#Ethiotelecom

"የሞባይል ድምፅ እና ኢንተርኔት የተቋረጠው በቴክኒክ ችግር ነው" - ኢትዮ ቴሌኮም

ኢትዮ ቴሌኮም ትላንት ባጋጠመው የቴክኒክ ችግር ምክንያት የሞባይል ድምፅ እና ኢንተርኔት አገልግሎት ከምሽቱ 12:15 ጀምሮ ተቋርጦ እንደነበር ገልጿል።

ትላንት ከምሽቱ 1:10 ጀምሮ በአብዛኛው የሀገሪቱ ክፍሎች እንዲሁም ከምሽት 4:30 ጀምሮ ሙሉ በሙሉ ችግሩ ተግቶ አገልግሎቱ መቀጠሉን አሳውቋል። ተቋሙ ደንበኞች ላሳዩት ትዕግስት ምስጋና ያቀረበ ሲሆን ለተፈጠረው እንግልት ይቅርታ ጠይቋል።

@tikvahethiopiaBot @tikvahethiopia

#UPDATE

ከሰኞ የካቲት 09 ቀን 2012 ዓ.ም አስቸኳይ ጉባኤውን እያደረገ ሚገኘው የኢትዮጵያ ኦርቶዶክስ ተዋህዶ ቤተ ክርስቲያን በትላንትናው ውሎ 'የኦሮሚያ ቤተክህነት አደራጅ ኮሚቴ' ላይ ውሳኔ ማስተላለፉን ሐራ ዘተዋሕዶ ዘግቧል ውሳኔውም፡-

- ሊቀ አእላፍ ቀሲስ በላይ መኰንን፣ አባ ገብረ ማርያም ነጋሳ፣ ዲ/ን ኀይለ ሚካኤል ታደሰ፣ ቄስ በድሳ ፥ ከዛሬ የካቲት 11 ቀን ጀምሮ እስከ ሚቀጥለው የግንቦቱ ምላዓተ ጉባኤ ድረስ በጥፋታቸው ተጸጽተው ከተግባራቸው በይቅርታ እስኪመለሱ ድረስ ሥልጣነ ክህነታቸው እንዲያዝ የቅዱስ ሲኖዶስ ምልአተ ጉባኤ ልዩነት በሌለው ድምፅ ወስኗል፤

- “የኦሮሚያ ቤተ ክህነት ጽ/ቤት እናዳራጃለን” በማለት በመዋቅር ላይ መዋቅር በመፍጠራቸው እና በቤተ ክርስቲያኒቱ ስም ማኅተም አስቀርፀው በመንቀሳቀሳቸው፣ በአገሪቱ ሕግ ይጠየቃሉ፤

- ያስቀረፁት ማኅተም ገቢ እንዲደረግ፤ የከፈቷቸው ጽሕፈት ቤቶች፥ በቤተ ክርስቲያኒቱ ስም የተከፈቱ እና ሕገ ወጥ በመኾናቸው እንዲዘጉ እንዲደረግ ወስኗል፤

- ኢሬቻንና ዋቄፈናን ከኦርቶዶክስ ክርስትና ጋራ ኾነ ብለው እያመሳሰሉ ለሚያደናግሩ፤ ቤተ ክርስቲያንን ያለስሟ ስም እየሰጡ ለሚተቹ እና በቡድኑ ድጋፍ ለታተሙ መጻሕፍት፥ የሊቃውንት ጉባኤ፣ በአፋን ኦሮሞ እና በአማርኛ ቋንቋዎች መልስ እንዲሰጥ ቅዱስ ሲኖዶሱ አዟል፡፡

#ሐራዘተዋሕዶ
@tikvahethiopiaBot @tikvahethiopia

መኪናቸው የተያዘባቸው ባለንብረቶች ቅሬታ፦

መኪናቸውን የተቀሙ ግለሰቦች ዛሬ ምክንትል ከንቲባ ኢ/ር ታከለ ኡማ በሚገኙበት የከተማው መስተዳደር ደጃፍ ቅሬታ ማሰማታቸውን ፌደል ፖስት ዘግቧል።

ቅሬታ አሰሚ ባለነብረቶች እንደተናገሩት ከሆነ 600 የሚጠጉ በኦሮሚያ፣ በአማራ፣ በአዲሰ አበባ እና በደቡብ ክልል በ2 ቁጥር ታርጋ የተሰጣቸው D4D እና ዳማስ መኪኖቻቸው ተይዞባቸዋል።

በጉምሩክ ኮሚሽን የአዲስ አበባ ቃሊቲ ጎሙሩክ ቅርንጫፍ ፅህፈት ቤት የበተነው ሰርኩርላር ደብዳቤ እንደሚያሳየው መኪኖቹ በህዝብ አገልግሎት ሰበብ ገብተው በግል አገልግሎት ሲሰሩ በመገኘታቸው ነው ለግል አገልግሎት በሚቀረጥ የቀረጥ ሂሳብ እንዲከፍሉ እየተገደዱ ያሉት ብሏል።

ምንጭ፦ ፊደል ፖስት
@tikvahethiopiaBot @tikvahethiopia

#UPDATE

- የሟቾች ቁጥር 2,012 ደርሷል
- በቫይረሱ የተጠቁ ሰዎች ቁጥር 75,307

በኮሮና ቫይረስ [#COVID19] የሞቱ ሰዎች ቁጥር 2,012 የደረሰ ሲሆን 75,307 ሰዎች ደግሞ በቫይረሱ ተጠቅተዋል። ከበሽታው አገግመው ከሆስፒታል የወጡ ሰዎች ቁጥር ደግሞ 14,942 መድረሳቸውን ተመልክተናል።

@tikvahethiopiaBot @tikvahethiopia

በሳውዲ አረቢያ 11 ኢትዮጵያውያን ተይዘዋል...

ሳውዲ አረቢያ ከሰሞኑን ሕጋዊ ሆነው በምድሯ እየኖሩ ያልተፈቀደላቸውን ሥራ የሚሠሩ የተለያዩ ሃገራት ዜጎች ማሠር መጀመሯ ተሰማ። በሕጉ መሠረት አንድ የውጭ ዜጋ ወደሳውዲ ሲገባ እንዲሠራ በተፈረደለትን የሥራ መስክ የማይሠራ ከሆነ እንደ ሕገወጥ ይቆጠራል።

በዚሁም መሠረት #ኢትዮጵያውያንን ጨምሮ አንድ ሺህ ገደማ የሚሆኑ የሌሎች ሃገራት ዜጎች ሕጋዊ ሆነው ሳለ ፈቃድ ከተሰጣቸው የሥራ መስክ ውጭ በመሠማራታቸው በሁለት ሳምንት ውስጥ መታሠራቸውን DW ዘግቧል። በጅዳ ቆንስል ጀነራል አቶ አብዱ ያሲን እንደገለጹት በዚህ የሳውዲ መንግሥት ርምጃ 11 ኢትዮጵያውያን ተይዘዋል።

#DW
@tikvahethiopiaBot @tikvahethiopia

"ትግራይ ላይ ያለው ጥላቻ ይስተካከል፤ ካልሆነ ትግራይ ራስዋን የቻለች አገር ናት ብላችሁ አውጁ" - ዶ/ር ደብረፅዮን ገ/ሚካኤል

''በኢትዮጵያ እየተከሰተ ያለው ጣልቃ ገብነት እንዲሁም በትግራይ ላይ ያለው ጥላቻ የማይስተካከል ከሆነ ትግራይ ራስዋን የቻለች አገር ናት ብላችሁ ልታውጁ ይገባል" ሲሉ ለህዝብ ተወካዮች ምክር ቤት አባላት ዶ/ር ደብረፅዮን ገብረሚካኤል መልዕክት አስተላለፉ።

ዶክተር ደብረፅዮን ይህንን መልዕክት ያስተላለፉት ህወሓት የተመሰረተበትን 45ኛውን ዓመት አስመልክቶ በዛሬው ዕለት በመቐለ ስታዲየም ለታደሙ ሰዎች ባደረጉት ንግግር ነው።

የትግራይ ምክትል ፕሬዝደንት ዶ/ር ደብረፅዮን ለህዝብ ተወካዮች ምክር ቤት አባላት ባስተላለፉት መልዕክት፤ "የስልጣን ጊዜያችሁ [የአባልነት ጊዜ] እያለቀ ስለሚገኝ ከመበታተናችሁ በፊት ታሪክ ስሩ።

በኢትዮጵያ ውስጥ ስላለው ጣልቃ ገብነት፣ በተለይም ትግራይን በተመለከተ በመሪዎች ደረጃ የተሰጡት የጥላቻና የፀረ ህዝብ ንግግሮችን በይፋ ኮንኑ" ብለዋል። አክለውም "ይህ የማይሆን ከሆነ ትግራይ ራሷን የቻለች አገር መሆኗን ወስኑ፤ አውጁ" ብለዋል።

"አገር በመበተን ሂደት ነበሩ ተብላችሁ በታሪክ እንዳትወቀሱ፤ ግዳጃችሁን ተወጡም" በማለት መልዕክታቸውን በትግራይ ስታዲየም ለተሰበሰበው ህዝብ አስተላልፈዋል።

#BBC
@tikvahethiopiaBot @tikvahethiopia

ዶ/ር ዐብይን ያበሳጫቸው የማይክ ፓምፒዮ አቀባበል...

[በሪፖርታር ጋዜጣ]

የአሜሪካው የውጭ ጉዳይ ሚኒስትር ማይክ ፖምፒዮ ትላንት ማክሰኞ የካቲት 10 ቀን 2012 ዓ.ም. ከጠቅላይ ሚኒስትር ዶ/ር ዓብይ ጋር ለመገናኘት ወደ ጽሕፈት ቤታቸው አምርተው ነበር።

በዕለቱ የውጭ ጉዳይ ሚኒስትሩን የጫነው ተሽከርካሪ ከረፋዱ 5፡00 ሰዓት አካባቢ የጠቅላይ ሚኒስትሩ ጽሕፈት ቤት በር ላይ ሲደርስ ጠቅላይ ሚኒስትሩ የእንኳን ደኅና መጡ አቀባበል ለማድረግ እየጠበቋቸው ነበር፡፡

የውጭ ጉዳይ ሚኒስትሩ የፕሮቶኮል ኃላፊዎች የመኪናውን በር ከፍተው ሚኒስትሩ እንዲወጡ ሲጠየቁ የሚጠብቁት ሰው እንዳለ ይገልጻሉ፡፡

ከዚያም ወዲያው ይጠበቁ የነበሩት ግለሰብ የፖምፒዮ ፎቶግራፈር መሆናቸውን የተረዱት ጠቅላይ ሚኒስትር ዓብይ (ዶ/ር) በብስጭት ፊታቸውን አዙረው ወደ ጽሕፈት ቤታቸው ሲያቀኑ፣ የውጭ ጉዳይ ሚኒስትሩ ከኋላ ተከትለው ሰላምታ ሲያቀርቡላቸው ከላይ ባለው ምሥል ይታያሉ፡፡

በጠቅላይ ሚኒስትሩ ቢሮ ያደረጉትን ውይይት ከጨረሱ በኋላ ዓብይ (ዶ/ር) ከፖምፒዮ የፕሮቶኮል ኃላፊዎች ፈቃድ ውጪ መኪና እያሽከረከሩ ምሳ ወደሚበሉበት ቦታ ወስደዋቸው ነበር ሲል ሪፖርተር አስነብቧል።

@tikvahethiopiaBot @tikvahethiopia

#NewsAlert

አቶ ሽመልስ አብዲሳ የኦሮሚያ ክልል ርዕሰ መስተዳድር ሆነው መሾማቸውን ከኦሮሚያ ኮሚኒኬሽን ቢሮ የፌስቡክ ገፅ ላይ ተመልክተናል።

ጨፌ ኦሮሚያ እያካሄደ ባለው ጉባኤው ምክትል ርዕሰ መስተዳድር ሆነው ክልሉን ሲመሩ የነበሩት አቶ ሽመልስ አብዲሳን ጨፌው በሙሉ ድምፅ ርዕሰ መስተዳደር እንዲሆኑ ሾሟቸዋል፡፡

@tikvahethiopiaBot @tikvahethiopia

የጠቅላይ ሚኒስትሩ ምስጋና...

ጠቅላይ ሚኒስትር ዐቢይ አሕመድ በስልጤ ዞን ከሚገኙ ወረዳዎች ከተውጣጡ 1,000 የሚሆኑ የማኅበረሰብ ተወካዮች ጋር እየተወያዩ ነው።

በውይይቱ መጀመሪያም ጠቅላይ ሚኒስትር ዐቢይ በቅርቡ በጅማ፣ ሀረርጌ፣ ሶማሌ እና ሌሎች አካባቢዎች ኅብረተሰቡ ለለውጡ ያለውን ድጋፍ መግለፁን አስታውሰዋል።

ህብረተሰቡ በዚሁ ጊዜ የሀገሪቱን ሰላም የማስቀጠልን አስፈላጊነት የሚያሳስብ መልዕክት ማስተላለፉን እና እርሳቸውም መልዕክቱን መቀበላቸውን ከልብ አረጋግጠዋል።

ምንጭ፡- የጠቅላይ ሚኒስትር ጽ/ቤት
@tikvahethiopiaBot @tikvahethiopia

#UPDATE

የአማራ ክልል እና የሱዳን ገዳሪፍ ግዛት ህገ ወጥ ንግድ፣ የሰዎች እና የጦር መሳሪያ ዝውውርን ለመከላከል በጋራ መስራት የሚያስችላቸውን ስምምነት ተፈራርመዋል።

#ኤፍቢሲ
@tikvahethiopiaBot @tikvahethiopia