በድሬዳዋ በህገ-ወጥ መንገድ ሲቀሳቀሱ የነበሩ የብር ኖቶች ተያዙ!

በድሬደዋ የፀጥታ አካላት በጋራ ባካሄዱት የክትትልና ቁጥጥር ስራ በህገ -ወጥ መንገድ የሚንቀሳቀሱ የሀገርን ጨምሮ የተለያዩ ሀገራት የገንዘብ ኖቶች መያዛቸው ተገለፀ።

ገንዘቡ በቁጥጥር ስር የዋለው ትላንት መስከረም 6/2013 ዓ/ም ሲሆን ከህበረተሰቡ በተሰጠ ጥቆማ መሰረት ባደረገ ክትልል መሆኑን ድሬ ፖሊስ አስታውቋል።

ከጉዳዩ ጋር ግንኙነት አላቸው ተብለው የተጠረጠሩ 4 ግለሰቦች በቁጥጥር ስር ውለው ጉዳያቸው በህግ መታየት መጀመሩም ተገልፃል።

በቁጥጥር ስር ከዋሉት የብር ኖቶች ውስጥ በዋነኝነት፦

-ዘጠኝ መቶ አርባ አርት ሺ አንድ መቶ አስር (944,110) የኢትዮጽያ ብር

-አንድ ሺ ሁለት መቶ ሀምሳ (1250) የአሜሪካን ዶላር

-አንድ መቶ ስልሳ አምስት (165)የሳውዲ ሪያል

-ሰባት መቶ አርባ አምስት (745) ዩሮ ሲሆኑ ከእነዚህ ጋር አብሮም ከዘጠኝ በላይ የሚሆኑ ሀገራት የተለያየ መጠን ያላቸው የብር ኖቶች በቁጥጥር ስር ውለዋል።

@tikvahethiopiaBot @tikvahethiopia

የፕ/ር ክንደያ ገ/ሂወት ከሃላፊነት መነሳት አፈፃፀም ዙርያ በመቐለ ዩኒቨርሲቲ ሰራተኞችና ማህበረሰብ የተነሱ ለቲቫህ ኢትዮጵያ የተላኩ ጥያቄዎች!

ሰሞኑ መቐለ ዩኒቨርሲቲን ላለፉት ሰባት (7) ዓመታት ፕሬዚዳንት ሆነው ያገለገሉት ፕሮፌሰር ክንደያ ገብረሂወት የስልጣን ጊዜያቸው በመጠናቀቁ ኃላፊነቱ እንደተነሳላቸው የሚገልፅ ደብዳቤ ከሳይንስ እና ከፍተኛ ትምህርት ሚኒስቴር ደርሷቸው ነበር።

የአንድ የዩኒቨርሲቲ መሪ የስልጣን ዘመን ሲጠናቀቅ ህግን የተከተለ መንገድ የመቀየር/የማስቀጠል አካሄድ እንዳለ ይታወቃል።

የፕሮፌሰር ክንደያ መነሳት በዚህ ረገድ ሲጠበቅ የነበረ እና እራሳቸውም ለቦርድ አሳውቀው ውሳኔ ሲጠብቁ የነበረ ጉዳይ ቢሆንም ሚኒስቴር መስሪያ ቤቱ ጉዳዩን ከሰሞኑ የፈፀመበት አካሄድ ግን ከዩኒቨርሲቲው ማህበረሰብ እና የተለያዩ ወገኖች የሚከተሉት ሃሳቦችን አስነስቷል ፦

- ተቋሙን የሚመራው ቦርድ ያልተወያየበት እና ውሳኔ ያልሰጠበት በመሆኑ የከፍተኛ ትምህርት መመርያ ይጥሳል፣

- በቅርብ አመታት በወጣው እና በበርካታ ዩኒቨርሲቲዎች በተተገበረው የዩነቨርሲቲ ፕሬዚዳንቶች አመራረጥ መመርያ ጋር ተያይዞ የፕሬዚዳንቱ የአግልግሎት ዘመን ማለቅ አስመልክት የወጣ የውድድር ማስታወቅያና የተካሄደ ውድድር አለመኖሩ፣

- የስንብት ደብዳቤውን የፃፉት የሳይንስ እና ከፍተኛ ትምህርት ሚኒስትር ሚኒስቴር እና ስልጣናቸው በምክር ቤት ያልፀደቀ በመሆኑ ውሳኔውን ማስተላለፍ የማይችሉ ናቸው።

ሁኔታው ለነዚህ ጥያቄዎች የጠራ ምላሽ በማይሰጥ ሂደት በመፈፀሙ በርካቶች ድርጊቱ ከመዋቅራዊ አሰራር ይልቅ የትግራይ ክልል መንግስት ካካሄደው ምርጫ እና በምርጫው በታዛቢነት ከተሳተፉ የተቋሙ አጋር ተመራማሪዎች ጋር የተያያዘ በማእከላይ መንግስት የተሰጠ ፖለቲካዊ ውሳኔ ነው ብለውታል።

@tikvahethiopiaBot

በቤኒሻንጉል-ጉሙዝ ክልል የተከሰተውን ግድያ እና መፈናቀል አስመልክቶ ከኢትዮጵያ ሰብዓዊ መብቶች ኮሚሽን የተሰጠ ይፋዊ መግለጫ !

@tikvahethiopiaBot @tikvahethiopia

#TikvahFamilyBulen

የቤኒሻንጉል ጉሙዝ ክልል ቡለን ወረዳ ቲክቫህ አባላት ሚዲያዎች በወቅቱ መረጃ ይፋ ባለማድረጋቸው ቅር እንደተሰኙ ገልፀውልናል።

ሚዲያዎች ጳጉሜ ወር ውስጥ የነበረውን ጥቃት ከሳምንት በኃላ ይቆይተው ትላንት እየተቀባበሉት መመልከታቸውንም ተናግረዋል።

መረጃዎች በወቅቱ ህዝቡ ጋር መድረስ አለባቸው ፣ በማህበራዊ ሚዲያ ዘመቻ ሳይሆን ሁሉም ሚዲያ ዜጎችን በእኩል አይን አይተው በዜጎች ላይ የተፈጠረውን ማሳወቅ ፣ መንግስትም ችግሩን ለመፍታት እየወሰደ ያለውን እርምጃ በቶሎ ማሳወቅ አለባቸው ብለዋል።

በአሁን ሰዓት ያሉበት አካባቢ ወደ ሰላም እየተመለሰ እንደሆነ ገልፀዋል።

ጳጉሜ ወር ውስጥ በአካባቢው ጥቃት እየተፈፀመ መሆኑን የገለፁልን አባላቶቻችን ወደ መደበኛ ስራቸው መመለሳቸው አሳውቀውናል።

PHOTO : FDRE DEFENSE FORCE
@tikvahethiopiaBot @tikvahethiopia

አቶ እስክንድር እና አቶ ስንታየሁ ወደቃሊቲ ማረሚያ ቤት ተዘዋወሩ!

የባልደራስ ሊቀመንበር አቶ እስክንድር ነጋ እንዲሁም የፓርቲው የህዝብ ግንኙነት አቶ ስንታየሁ ቸኮል ከዚህ ቀደም ታስረውበት ወደ ነበረው ቃሊቲ ማረሚያ ቤት መዛወራቸውን ጠበቃቸው ሔኖክ አክሊሉ ለቢቢሲ (BBC) ገልፀዋል።

ጠበቃ ሔኖክ አክሊሉ ለBBC ከተናገሩት ፦

- ሁለቱ ተጠርጣሪዎች (አቶ እስክንድርና አቶ ስንታየሁ) ብቻ ሳይሆኑ ሌላ አንድ ግለሰብም ወደ ቃሊቲ ማረሚያ ቤት ተወስደዋል።

- ጳጉሜ 5/2012 ዓ.ም በነበረው የፍርድ ቤት ውሎ ላይ አቶ እስክንድር ላይ ክስ ተመስርቶ ነበር ፤ ፍርድ ቤት ክስ የቀረበባቸው በመሆኑ ወደ ማረሚያ ቤት እንዲዘዋወሩ አዟል።

- በትናንትናው ዕለት መስከረም 06/2013 ዓ/ም ከነበሩበት የፌደራል ፖሊስ ጊዜያዊ ማቆያ ወደ አዲስ አበባ ማረሚያ ቤት በተለምዶ ቃሊቲ ማረሚያ ቤት ወደ ሚባለው ተዘዋውረዋል።

- አቶ እስክንድር ከዚህ ቀደም ከስድስት ዓመታት በላይ በታሰሩበት ስፍራ እና ክፍል ዳግም መታሰራቸውን ተናግረዋል።

- አቶ አስክንድር ከሁለት ወራት በላይ ከቆዩበት ሌላ እስር ቤት ወደ ቃሊቲ ማረሚያ ቤት ከተዘዋወሩ በኋላ በተለምዶ ዋይት ሐውስ ወደ ሚባለው ክፍል አስገብተዋቸዋል።

@tikvahethiopiaBot @tikvahethiopia

በሶማሌ ክልል የጦር መሳሪያዎችን የመሰብሰብ ስራ ተጀመረ!

የሶማሌ ክልል መንግሥት ከክልሉ የፀጥታ ኃይሎችና የሚመለከታቸው አካላት በስተቀር በሌሎች የክልሉ ነዋሪዎች እጅ የሚገኙ የጦር መሳሪያዎችን መሰብሰብ ጀምሯል።

አሁን በተመረጠ ሁኔታ ተግባራዊ መሆን የጀመረው ይህ የጦር መሳሪያ ስብሰባ ወደፊት በሁሉም የክልሉ ዞኖች ተግባራዊ እንደሚሆን ተገልጿል።

የሱማሌ ክልል ፍትህና ፀጥታ ቢሮ ኃላፊ አቶ አብዱላሂ መሃመድ አብዲ ለቪኦኤ (ጋዜጠኛ አዲስ ቸኮል) ተከታዩን መረጃ ሰጥተዋል ፦

- የክልሉ መንግስት እዚህ ውሳኔ ላይ የደረሰው በጎሳ ግጭት የሰዎች ህይወት እየጠፋ በመሆኑ ነው።

- ባለፈው ሳምንት በጎሳ ግጭት የተነሳ የታጠቁ ሰዎች በቱሉ ጉሌድ ወረዳ 7 ሰዎች ላይ ግድያ ፈፅመዋል።

- አሁን ላይ በቱሉ ጉሌድ ወረዳና እና ኦሮሚያ ክልል ስር በሚገኘው አጎራባች የጭናክሰን ወረዳ ላይ ትጥቅ የማስፈታቱ ስራ በሁለቱ ክልሎች ትብብር እየተሰራ ነው።

- እስካሁን ከምን ያህል ሰዎች ትጥቅ ማስፈታት እንደተቻለ ባይገለፅም አብዛኞቹ AK 47 (በተለምዶ ክላሽንኮቭ) የጦር መሳሪያ ናቸው። ነገር ግን መትረየስን ጨምሮ በግለሰቦች እጅ መኖር የሌለባቸው ከባድ መሳሪያዎች በማህበረሰቡ ውስጥ ይገኛሉ።

- አሁን በቱሉ ጉሌድ ወረዳ በ4 ቀበሌዎች የተጀመረው ትጥቅ የማስፈታት ስራ ወደፊትም ህዝቡን የማሳመን ስራ እየተሰራ በሁሉም የክልሉ ዞኖች ይተገበራል።

- ድንበር አካባቢ የሚካሄዱ ህገ ወጥ የጦር መሳሪያ ንግድ ላይ ከፍተኛ ቁጥጥር እየተደረገ ይገኛል።

@tikvahethiopiaBot @tikvahethiopia

በኮሮና ቫይረስ ምክንያት ተራዝሞ የነበረው 'የ2012 ሀገራዊ ምርጫ' አሁን ላይ ቅድመ ሁኔታዎችን አሟልቶ ማካሄድ እንደሚቻል የኢፌዴሪ ጤና ሚኒስቴር ለህዝብ ተወካዮች ምክር ቤት ምክረ ሀሳብ አቅርቧል።

በጤና ሚኒስቴር በቀረበው መክረ ሀሳብ ላይ የምክር ቤቱ አባላት አስተያየት እየሰጡ ሲሆን ፥ ውይይት ከተደረገበት በኋላ ውሳኔ ያሳልፋሉ ተብሎ ይጠበቃል።

@tikvahethiopiaBot @tikvahethiopia

ተጨማሪ መረጃ ፦

- ትምህርት ከመጀመሩ በፊት የዓለም ጤና ድርጅት ያስቀመጣቸውን መስፈርቶች በአግባቡ መከናወናቸው የሚያረጋግጥ ግብረ ኃይል በየትምህርት ቤቶቹ ሊቋቋም እንደሚገባ ዶ/ር ሊያ ታደሰ ተናግረዋል።

- የሰዎችን ቁጥር በመመጠን እና የኮሮና ቫይረስ መከላከያ መስፈርቶችን በመተግበር ስብሰባ ፣ ሲኒማ ፣ ቲያትር ፣ የስፖርት ዝግጅቶች ፣ ማህበራዊና ሐይማኖታዊ በዓላት፣ የአደባባይ በዓላት፣ ሊፈቀዱ እንደሚገባ ምክረ ሀሳብ ቀርቧል።

- ጤና ሚኒስቴር በማንኛውም ሁኔታ ውስጥ የአፍ እና የአፍንጫ መሸፈኛ ማድረግ በመላ ሀገሪቱ አስገዳጅ ሊሆን ይገባል ብሏል።

- የህዝብ ተወካዮች ምክር ቤት ዛሬ በጤና ሚኒስቴር በቀረበው ምክረ ሃሳብ ላይ ውይይት ካደረገ በኋላ በዋነት ለሴቶች፣ ወጣቶችና ማህበራዊ ቋሚ ኮሚቴ እና ለህግ ፣ ፍትህና ዴሞክራሲ ጉዳዮች ቋሚ ኮሚቴ የውሳኔ ሃሳብ እንዲያቀርቡ መርቷል።

@tikvahethiopiaBot @tikvahethiopia