በሐረሪ ክልል 1 ሞት ተመዝግቧል!

የሐረሪ ክልል ጤና ቢሮ በክልሉ ከኮቪድ-19 ጋር በተገናኘ የአንድ (1) ሰው ህይወት ማለፉን በዛሬው ሪፖርት ላይ አሳውቋል።

ሟቹ የአራት (4) ወር ህፃን (የድሬጠያራ ነዋሪ) ሲሆን ሪፖርት ከተደረገበት ቀን ጀምሮ የህክምና እርዳት ሲደረግለት እንደቆየ ቢሮው ገልጿል።

ቲክቫህ ኢትዮጵያ ዛሬ በጤና ሚኒስቴር የወጣውን ሪፖርት መልሶ የተመለከተ ሲሆን የ4 ወር ህፃን መሞቱን የሚገልፅ መረጃ አላገኘም።

የሐረሪ ክልል ጤና ቢሮ ሪፖርት ያደረገው ሞት አጠቃላይ የሀገሪቱን የሟቾች ቁጥር ስልሳ ስድስት (66) ያደርሰዋል።

@tikvahethiopiaBot @tikvahethiopia

10ኛው የኢትዮጵያ ክልል 'ሲዳማ ክልል' !

የደቡብ ክልልና አዲሱ የሲዳማ ክልል በዛሬው ዕለት በደቡብ ብሄር ብሄረሰቦችና ህዝቦች ክልል ምክር ቤት ፊት ቀርበው የስልጣን ርክክብ አካሂደዋል።

ይህን ተከትሎ ሲዳማ በሀገሪቱ 10ኛው ክልል የሚሆን ሲሆን ፥ የምክር ቤቱ አባላት ለሲዳማ ክልል ህዝብ 'እንኳን ደስ አላችሁ' ብለዋል።

@tikvahethiopiaBot @tikvahethiopia

ኮቪድ-19 ከሰኔ 6 - ሰኔ 11 በኢትዮጵያ!

ከሰኔ 6/2012 ዓ/ም እስከ ዛሬ ሰኔ 11/2012 ዓ/ም (6 ቀናት) ብቻ በሀገራችን ኢትዮጵያ 1,056 ሰዎች በኮቪድ-19 መያዛቸው ሪፖርት ተደርጓል።

በ6 ቀናት ከኮቪድ-19 ጋር በተገናኘ የ19 ሰዎች ህይወት አልፏል (የዛሬውን የሐረሪ ክልል ሪፖርት ጨምሮ) እንዲሁም 383 ሰዎች በተደረገላቸው ህክምና ከበሽታው አገግመዋል።

ሁላችንም ከምንጊዜውም በላይ ለኮሮና ቫይረስ ተጋላጭ ነን፤ በየትኛውም ቦታ እና ከማንኛውም ሰው የኮሮና ቫይረስ ሊይዘን ስለሚችል ሁል ጊዜ ጥንቃቄ እናድርግ።

@tikvahethiopiaBot @tikvahethiopia

በወልድያ ዩኒቨርሲቲ የኮቪድ-19 ምርመራ ተጀመረ!

የወልድያ ዩኒቨርሲቲ የኮሮና ቫይረስ መመርመሪያ ማዕከል ዛሬ ሰኔ 11 ቀን 2012 ዓ.ም ሥራ መጀመሩ ታውቋል፡፡ የምርመራ ማዕከሉ በ24 ሰዓታት ውስጥ ከ600 እስከ 700 ናሙናዎችን መመርመር ይችላል ማባሉን አብመድ ዘግቧል።

@tikvahethiopiaBot @tikvahethiopia

#UPDATE

ኢትዮጵያ ከ3 ቀናት በኋላ በሚከሰተው ቀለበታዊ የፀሐይ ግርዶሽ ከጎብኚዎች ልታገኝ የነበረውን ከፍተኛ የውጭ ምንዛሬ ገቢ በኮሮናቫይረስ (ኮቪድ-19) ወረረሽኝ የተነሳ የምታጣ መሆኑን የባሕልና ቱሪዝም ሚኒስቴር አስታውቋል - https://telegra.ph/ENA-06-18

@tikvahethiopiaBot @tikvahethiopia

የፒን-ሆል ሳጥን እንዴት አድርጌ ላዘጋጅ ?

(በአለምዬ ማሞ)

በባዶ አይናችን በቀጥታ ፀሐይን ስንመለከት ጉዳት የሚደርስብን ከሆነ ፤ ታዲያ እንዴት የፀሐይን ግርዶሽ ማየት እንችላለን ?

የአነስተኛ ሽንቁር ቀዳዳ ሳጥን (Pin-hole Box) ፦

ፒን-ሆል ወይም አነስተኛ ሽንቁር ቀዳዳ በርቀት ያለን አንድ አካል ገልብጦ እንደሚያሳይ ከብዙ ዘመናት በፊት ጀምሮ እናውቃለን፡፡

እንደውም በዝቅተኛ ክፍሎች ት/ቤት በነበርን ወቅት የፒን ሆል ሳጥን (አነስተኛ ሽንቁር ቀዳዳ ያለው ሳጥን) ሰርተን ፤ እርሱን ተጠቅመን የዛፎችን እና የጓደኞቻችንንም ምስሎች ተገልብጠው ያየን አንጠፋም፡፡ አሁንም ፀሐይዋን በግርዶሽ ወቅት ለማየት የምንጠቀመው ይህንኑ መርህ ነው፡፡

ይህንን 'የፒን ሆል ሳጥን' መስራት እጅግ ቀላል በመሆኑ ዛሬ በቤታችን ውስጥ በማዘጋጀት መጠቀም እንችላለን፡፡ ይህንንም ለመስራት የሚያስፈልገን ማንኛውም ልሙጥ ወረቀት ወይም የካርቶን ወረቀት ሲሆን ፤ ወደ ፀሐይ ስናዞረው ፤ በሌላኛው ጎን በኩል የፀሐይዋ ምስል ይታያል።

በተጨማሪ ይህ ተጭናችሁ አንብቡ https://telegra.ph/EASE2020-06-18 ከላይ ያስቃመጥነው ቪድዮ 12 MB ሲሆን ይበልጥ ስለ ፒን-ሆል አዘገጃጀት እንድታውቁት ስለሚያደርጋችሁ እሱንም ብትመለከቱት ጥሩ ነው።

@tikvahethiopiaBot @tikvahethiopia

ግርዶሹ ጀምሮ እስኪጠናቀቅ ስንት ሰዓት ይፈጅበታል ?

በኢትዮጵያ የሚከሰተው ግርዶሽ መታየት ከሚጀምርበት ምእራብ ኢትዮጵያ (ከጠዋቱ 12:50 ሰዓት) ጀምሮ ኢትዮጵያ ውስጥ ግርዶሹ እስከሚጠናቀቅበት ሰሜን ምስራቅ ኢትዮጵያ (ከጥዋቱ 3:25 ሰዓት) በአጠቃላይ 2 ሰዓት ከ35 ደቂቃ ይፈጅበታል።

ዋናው "ቀለበታዊ ግርዶሽ" በኢትዮጵያ በተለያዩ ከተሞች ውስጥ በተለያየ ሰዓት የሚታይ ሲሆን ለምሳሌ ወለጋ አካባቢ ከጥዋቱ 1:55 ሰዓት ላይ (ለ1 ደቂቃ ከ12 ሴኮንድ) ፣ ላልይበላ ከጥዋቱ 2:00 ሰዓት ላይ (ለ1 ደቂቃ ከ8 ሴኮንድ) እንዲሁም አፋር ላይ ከጥዋቱ 2:03 (ለ1 ደቂቃ ከ6 ሴኮንድ) ይታያል - #ESSS

@tikvahethiopiaBot @tikvahethiopia

#LiaTadesse

"ለኮቪድ-19 ህሙማን የሚውለውን ዴክሳሜታዞን የተባለውን መድሀኒት በተመለከተ በእንግሊዝ መንግስት የተካሄደውን ጥናት እና ሪፖርት በዝርዝር ተመልክተነዋል፡፡ የህክምና ጉዳዮች አማካሪ ቡድናችን እና የጤና ባለሙያዎች አማካሪ ምክር ቤት፣ የሰጠንን ምክረ ሀሳብ መሰረት በማድረግ፣ ኦክሲጅን ወይም የመተንፈሻ መሳሪያ እገዛ ለሚያስፈልጋቸው የኮቪድ-19 ህሙማን የህክምና ባለሙያዎች በሚያዙት መሰረት ዴክሳሜታዞን እንደ ድንገተኛ ህክምና ለመጠቀም ተወስኗል ። ህክምናውን አስመልክቶ ዝርዝር መመሪያ በቅርቡ ይወጣል።" - ዶ/ር ሊያ ታደሰ

@tikvahethiopiaBot @tikvahethiopia

'ጥብቅ ማስገንዘቢያ ስለ ዴክሳሜታሶን'

(ዶክተር ያቤፅ ከበደ-የጤና ባለሙያ)

ከብሪታንያ ተመራማሪዎች የወጣው የዚህ ዴክሳሜታሶን የተባለው ስቴሮይድ ዘር መድሀኒት በኮቪድ-19 በፅኑ ለታመሙ ያለው ተስፋ ሰጪ ውጤት ሁላችንም የሚያስደስት ነው፤ ነገር ግን መገንዘብ ያሉብን ነገሮች ይኖራሉ።

ይህ መድሀኒት (Dexamethasone) ልዩ የሆኑ የሆርሞን በሽታዎችን እንደ መመርመሪያነት አንስቶ እስከ ለተለያዩ የሰውነት አካላት መቆጣት ፣ በእናት ሆድ ውስጥ ላሉ ጨቅላ ህፃናት ሳንባ ማብሰያ (ያለ ጊዜው ከመጣ የነፍሰጡሮች ወሊድ ጋር በተያያዘ) ፤ ብሎም ከተለያዩ ፀረ-ካንሰር ተጓዳኝ መድሀኒቶች ጋር አብሮ ይሰጣል።

ይህ መድሀኒት በጣም ጥብቅ የሆነ የሀኪም ትእዛዝ እና ክትትል የሚጠይቅ ጭምር ነው። ይህን ዴክሳሜታሶን የተባለውን ያለ ሀኪም ትዕዛዝ በራስ ፍቃድ እና ሀሳብ መውሰድ ከአለርጂክ ክስተት ጀምሮ እስከ ልብ እና ኩላሊት በሽታ ድረስ የጓንዮሽ ጉዳት (Side effects) ሊያደርስ ይችላል።

ህብረተሰቡ በሀይድሮክሲክሎሮኩዊን የተባለው የወባ መድሀኒት መረጃ በወጣበት ጊዜ ያደረገውን አለአግባብ ግዢ በዚህ መድሀኒት ላይ እንዳይደግመው እዲሁም መድሀኒት ሺያጮች ጥብቅ የሆነ አሰራርን ቢከተሉ የተሻለ ይሆናል።

ህክምና በአቦ-ሰጡኝ ሳይሆን በእውቀት ሲከናወን ነው ውጤታማ የሚሆነው!

@tikvahethiopiaBot @tikvahethiopia

የኮቪድ-19 ክትባት ተስፋ!

የዓለም ጤና ድርጅት በመቶዎች የሚቆጠሩ የኮቪድ-19 ክትባቶች በጎርጎሳውያኑ ዓመት መጨረሻ ላይ ለቫይረሱ ይበልጥ ተጋላጭ ለሆኑ ህብረተሰቦች ይመረታሉ ብሎ ተስፋ እንደሚያደርግ አስታውቋል።

የድርጅቱ ዋና ተመራማሪ የሆኑት ሶዩመያ ስዋሚናታን በመላው ዓለም የሚገኙ ሳይንቲስቶች የኮሮናቫይረስ ክትባት ሊሆኑ የሚችሉ ከ200 በላይ ምርምሮች ላይ እየሰሩ ነው ብለዋል።

በአሁን ሰዓት ከአስር በላይ የሚሆኑ ክትባቶች ደግሞ በሰው ላይ እየተሞከሩ ነው። ተመራማሪዋ " ተስፋ አለኝ፣ እንደሚሳካ ተስፋ አደርጋለሁ" ሰሉ ተናግረዋል።

ሳይንቲስቷ አክለውም " ክትባት መስራት ወሰብሰብ ያለ ነገር አለው፤ ከበርካታ እርግጠኛ አለመሆን ጋር የሚመጣ ነው።

በርካታ ክትባቶችን እየሞከርን ነው፤ አንዱ እንኳ ባይሳካ ወይንም ሁለተኛው ባይሆንልን ተስፋ መቁረጥ፣ እጅ መስጠት የለብንም" ብለዋል።

እንዲሁም " እድለኞች ከሆንን፣ ከዚህ ዓመት መጨረሻ በፊት አንድ ወይንም ሁለት ክትባቶች ለምርጫ ይኖሩናል" ብለዋል።

ምንጭ፦ #BBC
@tikvahethiopiaBot @tikvahethiopia

"በኢትዮጵያ ተጨማሪ 116 ሰዎች በኮሮና ቫይረስ መያዛቸው ተረጋግጧል፤ የ7 ሰዎች ህይወት አልፏል።" - ዶክተር ሊያ ታደሰ

@tikvahethiopiaBot @tikvahethiopia

በኢትዮጵያ የሟቾች ቁጥር 72 ደርሷል!

ከጠቅላላው የላብራቶሪ ምርመራ ውስጥ 37 (24 ከጤና ተቋም እና 13 ከማህበረሰብ በተወሰደ ናሙና) ናሙናዎች በአስክሬን ላይ የተደረገ የላብራቶሪ ምርመራ ሲሆን 1 ናሙና ከጤና ተቋም እና 1 ናሙና ከማህበረሰብ የኮሮና ቫይረስ የተገኘቶባቸዋል።

በተጨማሪ 5 በህክምና ማዕከል ውስጥ ህክምና ላይ የነበሩ ሰዎች ህይወት አልፏል። በአጠቃላይ በሀገራችን ቫይረሱ የተገኘባቸውና ህይወታቸው የለፈ ሰዎች ቁጥር ሰባ ሁለት (72) ደርሷል።

ህይወታቸው ያለፈ ሰዎች ዝርዝር ሁኔታ ፦

1. የ70 ዓመት ወንድ የሱማሌ ክልል ነዋሪ፤ በህክምና ማዕከል በህክምና ላይ የነበሩ።

2. የ68 ዓመት ወንድ የአዲስ አበባ ነዋሪ ፤ በህክምና ማዕከል በህክምና ላይ የነበሩ።

3. የ45 ዓመት ወንድ የአዲስ አበባ ነዋሪ፤ በህክምና ማዕከል በህክምና ላይ የነበረ።

4. የ70 ዓመት ሴት የድሬዳዋ ነዋሪ፤ በህክምና ማዕከል በህክምና ላይ የነበሩ።

5. የ4 ወር ህፃን ወንድ የሐረሪ ክልል ነዋሪ፤ በህክምና ማዕከል በህክምና ላይ የነበረ።

6. የ80 ዓመት ወንድ የአዲስ አበባ ነዋሪ፤ በጤና ተቋም ላይ የነበሩ።

7. የ40 ዓመት ሴት የአዲስ አበባ ነዋሪ፤ በአስክሬን ምርመራ ላይ ቫይረሱ የተገኘባት።

@tikvahethiopiaBot @tikvahethiopia