#Election2012

ምርጫ ቦርድ ለሚቀጥለው #ምርጫ የሚውሉ የፕላስቲክ ሳጥኖችን ግዢ እያከናወነ እንደሚገኝ የቦርዱ የኮሚዩኒኬሽን ጉዳዮች አማካሪ ሶልያና ሽመልስ ገለጹ።ሳጥኖቹ ለ48 ሺህ ምርጫ ጣቢያዎች የሚሆኑ የምርጫ ቁሳቁሶች ታሽገው የሚሰራጩባቸው ናቸው።

(Ethiopia Election)
@tikvahethiopiaBot @tikvahethiopia

#ETRSS1

በሚቀጥሉት ሁለት ወራት ኢትዮጵያ ያመጠቀችው ሳተላይት በተባበሩት መንግስታት ድርጅት እንደሚመዘገብ የኢትዮጵያ ስፔስ ሳይንስና ቴክኖሎጂ ኢንስትቲዩት ገለፀ፡፡ በአሁኑ ወቅት ሳተላይቷ ምህዋሯን ይዛ በመልካም ሁኔታ ላይ እንደምትገኝ ኢንስትቲዩቱ በሰጠው መግለጫ አስታውቋል፡፡ በቀጣዩ ጥቂት ቀናት ውስጥ ደግሞ ሳተላይቷ ወደ ዋናው ስራዋ ትገባለች ተብሎ ይጠበቃል፡፡ በሶስት ዓመት ጊዜው ውስጥ የኮሚኒኬሽን ሳተላይት ለማስወንጨፍ መታቀዱም ተነግሯል፡፡

(MinT-EBC)
@tikvahethiopiaBot @tikvahethiopia

#UPDATE

ትላንትና ዛሬ በተለያዩ ከተሞች በሞጣ ከተማ የተፈፀመውን ድርጊት የሚያወግዙ ሰልፎች ተደርገዋል። ትላንት በሀረር ከተማ እጅግ ከፍተኛ ቁጥር ያለው ሰው አደባባይ በመውጣት ድርጊቱን አውግዟል፤ መንግስት ወንጀለኞችን ለፍርድ እንዲያቀርብ ለእምነት ተቋማትም አስፈላጊውን ጥበቃ እንዲያደርግ አሳስበዋል። በአሳሳ እና አርሲ ነጌሌ ተመሳሳይ ሰልፍ ተደርጓል። ዛሬ ደግሞ በጅጅጋ፣ ወራቤ፣ ዶደላ፣ ጪናቀሰን፣ ዱብቲ፣ባሌ ሮቤ ድርጊቱን የሚያወግዙ ሰልፎች ተካሂደዋል። በተደረጉት ሰልፎች ቁጥሩ ከፍተኛ የሆነ ሰው አደባባይ ወጥቶ ድርጊቱን አውግዟል።

#Jigjiga
https://telegra.ph/DW-12-24

PHOTO: YeyaseineWodaj
@tikvahethiopiaBot @tikvahethiopia

በህወሀት እና ኤርትራን በሚመራው ፓርቲ (ህግደፍ) መሀል እርቀ-ሰላም ለማውረድ ያሰበ ጉዞ ሰኞ ወደ ኤርትራ ሊደረግ ነው!

በህወሃትና ህግደፍ መሀል አለ የተባለውን ጥርጣሬ እና አለመግባባት ለመቅረፍ ያሰበ ጉዞ እና የኢትዮጵያ ኦርቶዶክስ ተዋህዶ ቤተ-ክርስቲያን፣ የኢትዮጵያ እስልምና ጉዳዮች ጠቅላይ ምክር ቤት፣ የኢትዮጵያ ወንጌላዊያን አብያተ ክርስቲያናት ህብረት፣ የኢትዮጵያ ካቶሊካዊት ቤተ-ክርስቲያን ጠቅላይ ፅ/ቤት፣ የኦሮሞ አባ ገዳዎች ህብረት እና የኢትዮጵያ የሀይማኖት ተቋማት ጉባኤ ተወካዮችን ያቀፈ ቡድን ወደ አስመራ ሰኞ እንደሚጓዝ ዛሬ ተገልፁዋል። የሚድያ ተወካዮች፣ አርቲስቶች፣ የሀገር ሽማግሌዎች፣ አክቲቪስቶች እና ታዋቂ ግለሰቦች ቡድኑን ተቀላቅለው እንደሚጓዙ የፕሮግራሙ አዘጋጆች ዛሬ ተናግረዋል።

(Elias Meseret)
@tikvahethiopiaBot @tikvahethiopia

#Election2012

"ኢትዮ-ፎረም" የቴሌቪዥን ዝግጅት ምርጫን የተመለከቱ በርካታ ጥያቄዎች ለምርጫ ቦርድ አባል ለዶ/ር ጌታሁን ካሳ አቅርቧል።" 'ምርጫ ይካሄዳል፤ አይካሄድም' የሚል ክርክር ሲደረግ #ምርጫ ቦርድ ለምን ዝም አለ?"ለሚለው ጥያቄ የሰጡትን መልስ ይመልከቱ።

(Ethiopia Election)
@tikvahethiopiaBot @tikvahethiopia

#Election2012

"ኢትዮጵያ ውስጥ #ምርጫ ለማካሄድ የሚያስችል ሁኔታ አለ ወይ?" በሚል የተጠየቁት ዶ/ር ጌታሁን ካሳ "እኛ እስካሁን ድረስ አለ ብለን ነው የምናምነው" ብለዋል። በ"ኮማንድ ፖስት" ስር ስላሉ ቦታዎች ስለሚቀርበው አቤቱታም ምላሽ ሰጥተዋል።

(Ethiopia Election)
@tikvahethiopia @tikvahethiopiaBot

#Election2012

ኢዴፓ በ2012 እንደሚካሔድ የሚጠበቀው ምርጫ እንዲራዘም ጠየቀ!

ከዓመታት ውዝግብ በኋላ ባለፈው ሳምንት በብሔራዊ ምርጫ ቦርድ እውቅና የተሰጠው የእነ አዳነ ታደሰ ኢዴፓ ብሔራዊ ምክር ቤት አሁን ባለው አገራዊ እውነታ ምርጫው መራዘም እንዳለበት አምናለሁ ብሏል፡፡

የኢትዮጵያዊያን ዴሞክራሲያዊ ፓርቲ በሰጠው መግለጫ ፅንፈኛ ኃይሎች በተጠናከሩበት፣ በማኅበራዊ ትስስር ገፆችና ሌሎችም መደበኛ መገናኛ ብዙኃን ቅራኔ በብዛት በሚሰራጭበት እንዲሁም፤ የፖለቲካ ሽግግር ባልተደረገበት እውነታ ምርጫው ለኢትዮጵያ ጥቅም ሳይሆን ጉዳት አምጪ ነው ሲል ተደምጧል፡፡

በመሆኑም ምርጫው እስከ ሁለት ዓመት ሊራዘምና አካታች የሽግግር መንግሥት በቅርቡ ሊቋቋም ይገባል ሲል ነው አቋሙን የገለፀው፡፡

በኢትዮጵያ ሲካሄድ የነበረው ባለተስፋ የለውጥ ሂደት የመክሸፍ አደጋ እየገጠመው ነው፤ የመንግሥት ከፍተኛ ባለሥልጣናትም ከሕዝብ ጥቅም ይልቅ ወደሥልጣን ሽኩቻ እየገቡ ነው ሲልም ኮንኗል፡፡

(AHADU TV)
@tikvahethiopiaBot @tikvahethiopia

#WNM

የወላይታ ብሄራዊ ንቅናቄ (ዎብን) ዋና ጸሃፊ አንዷለም ታደሠ ትናንት ከእስር እንደተፈታ አዲስ ስታንዳርድ ዘግቧል፡፡ አንዷለም የታሰረው ከ5 ቀናት በፊት በወላይታዋ ሶዶ ከተማ የብልጽግና ፓርቲ ጽሕፈት ቤተ በእሳት እንዲያያዝ አስድርገኻል በሚል ነበር፡፡ ፓርቲው ውንጀላው የሐሰት ነው ብሏል፡፡

(አዲስ ስታንዳርድ)
@tikvahethiopiaBot @tikvahethiopia

FM 89.0 - #DillaUniversity

በዲላ ዩኒቨርሲቲ እና በአልካን ፎር ኮሚዩኒኬሽን ኤንድ ኢንፎርሜሽን ቴክኖሎጂ ኀ/የተ/የግ/ማኅበር የዲላ ዩኒቨርሲቲ ማኅበረሰብ ተኮር የኤፍ.ኤም ሬዲዮ ጣቢያ ዕቃዎች አቀርቦት፣ ተካላ፣ ሙከራና ትግበራን ያካተተ የሰምምነት ውል ተፈራረሙ፡፡

የዲላ ዩኒቨርሲቲ ፕሬዚዳንት ዶ/ር ችሮታው አየለ፣ የአልካን ፎር ኮሚዩኒኬሽን ኤንድ ኢንፎርሜሽን ቴክኖሎጂ ኀ/የተ/የግ/ማኅበር የሽያጭና የገበያ ጥናት ኃላፊ አቶ ኢዩኤል ሃይለማርያም የስምምነት ውሉን የፈረሙ ሲሆን የድርጅቱ ፕሮጀክት ኃላፊ አቶ አሊ ፋቲ በፊርማ ሥነ ሥርዓቱ ላይ ተገኝተዋል፡፡

የማኅበረሰብ ሬዲዮ ጣቢያ አጠቃለይ 13,470465.56 ብር የሚፈጅ ፕሮጀክት ሲሆን በስምምነቱ መሠረት የሬዲዮ ጣቢያ ዕቃዎች አቀርቦት፣ ተካላ፣ ሙከራና ትግበራን ያካተተ አጠቃላይ ሥራው በ120 ቀናት ውስጥ ይጠናቀቃል ተብሏል፡፡

(Dilla University)

@tikvahethiopia @tikvaherhiopiaBot

ዶክተር አሚር ጤና ሚኒስቴርን በዚህ ሳምንት በይፋ ይሰናበታሉ፤ ለሌላም ስራ ወደ አሜሪካ ያቀናሉ!

(በጋዜጠኛ ተስፋዬ ጌትነት)

የስራ መልቀቂያ እንዳስገቡ ከወራት በፊት የተነገረላቸው የጤና ሚኒስትሩ ዶክተር አሚር አማን ዛሬ የመልቀቂያቸው ደብዳቤ ተቀባይነት አግኝቶ ከሚኒስትር መ/ቤቱን ላገለገሉበት የምስጋና ሰርተክፌት እንደተዘጋጀ እንደሆነ ተስምቷል።

ጎዴ ለስራ የሚገኙት ዶ/ አሚር ነገ ወይም ከነገ ወዲያ የመልቀቂያ ደብዳቤያቸን ተቀብለው ጤና ሚኒስቴርን ይሰናበታሉ። ዶክተር አሚር አሜሪካ የሚገኝ ለግዜው ስሙ ያልተገለፀ አለም አቀፍ ተቋም ስራ እንዳገኙም ተረጋግጧል።

@tikvahethiopiaBot @tikvahethiopia

#GRD

በኢትዮጵያ ታላቁ ህዳሴ ግድብ ግንባታ ዙሪያ ሰሞኑን በሱዳን ካርቱም የተካሄደው የሶስትዮሽ ውይይት ውጤታማ እንደነበር የውሃ፣ መስኖና ኢነርጂ ሚኒስትሩ ገለፁ።

ሚኒስትሩ ዶክተር ስለሺ በቀለ የኢትዮጵያ፣ ሱዳንና ግብፅ የውሃ ሚኒስትሮች በካርቱም ያካሄዱት ውይይት ውጤታማ እንደነበር ዛሬ በሰጡት መግለጫ ተናግረዋል።

ጠቅላይ ሚኒስትር ዓብይ አህመድና የግብጹ ፕሬዝዳንት አብዱል ፈታ አልሲሲ በሩሲያ ሶቺ ከተማ ተገናኝተው ግድቡን በተመለከተ አራት ድርድሮችን ለማካሄድ ከስምምነት ላይ መድረሳቸው ይታወሳል።

https://telegra.ph/ETH-12-24

@tikvahethiopiaBot @tikvahethiopia

#CBE

በኢትዮጵያ ንግድ ባንክ የኮርፖሬት ኮሙዩኒኬሽን ተጠባባቂ ዳይሬክተር አቶ የአብስራ ከበደ እንዳስታወቁት፣ የባንኩ ጠቅላላ ተቀማጭ ብር ከ7መቶ 12 ቢልዮን ብር በላይ የደረሰ ሲሆን ከተመሰረተም 77 ዓመታትን አስቆጥሯል። ባንኩ ሲመሰረት የመነሻ ካፒታሉ አንድ ሚሊዮን የማርያ ትሬዛ የነበረ ሲሆን፣ አሁኑ ላይ ከ7መቶ 12 ቢልዮን ብር በላይ ሃብት ማከማቸት ችሏል።

(የኢትዮጵያ ፕሬስ ድርጅት)
@tikvahethiopiaBot @tikvahethiopia

በጎፋ ዞን በኮሌራ አራት ሰዎች ሞቱ!

በጎፋ ዞን በተከሰተው የኮሌራ በሽታ አራት ሰዎች መሞታቸውን የጎፋ ዞን ጤና መምሪያ አስታወቀ። በሽታውን ለመቆጣጠር ልዩ ግብረ ኃይል መቋቋሙን ገልጿል። የመምሪያው ኃላፊ አቶ ዓለማየሁ በቀለ እንደገለጹት ሰዎቹ የሞቱት በዑባ ደብረ- ጸሐይና ዛላ ሁለት ወረዳዎች ነው። ለሰዎቹ በተደረገው የላቦራቶሪ ምርመራ በበሽታው ሕይወታቸው ማለፉን ተረጋግጧል ብለዋል። በበሽታው የተጠቁ 119 ነዋሪዎች በተቋቋሙ ሁለት ጊዜያዊ የክትትልና ድጋፍ  ማዕከላት ሕክምና እየተደረገላቸው መሆኑን አቶ ዓለማየሁ አስረድተዋል።

(ኢዜአ)
@tikvahethiopiabot @tikvahethiopia

ይነበብ!

#TIKVAH_ETH የፌስቡክ፣ የትዊተር፣ የኢንስታግራም ገፅ የለውም። በቤተሰባችን ስም የሚለጠፉ መረጃዎች እና መልዕክቶች በሙሉ እኛን የሚወክሉ አይደሉም!

ውድ ቤተሰቦቻችን ከተለያዩ መገናኛ ብዙሃን፣ ከቤተሰባችን አባላት፣ መረጃዎችን #እያሰባሰብን የምናስቀምጠው፦

ሚዛናዊ፣ ሁሉን በእኩል የሚያይ ስለ ነገ የሀገሪቱ ሁኔታ የሚያስብ፤ የሚጨነቅ፣ በምክንያት የሚያምን፣ ቅሬታውን በማስረጃ የሚያሳምን፣ በማህበራዊ ሚዲያ ያልተጨበጡ ወሬዎች የማይደናገር፣ የተረጋጋ፣ ሀገሪቷን ችግር ላይ ከሚጥል ወገንተኛ አካሄድ የነፃ አመለካከት፣ ነባራዊውን የሀገሪቱን ሁኔታ የሚረዳ፣ ቤተሰብ ለመፍጠር በማሰብ ነው።

በተጨማሪም የቲክቫህ ቤተሰብ አባላት የሆናችሁ ሰራተኞች በስራችሁ ላይ፣ ተማሪዎችም በትምህርታችሁ ላይ አትኩሮታችሁን አድርጋችሁ በቀን በተወሰነ ሰዓት ክፍተት የተፈጠሩ አዳዲስ ጉዳዮችን፣ የቤተሰባችን አባላት ያጋሩትን፣ በሚዲያዎች ሽፋን የተሰጣቸውን ጉዳዮችን እጅግ በአጭሩ ሳትሰለቹ እንድታነቡ ለማድረግ ነው።

እንዲሁም በማህበራዊ ሚዲያ ላይ መረጃ ለማግኘት የምትገሉትን ረጅም ሰዓት፣ እግረ መንገድም የምትመለከቷቸውን የጥላቻ ንግግሮችን ለማስቀረትም ያለመ ነው። በተጨማሪም ከአፀያፊ፣ የሰዎችን ክብር ከሚነኩ አስተያየቶች፣ ለግጭት ከሚያነሳሱ፣ አእምሯቹን ከሚረብሹ መልእክቶች እንድትርቁ ለማድረግ ነው።

ለቲክቫህ ቤተሰቦች መረጃዎች አይደበቁም፤ እንደወረዱም አይቀርቡም፤ እጅግ ኃላፊነት በተሞላበት መልኩ ከመገናኛ ብዙሃን የምንሰማውን፣ የምናነበውን፣ ከቤተሰባችን አባላትም የሚላኩትን መረጃዎች በጥንቃቄ እናጋራለን።

እጅግ አደገኛ ጊዜ ላይ እንደምንገኝ ሁላችሁም የምታውቁት ነው። ማህበራዊ ሚዲያው ሀገር እያተራመሰ ነው፤ ለዚህም በቂ ማስረጃ ማቅረብ እንችላለን። እኛ የቲክቫህ ቤተሰብ አባላት ስለምን እንደዚህ ያለ ነገር ውስጥ፤ ነገ ሊፀፅተን በሚችል ጉዳይ ላይ እንሳተፋለን? በፍፁም አናደርገውም! መረጃዎች ስናጋራ፣ ለፀጥታ እና ደህንነት፣ ለመንግስትም ችግር ሲኖር በገፃችን ጥቆማ ስንሠጥ የምንጠነቀቀውም ያለ ምክንያት አይደለም።

ለምሳሌ፦

ከዚህ ቀደም (ከሁለት ዓመት በፊት) ቲክቫህ ኢትዮጵያ የሚታወቀው ቀጥታ የቤተሰቡን አባላት መልዕክቶችን እንደዋረደ እያጣራ በማጋራት ነው፤ በተለይ ዩኒቨርሲቲዎች እና ወጣቶች ላይ በማተኮር ያላቸውን ጥያቄዎች፣ ዜጎች በመንግስት ላይ ያላቸው ተቃውሞዎች፣ የሰብዓዊ መብት ጥሰቶች፣ በዜጎች ላይ የሚደርሱ በደሎች፣ ፍትሃዊ ያልሆኑ ድርጊቶችን፣ በየተቋማት ውሥጥ በሰራተኞች ላይ የሚፈፀሙ በደሎችን ወዘተ...

በዛን ሠዓት እንኳን በድፍረት፣ ያለምንም ፍራቻ፣ ለማንም ሳንወግን ስናቀርብ፣ የናተንም መልዕክቶች ስናጋራ ነበር። ዛሬም አንደ አንድ የሀገሪቱ ዜጋ የትኛውም አካል መንግስት ላይ ቅሬታ ሲኖረው፣ ተበድያለሁ ካለ፣ የትኛውም ወገን ተቃውሞ ሲኖረው በቀጥታ እናቀርባለን። እኛ ከሚቀያየረው ፓርቲ ወይም መንግስት አልያም ሀገር አስተዳዳሪ ጋር ሳይሆን ከህዝቡ ጋር ነን!

ነገር ግን ጊዜ ወዲህ ነገሮች በሙሉ መልካቸውን ቀይረዋል (ለአብነት ዘንድሮ ዩኒቨርሲቲዎች ውስጥ የተፈጠረውን መመልከት በቂ ነው)፣ እያንዳንዱ ጉዳይ ወደ ብሄር ይቀየራል፣ ወደ ሃይማኖት ይዞራል። ይህ ነው ፈታኙ ሰዓት! አንድ ቦታ በሚሰጥ እና በሚነገር መረጃ ሌላ ቦታ ከፍተኛ እልቂት ሲፈፀም በተደጋጋሚ አይተናል።

በሀሰተኛ መረጃ ሰዎች ሲገደሉ፣ አለመረጋጋት ሲፈጠር፣ ሰዎች ሲፈናቀሉ፣ የእርስ በእርስ ግጭት ሲቀሰቀስ ሰምተናል። ከዚህ ቀደም ባልተለመደ መልኩ ህዝብን ከህዝብ የሚያጋጩ በርካታ ጉዳዮች እየተመዘዙ እንደሆነ እየተመለከትን ነው እያንዳንዱን ነገር እንደ ከዚህ ቀደሙ እንደወረደ ይቅረብ ከተባለ ችግር አባባሽ እንጂ ችግር ፈቺ ቤተሰብ ልንሆን አንችልም።

ይህንን ያልተረዱ፤ አንዳንዶች ሆን ብለው፣ ምናልባትም ከሰላም ይልቅ እልቂት የሚፈልጉ፣ ሀገራችን እንድትፈርስ የሚፈልጉ፣ ሰላም ውለን ሰላም ስናድር የሚያማቸው፤ እንቅልፍ የሚነሳቸው ግለሰቦች እያንዳንዱን ብሄር ከየአቅጣጫው እየጠራን ነገሮች እንድናጋጋል ይፈልጋሉ፤ በፍፁም የሌለብንን፣ ወደፊትም የማይኖርብንን የሀይማኖት፣ የብሄር ወገንተኝነት ሊለጥፉብን ይፈልጋሉ እኛ እንዲህ ባለማድረጋችን፣ ለነሱ አጀንዳ ባለመመቸታችን ስድብ ያከናንቡናል፤ የጥላቻ ንግግሮችን ያዘንብቡናል።

እነሱ የሚሉት ካልሆነ ሌላው ጠላታቸው፣ የነሱ መረጃ ካልሆነ ዘረኝነት እና ወገንተኛ እንደሆነ አድርገው ይነግሩናል፤ የቤተባችንን ስም ለማጥፋት ይደክማሉ። ልፉ ሲላቸው 😊 ነገር ግን የቲክቫህ ባለቤቶች የሆኑ አባላት ( 508,500 በላይ ) ሁሉም ወጥቶ አልቆ አንድ ሰው ቢቀር እንኳን ሀገራችንን ወገናችንን አደጋ ላይ ለሚጥል ጉዳይ በፍፁም አንገዛም። ውድ ቤተሰቦቻችን ያለምንም ግፊት እና ማስታወቂያ ከ1 ተነስተን ግማሽ ሚሊዮን መድረሳችንን አትዘንጉት። ብቻችን ብንቀር እንኳን ሀገራችንን ሊያሳጣን፣ ህዝብን ከህዝብ ሊያፋጅብን ይችላል ከምንላቸው ጉዳዮች በሙሉ እንደራቅን እንቀጥላለን።

እኛ ሀገር በማተራመስ ውስጥ እጃችንን አናስገባም! ግጭት በማጋጋል ውስጥ አንሳተፍም! ብሄር ከብሄር፤ ሃይማኖት ከሃይማኖት በሚያጋጭ አፀያፊ ድርጊት እጃችን አይገባም ይህን በማድርጋችን ቅር የሚሰኝ ካለ የቤተሰባችን አባል መሆን አይገባውም። በኃላፊነት ቲክቫህ የኔ ነው ለሚሉ የቤተሰባችን አባላት መረጃዎችን በከፍተኛ ጥንቃቄ እናቀርባለን። በድጋሚ መልስ ብላችሁ ከሁለት ዓመት የነበረውን የሀገሪቱን የፖለቲካ ትኩሳት እና አሁን ያለውን ተመልከቱና ፍርዱን ስጡ!

ከ2 ዓመት በፊት እንደምናደርገው መረጃ እንደደረሰን፣ ከሚዲያዎች እንዳነበብን፣ እንደወረደ አናጋራም፤ ከናተ የተሻለ የሀገሪቱን ፈተና እና ከፊት ያለውን አደጋ የተረዳ አካል ያለ አይመስለንም። በመሆኑም እጅግ ጥንቃቄ በተሞላበት መልኩ የቤተሰባችን አባላት #ብቻ ሚዛናዊ፣ ሁሉን አቀፍ፣ እውነተኛ፣ ገለልተኛ መረጃዎች እያሰባሰብን እንድታነቡ እንሰራለን።

እኛ የቲክቫህ ኢትዮጵያ ቤተሰቦች በየጊዜው የሃይማኖት ካርድ እየተመዘዘ፣ የብሄር ካርድ እየተመዘዘ እልቂት ውስጥ እንድንገባ፤ ሀገራችን ፈርሳ ሀገር አልባ ሊያደርገን በሚችል የማህበራዊ ሚዲያ አጀንዳ በፍፁም ተጠልፈን አንወድቅም!

508,500+☺️የቲክቫህ ቤተሰቦች፣ 508,500+☺️የቲክቫህ ኢትዮጵያ ባለቤቶች!

Addis Abeba,Ethiopia
[email protected]
0919743630
@tsegabtikvah
@tsegabwolde
@tikvahethiopia

@tikvahethiopiaBot 👈 የቤተሰባችን ሀሳብ መቀበያ!

ፕሬዘዳንት ኢሳያስ አፈወርቂ🛬አዲስ አበባ ገቡ!

የኤርትራው ፕሬዚዳንት ኢሳያስ አፈወርቂ ለይፋዊ የስራ ጉብኝት ዛሬ አዲስ አበባ ገቡ። ከፕሬዚዳንት ኢሳያስ ጋርም የሀገሪቱ የውጭ ጉዳይ ሚኒስትር ኦስማን ሳሌህ እና የፕሬዚዳንቱ አማካሪ የማነ ገብረአብ በጉብኝቱ ተካተዋል።

ፕሬዚዳንት ኢሳያስ አፈወርቂ ቦሌ ዓለም አቀፍ አውሮፕላን ማረፊያ ሲደርሱም የኢፌዴሪ ጠቅላይ ሚኒስትር ዶክተር አብይ አህመድን ጨምሮ ከፍተኛ የመንግስት የስራ ኃላፊዎች አቀባበል አድርገውላቸዋል።

ፕሬዚዳንቱ ለሁለት አስርት ዓመታት ተቋርጦ የነበረው የኢትዮጵያ እና ኤርትራ ግንኙነት ከታደሰ በኋላ በተደጋጋሚ ኢትዮጵያን ጎብኝተዋል። በአሁኑ ጉብኝታቸውም የሁለቱን ሀገራት ግንኙነት ወደላቀ ደረጃ ለማሳደግ ከከፍተኛ የመንግስት የስራ ኃላፊዎች ጋር ይወያያሉ ተብሎ ነው የሚጠበቀው።

(ኤፍ ቢሲ)
@tikvahethiopia @tikvahethiopiaBot

#PMOEthiopia

አዲስ ወግ የውይይት መድረክ በጠቅላይ ሚኒስትር ጽ/ቤት አዘጋጅነት የውይይት ባህልንነና የሐሳብ የበላይነትን ለማዳበር ታልሞ ተቃርኗዊ ዕሳቤዎችን ለማቀራረብ የሐሳብ ብዝኃነትን ለማዳበር እንዲሁም ለነበሩና አዲስ ለተፈጠሩ ችግሮች ፈጠራ የታከለባቸውን መፍትሔዎች ለማበረታታት ታስቦ የሚዘጋጅ መድረክ ነው፡፡ ዛሬም ለሦስተኛ ጊዜ በሂልተን ሆቴል ከተለያዩ ከጋዜጠኞች እንዲሁም ከባለድርሻ አካላት ጋር "የሚዲያው ሚና ሐሳቦችን ለማቀራሀብ" በሚል ርዕስ እየተካሄደ ይገኛል፡፡ ዝግጅቱን አቶ ንጉሱ ጥላሁን የጠቅላይ ሚኒስቴር ጽ/ቤት ፕሬስ ሴክሬተሪ ዝግጅቱን ያስጀመሩ ሲሆን ቀጣይ በዶ/ር ሙላቱ አለማየሁ " ሚዲያ በሽግግር ወቅት" በሚል የጥናት ውጤት ያቀረቡ ሲሆን ቀጣይ የውይይት መድረኩን ጋዜጠኛ መለስካቸው አምሀ (ቪ.ኦ.ኤ ) እንዲሁም ጋዜጠኛ ኤልያስ መሰረት ( AP ) በአወያይነት እንዲሁም ሌሎች ተጋባዥ ተሳታፊዎች ደግሞ የውይይቱ ተሳታፊዎች ናቸው፡፡

#TIKVAH_ETHIOPIA
@tikvahethiopiaBot @tikvahethiopia

ሶሪያ ውስጥ የሚካሄደው ጦርነት በአስቸኳይ እንዲቆም ተመድ ጠየቀ!

ሰሜን ምስራቃዊ ሶሪያ ውስጥ የሚካሄደው ጦርነት በአስቸኳይ እንዲቆም የተመድ ዋና ጸኃፊ አንቶንዮ ጉቴሬዥ አሳሰቡ። በባለፈው ሳምንት የሃገሪቱ መንግሥት በአካባቢው በከፈተው ጥቃት በብዙ አስር ሺዎች የተቆጠረ ህዝብ ከመኖሪያው ተፈናቅሏል።

ዋና ጸኃፊ ጉቴሬዥ የተከፈተው ወታደራዊ ጥቃት ግዙፍነት እና ሲቪሎ ች መኖሪያቸውን እየጣሉ ወደሰሜኑ የሀገሪቱ ክፍል የሚሸሹበትንም መስመርም እየደበደቡ ነው የሚሉት ዘገባዎች ዋና ጸኃፊውን እንዳሳሰቡዋቸው ትናንት ቃል አቀባያችው ያወጡት መግለጫ አመልክቷል።

የሶሪያ መንግሥት የርስ በርስ ጦርነቱ ከተቀሰቀሰበት እኤአ ከ2011 ወዲህ ሽምቅ ተዋጊዎች ከያዝዋቸው ግዛቶች አሁንም በነሱ እጅ ያለች የመጨረሻዋ የሆነችውን ኢድሊብን ለማስለቀቅ እየሞከረ ነው።

(VOA)
@tikvahethiopiaBot @tikvahethiopia

#ETHIOPIA #ERITREA

ጠቅላይ ሚኒስትር አብይ አህመድ የኤርትራውን ፕሬዚዳንት ኢሳያስ አፈወርቂን በጽህፈት ቤታቸው ተቀብለው አነጋገሩ። ሁለቱ መሪዎች ኢትዮጵያና ኤርትራ የሁለትዮሽ ግንኙነታቸውን ማጠናከር በሚችሉበት ጉዳይ ላይ መክረዋል። የኤርትራው ፕሬዚዳንት ኢሳያስ አፈወርቂ ለአጭር ቀን ይፋዊ የስራ ጉብኝት ዛሬ ማለዳ ላይ አዲስ አበባ መግባታቸው ይታወቃል።

#PMOEthiopia

@tikvahethiopia @tikvahethiopia

#OLF

የኦሮሞ ነፃነት ግንባር /ኦ ነ ግ/ በሰሜን ሸዋ ዞን ፍቼ ከተማ ትላንት ቅርንጫፍ ከፈተ። ድርጅቱ በመጪው ምርጫ በሰላማዊና ዴሞከራሲያዊ መንገድ ለመሳተፍ መዘጋጀቱን የግንባሩ ሥራ አስፈፃሚ ኮሚቴ አባላት ገልጸዋል። ግንባሩ በከተማውና በዞኑ የሚንቀሳቀስበትን ጽህፈት ቤት የከፈተው አባላቱ፣ ደጋፊዎቹና የከተማዋ ነዋሪዎች በተገኙበት ሥነ ሥርዓት ነው።

@tikvahethiopiaBot @tikvahethiopia

ለፋሲል ቤተ መንግስት ጥገና የ400 ሚሊዮን ብር ጥናት ተጠናቀቀ!

የአጼ ፋሲል ቤተ መንግስት ህንጻዎችን ለመጠገን የ400 ሚሊዮን ብር የፕሮጀክት ጥናት ተጠናቋል፡፡ የፕሮጀክት ጥናቱ በቀጣዮቹ አምስት አመታት የጥገና ስራውን ደረጃ በደረጃ ለማካሄድ የሚያስችል ነው፡፡

በጥናቱ የአማራ ክልልና የፌደራል የቅርስ ጥናትና ጥበቃ ባለስልጣን ከፍተኛ ባለሙያዎች ተሳትፈዋል፡፡ ለበጀቱ የፌደራል መንግስትና አለም አቀፍ ለጋሽ ድርጅቶችም ድጋፍ እንደሚያደርጉ ይጠበቃል።

ከክልሉ መንግስት በተመደበ በጀትና ከጎብኝዎች ገቢ በተሰበሰበ 36 ሚሊዮን ብር የቤተ-መንግስቱ ዙሪያ አጥር ጥገና ተጀምሯል፡፡ በ16ኛው ክፍለ ዘመን የታነጸው የአጼ ፋሲል ቤተ መንግስት ህንፃ እንደ አውሮፓውያን አቆጣጠር በ1979 በዩኔስኮ በአለም የሰው ሰራሽ ቅርስነት የተመዘገበ መሆኑ ይታወቃል፡፡

(የባህልና ቱሪዝም ሚኒስቴር)
@tikvahethiopia @tikvahethiopiaBot

መገናኛ ብዙሃን በግለሰቦችና በቡድኖች ነጻነታቸውን እያጡ መጥተዋል ተባለ!

መገናኛ ብዙሃን ከዚህ ቀደም በመንግስት ይደርስባቸው ከነበረው ነጻነት የማጣት ችግር ባለፈ በአሁኑ ወቅት በግለሰቦችና በቡድኖች አማካኝነት ነጻነታቸውን እያጡ መሆኑ ተገለጸ።

በኢትዮጵያ የህዝብና የግል መገናኛ ብዙሃን በግለሰቦችና በቡድኖች በሚደርስባቸው ጫና የሙያ ነጻነታቸውን እያጡ መሆኑ ተገልጿል። በጠቅላይ ሚኒስትር ጽህፈት ቤት በየወሩ የሚካሄደው የአዲስ ወግ የውይይት መድረክ ‘የሚዲያ ሚና አሳቦችን ለማቀራረብ’ በሚል ርዕስ እየተካሄደ ይገኛል።

በውይይቱ ላይ የግል መገናኛ ብዙሃን ባለሙያዎች፣ የመንግስት መገናኛ ብዙሃን ባለሙያች፣ ታወቂ ግለሰቦች፣ ፖለቲከኞች እና ሌሎች እየተሳተፉ ይገኛሉ። ከአዲስ አበባ ዩኒቨርሲቲ የመጡት ዶክተር ሙላቱ አለማየሁ ‘ሚዲያ በሽግግር ወቅት’ በሚል ርዕስ የመወያያ መነሻ ጽሁፍ አቅርበዋል።

በዚህም ጊዜ የኢትዮጵያ የመገናኛ ብዙሃን ሚና እንደ ነባራዊ ሁኔታ የሚለያይ መሆኑን አንስተዋል። በተለይ የጸር ሽብር አዋጅ መጽደቅ በአገሪቱ የሚዲያ ታሪክ አሉታዊ አስተዋዕጾ እንደነበረው አስታውሰዋል።

በአሁን ጊዜ የመገናኛ ብዙሃን ነጻነት ከባለፉት ዓመታት የተሻለ ቢሆንም ከመንግስት ባለፈ ከግልሰቦችና ከቡድኖች በሚደርስ ጫና የሙያ ነጻነት እየቀጨጨ መምጣቱን ዶክተር ሙላቱ ተናግረዋል።

(ኢዜአ)
@tikvahethiopia @tikvahethiopiaBot