#DrTedrosAdhanom

በዩናይትድ ኪንግደም ውስጥ 'ዴክሳሜታሶን' በተባለው መድኃኒት ላይ የተደረገው ሙከራና ያስገኘውን ውጤት በበጎ እንደሚመለከተው የዓለም ጤና ድርጅት ማስታወቁን #ቢቢሲ ዘግቧል።

በሙከራው ይህ መድኃኒት በኮቪድ-19 በጽኑ ከታመሙ ሰዎች የአንድ ሦስተኛውን ሕይወት መታደግ እንደሚችል እና በወረርሽኙ ሰበብ ኦክስጂን በሚያስፈልጋቸው ሰዎች ላይ የሚያጋጥምን ሞት በአንድ አምስተኛ ሊቀንስ እንደሚችል ለድርጅቱ የቀረበው የመጀመሪያ ደረጃ ግኝት አመልክቷል።

ድርጅቱ እንዳለው የዴክሳሜታሶን ጠቀሜታ በኮቪድ-19 በጸና በታመሙ ሰዎች ላይ እንጂ ቀለል ያለ ህመም ባለቸው ላይ እንዳልሆነ አመልክቷል https://telegra.ph/T-06-18-2

@tikvahethiopiaBot @tikvahethiopia

የሰኔ 14ቱ ግርዶሽ- የትና መቼ በኢትዮጵያ ?

በአብዛኛው የኢትዮጵያ ክፍል ፀሐይ ከ60 - 80 ፐርሰነት ተሸፍና ከፊል ግርዶሽ ይታያል፡፡ ከ80 ፐርሰነት በላይ ያለውን ዋናውን ግርዶሽ ግን ከምዕራብ ኢትዮጵያ አንሥቶ እስከ ሰሜን ምሥራቅ ኢትዮጵያ በሚገኝ ስፍራ ጎልቶ ይታያል፡፡

ክስተቱ ወለጋ አካባቢ ጀምሮ ከፊል ጎጃምን ፣ ከፊል ጎንደርን አልፎ ወደ ወሎ ላሊበላን አቋርጦ ይሄዳል፡፡ በእነዚህ ቦታዎች ፀሐይ እስክ 99 ፐርሰንት ተሸፍና ቀለበታዊውን ግርዶሽ ማየት ይቻላል፡፡

ቀለበታዊ ግርዶሽ ማየት ከሚችሉ አነስተኛ ከተሞች/ቦታዎች ቤጊ ፣ ሜቲ፣ መንዲ ፣ ጫልቱ ፣ ቡሬ ፣ አገው ግምጃቤት ፣ እንጅባራ ፣ ግሽ አባይ፣ ሞጣ ፣ ዳሞት ፣ ጋይንት ፣ ንፋስ መውጫ ፣ ጋሸና ፣ ሙጃ ፣ ዋጃ ፣ ቆቦ ፣ ኮረም፣ አላማጣ ፣ ጊራራ እና ላሊበላ ይገኙበታል፡፡

በአዲስ አበባ ፤ ሐዋሳ ፤ ድሬደዋ ፤ መቐለ ፤ ደሴ ፤ አዳማ ፤ በመሳሰሉት ከተሞች ቀለበታዊ ግረዶሽ ባይኖርም ከፊል የፀሐይ ግርዶሽ ግን ይኖራቸዋል - #ESSS

@tikvahethiopiaBot @tikvahethiopia

መኖር መታደል ነዉና ለመኖር እንጠንቀቅ!

(በዶክተር ጋሻው አረጋ)

'የእንግሊዝ ፕሪሚየር ሊግ ዛሬ ምሽት ይጀምራል።' ተብሏል። በኮሮና እየተናጠች ባለችዉ አፍሪቃ የሚገኘዉ ህዝብ በተለይም ወጣቱ ደግሞ ለእንግሊዝ ፕሪሚየር ሊግ ያለዉ ፍቅር በቃላት የሚገለጥ አይደለም፤ ናፍቆታልም።

ያለንበት ይኽ ወሳኝ ጊዜ ደግሞ 'የሞት ሽረት' ትግል የምናደርግበትና ህይወታችንን የምንታደግበት አስከፊ ወቅት ነዉ። ጨዎታዎች የሚካሄዱት ማታ መሆኑ ደግሞ ሌላዉ ፈታና ነዉ።

ጊዜዉ ጥሩ አይደለምና ወጣቱም ሰሜቱን ገዝቶ ቤቱ ቢቀመጥ መልካም ነዉ፤ የእግር ኳስ ማሳያ ማዕከሎችም ጥብቅ ቁጥጥር ሊደረግባቸዉ ይገባል! ያለ በለዚያ ተያይዘን ማለቃችን ነዉ። መኖር መታደል ነዉና ለመኖር እንጠንቀቅ!

@tikvahethiopiaBot @tikvahethiopia

#Eritrea

በኤርትራ ተጨማሪ 10 ሰዎች በኮሮና ቫይረስ መያዛቸው ተረጋግጧል፤ ሁሉም በቅርቡ ከሱዳን የተመለሱና በለይቶ ማቆያ ውስጥ የሚገኙ ናቸው። በአጠቃላይ ኤርትራ ውስጥ በኮቪድ-19 የተያዙ ሰዎች 131 ደርሰዋል።

@tikvahethiopiaBot @tikvahethiopia

በኢትዮጵያና ጎረቤት ሀገራት የሟቾች ቁጥር ከ800 አለፈ!

በኢትዮጵያ ፣ ኬንያ ፣ ሱማሊያ፣ ጅቡቲ፣ ሱዳን ፣ ደቡብ ሱዳን እና ኤርትራ በአጠቃላይ 24,691 ሰዎች በኮሮና ቫይረስ ተይዘዋል።

ከኤርትራ ውጭ በስድስቱ (6) ሀገራት የ808 ሰዎች ህይወት አልፏል ፤ በአጠቃላይ 9,215 ሰዎች በተደረገላቸው ህክምና ከበሽታው አገግመዋል።

በኢትዮጵያና በጎረቤት ሀገራት ያለውን የኮቪድ-19 ወቅታዊ መረጃ ከ CARD ጋር በመተባበር ባዘጋጀነው ምስል ከላይ መመልከት ትችላላችሁ።

@tikvahethiopiaBot @tikvahethiopia

#DrLiaTadesse

"መከላከል ከመታከም ይቀላል ፣ ቤት መቆየትም ሆስፒታል ከመተኛት ይሻላል ፣ የአፍና አፍንጫ መሸፈኛ አድርጎ መተንፈስ በማሽን ከመተንፈስ ይልቃል። ስለሆነም እነዚህን እንዲሁም ሌሎችን የቫይረሱን መከላከያ መንገዶች ሳንዘናጋ በመተግበር እራሳችንንና የምንወዳቸውን ከኮሮና ቫይረስ በሽታ እንጠብቅ።" - ዶ/ር ሊያ ታደሰ (የጤና ሚኒስትር)

@tikvahethiopiaBot @tikvahethiopia

ደም ይለግሱ!

ደም መንገድ ከየትኛውም ደግነት ሩህሩህነት እንዲሁም ስጦታ ይልቃል!

ሰኔ 13 እና 14 በቅዱስ ጳውሎስ ሆስፒታል አምስተኛ በር ጎን በማገኘው የቀድሞ ነዳጅ ማደያ ቦታ አጠገብ!

#SHARE #ሼር

@tikvahethiopia @tikvahethiopiaBot

#UPDATE

ሰኔ 14 ቀን 2012 ዓ.ም የሚጠበቀውን 'የፀሐይ ግርዶሽ' በማስመልከት የኢትዮጵያ ስፔስ ሳይንስ ሶሳይቲና የኢፌዲሪ ባህልና ቱሪዝም ሚኒስቴር በጋራ በባህልና ቱሪዝም ሚኒስቴር አዳራሽ ዛሬ 8፡00 ላይ ጋዜጣዊ መግለጫ እና የጥንቃቄ መልዕክቶች ይሰጣሉ፡፡ ተከታትለን እናሳውቃችኃለን!

@tikvahethiopiaBot @tikvahethiopia

#ItsMyDam

“የኢትዮጵያ ሕዝብ በሀገሩ ሕልውናና ክብር ከመጡበት ሞት የማይፈራ ጀግና ሕዝብ መሆኑን አይደለም ግብጽ ዓለምም ያውቃል” - የጦር ኃይሎች ምክትል ጠቅላይ ኤታ ማዦር ሹም ጀነራል ብርሃኑ ጁላ (ለአዲስ ዘመን ጋዜጣ የተናገሩት)

@tikvahethiopiaBot @tikvahethiopiapp

#AFRICA

በመላው አፍሪካ በኮሮና ቫይረስ (ኮቪድ-19) መያዛቸው የተረጋገጠ ሰዎች ቁጥር ከ270,000 አለፈ። ከነዚህ መካከል 7,251 ሰዎች ህይወታቸው አልፏል፤ 125,625 ሰዎች ከበሽታው አገግመዋል።

3 ከፍተኛ ኬዝ የተመዘገበባቸው የአፍሪካ ሀገራት ፦

- ደቡብ አፍሪካ በቫይረሱ የተያዙ 80,412 ፣ ሞት 1,674፣ ያገገሙ 44,331

- ግብፅ በቫይረሱ የተያዙ 49,219 ፣ ሞት 1,850 ፣ ያገገሙ 13,141

- ናይጄሪያ በቫይረሱ የተያዙ 17,335 ፣ ሞት 468 ፣ ያገገሙ 5,967

@tikvahethiopiaBot @tikvahethiopia

ኒው ዚላንድ!

ኒው ዚላንድ ሶስተኛውን (3) የኮቪድ-19 ታማሚ ማግኘቷን አስታወቀች። ግለሰቡ ከፓኪስታን ወደ ኒው ዚላንድ የገባ እንደሆነነው የተገለፀው። ሀገሪቷ በዚህ ሳምንት ብቻ የትላንቱን ጨምሮ 3 በቫይረሱ የተያዙ ሰዎችን አግኝታለች።

@tikvahethiopiaBot @tikvahethiopia

ኢትዮጵያ 400 መካኒካል ቬንትሌተሮችን ገዝታለች!

የኮሮና ወረርሽኝንና ሌሎች ተጓዳኝ በሽታዎችን ለመከላከል የሚያገለግሉ መድሃኒቶችንና የህከምና መገልገያ ቁሳቁሶችን ለማሟላት የሚያስችል አስቸኳይ ግዢ መፈጸሙን የኢትዮጵያ መድሃኒት አቅራቢ ኤጀንሲ ማስታወቁን አል ዓይን አማርኛ ዘግቧል።

ግዢው ከውጭ ሃገራት የተፈጸመ ነው ያሉት የኤጀንሲው ምክትል ዋና ዳይሬክተር አቶ ተስፋአለም አድራሎ 50 የአንስቴዥያ ማሽኖች፣ 400 መካኒካል ቬንትሌተሮች እና 13 ሚሊዬን የአፍና የአፍንጫ መሸፈኛ ጭንብሎች ወደ ሃገር መግባታቸውን ገልጸዋል፡፡

በተጨማሪ ተጓዳኝ በሽታዎችን በተመለከተ የወባ ፣ የኤች አይቪ እና የቲቢ መድሃኒቶች የአቅርቦት እና የስርጭት እጥረት እንዳይፈጠር ጥረት እየተደረገ እንደሆነም ነው አቶ ተስፋአለም የገለጹት፡፡ የአስቸኳይ ጊዜ አዋጅ አፈጻጸም መርማሪ ቦርድ አባላት በኤጀንሲው ጉብኝት አድርገዋል፡፡

@tikvahethiopiaBot @tikvahethiopia

የወባ መድኃኒት ለኮሮና ቫይረስ ህክምና ለማዋል ሲደረግ የነበረው ጥናት ተቋረጠ!

የዓለም ጤና ድርጅት የኮሮና ቫይረስ ታማሚዎችን ለማከም ይረዳል በተባለለት ሃይድሮክሎሮኪን ላይ ያደርግ የነበረውን ጥናት ማቋረጡን #BBC አስነብቧል።

ጸረ-ወባ የሆነው መድኃኒት በሽታውን ቀድሞ ለመከላከልም ሆነ የታመሙትን ለማከም ሊውል ይችላል የሚል ሰፊ ቅድመ ግምት ነበር። ይሁን እንጂ ይህ በጥናት ሳይረጋገጥ ቆይቷል።

ፕሬዝደንት ትራምፕን በተደጋጋሚ መድኃኒቱ ፈዋሽ ስለመሆኑ እና እርሳቸው ይወስዱት እንደነበር መናገራቸው ይታወሳል።

የዓለም ጤና ድርጅት /WHO/ እንዳለው ከሆነ በመድኃኒቱ ላይ የተደረጉ ጥናቶች እንደጠቆሙት "ሃይድሮክሎሮኪን" የኮሮና ቫይረስ ታማሚዎችን አልታደገም። "ሃይድሮክሎሮኪን በሆስፒታል የሚገኙ የኮቪድ-19 ታማሚዎችን የሞት መጠን መቀነስ አልቻለም" ብሏል ጅርጅቱ ባወጣው መግለጫ።

@tikvahethiopiaBot @tikvahethiopia

የጤና ሚኒስቴር ማብራሪያ ሊሰጥ ይገባል!

(በዶክተር ኃይለልዑል መኮንን)

ከትላንት በስትያ ይፋ ስለተደረገው 'ዴክሳሜታሶን' መድሃኒት ከልጅ እስከ አዋቂ መድሀኒቱን ለመሸመት በየመድሀኒት መደብሩ ፍለጋ ሲያደርጉ እንደነበር ሰማሁኝ።

እድል የቀናዉ እንደገዛና ፤ ያልቀናዉ ደግሞ አጨብጭቦ እንደተመለሰ ስሰማ ደነገጥኩኝ። 'ነገ ይሄ መድሀኒት ከገበያ ሊጠፋ ይችላል' በሚል ፍራቻ ገዝቶ ለማስቀመጥ ህብረተሰቡ እየተሯሯጠ ይገኛል።

እንደዉ ለመሆኑ ስለመድሀኒቱ የጎንዮሽ ጉዳት እንዲሁም ስለመድሀኒቱ አጠቃላይ መረጃ እና ምንነት ምን ያህል አዉቀናል ? የዚህ መረጃ ክፍት መነሾዉ ደግሞ መጀመሪያ ላይ ስለመድሀኒቱ በተሳሳተ አማርኛ በተረጎሙት የዜና አዉታሮች ችግር ነዉ ብዪ እገምታለሁ።

እባካችሁ ጋዜጠኞች እንደዚህ አይነት መረጃ ለህዝቡ ከማድረሳችሁ በፊት የጤና ባለሙያዎችን ብታሳትፉ መልካም ነዉ።

መድሀኒቱ በሀኪም ትዕዛዝ ብቻ የሚሰጥ እና በከፍተኛ ጥንቃቄ' የሚሰጥ መድኃኒት ሲሆን በርካታ 'የጎንዮሽ ጉዳት' እንዳለዉ መረዳት ይገባናል።

መድሀኒት ቤቶችም (Pharmacy) እባካችሁ ሙያዊ ስነምግባራችሁን ተጠቅማችሁ ከሀኪም ትዕዛዝ ዉጪ ይሄን መድሀኒት አትሽጡ።

ከዚህ መድሀኒት ጋር በተያያዘ ደግሞ 'የጤና ሚኒስቴር' ባፋጣኝ መግለጫ ብትሰጡን ያኔ መጀመሪያ ኮሮና ቫይረስ እንደገባ የፊት ጭምብል እና ሳኒታይዘር ላይ የተፈጠረዉን ክስተት እንዳይደገም ይረዳናል።

@tikvahethiopiaBot @tikvahethiopia

#MoHEthiopia

ዴክሳሜታሰን (Dexamethasone) መድሃኒት በኮቪድ-19 በፅኑ የታመሙትን ሰዎች ህይወት ለመታደግ ይረዳል መባሉን ተከትሎ ኢትዮጵያ ተጨማሪ ጥናቶችና ምክሮችን እያሰባሰበች መሆኑን የጤና ሚኒስቴር አስታውቋል።

የጤና ሚኒስትር ዴኤታ ሳህረላ አብዱላሂ ለኤፍ ቢ ሲ /FBC/ እንደተናገሩት ፥ ጉዳዩን በቅርበት እየተከታተልን ነዉ ብለዋል።

ሚኒስቴሩ ጤናን በሚመለከት የተለያዩ አማካሪ ቡድኖች ጋር ይሰራል ያሉት ሚኒስትር ዴታዋ ፤ ከኮቪድ-19 በሀገሪቱ መከሰት በኋላም ይህ ከሀገር ውስጥና ዲያስፖራን በማካተት የሚሰራው አማካሪ ቡድንም የተለያዩ ስራዎችን ሲሰራ መቆየቱን አንስተዋል።

ከዚህ ጋር ተያይዞ የ“ዴክሳሜታሰን” መድሃኒት ጉዳይም መሆኑን በመግለፅ ፤ በጉዳዩ ላይ ሚኒስቴሩን የሚያማክሩ ቡድኖች ክትትል እያደረጉ ነው ብለዋል።

ቡድኑም በመድሃኒቱ ላይ እያደረገ ያለውን የጥናት ውጤት እስከ ዛሬ ምሽት ለሚኒስቴሩ የሚገለጽ መሆኑን በመጥቀስ፤ በቀጣይነት ለህብረተሰቡ ይፋ ይደረጋል ነዉ ያሉት።

እስከዛው ግን ህብረተሰቡ አላስፈላጊ ወጪ ከማውጣት በመቆጠብ የጤና ሚኒስቴር መግለጫን እንዲጠባበቅ ጥሪ አስተላልፈዋል።

ምንጭ፦ ፋና ብሮድካስቲንግ
@tikvahethiopiaBot @tikvahethiopia