በሀዋሳ ከተማ አስተዳደር የመሀል ክ/ከተማ የኮቪድ 19 የህክምና ማዕከል በህክምና ላይ ሴት ልጅ የተገላገለች እናት ዛሬ ከማዕከሉ ሙሉ ለሙሉ አገግማ መውጣቷን የሆስፒታሉ ስራ አስኪያጅ አቶ ይርዳቸው አኒቶ አስታውቀዋል።

እንደ ስራ አስኪያጁ ገለፃ ከሆነ በማዕከሉ ክትትል ሲደረግላት የነበረች እናት ባሳለፍነው ሳምንት ነበር ከቫይረሱ ነፃ የሆነች ሴት ልጅ የተገላገለችው።

እናቲቱ በቆይታዋም ከማዕከሉ የህክምና ባለሙያዎች ተገቢው ክትትል ሲደረግላት ቆይቶ በዛሬ ዕለት ሙሉ ለሙሉ ማገገሟ በመረጋገጡ ወደ ቤቷ መመለስ እንደቻለች ስራ አስኪያጁ ተናግረዋል።

በዚህም የማዕከሉ የህክምና ባለሙያዎችና አመራሩ ለእናቲቱ እና ለጨቅላዋ አሸኛኘት እንዳደረጉላቸው አቶ ይርዳቸው ገልፀዋል።

ምንጭ፦ የሀዋሳ ከተማ ኮሚኒኬሽን ቢሮ፣📸ዶ/ር ሀኒባል አበራ (Tikvah Family)

@tikvahethiopiaBot @tikvahethiopia

#DrLiaTadesse

በሀገራችን የተደረገው የኮሮና ቫይረስ (ኮቪድ-19) ምርመራ ከ1 ሚልዮን በላይ ሆኗል፤ ይህን ተከትሎም የጤና ሚኒስቴር ሚኒስትር ዶ/ር ሊያ ታደሰ የምስጋና መልዕክት አስተላልፈዋል።

የጤና ሚኒስትር ዶ/ር ሊያ ታደሰ ደከመኝ ሰለቸኝ ሳይሉ የሚሰሩትን ሁሉንም የጤና ባለሙያዎች እና ሰራተኞች በተለይም የናሙና ሰብሳቢዎች ፣ የላብራቶሪ ቴክኒሻኖች ፣ ፈጣን የምላሽ ቡድኖች ፣ የሎጂስቲክስ ቡድኖች ፣ ሾፌሮች ፣ አስተባባሪዎችና በሁሉም ላቦራቶሪና አገልግሎት መስጫ የሚገኙትን ሀላፊዎችን አመስግነዋል።

ከዚህ በተጨማሪም ህብረተሰቡም ለዚህ ውጤት ላደረገው አስተዋጽዎና ስርጭቱን ለማስቆም የአፍና አፍንጫ ጭምብል በማድረግ ማህበራዊ ርቀትን እና የእጅ ንፅህናን በመጠበቅ በሂደቱ እያደረገ ለሚገኘው ድጋፍ አመስግነዋል።

@tikvahethiopiaBot @tikvahethiopia

#Hawassa

በሐዋሳ ከተማ ከ30 ሺ በላይ ለሚሆኑ ዜጎች የስራ እድል የሚፈጥር አዲስ ኢንደስትሪ ፓርክ ግንባታ ማስጀመሪያ መርሀግብር በዛሬው ዕለት ተካሂዷል።

ይህ ፓርክ በዓለም ገበያ ከፍተኛ ተፈላጊነት ያለውን የጨርቃ ጨርቅ ምርት የሚያመርት ሲሆን ይህንንም ከሠላሳ ዓመታት በላይ እድሜ ባስቆጠረው ከሀዋሳ ጨርቃ ጨርቅ ተቋም ጋር በመሆን 3 የሀገር ውስጥ ባለሀብቶች ሼር ሆልደር ሆነው ነው የሚያሠሩት፡፡

ከ2 ቢልየን ብር ወጪ የሚደረግበት ፓርኩ በሀዋሳ ኢንዱስትሪ ፖርክ ያለውን የሥራ ጫና በመካፈል ከፍተኛ ምርት አምርቶ 90 በመቶ የሚሆን ምርት ለዉጭ ገበያ በማቅረብ ከፍተኛ የውጭ ምንዛሪ ያስገኛል ተብሏል፡፡

ከ3 ወር በኃላ ሥራው የሚጀመረው ይህ ፖርክ የሲዳማ ብሔራዊ ክልል ርዕሰ መስተዳድር አቶ ደስታ ሌዳሞ እና የክልሉ ከፍተኛ አመራሮች እንዲሁም የፌዴራል ኢንዱስትሪ ሚኒስቴር ሚኒስትር ዴኤታ የሆኑት አቶ ምስጋና በተገኙበት የግንባታ ማስጀመሪያ ፕሮግራም ተካሂዷል።

"ሲኖማ ኢንጀነሪንግ" የተሠኘ የቻይና ካምፓኒ ሲሆን ግንባታውን የሚያከናውነው ወደ 14 የሚጠጉ ሼዶችን ገንብቶ ለጠናቅቅ ከ400 ሚሊየን ብር በላይ እንደሚጠይቅ ተገልጿል፡፡

ምንጭ፦ ሲዳማ ሚዲያ ኔትዎርክ
@tikvahethiopiaBot @tikvahethiopia

WHO ስለኮሮና ቫይረስ ክትባት!

ለኮቪድ-19 መከላከያ የሚሆን ደህንነቱ የተረጋገጠና ውጤታማ የሆነ ክትባት በስፋት ጥቅም ላይ ለማዋል እስከ መጭው የአውሮፓውያን አመት አጋማሽ ላይደርስ እንደሚችል የዓለም ጤና ድርጅት አስታውቋል።

ሰዎች ክትባቱ ፈጥኖ ሊደርስልን ነው የሚለውን ጉጉትና ተስፋ በልክ እንዲያደርጉ የጤና ባለስልጣናት እየመከሩ ይገኛሉ።

በጤና ላይ አደጋ የማያስከትልና በደንብ ውጤት የሚያመጣ ክትባት እንደዚሁ በይድረስ ይድረስ ተቻኩሎ መስራት የሚሆን አይደለም፤ጊዜ ይጠይቃልም ብለዋል።

የዓለም ጤና ድርጅት ክትባት ፍለጋው በተገቢው መንገድ የማከናወኑ ሂደት በደንብ እየተካሄደ እንደሆነ እየገለፀ ነው።

ከስድስት እስከ ዘጠኝ የሚደርሱ ክትባቶች በአሁኑ ጊዜ በሶስተኛ ምዕራፍ የሰው ሙከራ ደረጃ ላይ እንደሚገኙም አመልክቷል።

በእነዚህ በጥንቃቄ በተዘጋጁት ሙከራዎች በሺዎች የሚቆጠሩ ሰዎች እየተሳተፉ መሆናቸው የWHO ቃል አቀባይ ማርጋሬት ሃሪስ ገልፀዋል።

የኮሮና ቫይረስ ክትባት ጥቅም ላይ እንዲውል ከመፈቀዱ በፊት የጤና ስጋት የማያስከትልና ቢያንስ በሙከራው ከሚሳተፉት 50 በመቶውን ከቫይረሱ መከላከል መቻሉ መረጋገጥ አለበት ሲሉ አሳስበዋል።

አያይዘው በተጨባጭ ያለውን ሁኔታ ካየን ከመጭው የአውሮፓውያን 2020/2021 አጋማሽ በፊት ክትባት ለህዝብ መስጠት ይጀመራል ብለን አንጠብቅም ብለዋል።

ከዚህ ባለፈም ቃል አቀባይ ማርጋሬት ሃሪስ ለቬኦኤ እንደተናገሩት መንግስታት ክትባት መቼ በአጣዳፊ ሁኔታ ወይም ለአጠቃላይ ጥቅም እንደሚያውሉ WHO አይነግራቸውም የየራሳቸውን ውሳኔ መውሰድ አለባቸው ሲሉ ተናግረዋል። ነገር ግን ይህን ወረርሽኝ ድራሹን የሚያጠፋ ክትባት እየደረሰ ነው ብሎ ለህዝብ ያልሆነ ተስፋ መስጠት እንደማይገባ እናስጠነቅቃለን ማለታቸውን #ቪኦኤ ዘግቧል።

@tikvahethiopia

እናመሰግናለን!

የኮቪድ 19 ወረርሽኝ በዓለም ላይ ከተከሰተበት ጊዜ በኃላ ግንባር ቀደም ተሰላፊ ሆነው የሰዎችን ሕይወት ለመታደግ የራሳቸውን ሕይወት አደጋ ላይ የጣሉት የጤና ባለሞያዎችን እናመሰግናለን።

በዓለማችን ይህ ወረርሽኝ ከተከሰተ ጀምሮ 7,000 የሚሆኑ የጤና ባለሞያዎች ሕይወታቸው እንዳለፈ አሚነስቲ ኢንተርናሽናል በቅርቡ ይፋ ያደረገው መረጃ ያሳያል፡፡ በአፍሪካም ከ400 ያላነሱ የጤና ባለሞያዎች በዚህ ወቅት ሌሎችን ለመጠበቅ ሲሉ መስዋዕት ሆነዋል፡፡

ወደ ሀገራችን ስንመጣም ወቅታዊ የአሀዝ መረጃ ባይኖርም በመቶዎች የሚቆጠሩ የጤና ባለሞያዎች በኮቪድ 19 ተይዘዋል፡፡ መያዝ ብቻም አይደለም በሞያቸው ህዝባቸውን ሲያገለግሉ ህይወታቸው ያለፈም የጤና ባለሞያዎች ጭምር አሉ፡፡

በትግራይ ክልል ጤና ቢሮ በኮሮና ቫይረስ መረጃ ትንተናና ትንበያ ክፍል በመስራት ላይ እያሉ በቫይረሱ ተይዘው ህይወታቸው ያለፈው ዶ/ር ፍሳሃየ አለምሰገድ እንዲሁም በቅዱስ ጴጥሮስ ስፔሻላይዝድ ሆስፒታል ባልደረባ የነበሩት ነርስ አምበሳአውድም ዮሃንስ በቅርቡ በወረርሽኙ ምክንያት ያጣናቸው የህክምና ባለሞያዎች ናቸው፡፡

የህክምና ባለሞያዎችን ስናመሰግናቸው ግን በቃላት ወይም ከወራት አንዱን ቀን መርጠን ብቻ ሳይሆን ዕለት ዕለት አስፈላጊውን ጥንቃቄ እያደረግን ራሳችንን እያዳንን ለእነርሱም ምክንያት ባለመሆን ጭምር መሆን ይገባዋል፡፡

እየተጠነቀቅን እናመሰግናችኀለን!

ቲክቫህ ኢትዮጵያ
ጳጉሜ 2/2012 ዓ/ም

@tikvahethiopiaBot @tikvahethiopia