#UPDATE

አምባሳደር ሬድዋን ሁሴን በዛሬው ዕለት ሃገራዊ ሁኔታዎችን በማስመልከት ለውጭ መገናኛ ብዙሃን ማብራሪያ ሰጥተው ነበር።

“ከግጭቱ ዋዜማ የትግራይ ክልል መሪ ከጠቅላይ ሚኒስትሩ ጋር ተደዋውለው ነበር” ያሉት ቃል አቀባዩ “ሁኔታውን በቀላሉ እንደሚይዙት እና በንግግር ሊፈቱት እንደሚችሉ ተነጋግረው ነበር” ብለዋል፡፡

ጠ/ሚሩ ይህን ታሳቢ በማድረግ በአዲስ የተቀየረውን ብር ወደ ትግራይ ለመላክ እና ክልሉ የእለት ተዕለት የቢዝነስ እንቅስቃሴ ለመደገፍ ቃል ገብተዋል፡፡

ሆኖም በዚያው ዕለት ምሽት ላይ በክልሉ በሚገኘው የሃገሪቱ ጦር የተለያዩ ጣቢያዎች ላይ ድንገተኛ ጥቃት መከፈቱ ነው የገለጹት፡፡

ጥቃቱም በተመረጡ የሰራዊቱ አካባቢዎች ላይ በተመሳሳይ ሰዓት የተፈጸመ ነው፡፡

ያንብቡ - https://telegra.ph/AlAin-11-10

@tikvahethiopiaBOT @tikvahethiopia

#DrAbiyAhmed

ጠ/ሚር ዶክተር አብይ አህመድ ዛሬ ምሽት በትዊተር ገፃቸው ላይ ባሰራጩት መልዕክት የህግ የበላይነት የማረጋገጥ ስራው ሳይጠናቀቅ ድርድር የሚባል ነገር አይኖርም ሲሉ #አረጋግጠዋል።

በሌላ በኩል ፦

የአፍሪካ ኅብረት ኮሚሽን ሊቀመንበር በትግራይ ክልል ያለው ግጭት በአፋጣኝ እንዲቆም ጥሪ አቅርበዋል።

የፌደራሉ እና የክልሉ መንግሥት ሰላማዊ መፍትሄ ለማምጣት ወደ ንግግር እንዲመለሱ ሊቀመንበሩ ሙሳ ፋኪ ማህማት ጠይቀዋል፡፡

ግጭቱን ለመፍታት የሚደረግን ማንኛውም ጥረት ለማገዝ የአፍሪካ ኅብረት ዝግጁ መሆኑን ገልፀዋል።

ሀገሪቱ ወደ ዕርስ በዕርስ ግጭት ውስጥ እንዳታመራ ኅብረቱ ጣልቃ እንዲገባ የክልሉ ገዢ ፓርቲ ሊቀመንበር ዶ/ር ደብረፅዮን ገብረሚካኤል ባለፈው እሁድ ጥሪ ማድረጋቸው አይዘነጋም፡፡

@tikvahethiopiaBot @tikvahethiopia

ጠቃሚ የስልክ ቁጥሮች #1

ከላይ ፦

1. የኦሮሚያ ክልል ከተሞች፣ ዞኖች ፖሊስ መምሪያ ስልኮች
2. በሲዳማ ክልል (ሀዋሳ ከተማ አስተዳደር ፖሊስ)
3. የአማራ ክልል የዞኖች፣ የብሄረሰብ አስተዳደሮች፣ እና ከተሞች ፖሊስ
4. የድሬዳዋ ከተማ አስተዳደር ፖሊስ ኮሚሽን
5. ደቡብ ክልል ፖሊስ ኮሚሽን እንዲሁም የፀጥታ ቢሮዎችን የስልክ ቁጥሮች ማግኘት ትችላላችሁ።

* የሌሎች የከተሞች ፣ የዞኖች የፀጥታ ቢሮ ስልኮች በቀጣይነት ይቀርባሉ።

የምንኖርበትን አካባቢ የፀጥታ አካላት ስልክ ቁጥሮች በእጅ ስልካችን ላይ የመመዝገብ ባህልን እናዳብር።

@tikvahethiopiaBOT @tikvahethiopia

#FDREAirForce

የአየር ኃይል ዋና አዛዥ የሆኑት ሜ/ጄ ይልማ መርዳሳ ዛሬ መግለጫ ሰጥተው ነበር።

የኢፌዴሪ አየር ኃይል የህወሓት ቡድን ሊጠቀምባቸው ያሰባቸውን ኢላማዎች ከጥቅም ውጭ አድርጓቸዋል ብለዋል።

አየር ኃይሉ የነዳጅ ዴፖዎች ፣ የመሳሪያ ማከማቻዎች እና ሌሎች ኢላማዎችን ያለምንም ከልካይ አውድሟል ሲሉ ተናግረዋል።

ሜ/ጄ ይልማ ፥ "ፓይለቶቻችን የተመረጡ ዒላማዎችን ለመደምሰስ መሣሪያ ጭነው እየሄዱ ሲቪል የሚጎዳ ከመሰላቸው ሳይተኩሱ በመመለስ ነጥሎ የመምታት ስትራቴጂ እየተከተሉ ይገኛሉ" ብለዋል።

አሁንም ይህ የጥፋት ኃይል ህግ ፊት እስኪቀርብ ድረስ ያለምንም ከልካይ ተፈላጊ ኢላማዎችን እናጠቃለን ሲሉ አሳውቀዋል።

@tikvahethiopiaBOT @tikvahethiopia

'የጋዜጠኞች መታሰር'

የAddis Standard አዘጋጅ መድሃኔ እቁባሚካኤል እንደገና ለእስር መዳረግ፣ የአውሎ ዋና አዘጋጅ በቃሉ አላምረው መታሰር እንዳሳሰባቸው የኢትዮጵያ ሰብዓዊ መብት ኮሚሽን ዋና ኮሚሽነር ዶክተር ዳንኤል በቀለ ገለፁ።

ኮሚሽነሩ ከሚዲያ ጋር የተገናኘ ጥፋት ጠፍቶም ከሆነ ፍትሃዊ በሆነ መንገድና ስርአትን በተከተለ ሁኔታም እንዲካሄድ ጥሪ አቅርበዋል።

በተጨማሪ የEPA ጋዜጠኞች ሃፍቱ ገ/እግዚአብሔር ፣ ፀጋዬ ሃዱሽ እና አብርሃ ሃጎስ እንዲሁም የOMN ጋዜጠኛ የሆነው ኡዲ ሙሳ ተጨማሪ 4 ጋዜጠኞች መታሰር ስጋት እንደፈጠረባቸው ገልፀዋል።

ቅዳሜ እለት ጥቅምት 28/2013 ዓ.ም በቁጥጥር ስር ውሎ የነበረው መድሃኔ ቢለቀቅም ሰኞ እለት ጥቅምት 30 ቀን 2013 ዓ/ም እንደገና እንደታሰረም ተገልጿል።

በሌላ በኩል ፦

ሲፒጄ የአውሎ ሚዲያ ዋና አዘጋጅ በቃሉ አላምረው እንዲፈታ ለኢትዮጵያ ባለስልጣናት ጥሪ አቅርቧል። (BBC)

@tikvahethiopiaBOT @tikvahethiopia