ከትምህርት ሚኒስቴር በተገኘው መረጃ መሰረት ትላንት 30 በመቶ የሚሆኑ ትምህርት ቤቶች ትምህረት ጀምረዋል።

በቀጣይም ሌሎች ትምህርት ቤቶች ወደ ማስተማሩ ሂደት ይገባሉ።

ተማሪዎች በትህርት ቤት በሚኖራቸው ቆይታም አስፈላጊው ጥንቃቄ እያደረጉ ትምህርት እንድትከታተሉ ትምህርት ሚኒስቴር ጥሪ አቅርቧል።

@tikvahethiopiaBot @tikvahethiopia

#ከፍተኛ_ጥንቃቄ_እያደረጋችሁ !

(ጎንደር ኮሚኒኬሽን)

በጎንደር ከተማ ውስጥ ከ31,000 ብር በላይ ሃሰተኛ የብር ኖት በቁጥጥር ስር መዋሉ የ3ኛ ዋና ፖሊስ ፅህፈት ቤት አስታውቋል።

ሃሰተኛ የብር ኖቶች የተያዙት በከተማ አስተዳደሩ በማራኪ ክፍለ ከተማ ልዩ ስሙ ኮሌጅ ማዞሪያ እየተባለ በሚጠራው አካባቢ ነው።

ሃሰተኛ የብር ኖቶች በፀጥታ ሃይል በተደረገ ክትትል ትላንት ጥቅምት 9 ቀን 2013 ከጧቱ 2 ስዓት ላይ መያዙ ተገልጿል።

የድርጊቱ አስፈፃሚዎች እንዲሁም ተባባሪዎቻቸው ፖሊስ እየተከታተላቸው መሆኑ በማወቃቸው በመታተም ላይ የነበረ ፦
• 27 ሺህ ብር አዲሱ ባለ 200 የብር ኖት
• 4 ሺህ 600 ብር ነባሩ ባለ 100 የብር ኖቶችን በባጃጅ በመጫን ከወሰዱ በኃላ ውሃ ቦይ ላይ ጥለው አምልጠዋል።

የድርጊቱ አስፈፃሚዎችና ተባባሪዎቻቸውም በቁጥጥር ስር ለማዋል ፖሊስ ክትትል እያደረገ መሆኑ ተገልጿል።

ሃሰተኛ የብር ኖቶች የሞባል ካርድ በመግዛት ፣ ምግብ ቤት በመጠቀም እንዲሁም የሱቅ ሸቀጣሸቀጦችን በመግዛት እያዘረዘሩ በመሆኑ ህብረተሰቡ ሃሰተኛ የብር ኖት ሲያጋጥም ተጠያቂ ከመሆን በፊት ለፓሊስ ሊጠቁም እንደሚገባ ፖሊስ አሳስቧል።

በህገ ወጥ መንገድ እየተመረተ ያለው ሃሰተኛ የብር ኖቶች ከአዲሱ የብር ኖቶች ጋር ተመሳሳይ በመሆናቸው እና በሁሉም የብር ኖቶች ዓይነቶች ሃሰተኛ የብር ኖቶች እየተሰሩ ወደ ገበያ ውስጥ እየገቡ በመሆኑ ህብረተሰቡ እንዳይታለል መልዕክት ተላልፏል።

@tikvahethiopiaBot @tikvahethiopia

#REPOST

በሀሰተኛ የብር ኖቶች እንዳትጭበረበሩ አዲስ ታትመው ስለተሰራጩት የብር ኖቶች የደህንነት መጠበቂያ ምልክቶች መረጃ ይኖራችሁ ዘንድ ከላይ ያለውን ምስል ተመልከቱ።

#SHARE #ሼር

@tikvahethiopiaBot @tikvahethiopia

#UPDATE

የአዲስ አበባ ከተማ አስተዳደር ምክር ቤት ወ/ሮ ዘርፈሸዋል ንጉሴን አፈጉባኤ አድርጎ በአብላጫ ድምፅ ሰይሟል፡፡

የአ/አ ከተማ አስተዳደር ምክር ቤት 8ኛ አመት የስራ ዘመን 1ኛ መደበኛ ጉባኤውን በዛሬ እለት እያካሄደ ይገኛል።

@tikvahethiopiaBot @tikvahethiopia

#UPDATE

ዛሬ የኢትዮጵያ ህብረተሰብ ጤና ኢንስቲትዩት ምክትል ዳይሬክተር አስቻለው አባይነህ መግለጫ መስጠታቸውን አል ዓይን ዘግቧል።

ም/ዳይሬክተሩ በመግለጫቻው ተከታዩን ብለዋል ፦

- እስካሁን በኢትዮጵያ በቫይረሱ ከሚያዙት 57 በመቶ የሚሆኑት እድሜያቸው ከ15-34 ሲሆን ከሟቾች ውስጥ ደግሞ 51.9 በመቶ የሚሆኑት ዕድሜያቸው ከ60 ዓመት በላይ ነው።

- በቫይረሱ የሞት ምጣኔ በኢትዮጵያ 1.52 በመቶ ፣ በአፍሪካ 2.4 በመቶ ፣ በዓለም ደግሞ 2.8 በመቶ ነው።

- በአሁኑ ወቅት በኮቪድ 19 ወረርሽኝ ተይዘው የሚገኙ ሰዎች ውስጥ 63 በመቶው ምልክት የማያሳዩ ናቸው።

- ከሐምሌ እና ነሐሴ በላይ አሁን ላይ ወደ ፅኑ ሕሙማን የሚገቡ ታማሚዎች ብዛት እየጨመረ መጥቷል።

- 1.4 በመቶ የሚሆኑት በሆስፒታል የሚገኙ ታማሚዎች በፅኑ ሕሙማን ክፍል ውስጥ ይገኛሉ፡፡

- በኢትዮጵያ ሁሉም ወረዳዎች ቢያንስ አንድ በኮቪድ የተያዘ ሰው ሪፖርት አድርገዋል፡፡

- አዲስ አበባ ከተማ አስተዳደር ፣ ኦሮሚያ ክልል ፣ ትግራይ ክልል ፣ አማራ ክልል ፣ ደቡብ ክልልና ሲዳማ ክልል በቅደም ተከተል ከፍተኛ የቫይረሱ ተጠቂዎች የተገኙባቸው ናቸው።

@tikvahethiopiaBot @tikvahethiopia

#UPDATE

የህብረተሰብ ጤና ኢንስቲትዩት ዋና ዳይሬክተር ዶክተር ኤባ አባተ ኮቪድ-19 በተመለከተ "የአስከሬን ምርመራ" ከጥቂት ሳምንታት ወዲህ መቆሙን አስታውቀዋል።

በሌላ በኩል የኮሮና ምርመራ ኪቶችን በተመለከተ ቢጂአይ የተባለ የቻይና ኩባንያ ባሳለፍነው ሳምንት ኪቶችን ማምረት ስለመጀመሩም አስታውቀዋል።

Via Addis Maleda Newspaper
@tikvahethiopiaBot @tikvahethiopia

#DrLiaTadesse

የትምህርት ቤቶችን መከፈትን አስመልክቶ በሚደረጉ ማናቸውም እንቅስቃሴዎች ከፍተኛ ጥንቃቄ ሊደረግ እንደሚገባ የጤና ሚኒስቴር ማሳሰቡን አዲስ ቲቪ ዘግቧል።

ዶ/ር ሊያ ታደሰ የአስቸኳይ ጊዜ አዋጁ መነሳቱን ወረርሽኙን እንደጠፋ አድርጎ በመመልከት ህብረተሰቡ በግዴለሽነት እየተንቀሳቀሰ ይገኛል ብለዋል፤ ይህም በአሁኑ ወቅት እየተመዘገበ ያለው የታማሚ ቁጥር እንዲጨምር ማድረጉን ገልፀዋል።

ተቋርጦ የነበረው የትምህርት መርሐ ግብር እንዲጀመር ከመደረጉ ጋር ተያይዞ በአሁኑ ወቅት የሚስተዋለው ግዴለሽነት ህፃናትና ታዳጊዎች ለወረርሽኙ ተጋላጭ የሚያደርጋቸው መሆኑን ዶ/ር ሊያ ገልፀዋል።

ይህንንም ከቤተሰብ ጀምሮ በሚደረግ ጥንቃቄ መከላከል ይገባል ሲሉ አሳስበዋል።

@tikvahethiopiaBot @tikvahethiopia

#PASSPORT

የኢሚግሬሽን ፣ ዜግነት እና ወሳኝ ኩነት ኤጀንሲ ባጋጠመው የኔትወርክ ችግር ምክንያት የኦንላይን (online) አገልግሎቱን ዛሬ ጠዋት መጀመር እንዳልተቻለ ለ 'ኢትዮጵያ ቼክ' ገልጿል።

አገልግሎቱ ከሰአት አካባቢ ይሰራል ተብሎ እንደሚጠበቅና ፣ ስራው ሲጠናቀቅ አገልግሎቱ ማግኘት የሚቻልበት ሊንክ ይፋ እንደሚደረግ ኤጀንሲው አሳውቋል።

@tikvahethiopiaBot @tikvahethiopia

#PASSPORT

አዲስ ፓስፖርት ለማግኘት አመልካቾች ከዚህ በታች የተመለከቱትን መስፈርቶች ማሟላት አለባቸው፡፡

1. ይህን አገልግሎት ለማግኘት የሚያስፈልጉ ሁሉንም ሰነዶች ማዘጋጀት ፦

• ህጋዊ የቀበሌ መታወቂያ ካርድ
• የተረጋገጠ የልደት የምስክር ወረቀት/ማስረጃ

2. የሚያመለክቱት ለአስቸኳይ አገልግሎቶች ከሆነ ከሚከተሉት መካከል ቢያንስ አንዱ ሊኖርዎት ይገባል ፦

• የሕክምና ደብዳቤ
• የትምህርት እድል እና ዲቪ
• ከተፈቀደለት ድርጅት የተጻፈ ደብዳቤ
• የውጭ ሀገር የነዋሪነት ፍቃድ
• የግብዣ ደብዳቤ
• አስቸኳይ የስራ ጉዞ
• በሀዘን/ጋብቻ ምክንያት የሚደረግ ጉዞ

3. ለአዲስ ፓስፖርት የሚከፈለውን ክፍያ ያረጋግጡ ፦

• ለ32 ገጽ ፓስፖርት - 600
• ለ64 ገጽ ፓስፖርት - 2186 በኢትዮጵያ ንግድ ባንክ ከፍላችሁ online አድራሻ ላይ አባሪ ያደርጉታል።

አድራሻ እስኪገለፅላችሁ በትዕግሥት ጠብቁ።

የኢሚግሬሽን፣ ዜግነትና የወሳኝ ኩነት ኤጀንሲ
ጥቅምት 10/2013 ዓ/ም

@tikvahethiopiaBOT @tikvahethiopia

የአገልግሎት ጊዜ ያበቃ ፓስፖርት በተመለከተ ፦

የአገልግሎት ጊዜ ያበቃ ፓስፖርት ለማመልከት ከዚህ በታች የተመለከቱትን መስፈርቶች ማሟላት አለባቸው፡፡

1. ይህን አገልግሎት ለማግኘት የሚያስፈልጉ ሁሉንም ሰነዶች ማዘጋጀት ፡

የአገልግሎት ጊዜው ያበቃው ፓስፖርት የመረጃ ገጽ ኮፒ

2. የሚያመለክቱት ለአስቸኳይ አገልግሎቶች ከሆነ የሚከተሉት የግድ ሊኖሩዎት ይገባል ፦

• የሕክምና ደብዳቤ
• የትምህርት እድል እና ዲቪ
• ከተፈቀደለት ድርጅት የተጻፈ ደብዳቤ
• የውጭ ሀገር የነዋሪነት ፍቃድ
• የግብዣ ደብዳቤ
• አስቸኳይ የስራ ጉዞ
• በሀዘን/ጋብቻ ምክንያት የሚደረግ ጉዞ

3. ለሚመርጧቸው አገልግሎቶች የሚከፈለውን የአገልግሎት ክፍያ እዚህ ላይ ያረጋግጡ>፦

• ለ32 ገጽ ፓስፖርት - 600
• ለ64 ገጽ ፓስፖርት - 2186
በኢትዮጵያ ንግድ ባንክ ከፍላችሁ online አድራሻ ላይ አባሪ ያደርጉታል።

አድራሻ እስኪገለፅላችሁ በትዕግሥት ጠብቁ።

የኢሚግሬሽን ፣ ዜግነትና የወሳኝ ኩነት ኤጀንሲ
ጥቅምት 10/2013 ዓ/ም

@tikvahethiopiaBot @tikvahethiopia

"ለሚ ኩራ"

ዛሬ የአዲስ አበባ ከተማ አስተዳደር ምክር ቤት 8ኛ ዓመት 1ኛ መደበኛ ጉባኤውን በማካሄድ ላይ ይገኛል ፤ በጉባኤው "ለሚ ኩራ" ተብሎ የሚጠራ ተጨማሪ ክፍለ ከተማ በምክር ቤቱ እንደሚፀድቅ ይጠበቃል።

አዲሱ ክፍለ ከተማ 'ለሚ ኩራ' በምክር ቤቱ ከጸደቀ በአዲስ አበባ ከተማ አስተዳደር የሚገኙ ክፍለ ከተሞች ወደ 11 የሚያድጉ ይሆናል ፤ በከተማዋ አሁን ላይ 10 ክፍለ ከተሞች እና 116 ወረዳዎች እንደሚገኙ ይታወቃል። (ENA)

@tikvahethiopiaBot @tikvahethiopia

"ለሚ ኩራ" የአዲስ አበባ 11ኛ ክፍለከተማ በመሆን በምክር ቤቱ ጸድቋል፡፡

ምክትል ከንቲባ አዳነች አቤቤ አዲሱ ክፍለ ከተማ ተጨማሪ ይዞታ ሳይሆን ከዚህ ቀደም ከነበረው ከቦሌ እና ከየካ ክፍለ ከተሞች በመክፈል የተዋቀረ ነው ብለዋል፡፡

አዲሱ አደረጃጀት የነዋሪዎችን ብዛት በማመጣጠን ፣ አዳጊ የሆነውን የአገልግሎት ተደራሽነት እና የማስተዳደር አቅምን በማጎልበት ለከተማው ነዋሪዎች ሚዛናዊ በሆነ ርቀት እና ተደራሽ በሆነ መልኩ የአገልግሎት አቅርቦት በማመቻቸት ነዋሪው ፍትሃዊ እና ቀልጣፋ አገልግሎት እንዲያገኝ የሚረዳ ነው ተብሏል።

Via Addis Ababa Press Secretary
@tikvahethiopiaBot @tikvahethiopia

ሹመት !

የአዲስ አበባ ከተማ ምክር ቤት 8ኛ ዓመት 1ኛ መደበኛ ጉባኤው ላይ በም/ከንቲባ ወ/ሮ አዳነች አቤቤ አቅራቢነት ልዩ ልዩ ሹመቶችን አፅድቋል።

በዚህም መሠረት ፡-

1ኛ. አቶ ጥራቱ በየነ - በምክትል ከንቲባ ማዕረግ የከተማ ስራ አስኪያጅ ቢሮ ኃላፊ
2ኛ. ዶ/ር መስከረም ፈለቀ - ቤቶች ልማት አስተዳደር ቢሮ ኃላፊ
3ኛ. ኢ/ር አያልነሽ ሀ/ማርያም - ኮንስትራክሽን ቢሮ ኃላፊ
4ኛ. ዶ/ር መስከረም ምትኩ - የፕላን ኮሚሽን ኮሚሽነር
5ኛ. ዶ/ር ሚልኬሳ ጃጋማ - መሬት ልማት አስተዳደር ቢሮ ኃላፊ
6ኛ. ዶ/ር ሙሉቀን ሀፍቱ - ኢንዱስትሪ ቢሮ ኃላፊ
7ኛ. አቶ ተፈራ ሞላ - ሰራተኛና ማህበራዊ ቢሮ ኃላፊ
8ኛ. አቶ ሙሉጌታ ተፈራ - ገቢዎች ቢሮ ኃላፊ በመሆን ተሹመዋል፡፡ (አዲስ ቴቪ)

@tikvahethiopiaBot @tikvahethiopia