የሰሜን ወሎ ዞን አርሶ አደሮች ጥሪ ፦

(በአብመድ)

ዛሬ በአማራ ክልል ምክትል ርእሰ መሥተዳድር ዶክተር ፋንታ ማንደፍሮ የተመራ ከፍተኛ የሥራ ኃላፊዎች ቡድን የበርሃ አንበጣ መንጋ የመከላከል እንቅስቃሴውን በቦታው በመገኘት ተከታትሏል።

ልዑኩ ከአርሶ አደሮች እና ባለሙያዎች ጋርም ተነጋግሯል።

ልዑኩ የበርሃ አንበጣ መንጋው የተከሰተባቸው የራያ ቆቦ ወረዳ ሁለት ቀበሌዎች 41 አዲስ ዓለም እና 06 መንደፈራ ተገኝቶ የመከላከል ሥራውን ምልከታ አካሂዷል፡፡

በቀበሌዎቹ አንበጣው በጤፍና ማሽላ ሰብሎች ላይ ጉዳት አድርሷል፡፡

አርሶ አደሮች ኅብረተሰቡን ያሳተፈ መከላከል ሥራ ቢጠናከር የተሻለ እንደሆነ የመፍትሔ ሐሳብ አቅርበዋል፡፡

የፀጥታ አካላት ፣ ተማሪዎች ፣ በጎ ፈቃደኛ የሆኑ ወጣቶች እንዲሳተፉና የደረሱ ሰብሎችን በመሰብሰብ እንዲተባበሯቸው ማስተባበር እንደሚገባ ጠቁመዋል፡፡

@tikvahethiopiaBot @tikvahethiopia

ጋዜጠኛ ተመስገን ደሳለኝ በፖሊስ መወሰዱ ተሰማ !

ዛሬ 8:00 አካባቢ ቁጥራቸው በርከት ያሉ ፖሊሶች ' ፍትህ መፅሄት ' የሚገኝበት ቢሮ በመገኘት ጋዜጠኛ ተመስገን ደሳለኝ በወቅቱ ቢሮ ስላልነበር ካለበት በስልክ በመጥራት ይዘውት እንደሄዱ ወንድሙ ታሪኩ ደሳለኝ በይፋዊ የፌስቡክ ገፁ ገልጿል።

ባሳለፍነው ቅዳሜ በፍትሕ መጽሔት ላይ ' አባ ብላ ገመዳ ' በሚል ርዕስ በተጻፈ ጹሑፍ ዙሪያ የአዲስ አበባ ከተማ ከንቲባ ጽ/ቤት ለብሮድካስት ባለስልጣን የቅሬታ ደብዳቤ ጽፎ ነበር፡፡

@tikvahethiopiaBot @tikvahethiopia

#UPDATE

ጋዜጠኛ ተመስገን ታስሮ አዲስ አበባ ፖሊስ ኮሚሽን እንደገባ ወንድሙ ታሪኩ ደሳለኝ አሳውቋል !

ታሪኩ ደሳለኝ ተከታዩን ብሏል ፦

"ጋዜጠኛ ተመስገን ደሳለኝ አዲስ አበባ ፖሊስ ኮሚሽን መታሰሩን በር ላይ ያሉት ፖሊሶች ነግረውናል።

ጋዜጠኛ ተመስገን ደሳለኝ ከቢሮ መወሰዱን እንደሰማን ወደ አዲስ አበባ ፖሊስ ኮሚሽን ያመራን ሲሆን እዛ በር ላይ ያሉት ፖሊሶች ተመስገንና የመፅሔቱ አዘጋጅ ምስጋን ዝናቤ ተይዘው መግባታቸውን ገልፀውልናል።

ከዚያ ውጪ ምንም ዓይነት መረጃን ያላገኘን ሲሆን ምናልባት ምግብና ልብስ ካመጣን ለማስገባት እንደሚተባበሩን ነግረውናል።"

@tikvahethiopiaBot @tikvahethiopia

ጥቅምት 4/2013 ዓ/ም

የኢትዮጵያ ኮቪድ-19 መረጃዎች ፦

#Somali

በሶማሌ ክልል ባለፉት 24 ሰዓት 146 የላብራቶሪ ምርመራ ተደርጎ በቫይረሱ መያዙ የተረጋገጠ ሰው አልተገኘም።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 85 የላብራቶሪ ምርመራ ተራደርጎ 27 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 765 የላብራቶሪ ምርመራ ተደርጎ 76 ሰዎች በኮሮና ቫይረስ መያዛቸው ተረጋግጧል። የ2 ሰው ህይወት አልፏል (1 ከእንጅባራ ህክምና ማዕከል፣ 1 ከሃይቅ)

#Oromia

በኦሮሚያ ክልል ባለፉት 24 ሰዓት ውስጥ 579 የላብራቶሪ ምርመራ የተደረገ ሲሆን 102 ሰዎች በኮቪድ-19 መያዛቸው ተረጋግጧል። የ2 ሰዎች ህይወት አልፏል።

#DireDawa

በድሬዳዋ ከተማ አስተዳደር ባለፉት 24 ሰዓት በተደረገው 142 የላብራቶሪ ምርመራ 54 ሰዎች በቫይረሱ መያዛቸው ተረጋግጧል።

#Harari

በሐረሪ ክልል ባለፉት 24 ሰዓት በተደረገው 94 የላብራቶሪ ምርመራ 13 ሰዎች በቫረረሱ መያዛቸው ተረጋግጧል።

#SNNPRS

በደቡብ ክልል ባለፉት 24 ሰዓት 1304 የላብራቶሪ ምርመራ ተደርጎ 55 ሰዎች በቫይረሱ መያዛቸው ተረጋግጧል።

#AddisAbaba

በአ/አ ባለፉት 24 ሰዓት 3,246 የላብራቶሪ ምርመራ ተደርጎ 308 ሰዎች በኮቪድ-19 መያዛቸው ተረጋግጧል፤ የ2 ሰዎች ህይወት አልፏል።

* ያልተካከቱ የክልል ሪፖርቶችን ቆይት ብላችሁ ይህንኑ ፖስት ተመልከቱ !

@tikvahethiopiaBOT

በኢትዮጵያ ከኮቪድ-19 ያገገሙ ሰዎች ከ40 ሺህ አለፉ!

በኢትዮጵያ ባለፉት 24 ሰዓት በተደረገው 7,121 የላብራቶሪ ምርመራ 712 ሰዎች በቫይረሱ መያዛቸው ሲረጋገጥ የ7 ሰዎች ህይወት አልፏል። በተጨማሪ በትላንትናው ዕለት 858 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 86,430 የደረሱ ሲሆን የሟቾች ቁጥር 1,312 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 40,165 ደርሷል።

@tikvahethiopiaBot @tikvahethiopia

ኒኮላስ የተሰኘው የመቐለ ልዩ ት/ቤት ወጣት የኬሚስትሪ እና የስነ ህይወት ባለሙያዎች አዲስ የአንበጣ ማጥፍያ ኬሚካል ሰሩ።

ከ3-5 ደቂቃ ባለዉ ጊዜ አንበጣ ይገድላል የተባለዉ ኬሚካል ከሰሞኑን በመስክ ተሞክሮ ውጤታማ መሆኑን ባለሙያዎች አረጋግጠዋል።

ወጣቶቹ ምርምር ማድረግ የጀመሩት የዓለም የምግብና እርሻ ድርጅት (FAO) ሥለ አንበጣ መንጋ ሥርጭትና አደገኛነት ያወጣውን ማስጠንቀቂያ አከል ትንበያ በመስማታቸው ነው።

አዲሱ ፀረ አንበጣ ኬሚካል በቅርብ ከሚገኙ ዕፅዋት የተቀመመ ፣ በብዛት ሊመረት የሚችል እና የተፈጥሮ አካባቢን የማይጎዳ ነው ተብሏል። (DW)

@tikvahethiopiaBot @tikvahethiopia

ሹመት !

ጠቅላይ ሚኒስትር ዐቢይ አሕመድ ጥቅምት 04 ቀን 2013 ዶ/ር አረጋዊ በርሔን የታላቁ ሕዳሴ ግድብ ግንባታ ሕዝባዊ ተሳትፎ አስተባባሪ ብ/ም/ቤት ጽ/ቤት ዋና ዳይሬክተር አድርገው ሾመዋል።

#PMOEthiopia
@tikvahethiopiaBot @tikvahethiopia

#UPDATE

ጋዜጠኛ ተመስገን ደሳለኝ (የፍትህ ማናጂንግ ዳይሬክተር) ከእስር መፈታቱን ወንድሙ ታሪኩ ደሳለኝ ከደቂቃዎች በፊት አሳውቋል።

ከዚህ በተጨማሪ የፍትህ መጽሔት ዋና አዘጋጅ ምስጋን ዝናቤም ከእስር መፈታቱ ተሰምቷል።

@tikvahethiopiaBot @tikvahethiopia

#UPDATE

በኢትዮጵያ የሶስት ቀን የሥራ ጉብኝት ያደረጉት የኤርትራው ፕሬዜዳንት ኢሳያስ አፈወርቂና ልዑካቸው ዛሬ ወደ ኤርትራ ተመልሰዋል።

ከፕሬዜዳንቱ እና ልዑካቸው ጋር በልዩ ልዩ የሁለትዮሽ እና ቀጣናዊ ጉዳዮች ላይ ካተኮረ ውይይት መደረጉን ጠ/ሚ ዶ/ር አብይ አሳውቀዋል።

@tikvahethiopiaBot @tikvahethiopia

ችሎት!

ዛሬ ረፋድ በአዳማ ምስራቅ ሸዋ ዞን ከፍተኛ ፍርድ ቤት አቶ ልደቱ አያሌው በተከሰሱበት ህገ ወጥ ጦር መሳሪያ ይዞ በመገኘት ወንጀል ሶስት የዐቃቤ ህግ ምስክሮች የምስክር ቃላቸው ተሰምቷል።

ፍርድ ቤቱ የሰማውን ምስክርነት መርምሮ ብይን ለመስጠት ለጥቅምት 9 ቀን 2013 ዓ.ም ተለዋጭ ቀጠሮ ሰጥቷል።

ፍርድ ቤቱ ተከሳሹ የተፈቀደላቸው የ100 ሺህ ብር ዋስትናን ተከትሎ ለምን እንዳልተፈቱ የጠየቀ ሲሆን የቢሾፍቱ ፖሊስ ሃላፊ ቀርቦ እንዲያብራራ የታዘዘውን ትዕዛዝ ተመልክቷል።

በትዕዛዙ የቢሾፍቱ ፖሊስ መምሪያ ሃላፊ ተቀይሯል መባሉን ተከትሎ ተወካይ ወይም የክፍል ሃላፊ ለምን እንዳልቀረቡ በቀጣይ ቀጠሮ ቀርበው እንዲያብራሩም ትዕዛዝ ሰጥቷል፡፡

የኦሮሚያ ፖሊስ ኮሚሽን ግለሰቡ በህገወጥ ጦር መሳሪያ ይዞ መገኘት ክስ በተፈቀደላቸው የ100 ሺህ ብር ዋስትና መሰረት ከእስር እንዲፈታቸው ፍርድ ቤቱ አዟል። (ኤፍቢሲ)

@tikvahethiopiaBot @tikvahethiopia

በጋምቤላ ክልል ሰኞ ትምህርት ይጀምራል !

በጋምቤላ ክልል በጎርፍ አደጋ ጉዳት ከደረሰባቸው ትምህርት ቤቶች በስተቀር 257 ትምህርት ቤቶች የፊታችን ሰኞ መደበኛ የመማር ማስተማር ሥራቸው እንደሚጀምሩ የጋምቤላ ክልል ትምህርት ቢሮ አስታውቋል።

አቶ ሙሴ ጋጄት (የቢሮው ኃላፊ) ለኢዜአ ከተናገሩት ፦

- ኮቪድ-19 ወረርሽኝን በመከላከል የፊታችን ሰኞ ትምህርት እንዲጀመር አስፈላጊው ዝግጅት ተደርጓል።

- የመማር ማስተማር ሥራው በ257 ትምህርት ቤቶች ይጀምራል።

- በክልሉ በኑዌር እና በአኝዋክ ዞኖችና በኢታንግ ልዩ ወረዳ ተከስቶ በነበረው የጎርፍ አደጋ ጉዳት የደረሰባቸው 86 ትምህርት ቤቶች ግን ትምህርት መስጠት የሚጀምሩት በሂደት ነው።

- ጉዳት የደረሰባቸው ትምህርት ቤቶች በተቻለ ፍጥነት ተስተካክላው ሥራ እንዲጀምሩ እተሠራ ነው።

- በትምህርት ሚኒስቴር የሚሰጠው የማስክ ድጋፍ እንዳለ ሆኖ የውኃና ሌሎች የሚያስፈልጉ ግብዓቶችን ለማሟላት እየተሰራ ይገኛል።

- በዘንድሮው የትምህርት ዘመን ዕድሜያቸው ለትምህርት የደረሱ ሕፃናትን ጨምሮ ከ173,000 በላይ አዲስ ተማሪዎችን ተቀብሎ ለማስተማር ቢሮው እየሠራ ነው።

@tikvahethiopiaBot @tikvahethiopia

#UPDATE

በዛሬው ዕለት 357 የኢትዮጵያ ዜጎች ከሳኡዲ አረቢያ ሪያድ ወደ አገራቸው ተመልሰዋል። ከዛሬዎቹ ተመላሾች መካከል 262 ሴቶች ሲሆኑ 95ቱ ህጻናት ናቸው።

@tikvahethiopiaBot @tikvahethiopia