መንግስት የሰጠው የ72 ሰዓታት ጊዜ ወደ መጠናቀቁ እየተቃረበ ይገኛል።

የህወሓት አባላት ግን ይህንን ጥሪ አልተቀበሉትም ፤ ይልቁንም መንግስት ሽንፈት ስለደረሰበት ለመሸፋፈን የተጠቀመው ነው ብለውታል።

የሀገር መከላከያ ሠራዊት ትላንት በሰጠው መግለጫ ለመጨረሻው ምዕራፍ ትዕዛዝ በተጠንቀቅ ላይ መሆኑን አስታውቋል።

መቐለ ከተማን የከበበው የሀገር መከላከያ ሠራዊት ፣ ለ3ኛውና ለመጨረሻው ምዕራፍ በተጠንቀቅ ቆሞ ትዕዛዝ በመጠባበቅ ላይ መሆኑን ተገልጿል።

የሀገር መከላከያ ሠራዊት መቐለ ከተማን በ50 ኪሎ ሜትር ውስጥ መክበቡ ተገልጿል።

ዶ/ር ደብረፅዮን ትላንት ለሮይተርስ በፅሁፍ እንዳሉት "መቐለ ተከቧል የሚባለው እስካሁን እንዲህ ያለ ነገር የለም" ሲሉ አጭር ምላሽ ሰጥተዋል።

በመቐለ ከተማ ይኖራል በተባለው ኦፕሬሽን ንፁሃን እንዳይጎዱ ወታደራዊ ያልሆኑ መሰረት ልማቶች እንዳይጠቁ የሰብዓዊ መብት ተሟጋቾች እና የተለያዩ ተቋማት እየተማፀኑ ነው።

ተመድ መንግስት ያስቀመጠው የ72 ሰዓት ቀነ ገደብ መጠናቀቁን ተከትሎ በመቐለ ሊከሰት የሚችለው ሁኔታ ከወዲሁ እንዳሳሰበው አሳውቋል ፤ ድርጅቱ "የጦር ወንጅል" እንዳይፈፀምም ስጋት እንዳለው ገልጿል።

ዶ/ር አብይ ከሁለት ቀን በፊት ባስተላለፉት መልዕክት ፥ "በመቐለ የሚኖረው የህግ ማስከበር እርምጃችን ጉዳትን እጅግ በቀነሰ መልኩ መከናወን እንዳለበት እናምናለን፣ ስለዚህም መቐለ ከተማን ከከፋ ጉዳት ታድገን ዘመቻውን በድል የምናከናውንበትን መንገድ እንደምንከተል ለመግለፅ እወዳለሁ" ብለዋል።

ጠ/ሚሩ የመቐለ ነዋሪዎች ከሰራዊቱ ጎን በመቆም በህግ የሚፈለጉትን አካላት ለፍርድ በማቅረብ ወሳኝ ሚናቸውን እንዲጫወቱ ጥሪ አቅርበዋል ፤ ለጥቂት ሰዎች ሲባል አንድም ሰው መሞት ፣ ንብረትም መውደም የለበትም ብለዋል።

(ቲክቫህ)
@tikvahethiopiaBOT

#UPDATE

የአፍሪካ ህብረት ሊቀ መንበርና የደቡብ አፍሪካው ፕሬዝደንት ሲሪል ራማፎሳ በኢትዮጵያ በትግራይ ክልል የተከሰተውን ግጭት በተመለከተ ከጠ/ሚር ዶ/ር አብይ አህመድ ጋር እንዲወያዩ የተሰየሙት ልዑካን ኢትዮጵያ (አዲስ አበባ) መግባታቸውን ቢቢሲ አስነብቧል።

ይህ ልዑክ የቀድሞውን የሞዛምቢክ ፕሬዝዳንት ዮአኪም ቺሳኖ ፣ የቀድሞዋ የላይቤሪያ ፕሬዝዳንት ኤለን ሰርሊፍ ጆንሰንና የደቡብ አፍሪካ የቀድሞ ፕሬዝደንት የነበሩትን ጋሌማ ሞትላንቴ የያዘ ነው።

3ቱ የቀድሞ መሪዎች "ግጭቱ የሚያበቃበትን" መንገድ ለመወያየት ነው አዲስ አበባ የመጡት።

ልዑኩ ወደ አዲስ አበባ የገባው መንግስት የህግ ማስከበር እርምጃው ወደ #መጨረሻው ምዕራፍ ተሸጋግሯል ብሎ ባሳወቀበት ጊዜ ነው።

ዛሬ ጥዋት ጠ/ሚር ዶ/ር አብይ አህመድ በመቐለ የሚካሄደው የ3ኛው ምዕራፍ ኦፕሬሽን መጀመሩን አሳውቀዋል።

ጠ/ሚር ዶ/ር አብይ አህመድን ጨምሮ ሌሎችም የፌዴራል ባለስልጣናት እየተወሰደ ያለው እርምጃ ሕግን ማስከበበር ስለሆነ ከህወሓት አመራሮች ጋር ምንም አይነት ድርድር ለማድረግ ፍላጎት እንደሌለ ከዚህ ቀደም መግለፃቸው ይታወቃል።

@tikvahethiopiaBOT @tikvahethiopia

ችሎት !

የሀገር መከላከያ ሰራዊት የሰሜን ዕዝ ሬዲዮ ግንኙነት በማቋረጥ በጦሩ ላይም አሰቃቂ የግድያ ወንጀል ፤ የአካል ጉዳት እና የጦር መሳሪያ ዝርፊያ እንዲፈፀም አድርገዋል ተብለው የተጠረጠሩ 7 ከፍተኛ መኮንኖች እና ሌሎችም ከወታደራዊ መኮንኖች ውጪ ያሉ አምስት ግለሰቦች በዛሬው ዕለት ለ2ኛ ጊዜ ፍርድ ቤት ቀርበዋል።

* ዝርዝር የፍርድ ቤት ውሎ መረጃ ከላይ ተያይዟል።

@tikvahethiopiaBOT @tikvahethiopia

ጠቅላይ ሚኒስትር ዶ/ር አብይ ነገ ፕሬዜዳንት ሲሪል ራማፎሳ የላኳቸውን ልዑካን ተቀብለው ያነጋግራሉ።

ጠ/ሚሩ ልዑኩን ተቀብለው ቢያነጋግሩም ከህወሓት ቡድን አባላት ጋር የሚደራደሩበት ሁኔታ እንደማይኖር አምባሳደር ሬድዋን ዛሬ ለa TV ተናግረዋል።

አምባሳደር ሬድዋን ፥ "በተለይም ከጎረቤት ሀገራት፤ ብሎም ከአፍሪካ ልዑካን የሚመጣ ሙከራ እና ሃሳብ እንቀበላለን ፤ ሁሉንም ወዳጆቻችንን እንሰማልን" ብለዋል።

ነገር ግን ሁለት መቶ ያህል የሚሆኑና የእስር ማዘዣ ከወጣባቸው የህወሓት አባላት ጋር ድርድር የሚባል ነገር እንደማይኖር መረዳት አለባቸው ሲሉ ገልፀዋል።

በሌላ በኩል ፦

ወደሱዳን የተሰደዱ ዜጎችን ወደሀገራቸው ለመመልስ የማግባባት ስራ እየተሰራ መሆኑን እና ከመቐለ ውጭ ሁሉም የትግራይ አካባቢ በሀገር መከላከያ ሰራዊት ስር እንደሚገኝ ተናግረዋል።

በትግራይ ክልል በፌዴራል መንግስት ስር በሚገኙ አካባቢዎች የሰብዓዊ ድጋፍ መደረግ መጀመሩንም አሳውቀዋል።

@tikvahethiopiaBot @tikvahethiopia

* Mekelle

የኢ.ፌ.ዴ.ሪ. መከላከያ ሚኒስትር ዶክተር ቀነዓ ያደታ ሀገር መከላከያ ሰራዊት መቐለ ከተማን ለመቆጣጠር መቃረቡን ለአናዱል ተናግረዋል።

በአሁን ሰዓት ከመቐለ ውጭ ሁሉም የትግራይ ክልል አካባቢዎች በመከላከያ ስር እንደሆኑም ተናግረዋል።

እስካሁን ከ70 እስከ 80 በመቶ በህወሓት እጅ የነበሩ ከባድ መሳሪያዎችን ማስመለስ መቻሉን የተናገሩ ሲሆን ሌሎቹ እንዲወድሙ ተደርገዋል ሲሉ ገልፀዋል።

ተጨማሪ አጫጭር መረጃዎች ከጀርመን ሬድዮ ፦

- መከላከያ ሰራዊቱ ከመቐለ በስተሰሜን እንዲሁም በስተደቡብ በ30 ኪሎ ሜትር ርቀቶች ላይ መድረሱን AFP ጦርነቱን በቅርበት የሚከታተሉ የዲፕሎማሲ ሰዎችን ጠቅሶ ዛሬ ዘግቧል።

- ተመድ ሰዎች የመቐለ ከተማን ለቀው እየወጡ ነው ሲል አስታውቋል።

- በሜካናይዝድ የታገዙ የፌዴራል የመከላከያ ኃይሎች ከመቐለ ከተማ ከ30 እስከ 40 ኪሎ ሜትር ርቀት የሚገኙ አካባቢዎች ላይ ጥቃት እንደሰነዘሩ ተገልጿል። ነገር ግን ስለሁኔታው ዝርዝር መረጃ አልተገኘም።

- በትግራይ ክልል ያሉ ሚዲያዎች ዛሬ ስለነበረ ውሎ ምንም ያሉት ነገር የለም።

- በክልሉ ኔትዎርክ ባለመኖሩ ምክንያት መሬት ላይ እየሆነ ስላለው ነገ በቂ መረጃ ማግኘት እየተቻለ አይደለም።

- የትራንስፖርትና የመገናኛ ችግር በመኖሩ እየተላለፉ ያሉት የጥንቃቄ መልዕክቶች ምን ያህል ሰዎች እንደደረሳቸው እርግጠኛ መሆን እንደማይቻል AP ገልጿል።

@tikvahethiopiaBOT @tikvahethiopia