የኢትዮጵያ ምርጫ ቦርድ ዝግጅት!

(በፋና ብሮድካሲንግ ኮርፖሬት)

6ኛውን ሃገራዊ ምርጫ ለማከናወን የሚያስችሉ ሁሉንም ቁሳቁሶዎች ከውጭ ሃገር ገዝቶ ወደ ሃገር ውስጥ በማስገበት ዝግጁ ማድረጉን የኢትዮጵያ ብሄራዊ ምርጫ ቦርድ ይፋ አድርጓል።

ወይዘሪት ሶሊያና ሽመልስ (የብሄራዊ ምርጫ ቦርዱ የኮሙዩኒኬሽን አማካሪ) ፦

- ቦርዱ ባለፉት 5 ወራት ሰዎችን ከቦታ ወደ ቦታ የማያንቀሳቅሱ ሰራዎችን ሲያከናውን ቆይቷል።

- ከስልጠና ጀምሮ በድምጽ መስጫ ቀን ጥቅም ላይ የሚውሉ ቁሳቁሶችን በሙሉ ዝግጁ እንዲሆኑ አድርጓል። ከእነዚህም መካከል ፦

• መየራጮች ምዝገባ ወረቀትና ካርድ ፣
• በአምስት ቋንቋዎች የተዘጋጁ የምርጫ አስፈጻሚዎች ማሰልጠኛ መመሪያ፣
• የማሰልጠኛ ቁሳቁስ፣
• ስድተኛው ሃገራዊ ምርጫ እና አካባቢያዊ ምርጫዎችን ለማድረግ የሚያስችሉ የድምጽ መስጫ ሳጥንም ዝግጁ ሆነወል።

- ምርጫ አስፈጻሚዎች ከመራጩና ከሌሎች ሰዎች የሚለዩበትን አልባሳት ጨምሮ በምርጫው ቀን ጥቅም ላይ የሚውሉ በርከት ያሉ ግብዓቶች ዝግጁ ሆነዋል።

- እስካሁን በሃገሪቱ የምርጫ ታሪክ ያልነበረ እና በምርጫው ታማኝነት ላይ ከፍተኛ ቦታ ያለው የድምጽ መስጫ ቦታ መከለያ ተዘጋጅቷል፤ ከዚህም ቀደም መራጮች በጨርቅና በላስቲክ በተከለሉ ቦታዎች ድምጽ ሲሰጡ የነበረበትን ሂደት በማስቀረት መራጮች በነጻነት ፍላጎታቸው በድምጽ መስጫዎቹ እንዲያሳርፉ ያደርጋል።

- በ50,900 የምርጫ ጣቢያዎች የሚገኙ የምርጫ አስፈጻሚዎች የሚጠቀሙባቸው ቁሳቁሶችም ወደ ሃገር ውስጥ ገብተዋል።

- የቀሩ ስራዎች ኮቪድ-19 ወረርሽኝ ታሳቢ በማድረግ ምርጫውን ለማስፈጸም አዲስ የምርጫ የጊዜ ሰሌዳ ከፖለቲካ ፓርቲዎች እና ከሚመለከታቸው አካላት ጋር በመወያየት ቦርዱ ይፋ ያደርጋል።

@tikvahethiopiaBOT

#UPDATE

የቴክኒክና ሙያ ትምህርትና ስልጠና ዘርፍ ተቋማትን መልሶ ለመክፈት እየተደረጉ ያሉ ዝግጅቶች እና ኮቪድ 19ን ከመከላከል አኳያ የነበሩ ተግባራዊ ምላሶች ላይ ያተኮረ የሁለት ቀን ምክክር በአዲስ አበባ ተጀምሯል፡፡

በመድረኩ የሳይንስ እና ከፍተኛ ትምህርት ሚኒስትር ዴኤታ የሆኑት ዶክተር ሙሉ ነጋ የተቋረጠውን ስልጠና ለማስቀጠል መደረግ ስለሚገባቸው ጥንቃቄዎችና ስልጠናውን ለማስጀመር መደረግ ስላለባቸው ቅድመ ዝግጅቶች በመመካከር ስልጠናው የሚጀምርበት አቅጣጫ ይቀመጣል ብለዋል።

(MoSHE)
@tikvahethiopiaBot @tikvahethiopia

የ12ኛ እና የ8ኛ ክፍል ተፈታኞችን በሚመለከት ፦

የኢፌዴሪ ትምህርት ሚኒስቴር የኮሚኒኬሽን ጉዳዮች ዳይሬክቶሬት ዳይሬክተር ወ/ሮ ሐረጓ ማሞ ከ12ኛ እና ከ8ኛ ክፍል ተማሪዎች ጋር በተያያዘ ተከታዩን ብለውናል ፦

- የ12ኛ እና የ8ኛ ክፍል ፈተና በተያዘለት የጊዜ ገደብ እንዲሰጥ በቅድሚያ ትምህርት ቤቶች ኮቪድ-19 መከላከልን መርህ ባደረገ መልኩ ዝግጅት ሙሉ በሙሉ ማጠናቀቅ ይጠበቅባቸዋል።

- ከፈተናው አስቀድሞ የትምህርት ቤቶችን ዝግጁነት የማረጋገጥ ስራ በትምህርት ሚኒስቴር ይሰራል።

- ይህ ተግባራዊ እንዲሆን ሁሉም ትምህርት ቤቶች ፣ የጤና ተቋማት፣ ወላጆች፣ አጠቃላይ ማህበረሰቡ ርብርብ እንዲያደርግ ጥሪ ቀርቧል።

- የ12ኛ ክፍል ተፈታኝ ተማሪዎች የ11ኛ ክፍል ትምህርት ያጠናቀቀቁ እና የ12ኛ ክፍልን የመጀመሪያ ሴሚስተር ትምህርት የተከታተሉ መሆን አለባቸው።

- የ8ኛ ክፍል ተፈታኛ ተማሪዎች የ7ኛ ክፍል ትምህርት ያጠናቀቁ እና የ8ኛ ክፍልን የአንደኛ ሴሚስተር ትምህርት የተከታተሉ መሆን ይጠበቅባቸዋል።

- ተማሪዎች ወደ ትምህርት ገበታቸው በሙሉ አቅም እንዲመለሱ የስነ ልቦና ድጋፍ ይደረግላቸዋል።

- የ12ኛ ክፍል ብሄራዊ ፈተና እና ምዝገባ በኦንላይን ይካሄዳል። ተማሪዎች የ45 ቀን የክለሳ እና የቴክኖሎጂ መለማመጃ ጊዜም ይኖራቸዋል።

- በነገራችን ላይ ትምህርት ቤቶች የሚከፈቱት ፣ ፈተናዎችም የሚሰጡት ትምህርት ቤቶች አስፈላጊውን ቅድመ ጥንቃቄ ማሟላት ሲችሉ #ብቻ ነው።

- ትምህርት ሚኒስቴር ትምህርት ቤቶች እንዲከፈቱ ያስቀመጣቸው ቅድመ ሁኔታዎች ሳይሸራረፉ እንዲተገበሩ ለሁሉም ባለድርሻ አካላት ጥሪ አቅርቧል።

@tikvahethiopiaBot @tikvahethiopia

የትግራይ ምክር ቤት ዛሬ ባካሄደው 6ኛው ዘመን 1ኛ መደበኛ ጉባኤ የህወሓት ሊቀ መንበር ዶ/ር ደብረፅዮን ገብረሚካኤልን የትግራይ ክልል ርእሰ መስተዳድር አድርጎ ሰይሟል።

ከዚህ በተጨማሪ ምክር ቤቱ ፦
- አቶ ሩፋዔል ሽፋረን የምክር ቤቱ አፈ ጉባዔ
- ወ/ሮ ዘይነብ አብዱለጢፍን ደግሞ ምክትል አፈ ጉባዔ አድርጎ መርጧል፡፡

@tikvahethiopiaBot @tikvahethiopia