ለነገ የተጠራው ሰልፍና የመንግስት ምላሽ !

የአማራ ብሔራዊ ንቅናቄ (አብን) ፓርቲ በአማራ ህዝብ ላይ እየተፈፀመ ያለውን ግድያ እና ጥቃት ለመቃወም ነገ ጥቅምት 18 በአማራ ክልል ከተሞች እና ጥቅምት 22 በአ/አ ሰላማዊ ሰልፍ ጠርቷል።

ፓርቲው ስለጠራው ሰልፍ እና ሌሎች ወቅታዊ ጉዳዮች ዙሪያ ከቀኑ 8:00 ላይ በዋና ጽሕፈት ቤቱ ጋዜጣዊ መግለጫ ይሰጣል።

በሌላ በኩል ፦

በትላንትናው ዕለት የአማራ ክልል መንግስት በአማራ ክልል የተጠራው ሰልፍ ህጋዊ አይደለም፤ ወቅቱንም ያላገናዘበ ነው ብሎታል።

ሰልፉ ህጋዊ ባለመሆኑ የክልሉ ነዋሪዎች መደበኛ የእለት ከእለት ስራቸውን እንዲሰሩ ጥሪውን አቅርቧል።

ይህንን ተላልፎ ሰልፍ የሚወጣ አካል ካለ ግን የጸጥታ አካላት ፤ ፓሊስና ሚሊሻ ስርዓት እንዲያስይዙ የክልሉ መንግስት ትዕዛዝ መስጠቱን ገልጿል።

የአማራ ክልራ የኮሚኒኬሽን ዳይሬክተር አቶ ግዛቸው ፥ "የገጠመን ችግር ሰልፍ በማድረግ ብቻ የምንፈታው አይደለም ፤ በሰልፍ ለውጥ የሚመጣ ቢሆን የክልሉ መንግሥት ፊት ሁኖ ይመራው ነበር" ብለዋል።

የተጠራውን ሰልፍ በራሳቸው መንገድ ለመጠቀምና አማራ ክልልን የትርምስ ቀጠና ለማድረግ እየሠሩ የሚገኙ የውስጥ እና የውጭ ኃይሎች አሉ የክልሉ መንግሥትም ተጨባጭ መረጃ ደርሶታል ሲሉ ገልፀዋል።

በተጨማሪ ከክልሉ ውጭ የሚኖረው አማራ ደኅንነቱ የሚጠበቀው በበሰለ የፖለቲካ ውይይት እና ድርድር እንዲሁም ህገወጦችን በአንድነት ሁኖ በመታገል ለዘላቂ መፍትሔ በመስራት ነው እንጂ በሰልፍ ሊሆን አይችልም ብለዋል።

እንዲህ አይነት ሁኔታ በዘፈቀደ የሚጠራ ሰልፍ ከክልሉ ውጭ የሚኖሩ ዜጎችን ይበልጥ ተጋላጭ የሚያደርግ ካልሆነ በስተቀር መፍትሄ ሊሆን የሚችል አለመሆኑን ተናግረዋል፡፡

*የከሰዓቱን የአብንን መግለጫ ተከታትል እናሳውቃለን!

@tikvahethiopiaBOT

#UPDATE

የኢትዮጵያ፣ ግብጽ እና ሱዳን የውጭ እና የውሃ ጉዳይ ሚኒስትሮች የሶስትዮሽ ስብሰባ ዛሬ ጥቅምት 17 ቀን 2013 ዓ.ም በቬርቿል ተጀምሯል።

የዛሬው ስብሰባ ሊጀመር የቻለው በደ/አፍሪካ የዓለም አቀፍ ግንኙነት እና ትብብር ሚኒስትር እና የአፍሪካ ህብረት አስፈጻሚ ምክር ቤት ሊቀመንበር ጥቅምት 11 ቀን 2013 ለሃገራቱ በጻፉት ደብዳቤ ባስተላለፉት ጥሪ መሰረት ነው።

በዚህ መሰረት የኢትዮጵያ፣ ግብጽ እና ሱዳን የውጭ ጉዳይ እና የውሃ ጉዳይ ሚኒስትሮች የቨርቷል ስብሰባ ከቀኑ10 ስዓት ላይ ተጀምሮ እየተካሄደ ይገኛል።

ስብሰባው በአፍሪካ ህብረት ማዕቀፍ ስር እየተካሄደ ያለው የታላቁ የኢትዮጵያ ሕዳሴ ግድብ የተመለከተው የሶስትዮሽ ድርድር በሚቀጥልበት ጉዳይ ዙሪያ የሚመክር ይሆናል፡፡

ምንጭ፦ የውጭ ጉዳይ ሚኒስቴር
@tikvahethiopiaBOT @tikvahethiopia

የኢትዮጵያ፣ ግብጽ እና ሱዳን የውጭ ጉዳይ እና የውሃ ጉዳይ ሚኒስትሮች የሶስትዮሽ ስብሰባ !

(የውጭ ጉዳይ ሚኒስቴር እና የውሃ፣ መሰኖ እና ኢነርጂ ሚኒስቴር የጋራ ፕሬስ መግለጫ)

የደቡብ አፍሪካ የዓለም አቀፍ ግንኙነት እና ትብብር ሚኒስትር እና የአፍሪካ ህብረት አስፈጻሚ ምክር ቤት ሊቀመንበር ቀደም ብሎ በጥቅምት 11 ቀን 2013 ዓ/ም ለሃገራቱ በጻፉት ደብዳቤ እና ባስተላለፉት ጥሪ መሰረት የኢትዮጵያ ፣ ግብጽ እና ሱዳን የውጭ ጉዳይ እና የውሃ ጉዳይ ሚኒስትሮች ትላንት ጥቅምት 17 በበይነ-መረብ ስብሰባ አካሂዷል፡፡

ስብሰባው አፍሪካ ህብረት ማዕቀፍ ስር እየተካሄደ ያለው የታላቁ የኢትዮጵያ ሕዳሴ ግድብን የተመለከተው የሶስትዮሽ ድርድር በሚቀጥልበት ሁኔታ ላይ መክሯል።

የደቡብ አፍሪካው ፕሬዝዳንት ክቡር ሲይርል ራማፎዛ ቀደም ብሎ በጥቅምት መጀመሪያ ከኢትዮጵያ፣ ግብጽ እና ሱዳን መሪዎች ጋር በስልክ ባደረጓቸው ውይይቶች በተደረሰው መግባባት እና ባስቀመጡት አቅጣጫ መሰረት ድርድሩን ለመቀጠል #ስምምነት ተደርሷል።

ሀገራቱ በሰባት (7) ቀናት ውስጥ ድርድሩን በማካሄድ በቀጣይ የድርድሩ አካሄዶች እና የጊዜ ሰሌዳ ላይ ስምምነት መድረስ፣ ሀገራቱ ላይ ልዩነት ባሏቸው ጉዳዮች ዙሪያ ልዩነቶችን ለማጥበብ እና ውጤቱንም ለውጭ ጉዳይ እና የውሃ ጉዳይ ሚኒስትሮች ቀጣይ ስብሰባ ለማቅረብ መግባባት ላይ ደርሰዋል፡፡

የመጀመሪያው የቴክኒክ ስብሰባ በሱዳን የውሃ ጉዳይ ሚኒስትር ሰብሳቢነት እደሚከናወን ይጠበቃል።

@tikvahethiopiaBot @tikvahethiopia