"የአርቲስት ታረቀኝ መኪና እስካሁን አልተለቀቀም" - ጠበቃ ጀምበር አብዶ

አርቲስት ታረቀኝ ሙሉ በዋስ ቢፈታም ነሐሴ 11/2012 ዓ/ም አርቲስቱ በቁጥጥር ሲዉል ሲያሽከረክረዉ የነበረዉ ዘመናዊ አቫንቴ ሀዩንዳይ መኪና አብሮ ታስሮ የነበረ ሲሆን የፌ/መ/ደ/ፍርድ ቤት ልደታ ምድብ ችሎት መስከረም 6 ቀን 2013 ዓ/ም መኪናዉ እንዲለቀቅ ትዕዛዝ ቢሰጥም እስከ ዛሬ ድረስ መኪናው አለመለቀቁን የአርቲስቱ ጠበቃ ጀምበር አብዶ አሳውቀውናል።

የፌደራል ፖሊስ ኮሚሽን ወንጀል ምርመራ ቢሮ ዐቃቤ ህግ መኪናዉን ሊፈልገዉ ስለሚችል በሚል የፍርድ ቤት ትዕዛዝ አልፈፅምም ማለቱን ጠበቃ ጀምበር ገልፀውናል። ዐቃቤ ህግ ሲጠየቅ መኪናዉን የያዘዉ ፖሊስ እንጂ እኛ አይደለንም የሚል ምላሽ ሰጥቷል።

ጠበቃ ጀምበር፥ እየታየ ያለው የህግ የበላይትነት አለማክበር ሁኔታ እጅግ በጣም አሳሳቢ እየሆነ እየመጣ ነው ብለዋል።

@tikvahethiopiaBot @tikvahethiopia

በኢትዮጵያ በኮቪድ-19 የተያዙ ሰዎች ከ80 ሺህ አለፉ !

በኢትዮጵያ ባለፉት 24 ሰዓት በተደረገው 5,278 የላብራቶሪ ምርመራ 566 ሰዎች በቫይረሱ መያዛቸው ሲረጋገጥ የ8 ሰዎች ህይወት አልፏል። በተጨማሪ በትላንትናው ዕለት 944 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 80,003 የደረሱ ሲሆን የሟቾች ቁጥር 1,238 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 34,960 ደርሷል።

@tikvahethiopiaBot @tikvahethiopia

#NewsAlert

የፌደራል መንግስት ከትግራይ ክልል መንግስት ጋር ምንም አይነት ግንኙነት እንዳያደርግ ውሳኔ ተላለፈ !

የፌዴሬሽን ምክር ቤት ባካሄደው መደበኛ ጉባዔ የፌደራል መንግስት ከትግራይ ክልል መንግስት ጋር ምንም አይነት ግንኙነት እንዳያደርግ ውሳኔ አሳልፏል።

ውሳኔው ሊተላለፍ የቻለው ባለፈው ነሃሴ 30 2012 ዓ.ም የፌዴሬሽን ምክር ቤት አድርጎት በነበረው አስቸኳይ ጉባዔ በትግራይ ክልል የሚካሄደው ምርጫ እንዳልተደረገ ፣ እንዳልተፈጸመ እና እንደማይጸና ውሳኔ ማስተላለፉን ተከትሎ ነው፡፡

ውሳኔውን የሚከታተል የህገ መንግስት ጉዳዮች እና የማንነት ጉዳዮች አጣሪ ቋሚ ኮሚቴ ጉዳዩን ሲከታተል ቆይቶ ውሳኔው ባለመፈጸሙ በዛሬው ዕለት ባደረገው መደበኛ ስብሰባ ነው ይህንን ወሳኔ ሊያሳልፍ የቻለው፡፡

ምክር ቤቱ በትግራይ ክልል መንግስት ላይ 3 ውሳኔዎችን ማሳለፉን ገልጿል። ውሳኔዎቹ ፦

1ኛ. የትግራይ ክልል ያካሄደውን ኢ-ህገ መንግስታዊ ምርጫ ተከትሎ ከተመሰረቱ የትግራይ ክልል ምክር ቤት እና ከፍተኛ የህግ አስፈጻሚ አካል ጋር የፌዴራል መንግስት ምንም አይነት ግንኙነት እንደማያደርግ ወስኗል፡፡

2ኛ. የፌደራል መንግስት የትግራይ ህዝብን የልማት እና መሰረታዊ አገልግሎቶች ፍላጎት ማዕከል በማድረግ የከተማ እና የቀበሌ አስተዳደርን ጨምሮ በክልሉ ከሚገኙ ህጋዊ ተቋማት ብቻ የስራ ግንኙነት ያደርጋል፡፡

3ኛ. የውሳኔውን አፈጻጸም በፌዴሬሽን ምክር ቤት አፈ ጉባዔ እና ጉዳዩ በሚመለከታቸው ቋሚ ኮሚቴ ክትትል መደረግ እንዳለበት ውሳኔ አሳልፏል። (ኢቲቪ)

@tikvahethiopiaBot @tikvahethiopia

#PASSPORT

- የመደበኛ ፓስፖርት እድሳት እና አዲስ ጥያቄ ከጥቅምት 2/2013 ጀምሮ በሁሉም የኤጀንሲው (INVEA) የክልል ቅርንጫፍ ቢሮዎች አገልግሎት መስጠት ይጀምራል፤

- በአዲስ አበባ ቢሮ ከህዳር 1/2013 ጀምሮ ሁሉም መደበኛ አገልግሎቶች ይጀምራሉ፤

- በ Online ላይ ፖስፖርት ለማደስ እና ለአዲስ ፖስፖርት ቀጠሮ ለማስያዝ የማመልከት አገልግሎት በጥቅምት 10/ 2013 ይጀምራል፤

- ለውጭ አገር ዜጎች በOnline ቪዛ የማራዘም እና ግዜያዊ መኖሪያ ፍቃድ የማደስ እና አዲስ የመጠየቅ አገልግሎት ጥቅምት 2/2013 ይጀምራል፤

- የትውልድ ኢትዮጵያዊ መታወቂያ እድሳትና ጥያቄ መደበኛ አገልግሎት ከጥቅምት 2/2013 እንደሚጀምር ተገልጿል፡፡

ምንጭ፡- የኢማግሬሽን ዜግነትና ወሳኝ ኩነት ኤጀንሲ
@tikvahethiopiaBot @tikvahethiopia

3 ዩኒቨርሲቲዎች ትምህርት መጀመር ይችላሉ ተባለ !

ጎንደር፣ዲላ እንዲሁም አዲስ አበባ ዩኒቨርሲቲዎች የመማር ማስተማሩን ሂደት እንደገና ለማስቀጠል የሚያስችል አቋም ላይ እንደሚገኙ ከሳይንስ እና ከፍተኛ ትምህርት ሚኒስቴር የተላከው የምርመራ ቡድን ማረጋገጡን ኤፍ ቢ ሲ ዘግቧል።

ሶስቱም ዩኒቨርሲቲዎች (ዲላ፣ አዲስ አበባ፣ ጎንደር) በጤና ሚኒስቴር የወጣውን የኮሮና ቫይረስ መከላከያ መንገዶችን ተግባራዊ በማድረግ የተቋረጠውን ትምህርት የማስጀመር አቋም ላይ እንደሚገኙ ተገልጿል።

@tikvahethiopiaBot @tikvahethiopia

ባህር ዳር ኢንዱስትሪ ፓርክ !

- የባህር ዳር ኢንዱስትሪ ፓርክ ጠ/ሚ ዶ/ር አብይ አህመድ፣ በተገኙበት ዛሬ በይፋ ተመርቋል።

- ኢንዱስትሪ ፓርኩ ለሀገራችን አሥራ ሦስተኛ ፣ ለአማራ ክልል ደግሞ ሦስተኛ ነው።

- በአሁን ሰዓት ኢንዱስትሪ ፓርኩ 8 የተሟላ ቁሳቁስ ያላቸውን የማምረቻ ቦታዎች የያዘ ሲሆን ፣ በቅርቡ ሥራ ይጀምራሉ።

- የመጀመሪያ ምዕራፍ የኢንዱስትሪ ፖርክ 75 ሄክታር መሬት ላይ ያረፈ ሲሆን 2ኛው ምዕራፍ የኢንዱስትሪ ግንባታ 125 ሄክታር መሬት ላይ ያርፋል ተብሏል።

- ፓርኩ በቅርቡ ከ4,000 በላይ ሠራተኞችን ለመቀበል ልየታ ሰርቷል። በሙሉ አቅሙ በ2 ፈረቃ ሲሠራ 10 ሺህ ለሚደርሱ ሰዎች የሥራ ዕድል ይፈጥራል።

- በአካባቢው ለነበሩ የልማት ተነሺዎች ቅድሚያ የሥራ ዕድል ይሰጣል ተብሏል።

- በፖርኩ እስካሁን ‘ሆፕሉን’ የተባለ ኩባንያ ለጨርቃ ጨርቅ እና ጋርመንት ምርት 8 ሼዶችን ወስዷል። በ1 ሼድ ላይ መሣርያ የገጠመ ሲሆን ሠራተኞችን እያሰለጠነ ይገኛል። ከመጪው መጋቢት ጀምሮ ምርቶቹን ወደ አሜሪካና አውሮፖ ኤክስፖርት ማድረግ ይጀምራል።

#DrAbiyAhmed #AMMA
@tikvahethiopiaBot @tikvahethiopia

#ATTENTION📣

በወረባቦ ወረዳ የተከሰተው የበረሀ አንበጣ በ020 ቀበሌ ላይ ከፍተኛ ጉዳት አድርሶ ወደ 013 እና 19 ቀበሌዎች እየተሸጋገረ ይገኛል።

የበራሀ አምበጣውን ከባህላዊ መከላከል ዘዴ አንስቶ እስከ አውሮፕላን የኬሚካል ርጭት ድረስ ቢደረግም አንበጣው የገበሬውን አዝመራ ማውደሙን እንደቀጠለ ነው።

በዛሬው እለት በ020 ቀበሌ ከፍተኛ ጉዳት በማድረስ በአሁኑ ሰአት ወደ 13፣ 19፣ 09፣ 08 ፣ ቀበሌዎች እየተሸጋገረ ይገኛል።

የበራሀ አንበጣው የገበሬውን አዝመራ እያወደመ በመሆኑና የአንበጣ መንጋው በጣም ከፍተኛ በመሆኑ ማህበሠሰቡ ተስፋ በመቁረጥ ደረጃ ላይ ደርሷል። (ወረባቦ ኮሚኒኬሽን)

@tikvahethiopiaBot @tikvahethiopia

#ATTENTION📣

በትግራይ ደቡባዊ ዞን ራያ አላማጣ፣ራያ ጨርጨር እና ራያ ዓዘቦ ወረዳዎች የተከሰተዉ የበረሃ አንበጣ መንጋ በሰብልና ደን ላይ ጉዳት እያደረሰ መሆኑን ገበሬዎች እና የግብርና ባለሞያዎች እየገለፁ ናቸዉ።

ምንም እንኳ የአከባቢዉ ህብረተሰብና አመራሩ በቁርጥኝነት በነቂስ መንጋዉን ለመከላከል እየሞከረ ቢገኝም መንጋዉ ከቁጥጥር ዉጭ እየሆነ መምጣቱ በዘንድሮዉ የምርት ዘመን ከፍተኛ ሰብልና ደን ያጠፋል የሚል ስጋትን እየፈጠረ ነዉ።

ሁሉም አካላት በመተባበር በትኩረት ካልሰሩ አደጋዉ የከፋ ነዉ የሚሆነዉ። (Desye Ashenafi)

@tikvahethiopiaBot @tikvahethiopia

#ATTENTION📣

በዚህ ቪድዮ የምታዩት በወረባቦ ወረዳ 020 ኤጀርሳ ቀበሌ ሲባ ዱለቻ ጎጥ የበረሀ አምበጣ መንጋ በአረንጓዴ ሰብል ላይ እያደረሰ ያለውን ጉዳት ነው።

@tikvahethiopiaBot @tikvahethiopia

የትላንት የፌዴሬሽን ምክር ቤት ውሳኔ ምን ማለት ነው ?

የፌዴሬሽን ምክር ቤት አፈ-ጉባሄ አቶ አደም ፋራህ ለetv ከሰጡት ማብራሪያ የተወሰደ ፦

- የትግራይ ክልል ምክር ቤትና ከፍተኛ የህግ አስፈፃሚው አካል /ካቢኔ/ ህገመንግስታዊ ቅቡልነት ስለሌላቸው ሁሉም የፌዴራል ተቋማት ምንም ዓይነት ህጋዊ ግንኙነት ማድረግ አይችሉም።

ይህ ማለት የፌዴራል መንግስት ተቋማት ከትግራይ ክልል ከፍተኛ አስፈፃሚ አካላት (ካቢኔ) ጋር እንደህጋዊ አካላት በመቁጠር፦

• ደብዳቤ መፃፃፍ፣
• መረጃ መላላክ፣
• የፌዴራል ተቋማት ለክልል ተቋማት የሚሰጧቸውን ድጋፎች መስጠት፣
• በፌዴራል ደረጃ የሚካሄዱ መድረኮች ላይ ማሳተፍ የመሳሰሉ ጉዳዮች ማድረግ አይቻልም።

- የትግራይ ምክር ቤት እና ካቢኔ ህጋዊ ሰውነት ስለሌለው የፌዴራል መንግስት የበጀት ድጎማ እንደማያደርግለትም።

- የትግራይ ህዝብ መሰረታዊ የልማት እና የአገልግሎት ተጠቃሚነቱ እንዳይስተጓጎል እንደ ቀበሌ ፣ ወረዳ ፣ ከተማ ካሉ ህጋዊ የክልሉ መዋቅር ጋር ብቻ ግንኙነቱ ይደረጋል።

- የውሳኔ አፈፃፀምም የሚኒስትሮች ምክር ቤት ጥናት ላይ ተመስርቶ ይከናወናል።

- በቀጣይ በክልሉ ካሉ የከተማ አስተደሮች፣ ወረዳዎች እና ቀበሌዎች ጋር ስለሚኖር ግንኙነት በተለይ ህዝቡ ማግኘት የሚገባውን መሰረታዊ አገልግሎቶች እንዲያገኝ በጥናት ተመስርቶ ተፈፃሚ ይደረጋል። (ኢቲቪ)

@tikvahethiopiaBOT @tikvahethiopia

#NewsAlert

የኢትዮጵያ ፕርሚየር ሊግና DSTV ከስምምነት ደርሰዋል !

'ሱፐር ስፖርት' ከሰሃራ በታች ባሉ የአፍሪካና አጎራባች ደሴቶች ዙሪያ የኢትዮጵያ ፕሪሚየር ሊግ ጨዋታዎችን ለማሰራጨት መብት አገኘ።

መልቲ ቾይስ ግሩፕ ዋና ሥራ አስፈፃሚ ካልቮ ማዌላ፥ “ይህ ስምምነት ከመላው አህጉሪቱ ደጋፊዎችን በመሳብ ለሊጉ የበለጠ እይታን ይሰጣል" ሲሉ አስተያየታቸውን ሰጥተዋል፡፡

“ይህ ወሳኝ ምዕራፍ ሲሆን ለኢትዮጵያ ተጨዋቾች ብሩህ ተስፋን ይፈጥራል” ሲሉ መቶ አለቃ ፈቃደ ማሞ ተናግረዋል፡፡

Via @tikvahethsport

#ATTENTION📣

የአንበጣ መንጋ በወረባቦ ወረዳ ከፍተኛ ጉዳት አድርሷል !

- የበረሃ አንበጣ መንጋው 24 ሺህ ሄክታር የሚሆን መሬት ወሯል ፤ በወረዳው በ11 ወረዳዎች ይገኝ የነበረ ሰብል ላይ ከ10 እስከ 100 በመቶ ጉዳት አድርሷል።

- በመንጋው ከ3,400 በላይ አርሶ አደሮች ሰብላቸው ሙሉ በሙሉ እና በከፊል ወድሞባቸዋል።

- የበረሃ አንበጣ መንጋውን ሕዝቡን በማስተባበር በባህላዊ መንገድ ለመከላከል ጥረት እየተደረገ ነው።

- የመንጋው ቁጥር ከቀን ወደ ቀን በከፍተኛ ሁኔታ እየጨመረ በመምጣቱ የመከላከል ሥራው ውጤታማ አልሆነም።

- የኬሚካል ርጭት ስታደርግ የነበረችው ሄሊኮፕተር ከሰሞኑ መከስከሷ መንጋውን ለመከላከል በሚደረገው ጥረት ላይ እንቅፋት ፈጥሯል።

- ፌዴራል መንግሥት ተጨማሪ ኬሚካል ርጭት የሚያደርጉ አውሮፕላኖችን ወደ ስፍራው እንዲያሰማራ ጥሪ ቀርቧል።

ምንጭ፦ አቶ ታደሰ ግርማ
@tikvahethiopiaBot @tikvahethiopia

#MoSHE

የሳይንስ እና ከፍተኛ ትምህርት ሚኒስቴር ሚኒስትር ዶክተር ሳሙኤል ኡርቃቶ ዛሬ በሰጡት ጋዜጣዊ መግለጫ ተከታዩን ብለዋል ፦

- በዩኒቨርሲቲዎች ተማሪዎች በየደረጃው ወደ ትምህርት ገበታቸው ለመመለስ የሚያስችል ዝግጅት እየተጠናቀቀ ነው።

- በቅርቡ ሁሉም ዩኒቨርሲቲዎች በየተራ ተማሪዎቻቸውን ይቀበላሉ።

- በሀገሪቱ ሁሉም ክልል የሚገኙ ተማሪዎች ወደዩኒቨርሲቲ ለማምራት #ዝግጅት ማድረግ አለባቸው።

- በ44 ዩኒቨርሲቲዎች በተደረገ ግምገማ አብዛኛዎቹ ኮሮና ቫይረስን በመከላከል የመማር ማስተማሩን ሂደት ማከናወን በሚችሉበት ደረጃ ላይ ይገኛሉ።

- የቀሩ ጥቂት ዩኒቨርሲቲዎች በቀጣይ ሳምንት ዝግጅታቸውን እንዲያጠናቅቁ አቅጣጫ ተሰጥቷል።

- የጤና ፕሮቶኮል እና የሰላም ሁኔታውን የሚያስጠብቅ መመሪያ ተዘጋጅቷል።

- በተጨማሪም በአመቱ ከክህሎት እና እውቀት በተጨማሪ የስብእና ግንባታ ላይ ያተኮሩ ትምህርቶችን በስርአተ ትምህርቱ ይካተታል። (ኤፍ ቢ ሲ)

@tikvahethiopiaBot @tikvahethiopia

#COVID19Ethiopia

በኢትዮጵያ ባለፉት 24 ሰዓት በተደረገው 8,254 የላብራቶሪ ምርመራ 892 ሰዎች በቫይረሱ መያዛቸው ሲረጋገጥ የ17 ሰዎች ህይወት አልፏል። በተጨማሪ በትላንትናው ዕለት 710 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 80,895 የደረሱ ሲሆን የሟቾች ቁጥር 1,255 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 35,670 ደርሷል።

@tikvahethiopiaBot @tikvahethiopia