"ይህንን ምርጫ ማሳካት ለኛ ለኢትዮጵያውያን እንደ አማራጭ ሊቀርብ የሚችል ጉዳይ ሳይሆን በግዴታ ልናሳካው የሚገባ ጉዳይ ነው፡፡" ወይዘሪት ብርቱኳን ሚዴቅሳ የኢትዮጵያ ብሔራዊ የምርጫ ቦርድ ጽ/ቤት ሰብሳቢ

#TIKVAH_ETHIOPIA

@tsegabwolde @tikvahethiopia

#NEW

የ20 ዩኒቨርሲቲዎች የአዲስ ተማሪዎችን የመግቢያ ቀን የሀገሪቱ ቴሌቪዥን ጣቢያ etv ይፋ አድርጓል። መረጃውን እና ሌሎች የከፍተኛ ትምህርት ተቋማት ጉዳዮችን በ @tikvahethmagazine ማግኘት ትችላላችሁ!

Join TIKVAH-MAGAZINE👇
https://t.iss.one/joinchat/AAAAAEcez-UrldBjOpa-qQ

#BAHIRDAR

"የባህር ዳር ነዋሪ ነኝ ፍርድ ቤት አካባቢ ዛሬ የእነብርጋዲዬር ጄኔራል ተፈራ ማሞ ቀጠሮ ነበር። ትንሽ ቆይቶ የተቃውሞ ድምፅ ሰማን፤ እስረኞች ይፈቱ የሚል። እናም ልንወጣ ስንል አስለቃሽ ጭስ ተተኮሰ እናም መውጣት አልቻልንም። እስከ ቤታችን ድረስ አይናችን እየተቃጠለ፤ አፋችንም ታፍኖ ነበር የደረስነው።" DAGI/TIKVAH-ETH/

POHTO: ELU
@tsegabwolde @tikvahethiopua

#BAHIRDAR

ዛሬም ችሎቱ #በዝግ የታየ ሲሆን፣ የፍርድ ቤቱን ድርጊት የተቃወሙ የባህርዳር ነዋሪዎች ሰልፍ አድርገዋል። ፖሊስ ተቃውሞ በሚያሰማው ህዝብ ላይ አስለቃሽ ጭስ ተኩሷል።

Via #ELU
@tsegabwolde @tikvahethiopia

#AddisAbeba

‹ሀገራዊ ምርጫና የምርጫ ባለድርሻ አካላት ሚና› በሚል ርዕስ ዙሪያ ዓለማቀፍ ውይይት አዲስ አበባ እየተካሄደ ነው፤ ዓለም አቀፍ የዉይይት መድረኩን በንግግር የከፈቱት የኢፌዲሪ ፕሬዚዳንት ክብርት ሳኅለወርቅ ዘዉዴ ‹‹በምርጫ የፖለቲካ ፖርቲዎች ቢወዳደሩም፣ ዋነኛ የምርጫ ተዋናዮች ሕዝቡ ነዉ። በተያዘዉ ዓመት የሚካሄደዉ ምርጫ የሀገራችንን መፃኢ ዕድል የሚወስን መሆኑን አውቀን፣ በንቃት ልንሳተፍ ይገባል›› ብለዋል።

ስኬታማ ምርጫን ለማከናወን ደግሞ መልካም ተሞክሮ ካላቸዉ ሀገራት ልምድ መቅሰምና ችግሮች ቢኖሩም እንኳ በውይይት መፍታት እንደሚገባ ተናረዋል። ዴሞክራሲያዊ ምርጫ ለማከናወን በቅድሚያ ብሔራዊ ምርጫ ቦርድ ገለልተኛና ከገዥዉ ፖርቲ ውግንና ነፃ መሆን ስለሚገባዉ፣ ይህንን ለማድረግ መንግሥት ልዩ ልዩ ጥረቶችን ማድረጉንም ፕሬዝዳንት ሳኅለወርቅ አስታውቀዋል

Via AMMA
@tsegabwolde @tikvahethiopia

#Mekelle

የትግራይ ክልል ምክትል ርእሰ መስተዳድር ዶክተር ደብረጺዮን ገብረሚካኤል በትላንትናው ዕለት በኢትዮጵያ የአሜሪካ አምባሳደር ማይክል ራይነር ጋር ተወያይተዋል። በኢትዮጵያ የአሜሪካ አምባሳደር ማይክል ራይነር በትግራይ ክልል መቐለ ከተማ በትናትናው እለት ጉብኝት አድርገዋል።

የትግራይ ክልል ምክትል ርእሰ መስተዳድር ዶክተር ደብረጺዮን ገብረሚካኤልም በትናነትናው እለት አምባሳደር ማይክል ራይነርን በቢሯቸው ተቀብለው አነጋግረዋል። በውይይታቸውም በንግድ እና ኢንቨስትመንት የትብብር መስኮች ላይ የተወያዩ ሲሆን፥ በፖለቲካዊ እና ማህበራዊ ኢኮኖሚ ዙሪያም ምክክር ማድረጋቸው ነው የተነገረው።

Via fbc
@tsegabwolde @tikvahethiopia

#AddisAbeba

አዲስ አበባ ከተማ ውስጥ በማኅበራት ተደራጅተው ከቀረጥ ነፃ የገቡ በሥራ ላይ የሚገኙ ባለ ሜትር ክፍያ ታክሲዎች የክፍያ ተመን ወጥነት ያለው ለማድረግ የሚያስችል ጥናት እየተጠናቀቀ መሆኑን የአዲስ አበባ ከተማ አስተዳደር ትራንስፖርት ባለሥልጣን አስታወቀ። የቢሮው ምክትል ሥራ አስኪያጅ አቶ በድሉ ሌሊሳ ለኢትዮጵያ ቴሌቪዥን እንደገለጹት ቀደም ሲል የተቀመጠው ክፍያ ተመን ወጥነት ባለው መልኩ እየተተገበረ ባለመሆኑ ችግሩን በዘላቂነት ለመፍታት ጥናት መደረጉን ተናግረዋል።

አያይዘውም ተመኑ ዝቅተኛ ነው በሚል የተወሰኑ ማኅበራት በድርድር ወደ መስራት መግባታቸውን እና ይህንን ለማስተካከል የሚያስችሉ ሥራዎች እየተከናወኑ መሆኑን አመልክተዋል። ምክትል ሥራ አስኪያጁ ጥናቱ ሲጠናቀቅ ባለድርሻ አካላት አስተያየት እንዲሰጡበት እንደሚደረግ እና ጉዳዩን አስመልክቶ በቀጣይ ጊዜያት ውስጥ ጋዜጣዊ መግለጫ ይሰጣል ብለዋል።

Via EBC
@tsegabwolde @tikvagethiopia

በቤንች ሸኮ ዞን በሚዛን ከተማ የጭነት ኤፍ ኤስ አር መኪና የሞት አደጋ አደረሰ!

በቤንች ሸኮ ዞን በሚዛን ከተማ የጭነት ኤፍ ኤስ አር መኪና ከጥንቃቄ ጉድለት ቅዳሜ ዕለት በአንድ ሰው ላይ የሞት አደጋ ማድረሱን የደቡብ ፖሊስ ኮሚሽን የትራፊክ አደጋ መከላከልና ማስቆም ዳይሬክቶሬት የመረጃ ትንተና ባለሙያ መክትል ሳጅን ተመሰገን አረጋ ገልጸዋል፡፡

አደጋው የደረሰው ሁለት የጭነት ኤፍ ኤስ አር መኪናዎች በተከታታይ ቆመው ከነበሩበት የአንደኛው መኪና ረዳት መኪናውን ሲያንቀሳቅስ በፈጠረው ስህተት የሌላኛውን ኤፍ ኤስ አር መኪና መስተዋት በመወልወል ላይ በነበረው ረዳት ላይ አሰቃቂ አደጋ በማድረሱ የረዳቱ ህይወቱ ሊያልፍ እንደቻለ መክትል ሳጅን ተመሰገን አረጋ አስረድተዋ፡፡

ከላይ የተጠቀሰውን የሞት አደጋ ጨምሮ በደቡብ ክልል ከባለፈው መሰከረም 22/2012 ዓ/ም ጀምሮ በአራቱ ቀናት ብቻ 13 ያህል የትራፊክ አደጋ መድረሳቸውን መረጃዎች ያመለክታሉ፡፡

ከ13 አደጋዎች 5ቱ የሞት 6ቱ ከባድ የአካል ጉዳትና ሁለት ቀላል የአካል ጉዳት ያስከተሉ መሆኑ ታውቋል፡፡ የአብዛኘው የአደጋ መንስኤዎች ለእግረኛ ቅድሚያ ያለመስጠት፣ የአሽካርካሪዎች ጥንቃቄ ጉድለትና ፍጥነት ናቸው፡፡ አሽከርካሪዎች ጥንቃቄ በማድረግ ፍጥነታቸውን ገድበው ለእግረኞች ቅድሚያ መስጠት ይጠበቅባቸዋል ሲሉ ምክትል ሳጅን ተመሰገን አረጋ መልዕክታቸውን አስተላልፈዋል፡፡

Via #SRTA
@tsegabwolde @tikvahethiopia

#DIREDAWA

የድሬዳዋ ዩኒቨርሲቲ ተማሪዎቹን ከችጉንጉኒያ ወረርሽ ስጋት ለመታደግ እየሰራ መሆኑን አስታወቀ፡፡ በከተማው ለወራት በዘለቀውና ከ35 ሺህ በላይ ነዋሪዎችን ያጠቃው ወረርሽኙ ከእረፍት እየተመለሱ ባሉ የዩኒቨርሲቲው ተማሪዎች ላይም ስጋት መፍጠሩ ተገልጿል፡፡

የቺኩንጉኒያን ወረርሽኝን ለመከላከል በተማሪዎች አገልግሎት መስጫ ስፍራዎች መድሃኒት መረጨቱን የድሬ ዳዋ ዩኒቨርሲቲ ፕሬዝዳንት ዶ/ር ያሬድ ማሞ ለአሐዱ ቴሌቪዥን ተናግረዋል፡፡

በድሬ ዳዋ ከአንድ ቤት ከ2-4 ሰዎች በወረርሽኙ እንደተያዘ የተገለጸ ሲሆን መንግስት ጉዳዩን በአጽኖት እንዲመለከተው የህክምና ባለሞያዎች እየጠየቁ ነው፡፡

ከድሬ ዳዋ የጤና ቢሮ ጋር በመተባበር የድሬ የበጎ ፍቃድ የህክምና ባለሞያዎች ማህበር ወረርሽኙን ለመግታት የህክምና ዘመቻ ማድረጋቸው ይታወሳል፡፡

Via Ahadu TV
@tsegabwolde @tikvahethiopia

በህገ-ወጥ ደላሎች ላይ እርምጃ እንደሚወስድ የንግድና ኢንዱስትሪ ሚኒስቴር አስታወቀ!

በህገ-ወጥ ደላሎች ላይ እርምጃ እንደሚወስድ የንግድና ኢንዱስትሪ ሚኒስቴር ሚኒስትሯ ወ/ሮ ፈትለወርቅ ገ/እግዚአብሄር አስታውቀዋል፡፡ በኢትዮጵያ በሚገኙ ትልልቅ ከተሞች በአገልግሎትና በመሠረታዊ የፍጆታ ሸቀጦች ላይ የተከሰተው ከፍተኛ የዋጋ ንረት በአቅርቦት ችግር ሳይሆን የህገወጥ ደላሎች ጣላቃ ግብነት መሆኑን የተናገሩት ሚኒስትሯ የዋጋ ንረቱ በተለይም በደሃው ማህበረሰብ የእለት ተዕለት እንቅስቃሴ ላይ አሉታዊ ጫና እያሰደረ ነው ብለዋል፡፡

ጥቂቶች አላስፈላጊ ንዋይ በመሰብሰብ ኢ-ፍትሃዊ የሆነ የሃብት ክፍፍል እንዲፈጠር አድርጓልም ብለዋል፡፡ በአዲስ አበባ ከተማ ውስጥ በህገ- ወጥ ደላሎች አማካኝነት አየር በአየር በመኪና ላይ ህገወጥ ግብይት ሲያካሂዱ የተገኙ 59 መኪኖች አትክልትና ፍራፍሬ እንዲሁም 52 መኪኖች ጤፍና ሌሎች እህሎች በቁጥጥር ስር መዋላቸውንም ወ/ሮ ፈትለወርቅ ጠቁማዋል፡፡

የቁጥጥርና እርምጃ የመውሰድ ስራ በሁሉም የሀገሪቷ ክልሎች ተጠናክሮ እንደሚቀጥል ነው የተናገሩት፡፡ ደላሎችን ከግብይት ሰንሰለት ውጪ በማድረግና የግብይት ሰንሰለቱን በማሳጠር አምራቾችና ተጠቃሚዎች በቀጥታ የሚገናኙበትን አግባብ ለመፍጠር ሚኒስቴር መ/ቤቱ የረጅም ጊዜ እቅድ አቅዶ እየሰራ መሆኑንም ሚኒስትሯ ገልጸዋል፡፡

ምንጭ፡- የንግድና ኢንዱስትሪ ሚኒስቴር
@tsegabwolde @tikvahethiopia

ግብፅ በህዳሴ ግድብ የውሃ አሞላል ላይ ያነሳችው አቋም የኢትዮጵያን ቀይ መስመር የሚያልፍ ነው!

ግብፅ በታላቁ የኢትዮጵያ ህዳሴ ግድብ የውሃ አሞላል ዙሪያ ያነሳችው አቋም የኢትዮጵያን ቀይ መስመር የሚያልፍ በመሆኑ ከመግባባት ላይ መድረስ እየተቻለ አይደለም አለ የውሃ መስኖና ኢነርጂ ሚንስቴር።

የኢትዮጵያ ህዳሴ ግድብ ህዝባዊ ተሳትፎ ማስተባበርያ ምክር ቤት ፅህፈት ቤት በግድቡ ሁለንተናዊ ጉዳይ ላይ ከተለያዩ አካላት ጋር በዛሬው እለት የምክክር መድረክ አካሂዷል። በመድረኩ የግድቡ ግንባታ ያለበትን ደራጃ እና የታችኛው ተፋሰስ አገራት የሶስትዮሽ ውይይት ወቅታዊ ሁኔታን በተመለከተ ሀሳቦች ተነስተው ውይይት ተደርጎበታል።

ተጨማሪ ያንብቡ👇
https://telegra.ph/ETH-10-08

Via #FBC
@tsegabwolde @tikvahethiopia

#UPDATE በጣሊያን የባህር ጠረፍ ሜዲትራኒያን ባህር ውስጥ ሰጥመው ከነበሩ መካከል የ13 ሴቶችን አካል የጣሊያን የባህር ጠባቂዎች ማውጣታቸውን ሲ ጂ ቲ ኤን አፍሪካ በድረ ገጹ አስነብቧል። ለስደተኞቹ ሞት በከፍተኛ አየር ጠባይ ለውጥ የተሳፈሩባት ጀልባ በደቡባዊ የሲሲሊ ደሴት ላምፔዱሳ ጠረፍ  አካባቢ መስመጧን ተከትሎ እንደሆነ የአካባቢው ባለስልጣናት አስታውቀዋል። ከተረፉት አንዷ ለሲ ጂ ቴኤን እንደተናገረችው በአደጋው  እህቷንና  ሌላ የስምንት ወር የእህቷን ልጅ እንዳጣች በሃዘን በተሰበር ልብ ተናግራለች፡፡

Via CGTN/ENA
@tsegabwolde @tikvahethiopia

የጤና ሚኒስቴር የተቋቋመበትን ዓላማና ግብ ለኅብረተሰቡ በቀላሉ ለማድረስ የሚያስችለውን አዲስ መለያ ዓርማና መሪ መልዕክት ዛሬ ለመገናኛ ብዙኃን ባለሙያዎች ይፋ አድርጓል።
@tsegsbwolde @tikvahethiopia

#JimmaUniversity

የጅማ ዩኒቨርሲቲ ኮሚዩኒቲ ትምህርት ቤት በ2011 ዓም የትምህርት ዘመን በትምህርታቸው ከፍተኛ ውጤት ላመጡ የ10ኛ ክፍል ተማሪዎች የማበረታቻ ሽልማት ስነ-ስርዓት አካሔደ፡፡ በዚህ ስነስርዓትም ላይ አራት ነጥብ ያመጡ 53 ተማሪዎች የእውቅና ምስክር ወረቀት የተሰጣቸው ሲሆን ከነዚሁ መካከል ስምንቱ አስሩንም የትምህርት አይነት “A” ያስመዘገቡ ናቸው፡፡

በዕውቅና ዝግጅቱ ላይ የተገኙት #የጅማ_ዩኒቨርሲቲ ፕሬዘደንት ዶ/ር ጀማል አባፊጣ ባስተላለፉት መልዕክት እንደገለጹት ተማሪዎች ጠንክረው በመስራት ለወደፊቱም የበለጠ ውጤት ማስመዝገብ እንደሚችሉና ለሌሎች ተማሪዎች አርዓያ በመሆን ጓደኞቻቸውንም ለጥሩ ውጤት እንዲያበቁ፣ የምክርና የሞራል ድጋፍ እንዲያበረክቱ አሳስበዋል፡፡ አያይዘውም ተማሪዎቹን ለአመርቂ ውጤት ላበቁ መምህራን ምስጋናቸውን በማቅረብ ወደፊት ትምህርት ቤቱን በማጠናከር የተሻለ ውጤት ለማስመዝገብ እንደሚሰራም ጠቁመዋል፡፡

በዝጅቱ ላይ የተገኙት የዩኒቨርሲቲው አካዳሚክ ጉዳዩጭ ም/ፕሬዘደንት ዶ/ር አዱላ በቀለ በበኩላቸው የመምህራንን አቅምና ጥረት መደገፍ የትምህርት ጥራትን ከማስጠበቅ ባለፍ ውጤታማ ተማሪዎችን ለማፍራ እንደሚያስችል ጠቁመዋል፡፡ በመጨረሻም በትምህርታቸው ውጤታማ ለሆኑ ተማሪዎችና በተማሪዎቹ ለተመረጡ 3 መምህራን የዕውቅና ሽልማት ተሰጥቷል፡፡

Via Jimma University
@tsegabwolde @tikvahethiopia

የጠ/ሚ ፅ/ቤት እስራኤል የሚገኙ ኤርትራውያን ጥገኝነት ጠያቂዎች ጉዳይ...

የኢትዮጵያ ጠቅላይ ምኒስትር ዐብይ አህመድ እስራኤል የሚገኙ ኤርትራውያን ጥገኝነት ጠያቂዎች ወደሃገራቸው መመለስን ጉዳይ አስመልክቶ ከቤንጃሚን ኔታንያሁ ጋር ያደረጉት ውይይት የለም ሲሉ የጠ/ሚ ፅህፈት ቤት ምንጮች ገልፁልኝ ሲል የአሜሪካ ድምፅ ዘግቧል።

የእስራኤሉን ጠቅላይ ሚኒስትር በዋቢነት የጠቀሰው 'The Times Of Israel' /ዘ ታይምስ ኦፍ ኢስራኤል/ “የኢትዮጵያው መሪ ኤርትራውያን ስደተኞችን ወደሃገራቸው በመመለሱ ሂደት ዕገዛ ለማድረግ ተስማምተዋል” ሲል ነው ሰሞኑን የዘገበው።

የጠቅላይ ሚኒስትር ዐብይ አህመድ ፅህፈት ቤት ምንጮች እንዳሉት ግን የስደተኞችን ወደሃገራቸው የመመለስ ጉዳይ እንዲያውም በሁለቱ መሪዎች ውይይት አልተነሳም ።

Via VOA የአማርኛው አገልግሎት
@tsegabwolde @tikvahethiopia

#DIREDAWA

በድሬዳዋ ቀፊራና አካባቢው የሚገኙ ነዋሪዎች መንግስት የህግ የበላይነትን በማስከበር ሰላምን እንዲያረጋግጥ ባካሄዱት ሰልፍ ጠይቀዋል። በድሬዳዋ ቀፊራ፣ አምስተኛ፣ ገንደጋራ፣ ቀብረ ጆሌና ሌሎች አካባቢዎች የተወጣጡ ሴቶችና ወጣቶች ዛሬ ባደረጉት የአደባባይ ሰልፍ ላይ እንዳሉት በሚኖሩበት አካባቢ የተደራጁ አካላት ሰርተው በሰላም እንዳይኖሩ እያደረጓቸው እንደሆነ ገልፀዋል። ሰልፈኞቹ ባስተላለፉት መልዕክት “ሰብአዊና ዴሞክራሲያዊ መብቶቻችን ተጥሰዋል፣ በሰላም እጦት ልጆቻችንን ወደ ትምህርት ቤት መላክ አልቻልንም” ብለዋል።

ተጨማሪ ያንብቡ👇
https://telegra.ph/ETH-10-08-2

Via #ENA
@tsegabwolde @tikvahethiopia

የጥቅምት ወር የነዳጅ ምርቶች የችርቻሮ መሸጫ ዋጋ ባለበት እንዲቀጥል ተወስኗል!

የነዳጅ ምርቶች የችርቻሮ መሸጫ ዋጋ የሃገሪቱ ማህበራዊና ኢኮኖሚያዊ እንቅስቃሴ በተረጋጋ ሁኔታ እንዲቀጥል ለማስቻል በማለም ከአውሮፕላን ነዳጅ በስተቀር የሌሎች ነዳጅ ምርቶች ዋጋ አሁን በስራ ላይ ያለው የመሸጫ ዋጋ በዚህም ወር ባለበት እንዲቀጥል ተወስኗል።

የሚኒስትሮች ምክር ቤት መስከረም 23 / 2001 ዓ.ም ባካሄደው መደበኛ ስብሰባ የነዳጅ ምርቶች ዋጋ በየወሩ እንዲከለስ በሰጠው መመሪያ መሰረት ከመስከረም 28/ 2012 እስከ ጥቅምት 30/2012 ድረስ ተግባራዊ የሚሆነው ንተመን ይፋ አድርጓል፡፡

የአውሮፕላን ነዳጅ በመስከረም ወር ሲሸጥበት ከነበረው በሊትር ብር 25.56 በአለም ወቅታዊ ዋጋ መሰረት ተሰልቶ በተገኘው ልዩነት 1ብር ከ07 ሳንቲም በመጨመር በሊትር ብር 26.63 እንዲሸጥ ተወስኗል።

ምንጭ፦ የንግድና ኢንዱስትሪ ሚኒስቴር
@tsegabwolde @tikvahethiopia