የኢትዮጵያና የአጎራባች ሀገራት የኮሮና ቫይረስ ወቅታዊ መረጃ ፦

- ጅቡቲ በቫይረሱ የተያዙ 999፣ ሞት 2፣ ያገገሙ 330፤

- ኬንያ በቫይረሱ የተያዙ 336፣ ሞት 14፣ ያገገሙ 89፤

- ሶማሊያ በቫይረሱ የተያዙ 328፣ ሞት 16፣ ያገገሙ 8፤

- ኢትዮጵያ በቫይረሱ የተያዙ 117፣ ሞት 3፣ ያገገሙ 25፤

- ሱዳን በቫይረሱ የተያዙ 174፣ ሞት 16፣ ያገገሙ 14፤

- ኤርትራ በቫይረሱ የተያዙ 39፣ ሞት 0፣ ያገገሙ 11፤

- ደቡብ ሱዳን በቫይረሱ የተያዙ 5፣ ሞት 0፣ ያገገሙ 0፤

@tikvahethiopiaBot @tikvahethiopia

#WeyzeroTsionTeklu

ክብርት ወ/ሮ ጽዮን ተክሉ የውጭ ጉዳይ ሚኒስትር ዴኤታ ሆነው ተሾሙ!

ክብርት ወ/ሮ ጽዮን ተክሉ ከመጋቢት 28 ቀን 2012 ዓም ጀምሮ የኢፌዲሪ የውጭ ጉዳይ ሚኒስትር ዴኤታ ሆነው ተሹመዋል።

ክብርት ወ/ሮ ጽዮን ተክሉ በውጭ ጉዳይ ሚኒስቴር የዳያስፖራና ኢኮኖሚ ዲፕሎማሲ ዘርፍን በሚኒስትር ዴኤታነት ይመራሉ።

ክብርት ወ/ሮ ጽዮን ተክሉ የውጭ ጉዳይ ሚኒስትር ዴኤታ ሆነው ከመሾማቸው በፊት ትምህርት ሚኒስትር ዴኤታ በመሆን አገልግለዋል።

የውጭ ጉዳይ ሚኒስቴር በፌስቡክ ገፁ ላይ ባሰፈረው መረጃ ወ/ሮ ፅዮን 'የኢፌዴሪ ሳይንስና ከፍተኛ ትምህርት ሚኒስትር ዴኤታ' በመሆን አገልግለዋል የሚለው #ስህተት ነው። ማስተካከያ ቢደረግበት መልካም ነው።

@tikvahethiopiaBot @tikvahethiopia

#Telegram

የቴሌግራም ወርሃዊ ተጠቃሚዎች ቁጥር 400,000,000 መድረሱን ድርጅቱ አስታውቋል። በቅርቡ አሁን ባለው አገልግሎት ላይ ተጨማሪ ይዘቶችንም እንደሚያካት ይጠበቃል። ድርጅቱ በ2022 1 ቢሊዮን ተጠቃሚዎች እንዲኖሩት እየሰራ ነው።

በነገራችን ላይ በኢትዮጵያም የቴሌግራም ተጠቃሚ ቁጥር በፍጥነት እየጨመረ ነው። ከፍተኛ ተጠቃሚ ካለባቸው ሀገራትም አንዷ እንደሆነች ይነገርላታል፤ በሀገሪቱ ምን ያህል ተጠቃሚ እንዳለ የሚያሳይ አሁናዊ ማስረጃ ባይኖርም።

ከዚህ ቀደም በቴሌግራም ላይ እንቅስቃሴ የማያደርጉ የመንግስት መስሪያ ቤቶች ፣ ሚዲያዎች ፣ ታዋቂ ሰዎችም በስፋት እየተቀላቀሉ ይገኛሉ።

አሁን ደግሞ የኮሮና ቫይረስ ወረርሽኝ ባመጣው ችግር ምክንያት ትምህርት ቤቶች ተማሪዎቻቸውን በቴሌግራም እያስተማሩ እንደሆነም እየሰማን ነው።

ለመሆኑ ይህን ያህል ለምን ተወደደ ?

- ከምንም በላይ ደህንነቱ የተጠበቀ ነው።

- ብዙ ወጪ አያስወጣም፤ በቀላሉ አገልግሎት ይሰጣል። ኔትዎርክ ደካማ በሆነባቸው ቦታዎች ላይም ለመጠቀም አያስቸግርም።

- ማንም ሰው የፈለገው ብቻ መልዕክት ነው የሚደርሰው ፤ ያለፍላጎቱ ምንም መልዕክት እንዳይደረሰው ማድረግ ይችላል።

- ተጠቃሚዎች እርስ በእርስ የሚሰዳደቡበት ዕድል እጅግ በጣም አነስተኛ ነው ፤ ፈልገው ወደ ግሩፖች እና ቻናሎች ካልገቡ በስተቀር።

- የምልዕክት ልውውጥ ቀልጣፋ ነው። በአነስተኛ ገንዘብ የፈለግነውን ፋይሎችን ለመላላክ አመቺ ነው።

ሌሎችም በተጠቃሚዎች በኩል የሚሰጡ ምክንያቶች ብዙ ናቸው!

ቲክቫህ ኢትዮጵያ (TIKVAH-ETH) ቴሌግራምን ብቸኛው የመልዕክት መለዋወጫ አድርጎ መስራት ከጀመረ ሃምሌ 19/2012 ዓ/ም ሶስተኛ ዓመቱን ይይዛል።

@tikvahethiopiaBot @tikvahethiopia

አጫጭር መረጃዎች፦

- በጣልያን የሟቾች ቁጥር ቀንሷል። ባለፉት 24 ሰዓት 420 ሰዎች መሞታቸው ሪፖርት ተደርጓል። ተጨማሪ 3,021 ሰዎች በቫይረሱ ተይዘዋል።

- በጣልያን ከኮሮና ቫይረስ በሽታ ያገገሙ ሰዎች ቁጥር 60,000 ደርሷል።

- በዩናይትድ ኪንግደም ባለፉት 24 ሰዓት 684 ሰዎች መሞታቸው ሪፖርት ተድርጓል። በሀገሪቱ አጠቃላይ የሟቾች ቁጥር 19,506 ደርሷል።

- በስውዲን በኮሮና ቫይረስ የተያዙ ሰዎች ቁጥር 17,567 ደርሷል። ባለፉት 24 ሰዓት 812 ተጨማሪ ሰዎች በቫይረሱ ተይዘዋል።

- በፖላንድ የመጀመሪያ ደረጃና ከፍተኛ ትምህርት ቤቶች ለአንድ ወር ተዘግተው እንዲቆዩ ተወስኗል።

- በካናዳ በኮሮና ቫይረስ የተያዙ ሰዎች ቁጥር ከ42,000 በልጧል፤ ባለፉት 24 ሰዓት ብቻ 1,920 ሰዎች በቫይረሱ ተይዘዋል።

@tikvahethiopiaBot @tikvahethiopia

ህጻናት በCOVID-19 እንዳይጠቁ ምን አይነት ጥንቃቄ እናድርግ ?

(በዶክተር ኃይለልዑል መኮንን)

ህጻናት በተፈጥሮ ፈጣኖች እና ሁሉን ነገር ለማወቅ ብሎም ያገኙትን ነገር ለመንካት ቅርብ ናቸው። ይሄ ባህርይ ደሞ ለዚህ አስከፊ በሽታ (COVID-19) ተጋላጭ ሊያደርጋቸዉ ይችላል።

ስለዚህ ህጻናት በቤት ውስጥ ካሉ የሚከተሉትን ምክሮች ተግባራዊ እናድርግ

1. ህጻናት እጆቻቸውን አዘውትረው እንዲታጠቡ ማድረግ ፣

2. በተቻለ መጠን ወደ ውጪ እንዳይወጡ መከልከል ፣

3. ለስራ እንዲሁም ለተለያዩ ጉዳዮች ከቤት ወጥተው ከሆነ ውጭ የዋሉበትን አልባሳት ቀይረው ወደ ቤት ይግቡ፣

4. ህጻናት የሚጫወቱበትን ቦታ መወሰን ፣

5. ልጆችን በተቻለ መጠን አለማቀፍ ፣ አለመሳም አንዲሁም አላስፈላጊ ጨዋታ እና ግንኙነቶችን መቀነስ ፣

6. ልጆችን ለብቻቸው ጥሎ አለመሄድ (ብዙ ነገሮችን ስለሚነካኩ ተጋላጭ ያደርጋቸዋል ) ፣

7. ስለ COVID 19 በቂ እና አስፈላጊ መረጃዎችን ብቻ መንገር ፣

8. ልጆች ብዙ ጊዜ ጉንፋን ስለሚያጠቃቸው የተለየ ምልክት ሲመለከቱ የህክምና ባለሙያ ማማከር ፣

9. አዘዉትረው የሚነኩ ቦታዋች እና ቁሶችን  ማጽዳት ፣

10. ከጤና ባለሙያዎች የሚሠጡትን ምክሮች በመተግበር እራሳችንን እና ልጆቻችንን ከኮሮና ቫይረስ እንከላከል

"የምንሰማውን ወደ ተግባር እንለውጥ"

#TIKVAH

@tikvahethiopiaBot @tikvahethiopia

አጫጭር መረጃዎች ፦

- በፈረንሳይ የሟቾች ቁጥር መቀነስ አሳይቷል። ባለፉት 24 ሰዓት 389 ሰዎች መሞታቸው ሪፖርት ተደርጓል። አጠቃላይ የሟቾች ቁጥርም 22,245 ደርሷል።

- በአሜሪካ የሟቾች ቁጥር ከ51,000 በልጧል። በሀገሪቱ በቫይረሱ የተያዙ ሰዎች ቁጥር ደግሞ ከ905,000 በልጧል።

- የዓለማችን ግዙፍ ጸረ-ተህዋሲያን የንጽህና መጠበቂያ ምርቶች አቅራቢው ምርቶቼ ለመድሃኒትነት አይውሉም ሲል አስጠንቅቋል። ፕሬዝደንት ትራምፕ ከኮቪድ-19 ለመዳን ሰዎች ለምን ጸረ-ተህዋሲያን አይወጉም ሲሉ አስተያየት መስጠታቸው ይታወሳል - #BBC

- ዋይት ሃውስ ፕሬዚደንት ዶናልድ ትራምፕ የኮቪድ -19 ህክምና አስመልክቶ የሰጡት አስተያየት ኃላፊነት በጎደለው መልኩ ከአውድ ውጭ ተወስዷል ብሏል። የዋይት ሃውስ ፕሬስ ሴክሬተሪ ካይሌህ ማክኢናንይ፤ "ፕሬዚደንት ትራምፕ በተደጋጋሚ የኮሮና ቫይረስ ህክምናን በተመለከተ አሜሪካ የህክምና ባለሙያዎችን ማማከር እንደሚገባ ተናግረዋል፤ ይህ ንግግራቸውንም በሌላ መግለጫቸው ላይም ደግመውታል። ነገሩን የፕሬዚደንቱን ንግግር ኃላፊነት በጎደለው መልኩ ከአውድ ውጭ ለወሰዱና በአሉታዊ አርዕስት ላሰራጩ ሚዲያዎች ተውት" ብለዋል - #BBC

- በመላው ዓለም በኮሮና ቫይረስ የተያዙ ሰዎች 2,804,455 ደርሷል። 195,585 ሰዎች ሞተዋል። 776,310 ሰዎች አገግመው ከሆስፒታል ወጥተዋል።

@tikvahethiopiaBot @tikvahethiopia

በትግራይ ክልል ከነገ ሚያዚያ 17/2012 ዓ/ም ጀምሮ የተነሱት ክልከላዎችን በሚመለከት የትግራይ ክልል ፍትህ ቢሮ ኃላፊ አቶ አማኑኤል አሰፋ ለትግራይ ቴሌቪዥን ከሰጡት ማብራሪያ የተወሰደ፦

- በአንድ ወረዳ ውስጥ የሚደረግ የሰዎች እንቅስቃሴ ተፈቅዷል። በአንድ ወረዳ ውስጥ የገበያ እንቅስቃሴ ተፈቅዷል።

- በአንድ ወረዳ ውስጥ የሚደረግ የትራንስፖርት እንቅስቃሴ ተፈቅዷል። ሹፎሮች እና ረዳቶች አስፈላጊውን ጥንቀቄ ማድረግ አለባቸው፣ ማስክ ማድረግ ይጠበቅባቸዋል፤ የመቀመጫ ወንበሮችን ማፅዳት አለባቸው፤ መኪናው መጫን ከሚቻለው ግማሽ ሰው ብቻ መሆን አለበት ፣ ለተሳፋሪዎች የንፅህና መጠበቂያ ማቅረብ አለባቸው።

- ትንንሽ ጠላ ቤቶች፣ ጠጅ ቤቶች በተዘጋጁ እቃዎች (takeaway) #ብቻ መሸጥ ይችላሉ።

- ኮፊ ሀውስ፣ ካፌ፣ ሻይ ቤቶች፣ ጭማቂ ቤቶች፣ የወንድና የሴት ፀጉር ቤቶች በጥንቃቄ እንዲከፈቱ። ከጥንቃቄዎች መካከል ፦ ተጠቃሚዎች በአንድ ወንበር እና ጠረጴዛ እንዲገለገሉ ማድረግ ፣ በተጠቃሚዎች መካከል የ2 ሜትር ርቀት እንዲኖር፣ የእጅ መታጠቢያዎች፣ ሳኒታይዘሮችን እንዲያቀርቡ፣ አገልግሎት ሰጪዎች የፊት ማስክና ጓንት እንዲጠቀሙ...የሚሉት ይገኙበታል።

- አልኮል ማከፋፈያዎች ለሆቴሎች ፣ ለምግብ ቤቶች ፣ ለግሮሰሪዎች፣ ለሱፐር ማርኬቶች እና በግል ገዝተው ወደቤት ለሚሄዱ ሰዎች መሸጥ ይችላሉ።

- የመንግስት ተቋማት ተከፍተው ሰራተኞች አገልግሎት እዲሰጡ፤ ስራዎች ሲሰሩ ግን የኮሮና ቫይረስ መከላከያ መንገዶችን በተጠበቀ መልኩ እንዲሆን ተብሏል።

@tikvahethiopiaBot @tikvahethiopia

የኑሮ መመሪያችሁ እንደሚከተለው ይሁን:-

(በዶክተር ኤፍሬም ሓጎስ)

- በዙርያዮ ያለው ሰው በሙሉ ፣ በመንገዴ የማገኘው ሰው በሙሉ ፣ ምልክት ኖረውም አልኖረውም በደሙ ቫይረሱ ሊኖርበት ይችላልና ፣ እንዳያስተላልፍብኝ ፣ እራሴንም በዙርያዮ ያሉ ሰዎችንም እንዳልጎዳ በምችለው ሁሉ እጠነቀቃለሁ፣

- እኔም ስኖር በማንኛውም ሰዐት ቫይረሱ ሊጋባብኝ ስለሚችል፣ ምልክት ኖረኝም አልኖረኝም ቫይረሱ በደሜ ሊገኝ የሚችልበት ዕድል ስላለ፣ በዚሁም ወደ ሌሎች ላስተላልፍና ሌሎችን ልጎዳ ስለምችል እጠነቀቃለሁ።

አኗኗሬ፣ መረዳቴ ማንኛውም በመንገዴ የማገኘው ሰው ሁሉ የቫይረሱ ተሸካሚ ሊሆን እንደሚችል፣ እኔም እራሱ የቫይረሱ ተሸካሚ ልሆን እንደምችል ከግምት ውስጥ ያስገባ ነው፣ ከዚሁ እሳቤ የሚቀደዳ፣ በዚሁ እሳቤ የሚከወን ነው።

እኛ የጤና ባለሞያዎች ለእርስዎ እና ለቤተሰብዎ ደህንነት ሁሌም በሆስፒታል እንገኛለን። እርስዎ ደሞ ከቤት ባለመውጣት የእኛን ደህንነት ይጠብቁ።

@tikvahethiopiaBot @tikvahethiopia

ከቲክቫህ ቤተሰብ አባል!

ካፒቴን ተሾመ መለሰ ይባላሉ ፤ ካፒቴኑ ተወልደው ያደጉት በኦሮሚያ ክልል ምስራቅ ሐረርጌ ጨለንቆ ከተማ ሲሆን የጨለንቆና አካባቢዋ ተወላጆች ከዚህ ቀደም Chelenko Development Alliance (CDA) በሚል ተሰባስበው የተለያዪ ድጋፎችን ለከተማቸው እንዲሁም ለአካባቢያቸው ሲያደርጉ መቆየታቸውን ነግረውናል፡፡

በአሁኑ ወቅት ደግሞ የኮሮና ቫይረስ [ካቪድ-19] ወረርሺኝ በህዝቡ ላይ ከፍተኛ የሆነ ጉዳት እንዳያደርስ ህዝብና መንግስት የሚያደርጉትን መጠነ-ሰፊ ርብርብ ከማገዝ አኳያ እነሱም የበኩላቸውን አስተዋጽኦ ለማበርከት የጨለንቆና አካባቢዋን ተወላጆች በማስተባበር የኮሮናን ወረርሺኝ ለመከላከል የሚያገለግሉ የተለያዪ የህክምና ቁሳቁሶችን ለጨለንቆ መጀመሪያ ደረጃ ሆሰፒታል አስረክበዋል።

የኦሮሚያ ጤና ቢሮ ምክትል ኃላፊ ዶክተር አብዱልቃድር ፣ የምስራቅ ሐረርጌ ዞን እና የሜታ ወረዳ አመራሮች እንዲሁም የተወሰኑ የማህበረሰቡ አካላት በተገኙበት በዋነኝነት ይህን በሽታ ለመከላከል በፊት መስመር ተሰልፈዉ ለሚዋደቁት የህክምና ባለሞያዎችን ለማገዝ የሚውሉትን የህክምና ቁሳቁሶች የሆስፒታሉ ሜዲካል ዳይሬክተርና የክልሉ ጤና ቢሮ ምክትል ኃላፊ ተረክበዋል።

(ካፕቴን ተሾመ መለሰ)

@tikvahethiopiaBot @tikvahethiopia

#WeyzeroLemlemBezabeh

ከድሬዳዋ አስተዳደር ጤና ቢሮ የተሰጠ ወቅታዊ መግለጫ ፦

- ከጅቡቲ ተመላሾችን ከድንበር ጀምሮ በተደራጀ መልኩ እንዲሰባሰቡና ወደለይቶ ማቆያ ማዕከላት ገብተው የጤንነታቸው ሁኔታ ተረጋግጦ ወደየአካባቢያቸው እንዲመለሱ ለመስቻል ስራዎች እየትሰሩ ነው።

- በአሁን ሰዓት ከ700 በላይ ከጅቡቲ ተመላሾች በለይቶ ማቆያ ማዕከላት ገብተው የጤና ክትትል እየተደረገላቸው ነው።

- ቀደም ሲል በኮሮና ቫይረስ መያዛቸው የተገለፀውና በለይቶ ህክምና ተቋም ያሉ 6 ሰዎች በመልካም ጤንነት ላይ ይገኛሉ።

- መደበኛ የጤና አገልግሎቶች ፦ የእናቶችና ህፃናት ጤና፣ ክትባት፣ ተላላፊ ያልሆኑ በሽታዎች ቋሚ የጤና ክትትል የሚደልጉ እንደ ስኳር፣ ደምግፊት ፣ ኤች አይቪና የመሳሰሉት ለኮሮና ለይቶ ማቆያና ህክምና ከተመረጡ ተቋማት ውጭ በሌሎች ተቋማት በመደበኛነት የሚሰጡ በመሆኑ ህብረተሰቡ ይህንን ተገንዝቦ የአገልግሎቱ ተጠቃሚ እንዲሆን ተጠይቋል።

- የደም እጥረትን ለመቅረፍ የደም ልገሳ ተጠናክሮ እንዲቀጥል ተጠይቋል።

@tikvahethiopiaBot @tikvahethiopia

#DrLiaTadesse

በኢትዮጵያ ተጨማሪ 5 ሰዎች በኮሮና ቫይረስ መያዛቸው ተረጋገጠ!

ባለፋት 24 ሰዓት ውስጥ በተደረገ 1019 የላብራቶሪ ምርመራ አምስት (5) ሰዎች በኮሮና ቫይረስ መያዛቸውን ተረጋግጧል። አጠቃላይ በሀገራችን በቫይረሱ የተያዙ ሰዎች ቁጥር 122 ደርሷል።

የታማሚዎች ዝርዝር ሁኔታ ፦

ታማሚ 1 - የ75 ዓመት ኢትዮጵያዊት የአዲስ አበባ ነዋሪ፤ የውጭ ሀገር የጉዞ ታሪክ #የላቸውም፤ በበሽታው ከተያዘ ሰው ጋር ያላቸው ግንኙነት በመጣራት ላይ ነው።

ታማሚ 2 - የ39 ዓመት ቻይናዊ የመኖሪያ ቦታ ሰበታ፤ የውጭ ሀገር የጉዞ ታሪክ #የለውም፤ በበሽታው ከተያዘ ሰው ጋር ግንኙነት ያለው።

ታማሚ 3 - የ49 ዓመት ቻይናዊት የመኖሪያ ቦታ ሰበታ፤ የውጭ ሀገር የጉዞ ታሪክ #የላትም፤ በበሽታው ከተያዘ ሰው ጋር ግንኙነት ያላት።

ታማሚ 4 - የ59 ዓመት ቻይናዊ የመኖሪያ ቦታ ሰበታ፤ የውጭ ሀገር የጉዞ ታሪክ #የላቸውም፤ በበሽታው ከተያዘ ሰው ጋር ግንኙነት ያላቸው።

ታማሚ 5 - የ28 ዓመት ቻይናዊ የመኖሪያ ቦታ ሰበታ፤ የውጭ ሀገር የጉዞ ታሪክ #የለውም፤ በበሽታው ከተያዘ ሰው ጋር ግንኙነት ያለው።

@tikvahethiopiaBot @tikvahethiopia

#DrLiaTadesse

በኢትዮጵያ ያገገሙ ሰዎች 29 ደርሰዋል!

በኢትዮጵያ ባለፉት 24 ሰዓት ተጨማሪ አራት ሰዎች (ከአዲስ አበባ) ከበሽታው ማገገማቸውን ተከትሎ አጠቃላይ ያገገሙ ሰዎች ሀያ ዘጠኝ (29) ደርሰዋል።

@tikvahethiopiaBot @tikvahethiopia

#UhuruKenyatta 

በኬንያ በኮቪድ-19 የተያዙ ሰዎች 343 ደረሱ!

ፕሬዘዳንት ኡሁሩ ኬንያታ መግለጫ እየሰጡ ይገኛሉ፤ በኬንያ በኮሮና ቫይረስ መያዛቸው የተረጋገጠ ሰዎች 343 መድረሱን አሳውቀዋል። ትላንት 336 እንደነበር ይታወሳል።

በሌላ በኩል ከበሽታው ያገገሙ ሰዎች ዘጠና ስምንት (98) መድረሳቸውን ፕሬዘዳንቱ በመግለጫቸው ተናግረዋል፤ በትላንትናው ሪፖርት ከበሽታው ያገገሙ ሰዎች 94 እንደነበሩ አይዘነጋም።

@tikvahethiopiaBot @tikvahethiopia

በጅቡቲ በኮቪድ-19 የተያዙ ሰዎች 1,008 ደረሱ!

ባለፉት 24 ሰዓት በጅቡቲ 341 የላብራቶሪ ምርመራ ተደርጎ 9 ተጨማሪ ሰዎች በኮሮና ቫይረስ መያዛቸው ተረጋግጧል።

በሌላ በኩል 43 ተጨማሪ ሰዎች ከበሽታው ማገገማቸውን ተከትሎ አጠቃላይ ከበሽታው ያገገሙ ሰዎች ቁጥር 373 ደርሷል።

@tikvahethiopiaBot @tikvahethiopia

አጫጭር መረጃዎች ፦

- በኳታር ተጨማሪ 833 ሰዎች በኮሮና ቫይረስ መያዛቸው የተረጋግጧል (ይህ እስካሁን በሀገሪቱ ውስጥ ከተመዘገቡት የአንድ ቀን ኬዞች ከፍተኛው ነው) ፤በኳታር አጠቃላይ በቫይረሱ የተያዙ ሰዎች 9,358 ደርሷል።

- በኢራን ባለፉት 24 ሰዓት 1,134 በኮሮና ቫይረስ ሲያዙ 76 ተጨማሪ ሰዎች ሞተዋል።

- በቤልጂየም ባለፉት 24 ሰዓት 1,032 ሰዎች በቫይረሱ ሲያዙ 241 ሰዎች ሞተዋል።

- የዓለም ጤና ድርጅት ከኮሮና ቫይረስ በሽታ ያገገሙ ሰዎች ድጋሚ በቫይረሱ ስላለመያዛቸው የሚያረጋግጥ ማስረጃ እንደሌለ አሳውቋል።

- በሲንጋፖር በቫይረሱ የሚያዙ ሰዎች እየጨመረ ነው፤ ባለፉት 24 ሰዓት ብቻ 618 ሰዎች በቫይረሱ ተይዘዋል።

- ደቡብ ኮሪያ ለ7ኛ ተከታታይ ቀን ከ15 በታች ኬዝ ሪፖርት አድርጋለች፤ ባለፈት 24 ሰዓት በቫይረሱ የተያዙ ሰዎች 10 ናቸው፤ አራቱ ከውጭ የገቡ እንደሆኑ ተሰምቷል።

- ቻይና 12 ኬዝ ሪፖርት አድርጋለች፤ 11 ከውጭ የገቡ ናቸው።

- በሳዑዲ አረቢያ ተጨማሪ 9 ሰዎች መሞታቸውን ተከትሎ አጠቃላይ የሟቾች ቁጥር 136 ደርሷል።

- በስፔን የሟቾች ቁጥር 22,905 ደርሷል። ባለፉት 24 ሰዓት 381 ሰዎች ሞተዋል።

- በአሜሪካ በኮሮና ቫይረስ የተያዙ ሰዎች ከ925,000 በልጧል፤ ከ52,000 በላይ ሰዎች ሞተዋል፤ በ110,000 በላይ ሰዎች አገግመዋል።

- በማዳጋስካር አንድ ተጨማሪ ሰው በኮሮና ቫይረስ መያዙን ተከትሎ አጠቃላይ በቫይረሱ የተያዙ ሰዎች 123 ደርሰዋል። በሌላ በኩል አንድ ተጨማሪ ሰው አገግሟል።

- ኬንያ የኮሮና ቫይረስ መስፋፋትን ለመቆጣጠር ጥላ የነበረውን የሰዓት እላፊ ገደብ ለቀጣዮቹ 3 ሳምንታት አራዝማለች።

- በመላው ዓለም ከኮቪድ-19 ያገገሙ ሰዎች ከ810,000 በልጠዋል።

@tikvahethiopia

#DrLiaTadesse

በሀገራችን የኮሮና ቫይረስ ሁኔታ መግለጫ ፦

• አጠቃላይ የተከናወነ የላብራቶሪ ምርመራ - 12,688
• በ24 ሰዓት የተከናወነ ላብራቶሪ ምርመራ - 1,019
• ዛሬ በበሽታው መያዛቸው የተረጋገጠ - 5
• በቫይረሱ ተይዘው በለይቶ ህክምና ውስጥ ያሉ - 88
• በፅኑ ህክምና ላይ ያሉ - 0
• አዲስ ያገገሙ - 4
• አጠቃላይ ያገገሙ - 29
• በበሽታው ህይወታቸው ያለፈ - 3
• ወደሀገራቸው የተመለሱ - 2
• እስካሁን በበሽታው የተያዙ - 122

@tikvahethiopiaBot @tikvahethiopia

#DonaldTrump #DrAbiyAhemed

“ከኢትዮጵያው ጠ/ሚ አብይ አህመድ ጋር ተወያይተናል ፤ ኢትዮጵያ #ቬንቲሌተሮች (የመተንፈሻ መሳሪያ) ያስፈልጓታል አሜሪካም ድጋፍ ለማድረግ በጥሩ አቋም ላይ ትገኛለች፤ ይህንንም እናደርጋለን!” - ፕሬዘዳንት ዶናልድ ትረምፕ
.
.
"ከአሜሪካው ፕሬዝዳንት ዶናልድ ትራምፕ ጋር የኢትዮ - አሜሪካንን ግንኙነት የበለጠ በማጠናከር ዙሪያ አበረታች የስልክ ውይይት አድርገናል፡፡ የCOVID-19 መከላከል እና ቅነሳ ጥረቶች እንዲሁም በበረሃ አንበጣ ቁጥጥር ላይ የሚደረገውን ድጋፍ ለማድነቅ እወዳለሁ፡፡" - ጠ/ሚ ዶ/ር አብይ አህመድ

@tikvahethiopia @tikvahethiopiaBot

በሱዳን በኮቪድ-19 የተያዙ ሰዎች 213 ደረሱ!

በሱዳን ባለፉት 24 ሰዓት በተደረገ የላብራቶሪ ምርመራ ተጨማሪ 39 ሰዎች በኮሮና ቫይረስ መያዛቸው ተረጋግጧል። አጠቃላይ በቫይረሱ የተያዙ ሰዎች ቁጥር 213 ደርሷል። በተጨማሪ አንድ ሰው መሞቱን ተከትሎ አጠቃላይ የሟቾች ቁጥር 17 ደርሷል።

@tikvahethiopiaBot @tikvahethiopia

በሱማሊያ በኮቪድ-19 የተያዙ ሰዎች 390 ደረሱ!

በሱማሊያ ባለፉት 24 ሰዓት በተደረገ የላብራቶሪ ምርመራ ተጨማሪ 62 ሰዎች በኮሮና ቫይረስ መያዛቸው ተረጋግጧል። አጠቃላይ በቫይረሱ የተያዙ ሰዎች ቁጥር 390 ደርሷል።

በተጨማሪ ሁለት (2) ሰዎች መሞታቸው ሪፖርት ተደርጓል፤ አጠቃላይ የሟቾች ቁጥር 18 ደርሷል። በሌላ በኩል ሁለት (2) ተጨማሪ ሰዎች ከበሽታው አገግመዋል፤ አጠቃላይ ያገገሙ ሰዎች ብዛት 10 ደርሷል።

@tikvahethiopiaBot @tikvahethiopia