#UPDATE

በ2 ቀበሌ በተፈፀመ ጥቃት የ31 ሰዎች ህይወት አልፏል !

በጉራፈርዳ ወረዳ በሰዎች ላይ ጥቃት በማድረስ የተጠረጠሩ 16 ግለሰቦች በቁጥጥር ስር ውለዋል።

በቁጥጥር ስር ከዋሉት ግለሰቦች መካከል አንድ የፖሊስ አባልና አራት አመራሮች እንደሚገኙበት የዞኑ ዋና አስተዳዳሪ አቶ ፍቅሬ አማን በሰጡት መግለጫ አስታውቀዋል፡፡

ዋና አስተዳዳሪው ጥቅምት 8 እና ጥቅምት 11 ቀን 2013 ዓ.ም በሁለት ቀበሌዎች በተፈፀመ ጥቃት የ31 ሰዎች ህይወት ማለፉን እና 5 ሰዎች ላይ ጉዳት መድረሱን ተናግረዋል፡፡

1 ሺህ 480 አባወራዎች ተፈናቅለው በቢፍቱ ከተማ የተጠለሉ ሲሆን ጊዜያዊ እርዳታ እንዲያገኙ እየተደረገ መሆኑንም ገልፀዋል፡፡ (FBC)

PHOTO : TIKVAH FAMILY (GuraFerda)
@tikvahethiopiaBot @tikvahethiopia

ዛሬ ጥቅምት 12 የትግራይ ክልል ኮሚኒኬሽን ቢሮ መግለጫ አውጥቷል።

ቢሮው በመግለጫው ፦

- የፌዴራሉ መንግስት የትግራይ ህዝብ ድርሻ የሆነውን የድጎማ በጀት መከልከሉ ባስታወቀበት ማግስት ፣ ከበረሃ አንበጣ መንጋ ጋር እየተናነቀ ያለውን የትግራይ ህዝብ ዓመት ሙሉ የለፋበት ቡቃያ የአንበጣ ሲሳይ እንዲሆን በይኖበታል ብሏል።

- ጸረ-አንበጣ መድሓኒት በአውሮፕላን እንደረጨ የሃሰት መረጃ አስተላልፏል ሲል ወቅሷል።

- ከዓለም ኣቀፍ ማህበረሰብ እንዲሁም ለጋሽ አገሮች ለገበሬዎች ሲሰጥ የቆየውን የሴፍቲኔት ፕሮግራም ማለት ከጥቅምት ወር ጀምሮ ለቀጣይ ሶስት ወራት መላክ የነበረበት 285 ሚልዮን ብር እንደከለከለ ጥቅምት 10/2013 ዓ/ም በይፋ ኣሳውቀዋል ሲል ገልጿል፡፡

- የመቐለ ከተማ የመጠጥ ውሃ ችግር ለመፍታት ፣ ገረብ ግባ ግድብ ፕሮጀክት ኩንትራት ወስዶ እየሰራ ያለውን የቻይና ኩባንያ (CHAINA GEZHOUBA GROUP COMPANY LIMITED) የመጠጥ ውሃ ፕሮጀክት 2 ዲዛይነሮች ከቻይና ተነስተው በትራንዚት ወደ መቐለ ከተማ እንዳይመጡ ጥቅምት 12/2013 ዓ/ም ቦሌ ዓለምኣቀፍ አውሮፕላን ጣቢያ አግቶ አስቀርታቸዋል ብሏል፡፡

@tikvahethiopiaBot @tikvahethiopia

የገንዘብ ሚኒስቴር ለትግራይ ወረዳ ፣ ከተማና ቀበሌ የድጎማ በጀት የሚተላለፍበት አሠራር ዝግጅት አጠናቅቂያለሁ አለ።

በሚኒስቴሩ የተዘጋጀው የበጀት ድጎማ አሠራር በሚቀጥለው ሣምንት ለሚኒስትሮች ምክር ቤት ቀርቦ ከጸደቀ በኋላ ተግባራዊ ይደረጋል ብሏል።

በዚህም በጀቱ በወረዳ፣ ከተማና ቀበሌ አስተዳደር አካላት የባንክ ሂሳብ በኩል እንደሚተላለፍ ተገልጿል።

አስተዳደር አካላቱ የባንክ ሂሳብ ማስተላለፊያ ደብተር ካላቸው በዚያው በኩል ከሌላቸው ደግሞ አዲስ የባንክ ሂሳብ በመክፈት በጀቱ እንዲደርሳቸው ይደረጋል ነው የተባለው።

ሚኒስቴሩ የትግራይ ሕዝብ እንደ ሌሎቹ የአገሪቱ ክልል ሕዝቦች የትምህርት ፣ የጤና ፣ የንጹሕ መጠጥ ውኃ ፣ የምግብ ዋስትና እንዲሁም ሌሎች መሠረታዊ የሆኑ ማኅበራዊና ኢኮኖሚያዊ አገልግሎቶች ድጋፍ እንዲያገኙ ይደረጋል ብሏል። (ENA)

@tikvahethiopiaBot @tikvahethiopia

#NEBE

የ6ኛው አገራዊ ምርጫ ኦፕሬሽን አስመልክቶ ፓለቲካ ፓርቲዎች ዛሬ ለምርጫው የተዘጋጁ ቁሳቁሶችን በኤግዚቢሽን ማዕከል እየጎበኙ ይገኛሉ፡፡

በዛሬው ዕለት የፓርቲዎች ማዕከል ቢሮ ቁልፍ ርክክብ ይደረጋል ተብሎ ይጠበቃል፡፡

ከዚህ ቀደም የሚዲያ አካላት ተመሳሳይ ጉብኝት ማድረጋቸው ይታወሳል፡፡

PHOTO : TIKVAH FAMILY (A.A)
@tikvahethiopiaBOT @tikvahethiopia

#FDREDefenseForce

በአሁኑ ሰዓት የ10ኛ ዙር ልዩ ሀይል ፀረ-ሽብር ዕጩ ተመራቂዎች የተለያዩ ወታደራዊ ትርኢቶችን በሀዋሳ እያሳዩ ይገኛሉ።

የሠራዊቱ አባላት በልዩ ዘመቻዎች ኃይል የሰለጠኑ ሲሆኑ በነገው ዕለት የሚመረቁ ናቸው።

እየተካሄደ ያለው ወታደራዊ ትርዒት ፣ የሽብር ጥቃትን አስቀድሞ ለመከላከል እንዲሁም በከተሞች እና ምቹ ባልሆኑ አካባቢዎች ተልዕኮን እንዴት መወጣት እንደሚያስችል ያሳየ ነው።

ምንጭ፦ መከላከያ ሰራዊት
@tikvahethiopiaBot @tikvahethiopia

#UPDATE

የብሄራዊ ምርጫ ቦርድ የፓርቲዎች ማዕከል ቢሮ ቁልፍ ርክክብ ዛሬ አካሂዷል፡፡

ማዕከሉ በምርጫ ቦርድ የተመዘገቡ ፓርቲዎች የተለያዩ እንቅስቃሴዎችን እንዲያከናውኑበት ታስቦ የተዘጋጀ ነው፡፡

ቢሮው የኮምፒውተር ፣ የኢንተርኔት አገልግሎት እንዲሁም መጠነኛ መሰብሰቢያ ቦታን ያካተተ ነው፡፡

ከዚህ በተጨማሪ የፓርቲዎች የጋራ ምክር ቤት እንዲሁም የኢትዮጵያ የሴት ፓለቲከኞች የጋራ ምክር ቤት በማዕከሉ ውስጥ ቢሮ ተሰጥቷቸው ከቦርዱ ቁልፍ ተረክበዋል፡፡

ማዕከሉ የራሱ ሰራተኞች ይኖሩታል፤ የሚተዳደረው በብሄራዊ ምርጫ ቦርድ ይሆናል ተብሏል፡፡

የፖለቲካ ፓርቲዎች አገልግሎቱን ከማዕከሉ ሰራተኞች ጋር በመነጋገርና ቀጠሮ በማሲያዝ መጠቀም እንደሚችሉ ተገልጿል፡፡

PHOTO : TIKVAH FAMILY
@tikvahethiopiaBot @tikvahethiopia

በህገወጥ መንገድ ሲዘዋወር የተገኘ 510 ኩንታል ስኳር ለሸማቾች ሊከፋፈል ነው !

(የሸዋ ሮቢት ከተማ ኮሚኒኬሽን)

ከሰሞኑን ህገ ወጥ በሆነ መንገድ ሲዘዋወር በጸጥታ ኃይሎች በቁጥጥር ስር የዋለ 510 ኩንታል ስኳር ከዛሬ ጀምሮ ለሸማች ማህበረሰቡ እንደሚከፋፈል የሸዋ ሮቢት ከተማ አስተዳዳር ገልጿል።

እንደ አስተዳደሩ ንግድና ገበያ ልማት ጽ/ቤት ገለጻ ከሆነ ከቀናት በፊት 2 የጭነት ተሸከርካሪዎች ምንም አይነት ህጋዊ ሰነድ ሳይኖራቸው ከአዲስ አበባ ወደ ደሴ በህገ ወጥ መንገድ 510 ኩንታል ስኳር ይዘው ሲንቀሳቀሱ በከተማው የጸጥታ ኃይሎች በቁጥጥር ስር ውለዋል።

የከተማው የህገወጥ ተከላካይ ግብረ ኃይል ለፍርድ ቤት በሚያቀርበው መረጃ መሰረት ውሳኔ እስከሚሰጥ ድረስ ግብር ኃይሉ ስኳሩ ለሸማች ማህበረሰብ ተሸጦ ገንዘቡ በአደራ መልክ እንዲቀመጥ ውሳኔ አሳልፏል።

ስኳሩ ለሸማችና ለቸርቻሪዎች የተሰራጨ ሲሆን ከዛሬ ጀምሮ ማህበረሰቡ ኩፖኑን በመያዝ በተመደበት ሱቅ እና ሸማች ማህበር በመሄድ ስኳሩን መወሰድ የሚችል መሆኑን ጽ/ቤቱ አስታውቋል።

@tikvahethiopiaBot @tikvahethiopia