#UPDATE

የፌዴራል መንግስት እና የትግራይ ክልላዊ መንግስት የገቡበትን ውጥረት እንዲያረግቡ በአዲስ አበባ የሚገኘው የብሪታኒያ ኤምባሲ ጥሪ አቅርቧል።

ኤምባሲው 2ቱም ወገኖች የሰላማዊ ሰዎችን ደሕንነት እንዲጠብቁ አሳስቧል።

የብሪታኒያ የውጭ ጉዳይ መሥሪያ ቤት በአዲስ አበባ እና በመቐለ መካከል በተካረረው ውጥረት ሳቢያ ወደ ትግራይ እና ሰሜን አማራ አካባቢዎች የሚንቀሳቀሱ ተጓዦች ከፍተኛ ጥንቃቄ እንዲያደርጉ አስጠንቅቋል።

በሌላ በኩል ፦

በአዲስ አበባ የሚገኘው የአሜሪካ ኤምባሲ የፌድራል መንግሥት እና የትግራይ ክልል በአፋጣኝ ውጥረቱን ሊያረግቡ ይገባል ብሏል።

"ሁሉንም ወገኖች ለሰላማዊ ሰዎች ደሕንነት ቅድሚያ እንዲሰጡ አጥብቀን እናበረታታለን" ሲል ገልጿል።

(DW)
@tikvahethiopiaBot @tikvahethiopia

በመቐለ ከተማ ሰላማዊ እንቅስቃሴ ነው ያለው።

ባንኮች፣ መስሪያ ቤቶች እና ቴሌ ግን ዝግ ሆነው ነው የዋሉት።

የነዋሪዎች መደበኛ ህይወት እንደወትሮው ሁሉ ሰላም ነው።

PHOTO : ጋዜጠኛ ግርማይ ገብሩ
@tikvahethiopiaBOT @tikvahethiopia

መቐለ አሁን ያለችበት ሁኔት ከቢቢሲ ጋዜጠኛ ፦

"ትላንት ማክሰኞ እኩለ ለሊት ገደማ መቐለ ከተማ ተኩስ ይሰማ ነበር።

የከተማው ሰው እየሆነ ባለው ነገር ተደናግጦ ነበር። ይሄኔ ሁኔታውን ለማረጋገጥ ወደ ፀጥታ ኃይል ሰዎች ስደውል 'አሁን ልናናግርህ አንችልም፤ቢዚ ነን' አሉኝ።

ከደቂቃ በኋላ የስልክ መስመር ተቋረጠ። ስልኬ 'ኖ ሰርቪስ' የሚል ምልክት ያሳየኝ ጀመር።

በመቀጠል የኢንተርኔት አገልግሎት ሙሉ በሙሉ ተቋረጠ።

ጥዋት ስንነሳ ከተማዋ የኤሌክትሪክ አገልግሎቷ እንደተቋረጠ ተረዳሁ።

መብራት የጠፋው መቐለ ብቻ ሳይሆን ትግራይ ክልል ሙሉ እንደሆነ ማረጋገጥ ችያለሁ።

ወደ ከተማ ወጣ ስል የሰዎች ፊት ላይ ግራ መጋባት ተመለከትኩ። አብዛኛው ሰው በእግሩ ነበር ሲንቀሳቀስ የነበረው።

ከተማዋ ላይ ያሉ የባንክ ቅርንጫፎች ተዘግተው ነበር።

ሁለት የባንክ አስተዳዳሪዎች እንደነገሩኝ አገልግሎት ያቋረጡ የበይነ መረብ [ኢንተርኔት]አገልግሎት ስለሌለ ነው።

ረፋድ ላይ የኢትዮቴሌኮም ሠራተኞች መስሪያ ቤታቸው ደጃፍ ላይ ሰብሰብ ብለው ቆመው ነበር።

ከረፋፈደ በኋላ ከፀጥታ ኃይል ሰዎች እንደተረዳሁት ተኩሱ የተሰማው የትግራይ ክልል ወታደሮች ከሰሜን ዕዝ ጋር በነበራቸው የተኩስ ልውውጥ መሆኑን ተረድቻለሁ።

ወደ ኢትዮጵያ አየር መንገድ ቢሮና ወደ ሌሎች የጉዞ ወኪሎች አምርቼ ለጊዜው በረራ ሙሉ በሙሉ መቋረጡን መረዳት ችያለሁ።

መቀሌ ከተማ ያሉ የመንግሥት መሥሪያ ቤቶች እና ሆቴሎች አካባቢ ከበድ ያለ የፀጥታ ኃይል ይታያል።

የክልሉ መንግሥት ክልሉ ውስጥ ምንም ዓይነት ወታደራዊ እንቅስቃሴ እንዳይኖር አግዷል።

የትራንስፖርት አገልግሎትም ሙሉ በሙሉ ቆሟል። የክልሉ አየር ክልልም ከበረራ ውጭ እንዲሆን ታዟል።

መቐለ አሁን ላይ ሰላማዊ ሁኔታ ላይ ትገኛለች።"

@tikvahethiopia