የፕ/ር መስፍን የቀብር ስነ-ሥርዓት ማክሰኞ ይፈፀማል!

የታዋቂው ምሁር እና የሰብዓዊ መብት ተሟጋች የፕሮፌሰር መስፍን ወ/ማርያም የቀብር ስነ-ሥርዓት ማክሰኞ መስከረም 26/ 2013 ዓ/ም በቅድስት ስላሴ ካቴድራል እንደሚፈፀም ተገልጿል።

ከቀብር ስነ-ስርዓቱ አስቀድሞ ጠዋት ከ2:30 እስከ 5:00 ሰዓት ድረስ በአዲስ አበባ ዩኒቨርስቲ ስድስት ኪሎ ካምፓስ ልደት አዳራሽ የሽኝት ዝግጅት ይደረጋል።

ከሽኝቱ ዝግጅት በኃላ ከቀኑ 6:30-7:30 ባለው ጊዜ ስርዓተ - ቀብራቸው የሚፈጸም መሆኑን የቀብራቸው አስፈፃሚ ኮሚቴ አሳውቋል። (Ahadu Radio)

@tikvahethiopiaBot @tikvahethiopia

በአ/አ የኮድ 2 እና ኮድ 3 ተሽከርካሪዎች በስራ መውጫና መግቢያ ሰዓት የጣምራ አገልግሎት እንዲሰጡ የሚያዝ አሰራር ሊዘረጋ ይችላል ተብሏል !

በአዲሰ አበባ ከተማ የትራፊክ መጨናነቅ ለማቃለል የተለያዩ እቅዶችን አቅዶ ወደ ተግባር ለመግባት ከሚመለከታቸው አካላት ጋር እየተወያየ መሆኑን የከተማ ትራፊክ ማኔጅመንት ኤጀንሲ አስታውቋል።

የኤጀንሲው ዋና ዳሬክተር ጅሬኛ ሄርጳ #ለFBC (ኤፍቢሲ) ተከታዩን ብለዋል ፦

- የኮድ 2 እና ኮድ 3 ተሽከርካሪዎች በስራ መውጫ እና መግቢያ ሰዓት የጣምራ ማለትም 3 ሰውና ከዚያ በላይ የመጫን አቅም ያላቸው አሸከርካሪዎች የጣምራ ትራንሰፖርት ካልሰጡ ጠዋት ከ1 እሰከ 3 ሰዓት እና ምሸት ከ11 እሰከ ምሽት 1 ሰዓት ባለው ጊዜ ውስጥ መንቀሳቀስ አይችሉም።

- የጣምራ ትራንስፖርት አገልግሎት የኮድ 2 እና ኮድ 3 ተሽከርካሪዎች የትራፊክ መጨናነቁን ለመቀነስ በፈቃደኝነት ለሌሎች ተሳፋሪዎች አገልግሎት የሚሰጡበት መንገድ ነው።

- ህብረተሰቡ የብዙሃን ትራንሰፖርትና የጣምራ ትራንሰፖርትን በመጠቀም የመዲናዋን የትራፊክ መጨናነቅ እንዲቀንስ የበኩሉን አሰተዋጾ ሊያደርግ ይገባል።

@tikvahethiopiaBot @tikvahethiopia

#UPDATE

የአ/አ ከተማ ትራፊክ ማኔጅመንት ኤጀንሲ ዋና ዳሬክተር ጅሬኛ ሄርጳ 'ከኢትዮጵያ ቼክ' ጥያቄዎች ቀርበውላቸው ምላሽ ሰጥተዋል።

ኢትዮጵያ ቼክ : ይህ የአሰራር ሀሳብ እንዴት መጣ ?

አቶ ጅሬኛ : ዋናው ሀሳቡ ትራፊክ በሚጨናነቅባቸው ሰአቶች ፍሰቱን ማቃለል ነው፣ በተለይ አሁን ትምህርት ለመጀመር እንቅስቃሴዎች ስላሉ እንደ ምክረ ሀሳብ የቀረበ ነው ፣ ግን ገና ህግ ሆኖ አልወጣም፣ ብዙ ውይይት ይደረግበታል።

ኢትዮጵያ ቼክ : በአሁን ሰአት ካለው የኮሮና ቫይረስ እና የፀጥታ ስጋት (በተለይ ከመኪና ዝርፊያ ጋር) ይህ እንዴት ይታያል?

አቶ ጅሬኛ : እኛ እንደ ትራፊክ ማኔጅመንት ፅህፈት ቤት ምን ብናደርግ ችግሩ ሊቃለል ይችላል ብለን ነው ያሰብነው ፣ በዚህ ላይ ከኮሮና ቫይረስ ስጋት አንፃር እና ከፀጥታ ሁኔታ ጋር ገና ውይይት እና ምክክር ይደረግበታል። እኛ ህግ ማውጣት አንችልም፣ አሰራሩን ገና እንደ ምክረ ሀሳብ ብቻ ነው ያቀረብነው።

ኢትዮጵያ ቼክ : አሽከርካሪዎች ተጨማሪ ሰው ከየት አግኝተው እና በምን መልኩ ሊጭኑ እንደሚችሉ አስባችሁበታል?

አቶ ጅሬኛ : ለምሳሌ ተማሪዎች ወደ ት/ቤት ሲሄዱ በአንድ ቤተሰብ መኪና ቢሄዱ ፣ ሰራተኞች ወደ አንድ ስፍራ ሲሄዱ ትርፍ ቦታ ካለ ቦታ ቢጋሩ የሚል ሀሳብ አለ። ካልሆነ ግን ወይ ከጠዋት 1 ሰአት በፊት ወይም ምሽት ከ1 ሰአት በሗላ እንዲንቀሳቀሱ ነው። ግን ቅድም እንዳልኩት ይህ ገና ምክረ ሀሳብ ነው።

ኢትዮጵያ ቼክ : ከዚህ ውጪ የቀረቡ ሌሎች ምክረ ሀሳቦች አሉ?

አቶ ጅሬኛ : አዎ ፣ ለምሳሌ ብዙ ሰው የጫኑ ተሽከርካሪዎች ቅድሚያ አግኝተው እንዲጓዙ የሚል ሌላ ሀሳብ አለ ፣ ይህ ውጪም የተለመደ ነው።

[የኢንተርኒውስ ፕሮጀክት-ኢትዮጵያ ቼክ]
@tikvahethiopiaBOT @tikvahethiopia

ትራምፕ ነገ ከሆስፒታል ሊወጡ ይችላሉ ተብሏል!

ፕሬዜዳንት ትራምፕ ከሆስፒታል ወጥተው በዋይት ሀውስ ሆነው ህክምናቸውን ሊከታተሉ እንደሚችሉ ሃኪሞቻቸው መግለፃቸውን #ቪኦኤ ዘግቧል።

የፕሬዚደንት ትራምፕ ዋናው ሃኪማቸው ዶክተር ሻን ኮንሊ ዛሬ በነበረ መግለጫ ላይ "እንደዕውነቱ ከሆነ በጣም በጎ ናቸው" ብለዋል።

የመተንፈሻ አካላት አጠቃላይ ጤና ሃኪም የጦር ሰራዊቱ ኮሎኔል ዶ/ር ሻን ዱድሊ የዛሬ ጠዋት የፕሬዚደንቱ የጤና ይዞታ ምልክቶች (የደም ግፊት ፥ የልብ ምት ፥ የሰውንት ሙቀት እና አተነፋፈስ) በደህና ሁኔታ ላይ እንዳሉ ገልጸዋል።

"ወዲያ ወዲህ ይራመዳሉ ፥ የትንፋሽ ማጠርም ይሰማኛል አላሉም ፥ ሌላ የመተንፈሻ አካላት ችግር አልታየባቸውም" ሲሉ አብራርተዋል።

ዶክተር ብራያን ጋሪባልዲ (ከJHU)፥ "እንደ ዛሬ ይዞታቸው ከቀጠሉ እና ደህንነት ከተሰማቸው ነገም ቢሆን ከሆስፒታሉ ወጥተው ዋይትሃውስ ሆነው ህክምናቸውን የሚቀጥሉበትን ዕቅድ ማዘጋጀት እንችላለን ብለን ተስፋ እናደርጋለን" ብለዋል።

@tikvahethiopiaBot @tikvahethiopia

#UPDATE

ዛሬ በ8:00 ሰዓት 5ኛው የሕዝብ ተወካዮች እና የፌዴሬሽን ምክር ቤቶች 5ኛ የፓርላማ ዘመን 6ኛ ዓመት የሥራ ጊዜ የመክፈቻ ሥነ-ስርአት ጉባኤ ይካሄዳል።

ጉባኤው በጠቅላይ ሚኒስትር ጽህፈት ቤት በሚገኘው የስብስባ አዳራሽ የሚካሄደው ሲሆን የኢፌዲሪ ፕሬዚዳንት ሳህለወርቅ ዘውዴ ይገኛሉ።

የ2ቱ ምክር ቤቶችን የጋራ ስብሰባ ፕሬዚዳንት ሳህለወርቅ ዘውዴ በሚያደርጉት ንግግር ይከፈታል።

በፕሬዚዳንት ሳህለወርቅ የመክፈቻ ንግግር በ2013 በጀት ዓመት የፌደራል መንግስት ትኩረት ሰጥቶ የሚያከናውናቸው ተግባራት ይፋ ይደረጋሉ ተብሎ እንደሚጠበቅ ከኤፍ ቢ ሲ የተገኘው መረጃ ያሳያል።

@tikvahethiopiaBot @tikvahethiopia

ከዛሬ ጀምሮ የግል ከፍተኛ ትምህርት ተቋማት ዝግጁነት ይገመገማል ተብሏል !

(በSHEGER FM 102.1 የቀረበ)

የከፍተኛ ትምህርት ጥራት አግባብነት ኤጀንሲ ከዛሬ ጀምሮ የግል ከፍተኛ ትምህርት ተቋማትን እንደሚጎበኝ አሳውቋል።

ጉብኝቱ ተቋማቱ ትምህርት ለማስጀመር ዝግጁ ስለመሆናቸው ምልከታ የሚደረግበት እንደሆነ ተገልጿል።

በጉብኝቱ ወቅት የኤጀንሲው ከፍተኛ የስራ ኃላፊዎች ተሳታፊ እንደሚሆኑ ተነግሯል።

የተቋማቶቹን ዝግጅት ለመገምገም የሚያስችል ስልሳ (60) መስፈርቶች ያሉት መጠይቅ በMoSHE ተዘጋጅቷል።

በተቋማቱ ጉብኝት ወቅት ዋነኛው ትኩረት የሚሰጣቸው ነጥቦች ተለይተዋል። እነዚህም፦

• የአመራርና የሰው ኃይል አደረጃጀት ዝግጅት
• በመማር ማስተማር በኩል በቂ የመሰረተ ልማት አገልግሎት ግብዓት ዝግጅት
• የህግና እቅድ ማዕቀፍ ዝግጅት ናቸው።

ግምገማው ሲጠናቀቅ በግል ከፍተኛ ትምህርት ተቋማት የመማር ማስተማር ስራ እንደሚጀመር ይጠበቃል።

ኤጀንሲው 250 በሚደርሱ የግል ከፍተኛ ትምህርት ተቋማት ክትትል እና ቁጥጥር የሚያደርግ ይሆናል።

ተቋማቱ በአጠቃላይ ከ1,000 በላይ ቅርንጫፎች አሏቸው በሁሉም የተቋማቱ ቅርንጫፎች በመገኘት ግምገማው እንደሚካሄድ ተገልጿል። በ10 ቀናት ውስጥ የግማሾቹን ግምገማ ለማጠናቀቅ ታቅዷል።

@tikvahethiopiaBot @tikvahethiopia

ትራምፕ ከሆስፒታል ወጣ ብለው መታየታቸው አግራሞትን ፈጥሯል !

ከሰዓታት በፊት ዶናልድ ትራምፕ ባልተጠበቀ ሁኔታ በጥቁር መኪናቸው የኋላ መቀመጫ ሆነው ከሆስፒታል ውጭ ታይተዋል፡፡

ፕሬዜዳንት ትራምፕ ከሆስፒታል የወጡት ጤና እንዲሆኑ የሚመኙላቸው ደጋፊዎቻቸውን ሰላም ለማለትና አድናቆታቸው ለመግለጽ ነው ተብሏል።

ይህ የዶናልድ ትራምፕ ያልተጠበቀ ድርጊታቸው አንዳንድ ተቺዎቻቸውን አስቆጥቷል፡፡

ዶናልድ ትራምፕን ከሆስፒታል በመኪና ይዘዋቸው የወጡት ሾፌራቸው እና ጠባቂዎቻቸው ሁሉም ራሳቸውን ማግለል ይኖርባቸዋል ተብሏል፡፡

ትራምፕ ዛሬ ሰኞ ማምሻውን ድረስ ሙሉ በሙሉ ከተኙበት ከዋልተር ሪድ ሆስፒታል ወጥተው ወደዋይት ሐውስ ቤታቸው ሊያመሩ እንደሚችሉ BBC አስነብቧል።

@tikvahethiopiaBot @tikvahethiopia

#ATTENTION

የኢትዮጵያ ብሄራዊ ባንክ ከ100 ሺህ እስከ 1.5 ሚሊዮን ብር ቅያሬ ጥቅምት 6/2013 ዓ/ም እንደሚጠናቀቅ አሳውቋል።

በቀሩት 11 ቀናት ውስጥ ህብረተሰቡ በአቅራቢያው በሚገኝ ባንክ የብር ቅያሬውን እንዲፈጽም የኢትዮጵያ ብሄራዊ ባንክ ጥሪ አቅርቧል።

@tikvahethiopiaBot @tikvahethiopia

#UPDATE

የትምህርት ሚኒስትር ዶ/ር ኢ/ር ጌታሁን መኩሪያ ትምህርት ሚኒስቴርን የ3 ወር የስራ አፈፃፀም በተመለከተ ለጋዜጠኞች በሰጡት ማብራሪያ ተከታዩን ብልዋል ፦

- መንግስት ለተማሪዎች የአፍና የአፍንጫ መሸፈኛ ጭንብል የማቅረብ ስራ እየሰራ ነው።

- ትምህርት ሲጀመር ማስክ ያላደረገ ማንኛውም ተማሪ ወደ ትምህርት ቤት አይገባም።

- የኮሮና ቫይረስ መከሰቱን ተከትሎ ለኮሮና ቫይረስ ህሙማን ማቆያ ጥቅም ላይ ሲውሉ የነበሩ ትምህርት ቤቶች የኬሚካል ርጭት ሳይደረግላቸው ትምህርት አይጀምሩም።

- በትምህርት ቤቶቹ ውስጥ የኬሚካል እርጭቱን ለማካሄድ አስፈላጊው ዝግጅት ተጠናቋል፤ በቀጣይ ሳምንታት ርጭቱ ይከናወናል።

- ይህንን አስቸጋሪ ወቅት በድል ለመወጣት መምህራን እና ወላጆች ርብርብ ሊያደርጉ ይገባል።

#MoE
@tikvahethiopiaBot @tikvahethiopia

#UPDATE

5ኛው የሕዝብ ተወካዮችና የፌዴሬሽን ምክር ቤት 6ኛ ዓመት የስራ ዘመን የመክፈቻ ሥነ-ስርዓት ተካሂዷል።

የኢፌዴሪ ፕሬዚዳንት ሳህለወርቅ ዘውዴ የሕዝብ ተወካዮች እና የፌዴሬሽን ምክር ቤት 6ኛ ዓመት የስራ ዘመን መከፈቱን በይፋ አብስረዋል።

@tikvahethiopiaBOT @tikvahethiopia

#UPDATE

የኢፌዴሪ ፕሬዝደንት ሳህለወርቅ ዘውዴ ዘንድሮ የሚካሄደው ምርጫ ዓለም አቀፍ መስፈርቶችን የሚያሟላ እና እውነተኛ ዴሞክራሲ በተግባር የሚገለጽበት ለማድረግ እንደሚሰራ ገልፀዋል።

ባለፉት አስር (10) ዓመታት የተካሄዱ ምርጫዎች ከክርክር አንፃር እውነተኛ ፉክክር ያልተካሄደባቸውና ፖለቲካዊ ምህዳሩ ያልተመጣጠነ ነበር ብለዋል።

በዘንድሮው ምርጫ ፓርላማው የተለያዩ ፓርቲዎች ሃሳባቸወና ድምጻቸውን የሚያሰሙበትና እውነተኛ ውክልና የሚያገኙበት እንዲሆን እንደሚሠራ አስረድተዋል። (ENA)

@tikvahethiopiaBot @tikvahethiopia

#SHARE #ሼር

የጤና ሚኒስቴር እና የኢትዮጵያ የሕብረተሰብ ጤና ኢንስቲትዩት በአዋጅ የተሰጣቸውን ስልጣን በመጠቀም የኮሮና ቫይረስ ወረርሽኝን ለመከላከል እና ለመቆጣጣር የሚያግዝ መመሪያ አውጥተዋል፡፡

ያወጡት መመሪያ ስሙ 'የኮቪድ-19 ወረርሽኝ ለመከላከልና ለመቆጣጠር የወጣ መመሪያ፤ መመሪያ ቁጥር 30/2013 ሲሆን 10 ክፍሎች እና 31 አንቀፆች አሉት።

#ይነበብ

@tikvahethiopiaBot @tikvahethiopia

ጤና ሚኒስቴር እና EPHI ፦

"ለልደት ፣ ለምረቃ ፣ ለማህበር ፣ ሀዘንን መሰረት የሚያደርጉ ዝግጅቶች (ከቀብርና ከቀብር መልስ ያሉ ስነስርዓቶች ውጭ) እና መሰል በቤት ውስጥ የሚዘጋጁ ማህበሪዊ በዓላት ከቤተሰብ አባላት ከሆነ ውጭ ተጠራርቶ ማክበር የተከለከለ ነው።

ከላይ የተጠቀሰው እንዳለ ሆኖ የሰርግ ስነስርዓት በተመለከተ ማንኛውም ሰው ከ50 በላይ የማይበልጡ ሰዎች በመሆን እና ሁለት ሜትር ተራርቆ፣ የአፍና አፍንጫ መሸፈኛ በማድረግ እና ተገቢውን ጥንቃቄ በማድረግ የሰርግ ስነስርዑት ማካሄድ ይችላል፡፡"

@tikvahethiopiaBot @tikvahethiopia

በኦሮሚያ በኮቪድ-19 የሞቱ ሰዎች ከ100 አለፉ!

በኮቪድ-19 ወረርሽኝ ምክንያት በኦሮሚያ ክልል ውስጥ ህይወታቸው ያለፈ ሰዎች አንድ መቶ አንድ (101) ደርሷል።

ባለፉት 24 ሰዓት የ3 ሰዎች ሞት መመዝገቡን የኦሮሚያ ክልል ጤና ቢሮ አሳውቋል።

በሌላ በኩል ክልሉ በቫይረሱ መያዛቸው የተረጋገጠ ሰዎች 12,647 ደርሰዋል ፤ ባለፉት 24 ሰዓት ከ 512 የላብራቶሪ ምርመራ 120 ሰዎች ላይ ቫይረሱ ተገኝቷል።

ጥንቃቄ አይለየን!
@tikvahethiopiaBot @tikvahethiopia

የጤና ሚኒስቴር እና EPHI ፦

"እንደ ካፌዎች ፣ ካፌ እና ሬስቶራንቶች ፣ መጠጥ ቤቶች ፣ የመዝናኛ እና መጫዎቻ አገልግሎት የሚሰጡ ስፍራዎች በአንድ ጠረጴዛ ከሶስት ሰው በላይ ማስተናገድ የተከለከለ ሲሆን በእያንዳንዱ ጠረጴዛ መካከል የሁለት ሜትር ርቀት ሊጠበቅ ይገባል።

አገልግሎትን የሚሰጡ ሰዎች የአፍ እና አፍንጫ መሸፈኛን የማድረግ ግዴታ አለባቸው።

የሚስተናገዱ ሰዎች ከሚመገቡበት እና ከሚጠጡበት ወቅት ውጭ የአፍ እና አፍንጫ መሽፈኛን የማድረግ ግዴታ አለባቸው፡፡"

@tikvahethiopiaBot @tikvahethiopia