የህወሓት እና ፌደራል መንግስት አለመግባባት!

ዶ/ር አብይ አህመድ 'ከፋና ትግርኛ' ጋር በነበራቸው ቆይታ በፌደራል መንግስት እና በትግራይ ክልል መካከል ስላለው አለመግባባት/የአቋም ልዩነት ተከታዩን ብለዋል ፦

በእኔ በኩል ያለው አለመግባባት መፈታት አለበት ብዬ ነው የማምነው፤ መፈታትም አለበት። ከዚህ በኃላ ችግሩን ፈተን በተሻለ የልማትና የዴሞክራሲ መንገድ መቀጠል አለብን ብዬ ነው የማምነው።

በቶሎ መግባባት ላይ እንዲደረስ የትግራይ ህዝብ በአመራር ቦታ ላይ ላሉ እንደነ ዶ/ር ደብረፅዮን የመሰሉ ልማትና ሰላም ፈላጊ የሆኑ አመራሮችን መደገፍ አለበት።

እነዶክተር ደብረፅዮን ከመጀመሪያው ጀምሮ ቢሆን ከፌደራል መንግስት ጋር ቁጭ ብለው በእኛም ሆነ በነሱ በኩል ባሉ ችግሮች ዙሪያ ለመወያየት ዝግጁ ናቸው ፤ ለዚህ የትግራይ ህዝብም ድጋፍ ሊያደርግ ይገባል ብዬ አምናለሁ።

@tikvahethiopiaBot @tikvahethiopia

እናትና አባታቸውን በኮቪድ-19 ያጡት ልጆች!

በሂውስተን ነዋሪ የሆኑት ሁለት ልጆች እናት እና አባታቸውን በ15 ቀናት ልዩነት በአስከፊው የኮሮና ቫይረስ (ኮቪድ-19) በሽታ ተነጥቀዋል።

በአሁን ሰዓት ሁለቱም ልጆች ጃኮብ ሜንዶዛ (ከእናታቸው ወንድም) እና ባለቤቱ ጋር በከፍተኛ ሀዘን ውስጥ ሆነው ለመኖር ተገደዋል።

ኮሮና ቫይረስ በመላው ዓለም ልጆችን ያለወላጅ ፤ ወላጆችን ያለልጅ እያስቀረ ነውና እባካችሁ ፣ እባካችሁ ጥንቃቄ እንድታደርጉ እንጠይቃለን!

@tikvahethiopiaBot @tikvahethiopia

በኢትዮጵያ በኮቪድ-19 የተያዙ ሰዎች ከ15 ሺህ አለፉ!

ባለፉት 24 ሰዓት በተደረገው 6,503 የላብራቶሪ ምርመራ 653 ሰዎች በቫይረሱ መያዛቸው ሲረጋገጥ የ11 ሰዎች ህይወት አልፏል። በተጨማሪ በትላንትናው ዕለት 170 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 15,200 የደረሱ ሲሆን የሟቾች ቁጥር 239 ደርሷል ፤ ከበሽታው ያገገሙ ሰዎች 6,526 ናቸው።

@tikvahethiopiaBot @tikvahethiopia

ችሎት!

በአቶ ሃምዛ ቦረና መዝገብ የተካተቱ 9 ተጠርጣሪዎች ዛሬ ፍርድ ቤት ቀርበው ነበር።

መርማሪ ፖሊስ የሰራውን ተጨማሪ የምርመራ ስራ ይፋ ያደረገ ሲሆን ከዘጠኙ ተጠርጣሪዎች መካከል ስምንቱ የአቶ ጃዋር መሃመድ ጠባቂዎች ሲሆኑ በፖሊስ ምርመራ ላይ መቃወሚያ አቅርበዋል።

መርማሪ ፖሊስ ሌሎች በርካታ የሰዎች እና የሰነድ ማስረጃ ለማሰባሳብ ተጨማሪ 14 ቀን ይሰጠኝ ብሎ ጠይቋል።

ፍርድ ቤት ፖሊስ ከጠየቀው የ14 ቀን ጊዜ ውስጥ 8 ቀን ፈቅዶ ተለዋጭ ቀጠሮ ለሃምሌ 29/2012 ዓ/ም ሰጥቷል።

ስለዛሬው የነአቶ ሃምዛ ቦረና የችሎት ውሎ በዝርዝር መረጃ ማግኘት : https://telegra.ph/HamzaB-07-28

@tikvahethiopiaBot @tikvahethiopia

#ATTENTION

ሀገራችን ኢትዮጵያ በየዕለቱ በኮሮና ቫይረስ (ኮቪድ-19) ህይወታቸውን የሚያጡ ሰዎችን ቁጥር መቁጠር ከጀመረች በርካታ ሳምንታት አልፈዋል።

የ3 ቀናት ሪፖርት ብቻ ብንመለከት በአጠቃላይ ሰላሳ (30) ሰዎች ከኮሮና ቫይረስ ጋር በተገናኘ ህይወታቸው አልፏል።

በዚህ አስከፊ በሽታ የምትወዷቸውን ሰዎች ከአጠገባችሁ ያጣችሁና የተነጠቃችሁ ወገኖቻችን በሙሉ #መፅናናትን እንመኝላችኃለን።

አሁንም ስልቹነታችን፣ መዘናጋትችን፣ ቸልተኝነታችን መፍትሄ ካላገኘ የነገ ህይወታችንን ያጨልማልና ከፍተኛ ጥንቃቄ እናድርግ።

@tikvahethiopiaBot @tikvahethiopia

ግብጽ በግድቡ ጉዳይ ከወታደራዊ ይልቅ ዲፕሎማሲያዊ አማራጮችን እንደምትጠቀም አስታወቀች!

የግብፁ ፕሬዝዳንት አብዱል ፈታህ አል ሲሲ ሃገራቸው በህዳሴ ግድብ ጉዳይ ከወታደራዊ ይልቅ ዲፕሎማሲያዊ አማራጮችን እንደምትጠቀም ማስታወቃቸውን አልዓይን ዘግቧል፡፡

ፕሬዘዳንት አብዱል ፈታህ አል ሲሲ ይህን ያሉት የተለያዩ የልማት ፕሮጄክቶችን መርቀው ንግግር ባደረጉበት ስነ ስርዓት ላይ ነው፡፡

ግብጽ የኢትዮጵያን ልማት ትደግፋለች ያሉት ፕሬዝዳንቱ ድጋፉ ታሪካዊ ባሉት የውሃ ድርሻዋ ላይ እንደማይሆን ግን ተናግረዋል፡፡

በግብጻውያን ጽናት እና ድጋፍ የሃገራቸውን ጥቅም ባስጠበቀ መልኩ ከስምምነት እንደርሳለን ብለው እንደሚያስቡም ነው ፕሬዝዳንቱ የተናገሩት፡፡

ግብጽ ፣ ኢትዮጵያ እና ሱዳን በግድቡ ዙሪያ ስምምነት ላይ ለመድረስ አሁንም በአፍሪካ ህብረት አሸማጋይነት በመደራደር ላይ ናቸው፡፡

@tikvahethiopiaBot @tikvahethiopia

የህወሓት አመራሮች የፍርድ ቤት ውሎ!

ለሀገር ውስጥ እና ለውጭ የሽብር ቡድኖች መረጃ አሳልፎ በመስጠት ወንጀል ተጠርጥረዋል ያለው ፖሊስ የ14 ቀናት የምርመራ ጊዜ የጠየቀባቸው የህወሓት የአዲስ አበባ አገናኝ ቢሮ ኃላፊ አቶ ተወልደ ገብረፃዲያ ፣ በሚኒስትር ዴኤታ ማዕረግ የሕግ እና ፍትህ ምርምር ተቋም ዳይሬክተር አቶ ተስፋአለም ይህደጎና ሌሎች ሁለት ሹፌሮች ናቸው።

ፖሊስ ዛሬ ለፍርድ ቤት ባቀረበው ሪፖርት የባንክ ሂሳባቸውን እያስመረመርኩ ነው፣ በአቶ ተስፋአለም ቤት የተገኘው ክላሽ ህጋዊ ፍቃድ የለውም የሚል ሃሳብ አቅርቧል።

የተጠርጣሪ ጠበቆች በበኩላቸው ፖሊስ እስካሁን የሰራቸው ስራ የሚያሳይ ዝርዝር መዝገብ ይዞ አልቀረበም ስለዚህ ደንበኞቻችን በነፃ ሊሰናበቱ ይገባል ሲሉ ተከራክረዋል።

ችሎቱ ለምን የምርመራ መዝገቡን ይዞ እንዳልቀረበ የጠየቀ ሲሆን ለሐምሌ 23 መዝገቡን ይዞ እንዲቀርብና የጠየቀውን የ14 ቀን ጊዜ ይሰጥ አይሰጥ ብይን ለመስጠት ተለዋጭ ቀጠሮ ይዟል - #ዶቼቨለ

@tikvahethiopiaBot @tikvahethiopia

ችሎት!

ዛሬ ፍርድ ቤት የኢ/ር ይልቃል ጌትነትን ጉዳይ ተመልክቷል።

የዛሬው ቀጠሮ መርማሪ ፖሊስ ባለፈው በነበረው ቀጠሮ ተጠርጣሪዎችን ከወንጀሉ ጋር ያላቸውን ግንኙነት ለብቻ ነጥሎ ለማቅረብና የደረሰበትን አጠቃላይ ሁኔታ ለፍርድ ቤት ለማሳወቅ ነው።

መርማሪ ፖሊስ ሰራዋቸው ያለው ስራ ፦

- ተጨማሪ ምስክሮችን ሰምቻለሁ፣ከወንጀሉ ጋር የተያዙ እቃዎቻቸውን ለምርመራ ለፌደራል ፖሊስና ለብሄራዊ ደህንነት ልኪያለሁ ውጤት እየጠበኩ ነው ብሏል።

- የንብረት ግምት እንዲላክ ፣ የአስክሬን ምርመራ ሪፖርት እንዲላክልኝ ለሚመለከታቸው አካላት ልኪያለሁ ብሏል ፤ እነዚህ ስራዎች ስለሚቀሩኝ 14 ቀን ይሰጠኝ ብሏል።

የኢንጂነር ይልቃል ጠበቃ አዲሱ ጌታነህ ፦

ኢንጂነር ይልቃል ከወንጀል ጋር ያላቸው ግንኙነት ፣ በምን ሁኔታ፣ እንዴትና መቼ እንደተፈፀመ ፖሊስ እንዲያቀርብ ነበር የታዘዘው።

የ14 ሰው ህይወት አልፏል ለዛም ውጤት እጠብቃለሁ ፣ ንብረት ወድሟል ከማለት ያለፈ ተለይቶ የተሳትፎ ደረጃቸው ስላልተገለፀ ለ27 ቀናት በቁጥጥር ስር አውሎ ምርመራ ሲያደርግ ነበር ተጨማሪ ጊዜ አያስፈልግም መዝገቡ ተዘግቶ #በነፃ ይለቀቁ ብለዋል።

ፍርድ ቤት ፦

- የተጠርጣሪ ጠበቃን አቤቱታ ሰምቶ ፣ መርማሪ ፖሊስ የጠየቀውን ጥያቄ ተመልክቶ ተጨማሪ የጊዜ ቀጠሮ አስፈላጊነው ፣ አይደለም የሚለውን ለመወሰን ለሐምሌ 24 ቀጠሮ ሰጥቷል #DW

@tikvahethiopiaBot @tikvahethiopia

እኔም የዕርቅ ሀሳብ አለኝ!

ቲክቫህ ኢትዮጵያ (TIKVAH-ETH) ከዕርቀ ሰላም ኮሚሽን ጋር በመተባበር ያዘጋጀው የዕርቅ ሀሳብ አለኝ የተሰኘው በባህላዊ የዕርቅ ሥርዓቶች ላይ ያተኮረው የአጭር ገለጻ የጹሑፍ ውድድር ሲካሄድ መቆየቱ ይታወሳል፡፡

በውድድሩ ላይ 327 የግል ተወዳዳሪዎች እና 40 የቡድን ተወዳዳሪዎች ከሁሉም የሀገሪቱ ክልሎች የተሳተፉ ሲሆን ጹሑፋቸውም ተሰብስቦ ከኮሚሽኑ አባላት በተወጣጡ ልምድ ባላቸው ዳኞች እንዲገመገም እየተደረገ ይገኛል፡፡

አሁን ላይ የምዘና ሥራዎች እየተከናወኑ ሲሆን በተያዘው የጊዜ ሰሌዳም መሰረት ምዘናው ሙሉ ለሙሉ ተጠናቆ ነሐሴ 8 የውድድሩ አሸናፊዎች የሚገለጹበት ቀን ይሆናል፡፡

በቀጣይ የተመረጡ ሥራዎችን የማደራጀት ሥራ ከተከናወነ በኀላ ልዩ የሽልማትና የዕውቅና መርኃግብር በመስከረም 11 የሚዘጋጅ ይሆናል፡፡ በውድድሩ ጹሑፋቸውን በመላክ የተሳተፉ በሙሉ የተሳትፎ የምስክር ወረቀት የሚያገኙ ይሆናል፡፡

@tikvahethiopiaBot @tikvahethiopia

የትግራይ ክልል ምርጫ መቼ ይደረጋል ?

በትግራይ ክልል የሚደረገው ምርጫ የሚካሄድበት ትክክለኛ ቀን ከሚመዘገቡ ድርጅቶች እና ግለሰቦች ጋር በመወያየት እንደሚወሰን የትግራይ ምርጫ ኮሚሽን ኮሚሽነር መምህር ሙሉወርቅ ኪዳነማርያም ለቢቢሲ ተናግረዋል።

በትግራይ ክልል ለሚደረገው ምርጫ ከዛሬ ማክሰኞ (ሐምሌ 21/2012 ዓ/ም) እስከ ሐሙስ (ሐምሌ 23/2012 ዓ/ም) ባሉት 3 ቀናት ውስጥ ሊመዘገቡ እንደሚችሉ የትግራይ ክልል ምርጫ ኮሚሽን ጥሪ ማቅረቡ ይታወቃል።

@tikvahethiopiaBot @tikvahethiopia

#ATTENTION

በአዲስ አበባ በኮሮና ቫይረስ (ኮቪድ-19) መያዛቸው የተረጋገጠ አጠቃላይ ሰዎች ቁጥር 10,703 ደርሷል።

ቫይረሱ የተገኘባቸው ሰዎች ክፍለ ከተማ ፦

• ቦሌ - 1,652 ሰዎች
• አዲስ ከተማ - 1,329 ሰዎች
• ጉለሌ - 1,308 ሰዎች
• አራዳ - 923 ሰዎች
• የካ - 901 ሰዎች
• ልደታ - 883 ሰዎች
• ኮልፌ ቀራኒዮ - 876 ሰዎች
• ቂርቆስ - 855 ሰዎች
• ንፋስ ስልክ ላፍቶ - 831 ሰዎች
• አቃቂ ቃሊት - 614 ሰዎች
• በለይቶ ማቆያ - 317 ሰዎች
* አድራሻቸው በመጣራት ላይ ያለ - 214 ሰዎች

@tikvahethiopiaBot @tikvahethiopia

ለዩኒቨርሲቲ ተማሪዎች!

ተማሪዎች ወደ ሚማሩበት የትምህርት ተቋም መመለሻ ጊዜ ታውቋል ፣ ትምህርትም የሚጀምርበት ቀን ተቆርጣል በሚል እየተሰራጨ የሚገኘው መረጃ #ሀሰተኛ ነው።

የዩኒቨርሲቲዎችን ስም እና የዩኒቨርሲቲዎችን ሎጎ አስመስሎ የተዘጋጁ የተለያዩ ሀሰተኛ መረጃዎች (የቀጣዩን ትምህርት መርሃ ግብር የሚያሳዩ ምስሎች) በማህበራዊ ሚዲያዎች እየተሰራጩ ስለሚገኙ እንዳትታለሉ።

የኢፌዴሪ ሳይንሳና ከፍተኛ ትምህርት ሚኒስቴር የዩኒቨርሲቲ ተማሪዎች ወደ ተቋማቸው የሚመለሱበትን ቀን ያላሳወቀ ሲሆን በጉዳዩ ላይ ወደፊት #ከMoSHE የምናገኘውን መረጃ እናካፍላችኃለን።

@tikvahethiopiaBot @tikvahethiopia

ዶ/ር አብይ ከፖለቲካ አመራሮች ጋር እየተወያዩ ነው!

ጠ/ሚ ዶክተር ዐቢይ አሕመድ በወቅታዊ አገራዊ ጉዳዮች ዙሪያ ከተለያዩ ፖለቲካ ፓርቲ አመራሮች ጋር እየተወያዩ እንደሚገኙ ኢብኮ ዘግቧል።

ውይይቱ በመንግሥት እና በፖለቲካ ፓርቲዎች መካከል በወቅታዊ የአገሪቱ ጉዳዮች ላይ ያተኮረ ነው ተብሏል።

በቀጣይ አገራዊ ምርጫን በሚመለከት ከዚህ በፊት ተደርጎ ከነበረው ምክክር የቀጠለ ውይይት እንደሚደረግ ተገልጿል።

በዚህም እስከ ሰባት በሚደርሱ አጀንዳዎች ላይ ምክክር ለማድረግ ስምምነት ላይ የተደረሰ ሲሆን ፣ በመጀመሪያ ግን ውይይት የሚደረግባቸው አራት አጀንዳዎች መለየታቸው ተገልጿል።

በቅድሚያ ' አገራዊ መግባባት ' ላይ ውይይት ለማድረግ መስማማታቸው የተገለፀ ሲሆን ፣ በዚህ ጉዳይ ላይ ገለጻ ለማድረግ እና ለማወያየት ከተለያዩ ፖለቲካ ፓርቲዎች ሰዎች መመረጣቸውን ከኢብኮ የተገኘው መረጃ ይጠቁማል።

PHOTO : FILE

@tikvahethiopiaBot @tikvahethiopia

"...የቸልተኝነት ሁኔታው በዚህ የሚቀጥል ከሆነ አስከፊው ጊዜ መምጣቱ የማይቀር ነው" - ዶ/ር እስማኤል ሸምሰዲን

በሚሊኒየም አዳራሽ የኮቪድ-19 ማዕከል ከፅኑ ህሙማን መለስተኛ የሆኑ የሚታከሙበት ኦክስጅን ያላቸው 130 የህምሙማን አልጋዎች በሙሉ #መሙላታቸው ተገለፀ።

በኢትዮጵያ አሁን ያለው የኮሮና ቫይረስ ሁኔታ አስፈሪ ደረጃ ላይ እየደረሰ ነው ተብሏል።

የማዕከሉ ኃላፊ ዶ/ር እስማኤል ሸምሰዲን እንደተናሩት ከዚህ ቀደም የበሽታው ምልክት የሌላቸው ሰዎችን ሲቀበል ነበር ፤ ከተቀበላቸው 74 % ያህሉ አገግመው የወጡበት ጊዜ የነበረ ሲሆን አሁን ግን ኦክስጅን ያላቸው 130 አልጋዎች ሞልተው ሌላ አማራጭ እስከመውሰድ ተደርሷል ብለዋል።

አሁን የሚታየው የቸልተኝነት ሁኔት በዚህ የሚቀጥል ከሆነ አስከፊው ጊዜ መምጣቱ የማይቀር እንደሆነም ተናግረዋል።

ምንጭ፦ ሸገር ኤፍ ኤም 102.1
@tikvahethiopiaBot @tikvahethiopia

በጉባ ግድያ ፈፅመዋል የተባሉ 4 ግለሰቦች ተይዘዋል!

ከትናንት በስቲያ በቤኒሻንጉል ጉሙዝ ክልል መተከል ዞን ጉባ ወረዳ ጥቃት በመፈጸም ሰዎችን ገድለዋል ከተባሉ ግለሰቦች መካከል አራቱ መያዛቸውን የክልሉ ሠላም ግንባታና ጸጥታ ቢሮ አስታውቋል፡፡

የቤኒሻንጉል ጉሙዝ ክልል መንግስት ቀሪ ወንጀለኞችን ይዞ እርምጃ ለመውሰድ ከጸጥታ አካላት ጋር በመቀናጀች እየሰራ መሆኑን አስታውቀዋል፡፡

ሐምሌ 20 ቀን 2012 ዓ/ም በቢኒሻንጉል ጉሙዝ ክልል ጉባ ወረዳ አቡጃር ቀበሌ በተፈፀመው ጥንቃት አስራ አራት (14) ሰዎች መገደላቸው ይታወሳል።

@tikvahethiopiaBot @tikvahethiopia

የአቶ ጃዋር መሃመድ የፍርድ ቤት ውሎ!

የፌዴራል የመጀመሪያ ፍርድ ቤት አራዳ ምድብ ችሎት በአቶ ጃዋር መሐመድ ላይ ፖሊስ የጠየቀውን ተጨማሪ የ14 ቀን የምርመራ ጊዜ በማየት 12 ቀን ፈቅዶ ለነሐሴ 5 ቀን 2012 ዓ.ም ተለዋጭ ቀጠሮ መስጠቱን ከኢብኮ ያገኘነው መረጃ ያሳያል።

ሁከት እና ብጥብጥ በተከሰተባቸው የኦሮሚያ ክልል የተለያዩ አካባቢዎች የተሰማራው የምርመራ ቡድን በርካታ የሰው ሞት እና የንብረት ውድመት የተመለከተ መረጃ መላኩንም ፖሊስ ለፍርድ ቤቱ አስረድቷል።

አቶ ጃዋር በበኩላቸው ተከሰተ የተባለው ወንጀል እሳቸውን እንደማይመለከትና እሳቸው የሚፈልጓቸው ሚዲያዎች ችሎቱን እንዲዘግቡ እና ለሁሉም እንዲፈቀድ ያ ካልሆነ ግን ሁሉም ሚዲያዎች ችሎቱን እንዳይዘግቡ ፍርድ ቤቱን መጠየቃቸው የኢብኮ መረጃ ያሳያል።

አቶ ጃዋር ያቆሟቸው 9 ጠበቆች የምርመራ ሥራው አዲስ አለመሆኑንና ፖሊስ የጠየቀው የጊዜ ቀጠሮ ውድቅ እንዲሆን ወይም ጥቂት ቀን እንዲሆንም ጠይቀዋል።

ፍርድ ቤቱም ፖሊስ ቀደም ሲል በተሰጠው 13 ቀናት ውስጥ ምርመራውን በአግባቡ በማከናወኑ እና ቀሪ ሥራዎችን ለማጠናቀቅ የጠየቀውን ተጨማሪ የ14 ቀን የምርመራ ጊዜ አይቶ 12 ቀን በመፍቀድ ለነሐሴ 5 ቀን 2012 ዓ.ም ተለዋጭ ቀጠሮ ሰጥቷል።

PHOTO : FILE

@tikvahethiopiaBot @tikvahethiopia

በኢትዮጵያ ተጨማሪ 610 ሰዎች በኮቪድ-19 ተያዙ!

ባለፉት 24 ሰዓት በተደረገው 7,760 የላብራቶሪ ምርመራ 610 ሰዎች በቫይረሱ መያዛቸው ሲረጋገጥ የ14 ሰዎች ህይወት አልፏል። በተጨማሪ በትላንትናው ዕለት 159 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 15,810 የደረሱ ሲሆን የሟቾች ቁጥር 253 ደርሷል ፤ ከበሽታው ያገገሙ ሰዎች 6,685 ናቸው።

@tikvahethiopiaBot @tikvahethiopia

#ATTENTION

በሀገራችን ኢትዮጵያ ትላንት ሐምሌ 21/ 2012 እንዲሁም ዛሬ ሐምሌ 22 /2012 በወጡት ሪፖርቶች መሰረት (በ2 ቀን ብቻ) 25 ሰዎች ከኮሮና ቫይረስ (COVID-19) ጋር በተገናኘ ህይወታቸው አልፏል።

@tikvahethiopiaBot @tikvahethiopia