#FDREDefenseForce

ሀገር መከላከያ ሰራዊት ህወሓት ውስጥ ያለው ቡድን ሰራዊቱ እየወሰደ ያለውን 'የህግ ማስከበር' እርምጃ መቋቋም ተስኖታል ሲል ገልጿል።

በህግ የሚፈለጉት ህወሓት ውስጥ ያሉት ቡድኖች ከዚህ በኃላ ያላቸው አማራጭ "ተዋግቶ መሞት ፤ አልያም እጅ መስጠት ብቻ ነው" ብሏል ሰራዊቱ።

* የመከላከያ ህብረት ዘመቻ ዋና መምሪያ ኃላፊ ብ/ጄኔራል ተስፋዬ አያሌው የሰጡት በካርታ የተደገፈ ማብራሪያ ከላይ ተያይዟል።

@tikvahethiopiaBOT @tikvahethiopia

#DireDawa

በድሬዳዋ ከተማ አስተዳደር "የከባድ ተሽከርካሪዎች" የከተማ ውስጥ እንቅስቃሴ የሰዓት ገደብ ተላልፏል።

ከነገ ህዳር 14 ቀን 2013 ዓ/ም ጀምሮ ከንጋቱ 12 ሰዓት እስከ ምሽት 12 ሰዓት ድረስ ወደ ከተማ ውስጥ መግባት ሆነ በከተማ ውስጥ መንቀሳቀስ አይቻልም።

ወደ ከተማ ውስጥ መግባትም ይሁን በከተማ ውስጥ መንቀሳቀስ የፈቀደው ከምሽት 12 ሰዓት በኋላ እስከ ንጋት 12 ሰዓት ድረስ ብቻ ነው።

ምክንያት ?

ይህ የሰዓት ገደብ የተላለፈው በአስተዳደሩ እየተከሰተ ያለው የትራፊክ መጨናነቅና በዚህ ሳቢያ እየተፈጠረ ያለውን የመንገዶች መዘጋት እና መጉላላት ለመቀነስና ለማስቀረት በማሰብ ነው።

ምንጭ፦ ድሬ ፖሊስ
@tikvahethiopiaBOT @tikvahethiopia

#DrAbiyAhmed

መንግስት በህግ የሚፈለጉ የህወሓት ቡድን አባላት በ72 ሰዓታት ውስጥ በሰላም 'እጃቸውን እንዲሰጡ' ጥሪ አቀረበ።

ጠ/ሚ ዶ/ር አብይ ዛሬ ምሽት ባሰራጩት መግለጫ የህወሓት ቡድን አባላት በቀጣዩ 72 ሰዓት ውስጥ በሰላም እጃቸውን በመስጠት የመጨረሻውን ዕድል እንዲጠቀሙ መልዕክት አስተላልፈዋል።

* ዝርዝር መግለጫው ከላይ ተያይዟል።

@tikvahethiopiaBot @tikvahethiopia

* ማሻሻያ

የድሬዳዋ ከተማ አስተዳደር ፖሊስ ከከባድ ተሽከርካሪ ጋር ተያይዞ በተላለፈው የሰአት ገደብ ላይ ማሻሻያ አድርጓል።

ከነዳጅ ጫኝ ከባድ ተሽከርካሪ ውጪ ማንኛውም ከባድ ተሽከርካሪ ጠዋት ከ1 ሰአት እስከ 3 ሰአት እና ቀን ከ5 :30 እስከ 8:30 ወደ ከተማ መግባት ሆነ በከተማ ውስጥ መንቀሳቀስ የተከለከለ ነው።

ከላይ ከተገለፀው ሰአት ውጪ ወደ ከተማ ውስጥ መግባትም ይሁን በከተማ ውስጥ መንቀሳቀስ ይፈቀዳል።

የተጠቀሰውን የሰአት ገደብ ቢሚተላለፉ ላይ የህግ የእርምት እርምጃ የሚወሰድ መሆኑን ማሳሰቢያ ተሰጥቷል።

ለማሻሻያው ምክንያት ?

አሁን ላይ ካለው ከሀገሪቱ ከወጪ ገቢ ንግድ እና ከሌሎች ተጨማሪ ሁኔታዎች አንፃር ቀደም ብሎ በተላለፈው የእንቅስቃሴ ገደብ ላይ ማሻሻያ ማድረግ አስፈላጊ ሆኖ ተገኝቷል።

ምንጭ፦ ድሬ ፖሊስ
@tikvahethiopiaBOt @tikvahethiopia

#Somali

ዛሬ አቶ ሙስጠፌ ሙሁመድ በጀረር ዞን የተገነባውን 'ጋሻሞ ሆስፒታል' መርቀው ከፍተዋል።

በ80 ሚሊየን ብር የተገነባ ሲሆን ፣ በዙሪያው ለሚገኙ 5 ወረዳዎች አገልግሎት ይሰጣል።

ሆስፒታሉ ለ800 ሺህ ለሚጠጉ የህብረተሰብ ክፍሎች አገልግሎት ይሰጣል ተብሎ ይታሰባል።

አሁን ላይ በሱማሌ ክልል 12 የሚጠጉ ሆስፒታሎች በ1 ቢሊየን ብር በሚጠጋ በጀት የግንባታ፣ የማስፋፊያ እና የማሻሻያ ስራዎች እየተሰሩ መሆናቸው ተገልጿል።

በሌላ በኩል ፦

ዛሬ የሶማሌ ክልል የፋፈን ዞን የአውበሬ ወረዳ የጤና ጣቢያ የአስቸካይ (Emergency) የቀዶ ጥገና የሕክምና ክፍል አስመርቆ አገልግሎት አስጀምራል።

(SRTV)
@tikvahethiopiaBOT @tikvahethiopia

አጫጭር መረጃዎች #1 ፦

- አቶ ሬድዋን ሁሴን ህወሓት ወደ ባህር ዳር የሮኬት ጥቃት መሰንዘሩን ለሮይተርስ ገልፀዋል። ጥቃቱ ጥዋት 12:20 አካባቢ እንደተፈፀመ የተገለፀ ሲሆን የደረሰ ጉዳት ስለመኖሩ አልተገለፀም።

- ህወሓት ጥዋት ወደ ባህር ዳር ከተማ የሮኬት ጥቃት መፈፀሙን አሳውቋል፤ኢላማው ኤርፖርቱ እንደነበረም ገልጿል። በሌላ በኩል በራያ ግንባር ድል እየተቀዳጀው ነው ሲል መግለጫ ሰጥቷል፤ አንድ ሂሊኮፕተር መቶ መጣሉን፣ 3 ታንክ ማቃጠሉን ገልጿል።

- ዶ/ር ደብረፅዮን ለሮተርስ በ3 ግንባር ድል እያደረጉ እንደሆነ ገልፀዋል፤ ተሰጠ የተባለው ጊዜ የፌዴራል ኃይሉን ሽንፈት ለመሸፈን እና ዳግም ለመሰባሰብ ነው ብለዋል።

- ድምፂ ወያነ ቴሌቪዥን ከጥዋት ጀምሮ ዝግጅቶቹ ተቋርጧል፤ ቴሌቪዥን ጣቢያው ከጥዋት እንስቶ እስካሁን እያሳየ የሚገኘው የቻናሉን ሎጎ ብቻ ነው።

- ዛሬ የመከላከያ ሰራዊት መቐለን በ50 ኪሎ ሜትር ርቀት መክበቡን/ቀለበት ውስጥ መክተቱን መንግስት ገልጿል ሲል ሮይተርስ አስነብቧል። የህወሓት ቡድን አባላት በ72 ሰዓት ውስጥ እጃቸውን እንዲሰጡ ጥሪ መቅረቡ ይታወቃል።

- ጄኔራል ብርሃኑ ጁላ ለኢትዮጵያ ሳተላይት ቴሌቪዥን ለመቐለ ነዋሪዎች የህወሓት አመራሮች ከተደበቁበት አካባቢ እራሳቸውን እንዲያርቁ እና ከመከላከያ ጎን እንዲሰለፉ መልዕክት መተላለፉን ተናግረዋል። ጥሪው በበራሪ ወረቀት መበተኑን ገልፀዋል።

- የጠ/ሚ አብይ ከፍተኛ አማካሪ አቶ ማሞ ምህረቱ ፤ አሁን ላይ አብዛኛው የትግራይ ክፍል በመከላከያ ስር መሆኑ ለቢቢሲ ተናግረዋል። መቐለ ናት በመከላከያ ሠራዊት ቁጥጥር ስር ያልሆነችው፣ ዘመቻው በጥቂት ቀናት ይጠናቀቃል ብለዋል።

ህዳር 13/2013 ዓ/ም
(ቲክቫህ ኢትዮጵያ)

@tikvahethiopiaBOT