#Election2012

በዛሬው ዕለት የኢትዮጵያ ብሄራዊ ምርጫ ቦርድ በስካይ ላይት ሆቴል እያካሄደ በሚገኘው ኮንፍረንስ "ይፋዊ የምርጫ ጊዜ ሰሌዳ" ይገለጻል ተብሎ ይጠበቃል።

@tikvahethiopiaBot @tikvahethiopia

የ600 ኪሎ ሜትር ጠጠር መንገድ ግንባታ እየተካሔደ ነው!

በትግራይ ክልል ዘንድሮ 600 ኪሎ ሜትር የጠጠር መንገድ ግንባታ እየተካሄደ መሆኑን የክልሉ ኮንስትራክሽን፣መንገድና ትራንስፖርት ቢሮ አስታውቋል። የመንገዶቹ ግንባታ እየተከናወኑ ያሉት የክልሉ መንግስትና ህዝብ በመደቡት 152 ሚሊዮን ብር ወጪ ነው ተብሏል።

@tikvahethiopiaBot @tikvahethiopia

#Election2012

ብሄራዊ ምርጫ ቦርድ አዲስ ድረ-ገጽ (ዌብ ሳይት) አዘጋጅቶ መጨረሱን አስታውቋል። ድረ-ገጹ የምርጫ ውጤቶች ጭምር የሚገለጹበት በመሆኑ ደህንነቱን ለማስጠበቅ ስራዎች እየተሰሩ መሆኑን እና በቅርቡ ወደ ስራ እንደሚገባ ተገልጿል።

#EthiopiaElection
@tikvahethiopiaBot @tikvahethiopia

የጋምቤላ ክልል ፕሬስ ሴክሬታሪያት ጽ/ቤት፦

ፋኖ ዜና ፣ አውሎ ሚዲያ እና ድጂታል ወያኔ የተሰኙ ማህብራዊ ሚዲያዎች በኩል የጋምቤላ ክልል ርዕሰ መስተዳድር አቶ ኡሞድ ኡጁሉ ባልታወቀ ምክንያት ሞተዋል የሚል የሐሰተ መረጃ አስተላልፈዋል።

ይህ የተላለፈው መረጃ ከእውነት የራቀና የፈጠራ ድርሰት መሆኑን እየገለፅን የማህበራዊ ሚዲያዎቹ ሀሰተኛ መረጃ በማሰተላለፍ ህብረተሰቡን ለማደናገር ከሚያደረጉት አልቧልታ ወሬ እንዲታቀቡ የክልሉ መንግስት በጥብቅ እያሳሰበ እነዚህን ሚዲያዎች በሕግ አግባብ ለመጠየቅ የምንገደድ መሆናችንን እናሳውቃለን፡፡

@tikvahethiopiaBot @tikvahethiopia

#UPDATE
የፓለቲካ ፓርቲዎች ምዝገባና የምርጫ ስነምግባር አዋጅ ተያይዞ የተሰራ የግምገማና የክትትል ሥራ አስመልክቶ ሪፓርት ቀርቧል። ሪፓርቱን ያቀረቡት አቶ ናትናኤል መላኩ እንደገለጹት ግምገማው በምርጫ አዋጁ 1162/2011 አንቀጽ 74(1) እና 74(3) መሰረት አድርጎ የፓለቲካ ፓርቲዎች ጠቅላላ ጉባኤያቸውን ወቅቱን ጠብቀው ማካሄዳቸውን ጊዜው ቢያልፍ እንኳን 3 ዓመት አለማለፉን፣ ኦዲት ሪፓርት ማቅረባቸውንና መተዳደሪያ ደንባቸው ከአዲሱ የምርጫ አዋጅ ጋር የማይጣረስ መሆኑን ተመልክቷል ብለዋል፡፡

ግምገማው ወደ 106 ፓለቲካ ፓርቲዎች ላይ ግምገማ የተደረገ ሲሆን 46ቱ ሀገር አቀፍ ሲሆኑ 60 የሚሆኑት ደግሞ ክልላዊ ፓርቲዎች ናቸው፡፡ በዚህም፡-

ጠቅላላ ጉባኤያቸውን ያደረጉት ፓርቲዎች፦

-10ሩ በየአንድ ዓመት
-44ቱ በየሁለት ዓመቱ
-22ቱ በየሦስት ዓመቱ
-10ሩ በየአራት ዓመቱ ያከናወኑ ናቸው፡፡
(የፈረሱና የተዋሃዱ ፓርቲዎችን ከግምት ውስጥ በማስገባት)

ኦዲት ያቀረቡ ፓርቲዎች፡-

-42ቱ በ2002 ኦዲት ያቀረቡ
-36ቱ 2007 ኦዲት ያቀረቡ ናቸው

የሴቶች ተሳትፎን በተመለከተ፦

-10% የሴቶች ተሳትፎ ሲሆን
-90% የወንዶች ተሳትፎ ያየለበት ሆኖ ተስተውሏል

በሪፖርቱ እንደተጠቀሰው ፓርቲዎች የጠቅላላ ጉባዔያቸውን ቃለ ጉባዔዎች ለሀገራዊ ፓርቲዎች እስከ ጥር 30/2012 ድረስ ለክልላዊ ፓርቲዎች ደግሞ እስከ ታህሳስ 30 እንዲያቀርቡ መጠየቃቸውን ተገልጿል፡፡

በዚህም የአረና፣የትዴፓና ሕውሃት ፓርቲዎች ፊርማቸውን አሰባስበው ያስገቡ ሲሆን የመተዳደሪያ ደንባቸውን በመታየት ላይ ይገኛል ተብሏል፡፡

በአዲሱ የምርጫ አዋጅ የተመዘገቡ ሁለት ፓርቲዎች ሲሆኑ እነሱም የብልጽግና ፓርቲና የቦሮ ዲሞክራሲያዊ ፓርቲ መሆናቸው ተገልጿል፡፡

@tikvahethiopiaBot @tikvahethiopia

#UPDATE

ምርጫ ቦርድ የቀጣዩ ምርጫ ደህንነትን ለማረጋገጥ በራሱ የሚመራ እና 27 አባላት የሚኖሩበት የጋራ የምርጫ የማዘዣ ማዕከል (Joint Election Operation Center - JEOC) በፌደራል ደረጃ ለማቋቋም እቅድ እንዳለው አስታውቋል። በእቅዱ ላይ ምክክር ይደረግበታል።

#EthiopiaElection
@tikvahethiopiaBot @tikvahethiopia

የፍቅረኛሞች ቀን ለኢትዮጵያ የገቢ ምንጭነት...

የኢትዮጲያ አበባ አትክልትና ፍራፍሬ አምራች እና ላኪዎች ማህበር እንዳስታወቀው ከአውሮፓውያኑ የካቲት 1 አስከ የካቲት 13 ቀን ባለው ጊዜ ውስጥ 2 ሚሊየን 66 ሺ 868 ኪሎ ግራም አበባ የፍቅረኛሞችን ቀን በማስመልከት ወደ ተለያዩ የአውሮፓ ሀገራት ተልኳል፡፡ ወደ ውጪ የተላከው የአበባ ምርት ከባለፈው ዓመት ጋር ሲነፃፀር የ189 ሺህ 724 ኪሎ ግራም ጭማሪ አሳይቷል፡፡

ምንጭ፦ ኢትዮ ኤፍ ኤም 107.8
@tikvahethiopia @tikvahethiopiaBot

#UPDATE

የኢትዮጵያ ብሔራዊ ምርጫ ቦርድ ከዚህ ቀደም በምርጫ ጣቢያነት ያገለገሉ ቦታዎችን ለመለየት የጂ.ፒ.ኤስ ቴክኖሎጂን እየተጠቀመ ይገኛል። በመስሪያ ቤቱ ባለሙያዎች የተዘጋጀው የምርጫ ጣቢያዎች ካርታ በቅርቡ ለቦርዱ ውሳኔ ይቀርባል ተብሏል።

#EthiopiaElection
@tikvahethiopia @tikvahethiopiaBot

ምርጫ ጣቢያዎችን እና ምርጫ ክልሎችን ለማደራጀት የተከናወኑ ተግባራት ዛሬ ቀርበዋል፡-

ከዚህ ቀደም የምርጫ ክልሎችና የምርጫ ጣቢያዎች የሚገልፅ ካርታ አለመኖሩ የምርጫ ጣቢያዎ በስምና በቁጥር አለመታወቁ የምርጫ ቁሳቁሶችን ለማቀድ፣ ለማሰራጨትና ለመቆጣጠር እንደችግር የተነሳ ሲሆን እንደመፍትሔም እነዚህን የምርጫ ጣቢያዎች በቴክኖሎጂ በታገዘ መልኩ GPS ውሂብን/ coordinates / በማሰባሰብ በአንድ የመረጃ ቋት የማኖር ሥራ እየተሰራ ይገኛል፡፡

ይህንንም ስራ ለመስራት 14 የምርጫ ጽ/ቤቶች ተቋቁመው የመረጃ ማሰባሰብ ሥራው በወረዳና በዞን ደረጃ 2391 የሰው ኃይልና ታብሌቶችን በመጠቀም በማስሞላትና የተሞላውንም መረጃ በተለያዩ መንገዶች የማጣራት ሥራ ተሰርቶ በዳታ ኢንኮደሮች ወደ መረጃ ቋቱ የማስገባት ሥራ ተከናውኗል፡፡

ጥናቱ የምርጫ ጣቢያዎች ትክክለኛ ስምና ቦታ በቴክኖሎጂ በታገዘ መልኩ መለየት፣ በክረምት ወራት መኪና ማስገባቱን አለማስገባቱን ማጣራት፣ አካል ጉዳተኞችን ማሳተፉን መገምገም ወዘተ .. ዝርዝር መረጃዎችን ይዳስሳል፡፡

ይህ ጥናት በሚከናወንበት ጊዜም የጸጥታ ችግር፣ የምርጫ ጣቢያዎች መፍረስና ወደ ፓሊስ ጣቢያነት፣ ጠጅቤትና የግለሰብ መኖሪያቤት ሆነው መገኘታቸው እንደ ክፍተት ተነስቷል፡፡

በቀጣይም መረጃዎችን የማጥራት ሥራ፣ መረጃዎችን GIS ቴክኖሎጂን በመጠቀም ትክክለኛውን ቦታ በGPS ውሂብን/ coordinates / በመለየት ልዩ የመለያ ኮድ እንዲኖረው/Standard naming/ ይደረጋል፡፡ በመጨረሻም የተዘጋጀው የክልል ካርታ ተዘጋጅቶ ሲጠናቀቅ በምርጫ ቦርድ ዌብሳይት ላይ ይቀመጣል ሲሉ ጥናቱን ያቀረቡት አቶ አዕምሮ ገዛኸኝ ገልጸዋል፡፡

[ፎቶ በአዲስ አበባ ከተማ የምርጫ ክልል 16 የወረዳ 08 የምርጫ ጣቢያዎችን ሥርጭት የሚያሳይ ካርታ]

@tikvahethiopia

#NewsAlert

የምርጫ ቀን ነሐሴ 23 እንዲሆን ተወስኗል!

የ2012 ሀገር አቀፍ ምርጫ ተከልሶ በቀረበው የጊዜ ሰሌዳ መሰረት የድምፅ መስጫ ቀን ነሀሴ 23 ቀን 2012 ዓ.ም ሆኗል። የምርጫ ባለድርሻ አካላት ኮንፈረንስ ቀጥሏል።

@tikvahethiopia @tikvahethiopiaBot

#ምርጫ2012 #Election2012

• የምረጡኝ ዘመቻ ጊዜ - ግንቦት 21 እስከ ነሃሴ 18/2012 ዓ/ም

• የምርጫ ዘመቻ የተከለከለበት ጊዜ - ነሃሴ 19 እስከ ነሃሴ 22/2012 ዓ/ም

• የድምፅ መስጫ ቀን - ነሃሴ 23/2012 ዓ/ም

• ውጤት በየምርጫ ጣቢያዎች ይፋ የሚደረግበት ቀን - ነሃሴ 23 እስከ ነሃሴ 24/2012 ዓ/ም

• በምርጫ ክልል ደረጃ ቅድመ ውጤት ይፋ የሚሆንበት ጊዜ - ነሃሴ 24 እስከ ነሃሴ 28 ቀን/2012 ዓ/ም

• የቦርዱ የተረጋገጠ ውጤት ማሳወቂያ ጊዜ - ነሃሴ 24 እስከ ጳጉሜ 03/2012 ዓ/ም

@tikvahethiopia @tikvahethiopiaBot

#Election2020

የተረጋገጠ፦ ይፋዊ የምርጫ የጊዜ ሰሌዳ በአውሮፓውያን የጊዜ አቆጣጠር : Revised key dates for General Elections 2020

#EthiopiaElection
@tikvahethiopia @tikvahethiopiaBot

"ነሐሴ መጀመሪያ ላይ ከማድረግ ትንሽ ገፋ ያደረግነው የክረምት ጫናውን ይቀንሳል ብለን ነው"- የምርጫ ቦርድ ሰብሳቢ ብርቱካን ሚደቅሳ የድምጽ መስጫ ቀኑ በረቂቅ የጊዜ ሰሌዳው ከነበረው ስለመሻሻሉ ከሰጡት ማብራሪያ የተወሰደ

#EthiopiaElection
@tikvahethiopia @tikvahethiopiaBot

ምርጫው ለምን ነሃሴ 23 እንዲደረግ ተወሰነ?

የኢትዮጵያ የሜትሪዮሎጂ ተቋም ለምርጫ ቦርድ በላከው መሰረት ነሐሴ መጨረሻ አከባቢ መደበኛ ዝናብ እንደሚኖር መረጃ ተገኝቷል፡፡ ይህም አሁን ላይ 50% እንደተተነበየው እንደሚሆን የተገመተ ሲሆን 25% ያነሰ ዝናብ 25% ከፍ ያለ ዝናብ ይስተዋላል ተብሎ ተገምቷል፡፡ በዚህና ከተለያዩ ተቋማት በተሰበሰቡ ግብአቶች መሰረት ምርጫውን ነሐሴ 23 እንዲሆን ተወስኗል፡፡

[ወ/ሪት ብርቱካን ዛሬ ሲናገሩ የሰማነው]
@tikvahethiopia @tikvahethiopiaBot

#Election2012

ለ 50,800 የምርጫ ጣቢያዎች የሚሆኑ የመራጮች ምዝገባ ሰነዶች እና ቁሳቁሶች እንደዚሁም ለስልጠና ብቻ የሚውሉ 4,200 ሰነዶች እና ቁሳቁሶች ተጠናቅቀው ወደ ሀገር ውስጥ መግባታቸውን በዛሬው የኢትዮጵያ ብሄራዊ ምርጫ ቦርድ ኮንፍረንስ ተገልጿል።

#EthiopiaElection
@tikvahethiopia @tikvahethiopiaBot

#Election2012

በመጪው ነሐሴ ወር በአገር አቀፍ ደረጃ በሚካሔደው ምርጫ [ምርጫ 2012] ላይ ሊያጋጥሙ የሚችሉ ክርክሮች የሚስተናገዱባቸው የዳኝነት ችሎቶች እንደሚደራጁ የፌዴራል ፍርድ ቤት ገለፀ።

በቅርቡ የወጣው አዋጅ ቁጥር 1162/2012 ወደ ፍርድ ቤት ሊቀርቡ የሚችሉ የምርጫ ሂደት አከራካሪ ጉዳዮችን በዝርዝር ደንግጓል።

በዚህ አዋጅ ላይ የስነ-ምግባር ጥሰት ፣ የመራጮችና የእጩዎች ምዝገባ፣ የድምጽ ቆጠራና ውጤት አገላለጽን ጨምሮ ሌሎች ሊኖሩ የሚችሉ የምርጫ አካሔድ አከራካሪ ጉዳዮች በዝርዝር ተቀምጠዋል።

#ENA
@tikvahethiopia @tikvahethiopiaBot

#Election2012

ወደ ሀገር ውስጥ የገቡ የምርጫ ሰነዶች እና ቁሳቁሶች የተከማቹት ከፍተኛ ጥበቃ ባለው የኢትዮጵያ አየር መንገድ የዕቃ ማከማቻ መጋዘን መሆኑን በዛሬው የምርጫ ቦርድ ኮንፍረንስ ላይ ተመልክቷል። ቦርዱ አየር መንገዱን ለዕይታ ባበቃው ቪዲዮ ላይ አመስግኗል።

#EthiopiaElection
@tikvahethiopia @tikvahethiopiaBot