ከሴቶች ህፃናትና ወጣቶች ሚኒስቴር የተላከ!

የሴቶች ህጻናትና ወጣቶች ሚኒስቴር ከአጋር አካላት በድጋፍ ያገኘውን 16 ሚሊየን ብር የሚሆን የምግብ፣ አልባሳት እና የንጽህና መጠበቂያ ቁሳቁስ ለተለያዩ ተቋማትና በችግር ውስጥ ላሉ የህብረተሰብ ክፍሎች ድጋፍ አድርጓል።

ድጋፍ የተደረገላቸው ተቋማት AWSAD ጥቃት የደረሰባቸው ሴቶች ማገገሚያ ማእከል ፤ ሙዳይ የበጎ አድራጎት ማህበር፤ ወንጀል ነክ ነገር ውስጥ ገብተው የተገኙ ህጻናት ማቆያና ተሀድሶ ተቋም እንዲሁም ድጋፍ የሚሹ የህብረተሰብ ክፍሎች ናቸው፡፡

@tikvahethiopiaBot @tikvahethiopia

ከላየንስ ኢንተርናሽናል ትሬዲንግ እና በስሩ ከሚገኘው አዱሊጣ ኮንፈረንስና ስፓ ሪዞርት በተላከልን መልዕክት የኮሮና ቫይረስ ወረርሽኝን ለመግታት እየተደረገ ለሚገኘው ጥረት 3,000,000 ብር ድጋፍ ማድረጋቸውን ገልፀውልናል።

- ላንየስን ኢንተርናሽናል ትሬዲንግ ኃ/የተ/የግ/ማህበር ለኮቪድ-19 ብሄራዊ የድጋፍ አሰባሳቢ 2,000,000 ብር

- አዱሊጣ ኮንፈረንስና ስፓ ሪዞርት ለኦሮሚያ ክልል የኮቪድ-19 ድጋፍ አሰበባሳቢ 1,000,000 ብር

@tikvahethiopiaBot @tikvahethiopia

#DrTsionFirew

በአሜሪካ 'ኒውዮርክ ሆስፒታል' የድንገተኛ ክፍል ሃኪም፣ የሕብረተሰብ ጤና ባለሞያ ፣በኮሎምቢያ ዩኒቨርስቲ ረዳት ፕሮፌሰርና ጤና ሚኒስተር አማካሪ የሆኑት ዶክተር ጽዮን ፍሬው ከሰሞኑን የኮሮና ቫይረስ ይዟቸው እንዳገገሙ በትዊተር ገጻቸው ላይ አስታውቀዋል።

ቢቢሲ የአማርኛው አገልግሎት ከሰሞኑን ዶክተር ፅዮን ፍሬውን በተለያዩ ጉዳዮች አነጋግሮ ነበር። ዶክተር ፅዮን ከቢቢሲ ጋር በነበራቸው ቆይታ ተከታዩን መልዕክት ለኢትዮጵያ ህዝብ አስተላልፈዋል ፦

በሽታው ስር ሳይሰድ በፊት መንግሥት እና የሚመለከታቸው ተቋሞች (ጤና ሚንስቴር እና የኢትዮጵያ ኅብረተሰብ ጤና ኢንስቲትዩት) የሚያወጧቸውን የጥንቃቄ እርምጃዎች መከተል ይገባል።

ሰው አላግባብ መደንገጥ ሳይሆን የሚነገረውን ማድረግ አለበት፤ በማኅበራዊም ይሁን በማንኛውም ጉዳይ አትሰብሰቡ እየተባለ ሰው መሰብሰብ ካላቆመ በሽታው ይስፋፋል።

በተለይም በአሁን ወቅት “መዘናጋት ትክክል አይደለም። የምናውቀው ሰው እስኪሞት መጠበቅ የለብንም፤ ቁጥሩ 40 ሺህ ወይም 60 ሺህ እስኪደርስ መጠበቅ የለብንም። በጣም የምወደው ሰው ከዚህ በሽታ ሊሞት ይችላል ብለን እናስብ።

መዘናጋት በበሽታው የሚሞቱ ሰዎችን ቁጥር ከፍ ከማድረጉም ባሻገር፤ ቫይረሱ ስጋት የሚሆንበትን ጊዜም እንደሚያራዝመው ያስረዳሉ።

በተጨማሪም ቤት መቀመጥና እጅ መታጠብን የመሰሉ ተግባሮች ቀላል ቢመስሉም የበርካቶችን ሕይወት ይታደጋሉ።

@tikvahethiopiaBot @tikvahethiopia

#DrTsionFirew

ይሄም ያልፋል!

'በኒውዮርክ ሆስፒታል' የድንገተኛ ክፍል ሃኪም፣ የሕብረተሰብ ጤና ባለሞያ ፣በኮሎምቢያ ዩኒቨርስቲ ረዳት ፕሮፌሰር የሆኑት ዶክተር ጽዮን ፍሬው ያስተላለፉት መልዕክት ፦

ኢትዮጵያ-ፋሲካን ዳግማዊ ትንሳኤን እና መጪ ሰርጎችን እንደ በፊት ተሰባስቦ በአንድነት መታደም ባለመቻላችን አንዳንዶቻችን በጣም እንዳዘንን እረዳለሁ።

ዛሬም ሆነ ነገ የመጣብን ክፉ ጠንቅ እስኪያልፍ ራሳችሁን ከአካላዊ መቀራረብ ስላራቃችሁም እናመሰግናለን።

አንዳንድ ወገኖች 'እረ ለፋሲካማ ተራርቀን አይሆንም!' ብላችሁ ለጠየቃችሁኝ መልሴ ቅልጥ ባለ ጦርነት ውስጥ ጥይት አየር ላይ ከወዲህ ወዲያ እየበረረ ቦምብ እዚህም እዚያ እየፈነዳ እንሰባሰብ አትሉም አይደል?

የጦርነት አውድማው ሆስፒታል ሆነ እንጂ ይሄንንም እንደዛ አስቡት ጦርነት ላይ ነን። እኛ የጤና ባለሙያዎቹ እየተፋለምን ነው። ስለዚህ በቤቶቻችሁ ሆናችሁ በዓሉን በሐሴት አክብሩ። ገበያውም ላይ እንጠንቀቅ አይዞን ይሄም ያልፋል!

@tikvahethiopiaBot @tikvahethiopia