#ATTENTION

በቡራዩ ከተማ ከደቂቃዎች በፊት አለመረጋጋት መፈጠሩን፤ ተደጋጋሚ የተኩስ ድምፅ ሲሰማም እንደነበር ከቡራዩ ቲክቫህ ቤተሰብ አባላት ተገልፆልናል።

በከተማይቱ የሰው ህይወት ሳያልፍ እንዳልቀረም ተረድተናል። ዝርዝር የተጣሩ ጉዳዮችን እንድታነቡ እናደርጋለን፤ የሚመለከታችሁ አካላት ግን ትኩረት እንድትሰጡ ለማሳወቅ እንወዳለን።

@tikvahethiopiaBot @tikvahethiopia

#UPDATE

ከሊቢያ ዳርቻዎች ወደ አውሮፓ ለመድረስ ተስፋ ያደረጉ 91 የአፍሪካ ስደተኞችን የጫነች ጀልባ ሜዲትራኒያን ባሕር ላይ መጥፋቷን የተባበሩት መንግሥታት የስደተኞች ኤጀንሲ እና ክራይስስ ሆትላይን አስታወቁ።

ጀልባዋ ከሊቢያ ዋና ከተማ #ትሪፖሊ በስተምሥራቅ ባሕር ዳርቻ በኩል ወጥታ መሠወሯ ነው የተጠቀሰው። ስለጠፉት ስደተኞች ምንም ዓይነት መረጃ አለማግኘታቸውን የስደተኞቹ ዘመዶች እና ቤተሰቦች ተናግረዋል።

[አሶሼትድ ፕሬስ,ኢቢሲ]
@tikvahethiopiaBot @tikvahethiopia

የዐብይ ፆም ወቅትን በተመለከተ መግለጫ ተሰጠ!

የኢትዮጵያ ኦርቶዶክስ ተዋሕዶ ቤተ ክርስቲያን ፓትሪያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበር ተክለሃይማኖት አቡነ ማትያስ ቀዳማዊ የዐብይ ጾም ወቅትን አስመልከቶ ዛሬ መግለጫ ሰጥተዋል፡፡

ብጹእነታው በመግለጫቸው እንዳሉት ምዕመናን የዘንድሮውን ጾም ሲከውኑ ከጥላቻ እና ቂም ራሳቸውን በማራቅ እና በጾም ወቅት ከጥላቻና ዛቻ፣ ከበቀልና ተንኮል ርቀው መሆን አንዳለበት አሳስበዋል፡፡

‹‹እጃችንም፣ እግራችንም፣ አፋችንም ዓይናችንም፣ ጆሯችንም፣ ውስጣችንም በመንፈሳዊ ሕይወት አሸብርቀን መጾም ይገባናል፡፡ በዚህ ወቅት መስማትና ማዳመጥ ያለብን እግዚአብሔርን ብቻ ነው፡፡ የእግዚአብሔር ድምጽ ፍቅርና ሠላም በመሆኑ አንድነትና ስምምነት፣ ዕርቅና ይቅርታ ፍትሕና እውነት፣ እኩልነትና ኅብረት በማድረግ ለሀገር ሠላም በመጸለይ ሊሆን ይገባል›› ብለዋል፡፡

ኢትዮጵያ አሁን ካለችበት ሁኔታ እንድትወጣ ምዕመኑ በጾምና ጸሎት በአንድ ልቦና ለሀገሩ ሠላም እና ዕድገት፣ ፍትሕ እና እውነት በመቆም ጾሙን መከወን እንደሚገባቸውም ብጹእነታቸው አሳስበዋል፡፡

#AMMA
@tikvahethiopiaBot @tikvahethiopia

#UPDATE

የበራዩ ከተማ ፖሊስ አዛዥ ኮማንደር ሰለሞን ባልታወቁ አካላት በተፈፀመባቸው ጥቃት ህይወታቸው አልፏል ሲሉ የቲክቫህ ቡራዩ ቤተሰቦች አሳውቀውናል። ከደቂቃዎች በፊት ተደጋጋሚ የተኩስ ድምፅ ይሰሙ እንደነበር የቤተሰባችን አባላት ሲገልፁ ነበር።

በከተማው ከተፈጠረው አለመራጋጋት ጋር ተያይዞ ቁጥሩ በርከት ያለ የፀጥታ ኃይል ወደ ከተማይቱ [ቡራዩ] እየገባ እንደሆነ የቲክቫህ አባላት እየገለፁ ይገኛሉ።

በድንገተኛው ክስተት ስጋት ያደረባቸው የንግድ ተቋማት ባለቤቶች የንግድ ቤቶቻቸውን ሲዘጉ እንደተመለከቱ የቡራዩ ቤተሰቦቻችን አሳውቀውናል።

@tikvahethiopiaBot @tikvahethiopia

በደቡብ ኮሪያ የኮሮና ቫይረስ በፍጥነት እየተስፋፋ ነው!

በደቡብ ኮሪያ የኮሮና ቫይረስ [#COVID19] ስርጭት በሀገሪቱ እየጨመረ በመሆኑ ቫይረሱን ለመከላከል የምታደርገውን እርምጃ አጠናክራለች።

ትናንት ብቻ 53 አዲስ ተጠቂዎች መገኘታቸውን ሪፖርት ያደረገችው ሀገሪቱ ዛሬ ደግሞ 52 ተጠቂዎች መለየታቸውን አስታውቃለች። በርካታ ወታደሮች የቫይረሱ ምልክት ታይቶባቸው፣ የወታደሮች መኖሪያ ካምፕንም በዝግ መከታተል ጀምራለች።

አሁን በአጠቃላይ 156 ተጠቂዎች ያሉባት ሀገሪቱ በብዛት ምልክት ታይቶባቸዋል የተባሉ 9,000 የአንድ ቤተ እምነት ተከታዮች በለይቶ ማቆያ ውስጥ እንዲሆኑ አድርጋለች።

[ቢቢሲ፣ አል-ዓይን]
@tikvahethiopiaBot @tikvahethiopia

ኮሮና ቫይረስ የመኪና ሽያጭን አቃውሷል...

በኮሮና ቫይረስ ምክንያት በየካቲት ወር የመጀመሪያ አጋማሽ ላይ ቻይና ውስጥ የመኪኖች ሽያጭ በ92 በመቶ መቀነሱን የዘርፉን ንግድ የሚከታተለው አካል አሳወቀ።

የኮሮና ቫይረስ መስፋፋት ለመቆጣጠር ሲባል የሰዎች እንቅስቃሴ በመገደቡ ገዢዎች ወደ መኪና ነጋዴዎች መሄድ በማቆማቸው ሽያጩ በከፍተኛ ደረጃ እንዲያሽቆለቁል ምክንያት ሆኗል።

በመላው ቻይና በየካቲት ወር የመጀመሪያ ሳምንት ላይ በቀን በአማካይ 811 መኪኖች ብቻ በመሸጣቸው ግብይቱ በ96 በመቶ መቀነሱን ተገልጿል።

የቻይና መኪና አምራቾች ማህበር የመኪና ሽያጭ ተቋማት በሮቻቸውን ሲከፍቱ ሽያጩ እየጨመረ እንደሚሄድ ተስፋውን ገልጿል።

#BBC
@tikvahethiopiaBot @tikvahethiopia

#COVID19

የሕብረተሰብ ጤና ኢንስቲትዩት እስካሁን ኢትዮጵያ ውስጥ የኮሮና ቫይረስ በሽታ ያለበት ሰው እንደሌለ በዛሬው ዕለት ባወጣው መግለጫ አሳውቋል። ውድ ቤተሰቦቻችን ዝርዝር ጉዳዮችን ከላይ በምስሉ ላይ እንድታነቡ ለመጠቆም እንወዳለን።

@tikvahethiopiaBot @tikvahethiopia

ተጨማሪ መረጃ፦

ቀደም ብለው የቡራዩ ከተማ ፖሊስ አዛዥ ኮማንደር ሰለሞን ታደሰ ዛሬ በቡራዩ ከተማ በጥይት ተመተው መገደላቸውን የቲክቫህ ኢትዮጵያ ቡራዩ ቤተሰቦች አሳውቀው ነበር።

ከ30 ደቂቃ በፊት ቢቢሲ ይዞት በወጣው ዘገባ ከኮማንደር ሰለሞን ታደሰ ጋር አብሮ የነበሩት የፊንፊኔ ዙሪያ ልዩ ዞን የልዩ ፖሊስ አዛዥ ኮማንደር ተስፋዬ ድንቁም በጥይት ተመተው የህክምና እርዳታ እየተደረገላቸው እንደሚገኙ ዘግቧል።

ሁለቱ የኦሮሚያ ክልል የጸጥታ ቢሮ ኃላፊዎች ላይ ጥቃቱን የሰነዘረው አካል ማንነት እስካሁን ግልጽ አለመሆኑን እና እስካሁን በወንጀሉ ተጠርጥሮ በቁጥጥር ሥር የዋለ ሰው አለመኖሩንም የኦሮሚያ ክልል ኮሚኒኬሽን ቢሮ ኃላፊ አቶ ጌታቸው ባልቻ ለቢቢሲ ተናግረዋል።

ኦቶ ጌታቸው እንዳሉት ከሆነ በሁለቱ ባለስልጣናት ላይ ጥቃቱ የተሰነዘረው የቡራዩ ከተማ አስተዳደር አቅራቢያ ምሳ እየተመገቡ ሳሉ ነበር። በጥይት ተመተው የህክምና ክትትል እየተደረገላቸው የሚገኙት ኮማንደር ተስፋዬ የሚገኙበትን ሁኔታ ማወቅ አልተቻለም።

ምንጭ፦ BBC
@tikvahethiopiaBot @tikvahethiopia

ስካይ ላይት ሆቴል በተለያዩ ከተሞች ሊገነባ ነው...

የኢትዮጵያ አየር መንገድ የስካይላይት ሆቴል ቅርንጫፎችን በአገሪቷ የቱሪስት መዳረሻ ስፍራዎች ለማስገንባት በዝግጅት ላይ መሆኑን አሰታውቋል።

ሆቴሎቹ በዳሎል ፣ በኤርታሌ ፣ በባሌ ተራሮች፣ በራስ ዳሽን፣ በአርባ ምንጭና በሌሎች የቱሪስት መዳረሻ ስፍራዎች እንደሚገነቡ ነው የተሰማው።

@tikvahethiopia @tikvahethiopiaBot

#NewsAlert

የኮሮና ቫይረስ ሊባኖስ መግባቱ ተረጋገጠ!

የሊባኖስ ጤና ሚኒስቴር ዛሬ በሀገሪቱ የመጀመሪያ የኮሮና ቫይረስ [COVID19] ተጠቂ መገኘቱን አረጋግጧል። ከኢራን ወደ ቤሩት ገብታለች የተባለች የ45 ዓመት የሊባኖስ ዜግነት ያላት ሴት ቫይረሱ እንደሚገኝባት ተረጋግጧል። ሌሎች ሁለት በቫይረሱ ሳይጠቁ አይቀሩም የተባሉ ሰዎች ላይ ደግሞ ምርመራ እየተደረገባቸው።

@tikvahethiopia @tikvahethiopiaBot

"በእኔ ደረጃ በአደባባይ የሚሰደብ ጠ/ሚ የለም" - ዶ/ር አብይ

ከሰሞኑን በስልጤ ዞን ወራቤ ከተማ ከህዝብ ጋር ውይይት ያደርጉት ጠቅላይ ሚኒስትር ዶ/ር አብይ አህመድ ተከታዩን ሲናገሩ ተደምጠዋል፦

አሁን ወጥቶ ሚሳደበውን ወጥቶ ሚራገመውን ሁሉ ሰድበን፣ ሁሉ አስረን እንችለዋለን? በኢትዮጵያ ውስጥ እንደምታውቁት በኔ ደረጃ በአደባባይ ሚሰደብ ጠቅላይ ሚኒስትር የለም።

ድሮ ተሳድባችሁ ሳይሆን፤ ልትሳደቡ አስባችኃል ተብላችሁ ትታሰሩ ነበር። አስባችኃል ያልኩት ቀልድ አይደለም፤ 'ድምፃችን ይሰማ' እኮ እንዲህ አስባችኃል ተብለው የታሰሩ ናቸው።

ህገ መንግስት ይከበር፣ የሃይማኖት እኩልነት ይከበር፣ ድምፃችን ይሰማ ሲሉ፤ አይ ይሄን አይደለም ያላችሁት ያሰባችሁት ሌላ ነገር አለ ተብለው ነው የታሰሩት። እንጂማ ህገ መንግስት ይከብር እንዴት ሰው ያሳስራል።

አሁን ደግሞ ህገ መንግስት ይከበር፣ ሙስሊም እውቅና ያግኝ፣ እስላሚክ ባንክ ይኑር፣ መጅሊሱ ተቋም ይሁን፤ ተቋም ይሁን ማለት ምን እንደሆነ አይገባችሁም፤ ለምሳሌ ሳዑዲ በህግ እውቅና ካልሰጠን በስተቀር እስላሚክ ሴንተር መፈራረም አይችልም ከመጅሊስ ጋር፤ አሁን እውቅና አግኝተን ወር ሳይሞላ 80 እና 90 ሚሊዮን ዶላር እያመጣን ነው እኮ።

ይሄን የሚየውቁ ሰዎች እኛን መልሰው የሙስሊም ጠላይ ይላሉ። ሚናገር ሰው ሚያጥላላ ሰው ካለ ትክክል አይደለም። እንኳን መስጅድ የአንድ ሰው ደሳሳ ጎጆ መቃጠል የለበትም።

@tikvahethiopia @tikvahethiopiaBot

#Election2012

በኢትዮጵያ የአሜሪካ ኤምባሲ ባዘጋጀው እና የአሜሪካ ሴኔት የውጭ ግንኙነት ኮሚቴ ተወካይ ወ/ሮ ሄተር ፈላይን በተገኙበት በኢትዮጵያ በመካሄድ ላይ ባለው የለውጥ እንቅስቃሴ እና ምርጫ 2012 አስመልክቶ ውይይት ተካሂዷል፡፡

አዲስ አበባ ሂልተን ሆቴል በተካሄደው እና ዓላማው በኢትዮጵያ ስላለው ወቅታዊ የፖለቲካ እና የምርጫ ዝግጅት ከፖለቲካ ፓርቲዎች እና ሌሎች ባለድርሻ አካላት መረጃ ለመሰብሰብ እንደሆነ በተገለጸው በዚሁ የውይይት መድረክ፣ የምርጫውን የግዜ ሰሌዳ፣ በተፎካካሪ ፓርቲዎች እና በገዥው ፓርቲ መካከል ያለው ግንኙነት፣ የፖለቲካ ፓርቲዎች የሚያጋጥሟቸው ችግሮች፣ የምርጫ ቦርድ ዝግጅት እና አቅም፣ እና ሌሎች ተያያዥ ጉዳዮች ዙሪያ የሀሳብ ልውውጥ ተደርጓል፡፡

በውይይቱ የተገኙ የፖለቲካ ፓርቲዎች አጠቃላይ የለውጥ ሂደቱን እና ምርጫ 2012 አስመልክቶ ያጋጠሟቸውን ችግሮች እንዲሁም ገዥው ፓርቲ በተፎካካሪ ፓርቲዎች ላይ በማድረስ ላይ ነው ያሏቸውን ልዩ ልዩ ጫናዎች ለኤምባሲው ተወካዮች ገልጸዋል፡፡ የመንግስት ሀብትን እና ሚዲያን በብቸኝነት መጠቀም ፓርቲዎቹ በገዠው ፓርቲ ላይ ካነሷቸው ችግሮች መካከል ይገኙበታል፡፡

የፓርቲዎቹ ተወካዮች የአሜሪካ መንግስት ከሁሉም የኢትዮጵያ የፖለቲካ ፓርቲዎች ጋር በእኩል ርቀት ላይ ሊቆም እና በተለይ ለገዢው ፓርቲ የተለየ ድጋፍ ማድረግ የፖለቲካ ሜዳውን እና በዚህ አመት በሚካሄደው ምርጫ ውጤት ላይ አሉታዊ ተጽእኖ እንደሚኖረው ስጋታቸውን ገልጸዋል፡፡

More https://telegra.ph/ETH-02-21-2

#FreedomandEqualityParty

@tikvahethiopia @tikvahethiopiaBot

#Election2012

በዛሬው የሂልተን ሆቴል የውይይት መድረክ ላይ የተሳተፉ ፓርቲዎች፦

1. ኦጋዴን ብሄራዊ ነጻነት ግንባር (ኦብነግ)
2. አማራ ብሄራዊ ንቅናቄ (አብን)
3. ኢትዮጵያ ዜጎች ለማህበራዊ ፍትህ (ኢዜማ)
4. አረና ትግራይ ለዴሞክራሲ እና ሉአላዊነት (አረና)
5. ኢትዮጵያ ዴሞክራሲያዊ ፓርቲ (ኢዴፓ)
6. የኦሮሞ ፌዴራሊስት ኮንግረስ (ኦፌኮ)
7. ነጻነትና እኩልነት ፓርቲ (ነእፓ)

ምንጭ፦ ነፃነትና እኩልነት ፓርቲ
@tikvahethiopia @tikvahethiopiaBot

የሜቴክና አብን አመራሮች ከእስር ከሚለቀቁት ውስጥ ናቸው!

ነገ ለመጀመሪያ ጊዜ ለአንባቢያን የምትቀርበው "ሲራራ" ጋዜጣ በፊት ለፊት ገጿ ላይ ተከታዩን መረጃ ይዛለች፦

ከሰሞኑን ጠ/ሚ ዶክተር አብይ አህመድ ከለውጡ በኃላ በተለያዩ አካባቢዎች በወንጀል ተጠርጥረው የታሰሩትን የፖለቲካ ምህዳሩን ለማስፋት ሲባል ጉዳያቸው በአግባቡ በህግ ታይቶ እንዲለቀቁ አቅጣጫ መቀመጡን መግለፃቸው አይዘነጋም።

ጠቅላይ ሚኒስትር ዶ/ር ዐብይ ይህን ብለው የነበረው ከትግራይ ተወላጅ የብልፅግና ፓርቲ አባላት ጋር የካቲት 10 ቀን 2012 ዓ/ም ውይይት ባደረጉበት ወቅት ነው።

ነገ ለአንባቢያን የምትቀርበው 'ሲራራ' ጋዜጣ ደግሞ ከእስር ከሚፈቱት መካከል የብረታ ብረትና ኢንጂነሪግ ኮርፖሬሽን የስራ ኃላፊዎች፣ ከሰኔ 15 ክስተት ጋር በተያያዘ በእስር ላይ የሚገኙት የአማራ ብሄራዊ ንቅናቄ አመራሮችና ሌሎች እስረኞች እንዲሁም በአጣዬና ከሚሴ በተፈጠሩ ግጭቶች ተጠርጥረው በእስር ላይ የሚገኙ ዜጎች እንደሚገኙበት ከምጮቼ ሰምቻለው ብላለች።

#ሲራራጋዜጣ
@tikvahethiopiaBot @tikvahethiopia

በተለያዩ መንገዶች ምነው? ምን ሆናችሁ? እያላችሁ ስትጠይቁን፣ መቼም ጠያቂ አያሳጣን እያልን በልባችን መደሰታችንን ልንደብቅ አንችልም።

ጠፋ ብሎ የተመለሰን ሰው "እጅ ከምን?" ማለት አይቀርምና እኛም ባዶ እጃችንን አልተመለስንም። ከተወሰነ የአቀራረብ ለውጥና ከአዳዲስ ነገሮችን ይይዘናል።

ዙር ሰላሳ ዲጂታል መፅሔት የካቲት ወር 12 እትም
መልካም ንባብ!
@AccessAddis

ዙር30-ቅጽ2-ቁጥር 2
ዙር ሰላሳ!!
የካቲት ወር አስራ ሁለተኛ እትም!!
ዲጅታል መፅሔት!!
በሐገርኛ ቋንቋ
@AccessAddis
@AccessAddis

የኢትዮጵያ ፕርሚየር ሊግ የወሩ ምርጥ አሰልጣኝ !

ቲኪቫህ ስፖርት በየወሩ ወደ እናንተ በሚያደርሰው የወሩ እጩዎች በዚህ ወር የቅዱስ ጊዮርጊስ አሰልጣኝ ሰርዳን ዝቪጂኖቭ አሸናፊ መሆን ችለዋል ::

ሰርዳን ዚቪጂኖቭ ማግኘት ከሚገባቸው 21 ነጥቦች 14 ነጥቦች ሲያገኙ ካደረጉት ሰባት ጨዋታዎች በአንዱ ብቻ ሽንፈትን አስተናግደዋል ::

@tikvahethsport @kidusyoftahe @GoitomH

የኢትዮጵያ ፕርሚየር ሊግ የወሩ ምርጥ ወጣት ተጫዋች !

ቲኪቫህ ስፖርት በየወሩ ወደ እናንተ በሚያደርሰው የወሩ እጩዎች በዚህ ወር የወልቂጤ ከተማው ጫላ ተሺታ አሸናፊ መሆን ችለዋል ::

ጫላ ተሺታ ባለፉት ጨዋታዎች ላይ በሶስት ጎሎች ላይ ቀጥተኛ ተሳትፎን ማድረግ ሲችል የቲኪቫህ ቤተሰቦች አብላጫ ድምፅ በማግኘት አሸናፊ ሆኗል ::

@tikvahethsport @kidusyoftahe @GoitomH

#Election2012

የትግራይ ዴሞክራቲክ ፓርቲ /ትዴፓ/ በመጪው አገራዊ ምርጫ በትግራይ ክልል በዴሞከራሲያዊ መንገድ መወዳደር የሚያስችል እንቅስቃሴ ለማድረግ ተቸግሬያለሁ አለ፡፡

የፓርቲው ሊቀመንበር ዶክተር አረጋዊ በርሄ እንደገለፁት ፓርቲያቸው በመጪው አገራዊ ምርጫ በክልል ደረጃ ተወዳድሮ ለማሸነፍ ዝግጅት እያደረገ ይገኛል። ነገር ግን በአካባቢው ከሚንቀሳቀሰው ህወሃት የተለያዩ ችግሮች እየገጠማቸው መሆኑን ተናግረዋል።

ፓርቲው በክልሉ በመቀሌ ብቻ ቅርንጫፍ መክፈቱን የገለጹት ዶክተር አረጋዊ ፤ በአብይአዲ፣ በሽሬና በአድዋ ቅርንጫፎች ለመክፈት ሙከራ ማድረጉንም ጠቅሰዋል።

ይሁንና በትግራይ ክልል ነጻና ፍትሃዊ የምርጫ እንቅስቃሴ ለማድረግ መቸገሩንና አባላቱም ለእስራት፣ ለድብደባና ለእንግልት እየተዳረጉ መሆኑን ጠቁመዋል። “ይህ ባለበትና ምርጫ ቦርድ ባለሙያዎች ባልመደበበት ሁኔታ የጊዜ ሰሌዳ አውጥቶ ምርጫ ለማከናወን ማቀዱ ተገቢ አይደለም” ነው ያሉት።

ችግሩን በተመለከተ ለጠቅላይ ሚኒስትር ጽህፈት ቤት፣ ለምርጫ ቦርድና ለጠቅላይ ዐቃቤ ህግ በደብዳቤ በማሳወቅ ምላሽ እየተጠባበቁ መሆኑንም ዶክተር አረጋዊ አስረድተዋል።

#ENA
@tikvahethiopiaBot @tikvahethiopia

ጅማ ዩኒቨርሲቲ ተማሪዎቹን እያስመረቀ ይገኛል!

ጅማ ዩኒቨርስቲ በቅድመና በድህረ ምረቃ ዘርፎች ያስተማራቸውን 3 ሺህ 139 ተማሪዎች ዛሬ እያስመረቀ ነው። ከእነዚህ ምሩቃን ውስጥም 237 የህክምና ዶክተሮች፣ 27 የጥርስ ህክምና ዶክተሮች 8ቱ ደግሞ የሶስተኛ ድግሪ ተመራቂዎች ናቸው፡፡ ከተመራቂዎች መካከልም 13ቱ ከሶማሊላንድና ከሩዋንዳ የመጡ መሆናቸው ተገልጿል፡፡

#EPA
@tikvahethiopiaBot @tikvahethiopia

#COVID19

ለኮሮና ቫይረስ- COVID-19 የቅድመ መከላከልና ጥንቃቄ ስራዎች የሚያግዙ የተለያዩ የህክምና ግብዓቶች ከአለም ጤና ድርጅት በድጋፍ ማግኘቱን ጤና ሚኒስቴር አስታወቀ።

የኮሮና ቫይረስ- COVID-19 የቅድመ መከላከልና ጥንቃቄ እንዲሁም የድንገተኛ አደጋ ምላሽ ስራዎች የሚያግዙ የተለያዩ የህክምና ግብዓቶች ከአለም ጤና ድርጅት ድጋፍ የተደረገ ሲሆን ግብዓቶቹም በተለይ ለጤና ባለሙያዎች የስራ ላይ የደህንነት መጠበቂያ ሁነው ያገልግላሉ ተብሏል፡፡ ግብዓቶቹም አጠቃላይ ወጪ ከ 43 ሺህ ዶላር በላይ እንደሆነ ለማወቅ ተችሏል፡፡

በኮሮና ቫይረስ - COVID-19 ዙርያ የቅድመ መከላከልና ጥንቃቄ እንዲሁም የድንገተኛ አደጋ ምላሽ ስራዎች እየተሰራ እንደሆነና አስካሁንም በኮሮና ቫይረስ #COVID19 ምልክቱ ታይቶበት በለይቶ ማቆያ ውስጥ የሚገኝ አንድም ተጠርጣሪ የለም፡፡

ምንጭ፦ ጤና ሚኒስቴር
@tikvahethiopiaBot @tikvahethiopia