#HAWASSA

ዛሬ ማለዳ 12 ሰዓት ጀምሮ በሀዋሳ እየተደረገ ያለው ሰልፍ ላይ ከሲዳማ አስተዳደርና ከ36 ወረዳዎች የተውጣጡ የሲዳማ ብሄር ተወካዮች ፣ የሀዋሳ ከተማ ነዋሪዎች እና የመንግስት ሰራተኞችን ያሳተፈ ነው።

@tikvahethiopiaBot @tikvahethiopia

መስፈርት የማያሟሉት የግል ትምህርት ቤቶች...

- 1615 የግል ትምህርት ቤቶች ለመኖሪያ ቤት ታስበው የተሰሩ ናቸው

በአዲስ አበባ ከተማ የሚገኙ የግል ትምህርት ቤቶች በተማሪ ብዛት 52 በመቶ ድርሻ ቢኖራቸውም አብዛኞቹ የትምህርት ሚኒስቴርን መስፈርት እንደማያሟሉ ተገለጸ።

አንድ ሺህ 615 የግል ትምህርት ቤቶች ለመኖሪያ ቤት ታስበው በተሰሩ ቤቶች ተማሪዎችን በተጨናነቀ ሁኔታ እያስተማሩ እንደሚገኙ መሆኑም ታውቋል።

ምንጭ፦ አዲስ ዘመን ጋዜጣ
@tikvahethiopiaBot @tikvahethiopia

የግል ትምህርት ቤቶች የተጋነነ የዋጋ ጭማሪ...

የንግድ ውድድርና የሸማቾች ጥበቃ ባለስልጣን በአዲስ አበባ ከተማ የግል ትምህርት ቤቶች የተጋነነ የዋጋ ጭማሪ በማድረግ በሕብረተሰቡ ላይ ጫና እየፈጠሩ መሆኑን በጥናት ማረጋገጡን ገለጸ።

የአዲስ አበባ የግል ትምህርት ቤቶች ማህበር በበኩሉ ጥናቱ ሁሉን ያላሳተፈና ሚዛናዊነት የጎደለው ነው ብሏል።

ባለስልጣኑ የገበያ ነጻነትን ያለአግባብ በመጠቀም ጸረ ውድድር ስምምነትና የተከለከሉ የንግድ አሰራሮች በተስተዋለባቸው የትምህርት ተቋምት ላይ ጥናት አድርጓል።

በተመረጡ 100 የግል ትምህርት ቤቶች በተካሄደው ጥናት ላይ የተገኘውን ውጤት አስመልክቶ ባለስልጣኑ ከባለድርሻ ተቋማት ጋር ውይይት አድርጓል።

በጥናቱ መሰረትም በትምህርት ቤቶቹ የትምህርት ተቋማቱ መጻህፍትን አሳትመው መሸጥና የደንብ ልብስ ከተወሰኑ ተቋማት ብቻ እንዲገዙ የማስገደድ ሁኔታ ተስተውሏል።

በተጨማሪም ”ፈተና የሚመጣው ከማጠናከሪያ ትምህርት ነው” በሚል አስገዳጅ በሆነ መልኩ ተማሪዎች ተጨማሪ ክፍያ እንዲከፍሉ ማድረግ፣ ለተማሪዎች የትራንስፖርት አገልግሎት ተወዳዳሪነት በሌለው መልኩ በከፍተኛ ዋጋ የማቅረብ ሁኔታ እንደሚስተዋል በጥናቱ ተመልክቷል።

#ENA
@tikvahethiopiaBot @tikvahethiopia

የኢትዮጵያ ፖለቲካ ፓርቲዎች የጋራ ምክር ቤት...

መንግስት የፖለቲካ ፓርቲዎችን እንቅስቃሴ የሚገድቡ ህገወጥ እንቅስቃሴዎችን እንዲያስቆም የኢትዮጵያ ፖለቲካ ፓርቲዎች የጋራ ምክር ቤት አሳሰበ።

ምክር ቤቱ በአገሪቱ ወቅታዊ የፖለቲካ እንቅስቃሴዎች ዙሪያ መግለጫ ሰጥቷል። በመግለጫው ላይ እንደተገለጸው መንግስት በተለያዩ አካባቢዎች የተነሱ የፓርቲዎችን ነጻ እንቅስቃሴ የሚገድቡ የህግ የበላይነት ጥያቄዎች በወቅቱ ምላሽ እንዲሰጣቸው አሳስቧል።

ኢዜማ ፣ ኦፌኮ ፣ አረና፣ ኦነግ እና ለሎች አገራዊና ክልላዊ ፓርቲዎች የፖለቲካ እንቅስቃሴያቸውን በፈለጉት ቦታ ለማካሄድ ሲሞክሩ በተለያዩ ቡድኖች እና ተቋማት የፖለቲካ እንቅስቃሴያችንን እንዳናካሂድ እክል ፈጥረውብናል ማለታቸው ይታወሳል።

የጀመርነው የዲሞክራሲ ስርዓት ግንባታ የሚሳካው የህግ የበላይነት ሲረጋገጥ ብቻ ነው ያለው የምክር ቤቱ መግለጫ ህብረተሰቡ እና ማህበራዊ ተቋማት ለህግ የበላይነት ቅድሚያ እንዲሰጡም ጠይቋል።

ምርጫ ቦርድም የጀመረውን ከፖለቲካ ፓርቲዎች ጋር ጤናማ ግንኙነት እንዲኖረው የሚያስችሉ ስራዎቹን አጠናክሮ እንዲቀጥል ምክር ቤቱ ዛሬ በሰጠው ጋዜጣዊ መግለጫ ጠይቋል።

ምንጭ፦ ኢትዮ ኤፍ ኤም 107.8
@tikvahethiopiaBot @tikvahethiopia

#UPDATE

- የሟቾች ቁጥር 2,247 ደርሷል
- በቫይረሱ የተጠቁ ሰዎች ቁጥር 76,790

በኮሮና ቫይረስ የሚያዙ ሰዎች ቁጥር እንዲሁም በቫይረሱ የሚሞቱ ሰዎች ቁጥር ከባለፉት ቀናት ጋር ሲተያያ እየቀነሰ እንደሆነ እየተገለፀ ይገኛል።

ዛሬ ባገኘነው ሪፖርት በኮሮና ቫይረስ [#COVID19] የሞቱ ሰዎች ቁጥር 2,247 የደረሰ ሲሆን 76,790 ሰዎች ደግሞ በቫይረሱ ተጠቅተዋል። ከበሽታው አገግመው ከሆስፒታል የወጡ ሰዎች ቁጥር ደግሞ 18,590 ደርሰዋል።

@tikvahethiopiaBot @tikvahethiopia

#UPDATE

ኢትዮጵያና ሳዑዲ ዓረቢያ በመከላከያ ዘርፍ ትብብራቸውን ለማጠናከር ተስማሙ!

በኢፌዴሪ መከላከያ ጠቅላይ ኢታማዦር ሹም ጄኔራል አደም መሐመድ የተመራ የኢትዮጵያ ከፍተኛ የልኡካን ቡድን በሳዑዲ ዓረቢያ ሪያድ የሥራ ጉብኝት አድርጓል፡፡

የልኡካን ቡድኑ በቆይታው ከሳዑዲ ዓረቢያ የጠቅላይ ኢታማዦር ሹም ጄኔራል ፈያድ ቢን ሃመድ አል-ሩዋሊ እና የሳዑዲ ዓረቢያ የመከላከያ ከፍተኛ ባለሥልጣናት ጋር በመገናኘት በሁለትዮሽ እና ቀጠናዊ የሰላም እና ፀጥታ ጉዳዮች ዙሪያ ውይይቶችን አካሂዷል፡፡

በውይይቶቹ በኢትዮጵያ እና ሳዑዲ ዓረቢያ መካከል በመከላከያ ዘርፍ ያለውን የሁለትዮሽ ትብብር ለማጠናከር እና በሌሎች ቀጠናዊ የጋራ ስጋቶች ዙሪያ በትብብር መሥራት እና የልምድ ልውውጥ ማድረግ በሚቻልባቸው ጉዳዮች ላይ ምክክርና የሐሳብ ልውውጦች ተደርገዋል፡፡

#FDREDefenseForce
@tikvahethiopiaBot @tikvahethiopia

በዘረፋ ወንጀል የተጠረጠሩ 16 ሰዎች ተያዙ...

በአሶሳ ከተማ በምሽት የዘረፋ ወንጀል የተጠረጠሩ 16 ባጃጆች ከእነ አሽከርካሪዎቻቸው በቁጥጥር ሥር ማዋሉን የከተማው ፖሊስ ፅሀፈት ቤት አስታወቀ፡፡

በፅሀፈት ቤቱ የወንጀል መከላከል ዋና የሥራ ሂደት ባለቤት ኢንስፔክተር ደረጃ ኢታና እንደገለፁት በከተማው የሚፈፀም የዘረፋና ስርቆት ወንጀል እየተበራከተ መጥቷል፡፡ ችግሩን ለማስቆም ፖሊስና ህብረተሰቡን ያቀፈ ግብረ ኃይል ተቋቁሞ ከየካቲት 10 ቀን 2012 ዓ.ም. ጀምሮ ወደ ሥራ ተገብቷል ብለዋል፡፡

ግብረ ኃይሉ ከህብረተሰቡ የደረሰውን ጥቆማ መሠረት በማድረግ እስከ አሁን ድረስ 16 ባጀጆችን ከእነ አሽከርካሪዎቹ ጋር በቁጥጥር ሥር ማዋሉን አስረድተዋል፡፡

አሽከርካሪዎቹ በእኩለ ለሊት እየተዘዋወሩ ዘረፋ ለሚፈፅሙ ግለሰቦች የትራንስፖርት አገልግሎቱን በመስጠት ወንጀል የተጠረጠሩ ናቸው ብለዋል። ካናቢስ የተባለ አደንዛዝ እፅ በማዘዋወር የተጠረጠሩ ሌሎች ስምንት ግለሰቦችንም ግብረ ኃይሉ በቁጥጥር ሥራ እንዲውሉ አድርጓል።

#ኢዜአ
@tikvahethiopiaBot @tikvahethiopia

#JawarMohammed

ወደወለጋ፣ወደኢሉባቦር ኦፌኮ ድጋፍ የለውም፤መሪዎቹም [ጃዋርን ጨምሮ] ወደዛ ላይሄዱ ይችላሉ የሚሉ ስጋቶች አሉ ተብለው 'ኬላ' በተሰኘ የቴሌቪዥን ፕሮግራም ላይ የተጠየቁት አቶ ጃዋር መሃመድ የሰጡት ምላሽ፦

ምንሄደው ድጋፍ ያለን ቦታ ብቻ አይደለም። ምንሄደው ድጋፍ ለማጠናከር ነው። እኛ በሁሉም ወረዳ ላይ ህዝባችንን ማነጋገር እንፈልጋለን። ግን ሰዉ ይረሳል እንጂ በጣም ነገሮች በተጧጧፉበት እና መንግስት በጣም በተዳከመበት፣ በሌለበት ወቅት እኔና በቀለ እስከ አሶሳ ድረስ ሰው ማንም በማይሄድበት፣ የመንግስት ባለስልጣን ሀገር ጥሎ በጠፋበት ወቅትም ስንሄድ ነበር። አሁንም ወደምዕራብ እንሄዳለን።

ምዕራብና ደቡብ እንደሚታወቀው ካለው ግጭት ጋር ተያይዞ ህጋዊ ያልሆነ ኮማንድ ፖስት አለ። ያ ኮማንድ ፖስት እንዲነሳ በህጉ challenge እናደርጋለን። እኛ ብቻ አይደለንም ጥምረት ፈጥረን እየሰራን ነው ያለነው ከኦነግ ጋር፣ ከኦብፓ ጋር አብረን ወደፊት የምናደርገው እንቅስቃሴ ይኖራል።

የማንሄድበት ዞን አይኖርም። ኦሮሚያ ውስጥ ብቻ አይደለም ወደ ተለያዩ ክልሎች የመሄድ እቅድ አለን። ደፍሮ ለሚለውም የተያያዝነው ትግል እንጂ ዳንስ አይደለም። ስለዚህ ሁሉም ቦታ እንሄዳለን። ስንሄድ ደግሞ በተጨባጭ ይታያል።

#TikvahFamily
@tikvahethiopiaBot @tikvahethiopia

ስለታሰሩ ኮድ 2 VAN መኪናዎች ጉዳይ፦

አቶ ደበሌ ቀበታ [ከጉሙሩክ ኮሚሽን ኮሚሽነር] ለፋና የተናገሩት፦

አስመጪዎቹ አድርገው የነበረው ፤ እነዚህ ተሽከርካሪዎች ለግል መገልገያ የሚውሉ አይደሉም ይሉና ዲክላር ያደርጉ ነበር። በዚህ ልክ ዲክላር ካደራረጉ በኃላ ኤክሳዝ ታክስ ሳይከፍሉ ለግል መገልገያ እቃ ነው ወይም ለህዝብ ማመላለሻ ነው ብለው በግልፅም ለጉሙሩክ ሳይገልፁ በተጭበረበረ መልክ ይጠቀሙበት እንደነበረ ጥናቱ አሳየ።
.
.
ስለዚህ በዚህ ምክንያት መንግስት መሰብሰብ ይገባ የነበረው ኤክሳይዝ ታክስ ከነዚህ ተሽከርካሪዎች ያጣል። አገልግሎቱን ህብረተሰቡ ያግኝ በሚል ውሳኔ ነው መንግስት ከነዚህ ተሽከርካሪዎች ኤክሳይዝ ታክስ አልሰበስብም ያለው።
.
.
ኦፊሻል የሆነ ውሳኔ መወሰን ቢሆንም፤ አንዱ የንግድ ፍቃድ አውጥተው እነዚህን ተሽከርካሪዎች ወይም ኮድ 1 ወይም ወደ ኮድ 3 መቀየር ይገባቸዋል። ውሳኔዎቹ ጉዳት የማያደርሱ ሆኖ በምርጫው ላይ የተመሰረተ አይ እና ለታክሲ አገልግሎት እናውለው ወይም ለህዝብ ማመላለሻነት እናውለው ፤ ኮድ ሁለት የሚለው ይመክናል፤ ትራንስፖርት ባለስልጣን ሄደው ያመክኑትና ተሸከርካሪው ኤክሳይዝ ታክስ ለተተወላቸው አላማ ማዋል አለባቸው።

📹5 MB
@tikvahethiopiaBot @tikvahethiopia

የአብን ህዝባዊ ውይይት...

የአማራ ብሔራዊ ንቅናቄ የአዲስ አበባ ማስተበባበሪያ ፅ/ቤት በመጪው እሁድ የካቲት 15 ቀን 2012 ዓ.ም በአዲስ አበባ ከተማ ንፋስ ስልክ ላፍቶ ክፍለ ከተማ ከሚገኙ አባላቱና ደጋፊዎቹ ጋር አልማዝዬ ሜዳ አጠገብ በሚገኘው በቄራ ወረዳ 5 ሸማቾች ማኅበር አዳራሽ በንቅናቄው የማታግያ አጀንዳዎች እና በኢትዮጵያ ወቅታዊ የፖለቲካ ሁኔታ ዙሪያ ከጠዋቱ 2፡30 ጀምሮ ሕዝባዊ ውይይት እንደሚያካሂድ አሳውቋል።

ምንጭ፦ አብን
@tikvahethiopiaBot @tikvahethiopia

በሌላ መረጃ፦

የአማራ ብሔራዊ ንቅናቄ /አብን/ የምስራቅ ጎጃም ዞን የአዋበል ወረዳ ማስተባበሪያ ፅሕፈት ቤት በስኩት እነጋትራ ቀበሌ ከሚገኙ አባላቱና ደጋፊዎቹ ጋር በእነጋትራ ፍልቅልቅ ከተማ እሁድ የካቲት 15 ከጠዋቱ 4:30 ጀምሮ ውይይት እንደሚያደርግ አሳውቋል።

@tikvahethiopiaBot @tikvahethiopia

#HAWASSA

የሲዳማ ዞን ዋና አስተዳዳሪ አቶ ደስታ ሌዳሞ ዛሬ ሀዋሳ ከተማ በነበረ የድጋፍ ሰልፍ ላይ "የሲዳማ ህዝብ ራሱን በራሱ ለማስተዳደር ባደረገው ትግል ለዘመናት ሲገደል እና ሲታሰር ቆይቶ ፤ የህዝቡ የረጅም ጊዜ ጥያቄ «ተገቢ» መልስ ያገኘዉ በለውጡ ነዉ ተደምጠዋል።

አስተዳዳሪው "አካባቢያችንን የትርምስ እና የግጭት ቀጠና በማድረግ ለውጡን ለማደናቀፍ የቋመጣችሁ ከእንግዲህ ጊዜ እና ገንዘባችሁን በማጥፋት ባትደክሙ ይሻላችኋል" ሲሉም መልዕክት አስተላልፈዋል።

#DW
@tikvahethiopiaBot @tikvahethiopia

የ12ኛ ክፍል ሀገር አቀፍ ፈተና...

በአዲሱ ፍኖተ ካርታ መሰረት ከዚህ ቀደም በአዲስ አበባ ዩኒቨርስቲ ባለሙያዎች ሲዘጋጅ የነበረው ፈተና የአገር አቀፍ የትምህርት ምዘናና ፈተናዎች ኤጀንሲ በኩል እንዲዘጋጅ በመወሰኑ ኤጀንሲው ፈተናውን በማዘጋጀት ላይ ይገኛል።

ፈተናው አለም አቀፍ ደረጃው የጠበቀ ለማድረግም በተቋሙ ያሉ ባለሙያዎች ከአዲስ አበባ ዩኒቨርስቲ ምሁራን ጋር በቅንጅት እየተሰሩ ሲሆን የፈተናው ዝግጅት ወደ መጠናቀቅ እየተቃረበ ነው።

የፈተናውን የህትመት ስራ ለመጀመርም የተለያዩ ማተሚያ ቤቶችን ባሳተፈ መልኩ ጨረታ ወጥቷል። ባለፈው አመት የተከሰተው ችግር ማህበረሰቡ በተቋሙ ላይ የነበረውን እምነት የሸረሸረ እና መጥፎ ትዝታን አስቀምጦ ያለፈ ነበር።

በዘንድሮ ዓመት የሚሰጠው ብሄራዊ ፈተና ባለፉት አመታት ያጋጠሙ ችግሮች ዳግም እንዳይከሰቱ በተሻለ ጥንቃቄ ለመስጠት ቅድመ ዝግጅቱ መጠናቀቁ ተሰምቷል።

ፈተናው ያለምንም ችግር በስኬት እንዲጠናቀቅ የተማሪ ፣ ወላጅ እና ማህበረሰብ ተሳትፎ እንደሚያስፈልግ ገልጸው፤ ትምህርት የፖለቲካ ማስፈፀምያ እንዳይሆን እያንዳንዱ ህብረተሰብ አስተዋጽኦውን እንዲያበረክት ጥሪ ቀርቧል።

@tikvahethiopiaBot @tikvahethiopia

#ATTENTION

በቡራዩ ከተማ ከደቂቃዎች በፊት አለመረጋጋት መፈጠሩን፤ ተደጋጋሚ የተኩስ ድምፅ ሲሰማም እንደነበር ከቡራዩ ቲክቫህ ቤተሰብ አባላት ተገልፆልናል።

በከተማይቱ የሰው ህይወት ሳያልፍ እንዳልቀረም ተረድተናል። ዝርዝር የተጣሩ ጉዳዮችን እንድታነቡ እናደርጋለን፤ የሚመለከታችሁ አካላት ግን ትኩረት እንድትሰጡ ለማሳወቅ እንወዳለን።

@tikvahethiopiaBot @tikvahethiopia

#UPDATE

ከሊቢያ ዳርቻዎች ወደ አውሮፓ ለመድረስ ተስፋ ያደረጉ 91 የአፍሪካ ስደተኞችን የጫነች ጀልባ ሜዲትራኒያን ባሕር ላይ መጥፋቷን የተባበሩት መንግሥታት የስደተኞች ኤጀንሲ እና ክራይስስ ሆትላይን አስታወቁ።

ጀልባዋ ከሊቢያ ዋና ከተማ #ትሪፖሊ በስተምሥራቅ ባሕር ዳርቻ በኩል ወጥታ መሠወሯ ነው የተጠቀሰው። ስለጠፉት ስደተኞች ምንም ዓይነት መረጃ አለማግኘታቸውን የስደተኞቹ ዘመዶች እና ቤተሰቦች ተናግረዋል።

[አሶሼትድ ፕሬስ,ኢቢሲ]
@tikvahethiopiaBot @tikvahethiopia

የዐብይ ፆም ወቅትን በተመለከተ መግለጫ ተሰጠ!

የኢትዮጵያ ኦርቶዶክስ ተዋሕዶ ቤተ ክርስቲያን ፓትሪያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበር ተክለሃይማኖት አቡነ ማትያስ ቀዳማዊ የዐብይ ጾም ወቅትን አስመልከቶ ዛሬ መግለጫ ሰጥተዋል፡፡

ብጹእነታው በመግለጫቸው እንዳሉት ምዕመናን የዘንድሮውን ጾም ሲከውኑ ከጥላቻ እና ቂም ራሳቸውን በማራቅ እና በጾም ወቅት ከጥላቻና ዛቻ፣ ከበቀልና ተንኮል ርቀው መሆን አንዳለበት አሳስበዋል፡፡

‹‹እጃችንም፣ እግራችንም፣ አፋችንም ዓይናችንም፣ ጆሯችንም፣ ውስጣችንም በመንፈሳዊ ሕይወት አሸብርቀን መጾም ይገባናል፡፡ በዚህ ወቅት መስማትና ማዳመጥ ያለብን እግዚአብሔርን ብቻ ነው፡፡ የእግዚአብሔር ድምጽ ፍቅርና ሠላም በመሆኑ አንድነትና ስምምነት፣ ዕርቅና ይቅርታ ፍትሕና እውነት፣ እኩልነትና ኅብረት በማድረግ ለሀገር ሠላም በመጸለይ ሊሆን ይገባል›› ብለዋል፡፡

ኢትዮጵያ አሁን ካለችበት ሁኔታ እንድትወጣ ምዕመኑ በጾምና ጸሎት በአንድ ልቦና ለሀገሩ ሠላም እና ዕድገት፣ ፍትሕ እና እውነት በመቆም ጾሙን መከወን እንደሚገባቸውም ብጹእነታቸው አሳስበዋል፡፡

#AMMA
@tikvahethiopiaBot @tikvahethiopia

#UPDATE

የበራዩ ከተማ ፖሊስ አዛዥ ኮማንደር ሰለሞን ባልታወቁ አካላት በተፈፀመባቸው ጥቃት ህይወታቸው አልፏል ሲሉ የቲክቫህ ቡራዩ ቤተሰቦች አሳውቀውናል። ከደቂቃዎች በፊት ተደጋጋሚ የተኩስ ድምፅ ይሰሙ እንደነበር የቤተሰባችን አባላት ሲገልፁ ነበር።

በከተማው ከተፈጠረው አለመራጋጋት ጋር ተያይዞ ቁጥሩ በርከት ያለ የፀጥታ ኃይል ወደ ከተማይቱ [ቡራዩ] እየገባ እንደሆነ የቲክቫህ አባላት እየገለፁ ይገኛሉ።

በድንገተኛው ክስተት ስጋት ያደረባቸው የንግድ ተቋማት ባለቤቶች የንግድ ቤቶቻቸውን ሲዘጉ እንደተመለከቱ የቡራዩ ቤተሰቦቻችን አሳውቀውናል።

@tikvahethiopiaBot @tikvahethiopia

በደቡብ ኮሪያ የኮሮና ቫይረስ በፍጥነት እየተስፋፋ ነው!

በደቡብ ኮሪያ የኮሮና ቫይረስ [#COVID19] ስርጭት በሀገሪቱ እየጨመረ በመሆኑ ቫይረሱን ለመከላከል የምታደርገውን እርምጃ አጠናክራለች።

ትናንት ብቻ 53 አዲስ ተጠቂዎች መገኘታቸውን ሪፖርት ያደረገችው ሀገሪቱ ዛሬ ደግሞ 52 ተጠቂዎች መለየታቸውን አስታውቃለች። በርካታ ወታደሮች የቫይረሱ ምልክት ታይቶባቸው፣ የወታደሮች መኖሪያ ካምፕንም በዝግ መከታተል ጀምራለች።

አሁን በአጠቃላይ 156 ተጠቂዎች ያሉባት ሀገሪቱ በብዛት ምልክት ታይቶባቸዋል የተባሉ 9,000 የአንድ ቤተ እምነት ተከታዮች በለይቶ ማቆያ ውስጥ እንዲሆኑ አድርጋለች።

[ቢቢሲ፣ አል-ዓይን]
@tikvahethiopiaBot @tikvahethiopia