥ ሚስቶቻቸውን ፣ ልጆቻቸውን ፣ የታፈኑ የኢትዮጵያ ወታደሮችን ይዘው ሄደዋል፤ ሀገር ሰላም እና አብይ ዓዲ አካባቢም መተረማመስ ስለነበር ነው ብለዋል። ይህ ሁኔታ ግን እንደማይቀጥል አሳስበዋል።

2. ዶ/ር ደብረጽዮን ገብረሚካኤል "ወደ ደቡብ ሱዳን ተሰደዋል" መባሉን "ሐሰት ነው" ሲሉ ለሮይተርስ መናገራቸውን ዶቼ ቨለ ዘግቧል፤ "አሁንም በመቐለ ከተማ አቅራብያ ከመንግስት ኃይሎች ጋር እየተዋጋን ነው" ብለዋል።

የጠ/ሚር ፅ/ቤት ፕሬስ ሰክሬቴሪያት ቢለኔ ስዩም "የፌዴራል መንግሥት በጦርነቱ የተጎዱ አካባቢዎችን በማረጋጋት ስራ ላይ ተጠምዷል ፤ ተበታትኖ ላለ ወንጀለኛ ንግግር መልስ መስጠት ጉዳያችን አይደለም" ሲሉ ዶ/ር ደብረጽዮን "በመቐለ አቅራብያ ከመንግስት ኃይሎች ጋር ውግያ ቀጥለናል" ብለው መናገራቸውን አጣጥለዋል።

3. የወልቃይት እና ሑመራ አካባቢዎች ላይ ተቋርጦ የነበረው 'የስልክ አገልግሎት' ዳግም መጀመሩን የአካባቢውን ነዋሪዎች ማረጋገጣቸውን አል ዓይን ዘግቧል።

4. ሱዳን በኢትዮጵያ ድንበር በምትገኘው ከሰላ ግዛት አከባቢ በርካታ ቁጥር ያለው የጦር መሳሪያ መያዟን አስታውቃለች።

የሀገሪቱ ፀጥታ ኃይሎች የጦር መሳሪያዎችን መያዝ የቻሉት ከኢትዮጵያ በትግራይ ክልል በኩል ወደ ሱዳን በሚያገናኘው ድንበር አከባቢ ሰሞኑን በተደረገ ድንገተኛ ፍተሻ መሆኑን የሱዳኑ ዜና አገልግሎት ሱና ዘግቧል።

ህዳር 21 ቀን 2013 ዓ/ም

@tikvahethiopiaBOT @tikvahethiopia

#እራሳችሁን_ጠብቁ !

የጤና ሚኒስትር ዶክተር ሊያ ታደሰ በኢትዮጵያ የኤች አይ ቪ ኤድስ ስርጭት አሁንም የጤና ስጋት ሆኖ ቀጥሏል አሉ።

ዶ/ር ሊያ ይህን ያሉት በኢትዮጵያ ለ33ኛ ጊዜ ዓለም አቀፉ የኤች አይ ቪ ኤድስ ቀን በቦሌ ለሚ ኢንዱስትሪ ፓርክ ዛሬ ሲከበር ነው።

አጠቃላይ ህዝቡ፣ ሁሉም ተቋማትና የሚመለከታቸው አካላት ስርጭቱን ለመግታት በትብብር አንዲሰሩ ጥሪ አቅርበዋል።

አሁን ላይ ኮቪድ-19 ስርጭት የተስፋፋበት ወቅት በመሆኑ ድርብ ስራና ሃላፊነትን ይጠይቃል ብለዋል።     
በአዲስ አበባ ከተማ፣ በጋምቤላ ክልል እና ከተሜነት በተስፋፋባቸው ሌሎች አካባቢዎች የኤች አይቪ ቫይረስ ስርጭት እየጨመረ መምጣቱን ገልፀዋል።

በግንባታ ቦታዎች እና ኢንዱስትሪ ፓርኮች ተመሳሳይ የስርጭት መስፋፋት መኖሩን ጠቁመዋል።

ዶክተር ሊያ ፥ ቫይረሱ የተገኘባቸው ሰዎች የህክምና ክትትል ማድረግ እና መድሃኒት በአግባቡ መውሰድ እንዳለባቸው መክረዋል።

ከዚህ በተጨማሪ ቫይረሱ በደማቸው የተገኘባቸው ግለሰቦችን እና በቫይረሱ ምክንያት ወላጆቻውን ያጡ ህጻናት እና አረጋዊያንን በመንከባከበ የህብረተሰቡ ትብብር መጠናከር እንዳለበትም አሳስበዋል - ENA

@tikvahethiopiaBOT @tikvahethiopia