#update አዲሱን ዓመት ምክንያት በማድረግ በአማራ ክልል ለ4 ሺህ 329 ታራሚዎች #ይቅርታ ተደርጓል።

Via #AMMA
@tsegabwolde @tikvahethiopia

#update ደቡብ ክልል አዲስ ዓመትን ምክንያት በማድረግ ለ2 ሺህ 366 ታራሚዎች ይቅርታ አድርጓል። የደቡብ ክልል ምክትል ርዕሰ መስተዳደር አቶ ርስቱ ይረዳው ዛሬ ከሰዓት በሰጡት መግለጫ፥ ክልሉ አዲስ ዓመትን ምክንያት በማድረግ ለ2 ሺህ 366 ታራሚዎች ይቅርታ ማድረጉን አስታውቀዋል።

Via #FBC
@tsegabwolde @tikvahethiopia

#Breaking ጋዜጠኛ በሪሁን ከእስር ተፈቷል!

ላለፉት ሦስት ወራት በእስር ላይ የቆየው የአሥራት ሚዲያ መስራች አባል ጋዜጠኛ በሪሁን አዳነ ዛሬ ከእስር ተፈቷል።

Via #AsratTV
@tsegabwolde @tikvahethiopia

የሲዳማ ዞን የክልልነት ጥያቄን አስመልክቶ/ሪፈረንደም/የኢትዮጵያ ብሔራዊ ምርጫ ቦርድ ያዘጋጀው የድርጊት መርሃግብር!
@tsegabwolde @tikvahethiopia

1 ሺህ 87 ታራሚዎች በይቅርታ ይለቀቃሉ!

አዲሱን አመት ምክንያት በማድረግ 1 ሺህ 87 የፌደራል ታራሚዎች በይቅርታ ይለቀቃሉ። የፌደራል ጠቅላይ አቃቤ ህግ አቶ ብርሃኑ ፀጋዬ እንደገለፁት፥ በአዲሱ አመት 2012 ከሁሉም የፌደራል ማረሚያ ቤቶች በድምሩ 1 ሺህ 87 ታራሚዎች በነገው እለት በይቅርታ ይወጣሉ። ከዚህ ውስጥ 367 ከቃሊቲ፣ 28 ከዝዋይ እና 439ኙ ደግሞ ከሸዋሮቢት ማረሚያ ቤቶች መሆናቸውን ተናግረዋል። አዲሱን አመት ምክንያት በማድረግ በይቅርታ የሚለቀቁ ታራሚዎች በህግ ይቅርታ የማይጠየቅባቸው ወንጀሎችን ፈፅመዋል ተብለው በማረሚያ ቤት የቆዩ ናቸው።

Via #FBC
@tsegabwolde @tikvahethiopia

በድንገተኛ ፍተሻ 7.6 ሚሊዮን በላይ ብር፤ 53 ሺሕ ዶላር እና የተለያዩ ሃገራት ገንዘቦች በንፋስ ስልክ ላፍቶ ክፍለ ከተማ መያዙን ፖሊስ አስታውቋል። የአዲስ አበባ ፖሊስ እንዳለው በሕገ-ወጥ የውጭ ምንዛሪ ግብይት የተጠረጠሩ 10 ሰዎች ተይዘዋል።

@tsegabwolde @tikvahethiopia

አሳዛኝ ዜና!

በምዕራብ ሸዋ ዞን የጊቤ ወንዝን #በመሻገር ላይ የነበሩ አምስት ሰዎች በውሃው ተወስደው ህይወታቸው ማለፉን የዞኑ ኮሙዩኔኬሽን ጉዳዮች ጽህፈት ቤት አስታወቀ። አደጋው የደረሰው ሰሞኑን  እየጣለ ያለው ከባድ ዝናብ ተከትሎ ወንዙ ሞልቶ በመፍሰሱ ነው፡፡ የጽህፈት ቤቱ ኃላፊ አቶ #ጉታ_ባልቻ እንደገለጹት ህይወታቸው ያለፈው ባለፈው ቅዳሜ ዳኖ ወረዳ ውስጥ ሰዮ ከተማ ገበያ ውለው ወደ ቤታቸው በመመለስ ላይ ከነበሩ 12 ሰዎች መካከል ነው። በወንዙ ላይ የጓዙበት የነበረው ባህላዊ ጀልባ በመገልበጡ አምስት ሰዎች በውሃው ተወስደው  ህይወታቸው ሊልፍ ችሏል፡፡ “ከሟቾቹ መካከል የሶስት ሰዎች አስክሬን ተገኝቷል፤ የቀሪዎቹ እስከዛሬም አልተገኘም” ብለዋል፡፡ አስክሬናቸው የተገኘው ቤተሰቦቻቸው እንዲረከቡ መደረጉን አመልክተዋል። የጊቤ ወንዝ ወደ ጅማና ደቡብ ምዕራብ ሸዋ ዞን የሚያልፍና ወንዙ ድልድይ ስለሌለው የአካባቢውን ህብረተሰብ እየጎዳ መሆኑን አቶ ጉታ ጠቁመዋል፡፡

Via ኢዜአ
@tsegabwolde @tikvahethiopia

#ADDISABEBA

ደህንነታቸው፣ ፈዋሽነታቸው፣ ጥራታቸው ያልተረጋገጡ መድኃኒቶች በቦሌ ዓለም አቀፍ አውሮፕላን ማረፊያ በኩል ሊገቡ ሲል ተያዙ።፡ የኢትዮጵያ የምግብና መድኃኒት ቁጥጥር ባለስልጣን በቦሌ ዓለም ቀፍ አሮፕላን ማረፊያ በሃገር ውስጥ በረራ የመግቢያ መውጫ ኬላ ከገቢዎችና ጉምሩክ ጋር ባደረገው ቁጥጥር መድኃኒቶቹን መያዙን አስታውቋል። መድኃኒቶቹ በሁለት የውጭ ሀገር ዜጎች ለመግባት ሲሞክሩ የተያዙ ሲሆን፥ በህገወጥ መልኩ ከጎዴ ወደ አዲስ አበባ ሲገቡ የተያዙ ናቸው።

Via #FBC
@tsegabwolde @tikvahethiopia

#JIMMA---በጅማ ከተማ ከቀን ጀምሮ በአንዳንድ አከባቢዎች አለመረጋጋት እና ውጥረት እንዳለ እንዲሁም የሚመለከታቸው አካላትም ትኩረት እንዲሰጡ በርካታ የTIKVAH-ETH ቤተሰብ አባላት እየጠቆሙ ይገኛሉ።

በዛሬው ዕለት በጅማ ከተማ ምንተፈጥሮ ነበር?
የተጣራና ዝርዝር መረጃ ከከተማይቱ ነዋሪዎች እንዲሁም ከከተማው የፀጥታ ኃላፊዎች ጠይቀን የምናቀርብ ይሆል።

@tsegabwolde @tikvahethiopia

የዋጋ ጭማሪ መቆሚያው የት ይሆን?

በጤፍ ላይ በኩንታል ከ400 እስከ 800 ብር፤ በስንዴ ላይ በኩንታል ከ300 እስከ 600 ብር፤ እንዲሁም በአትክልትና ሽንኩርት ላይ በኪሎ ከ10 እስከ 18 ብር ጭማሪ መደረጉ ከታህሳስ 2011 ጀምሮ የታየ ችግር ሆኗል።

ከዓመት ዓመት መባሉ ቀርቶ ከዕለት ዕለት ከፍ ሲል እንጂ ባለበት እንኳን መርጋት የተሳነው የሸቀጦች ዋጋ ሰፊውን በተለይም ዝቅተኛ ገቢ ያለውን አብዛኛውን የህብረተሰብ ክፍል እጅጉን ፈትኖታል። ለከፋ ምሬትና እሮሮም ዳርጎታል።

ይህ የዋጋ ማሻቀብ ሂደትም የዘርፉ ባለሙያዎች እንደሚሉት ከአንድ አሃዝ አልፎ ሁለት አሃዝ የደረሰ፤ ከ15 በመቶ የተሻገረ ነው። ይህ ሂደት ደግሞ በወጉ ተለይቶና ታቅዶ እንደየባህሪው ሊሰራበትና ሊፈታ ካልቻለ፤ የደላሎችና ሕገወጦችን ኪስ የሚያደልብ፤ የድሆችን ረሃብ በማጽናት ለብሶት የሚዳርግና የሰፊውን ህዝብ ትዕግስት አስጨርሶ ለአመፅ የሚያነሳሳ፤ ሕገወጦች የሰበሰቡትን ሃብት ቁጭ ብለው የሚበሉበትን ስፍራም የሚያሳጣ እንደሆነ ያስገነዝባሉ።

ተጨማሪ👇
https://telegra.ph/ETH-09-09-3

#ET302

ከኢትዮጵያ ወደ ኬኒያ ሲያመራ በተከሰከሰው ቦይንግ 737 ማክስ 8 አውሮፕላን አደጋ ሕይወታቸው ያለፈው ሰዎችን ማንነት የመለየት ስራ ተጠናቀቀ፡፡ ከስድስት ወር በፊት ከኢትዮጵያ ወደ ኬኒያ ሲያመራ የነበረውና በኢትዮጵያ አየር መንገድ የበረራ ቁጥር ኢቲ 302 የሆነው ቦይንግ 737 ማክስ 8 አውሮፕላን ተከስክሶ በውስጡ የነበሩ መንገደኞች መሞታቸው ይታወሳል።

ተጨማሪ ያንብቡ👇
https://telegra.ph/ETH-09-09-4

የመን አላርም ትሁነን!

•ከ70 ሺህ በላይ ንፁሃን ህይወታቸውን አጥተዋል!
•ከ11 ሺህ በላይ ዜጎች አካላቸው ጎድሏል!
•24 ሚሊዮን ዜጎች አስቸኳይ ሰብዓዊ እርዳታ ያስፈልጋቸዋል!
•ባለፉት 3 ዓመታት ውስጥ ብቻ 85 ሺህ እድሜያቸው ከ5 ዐመት በታች የሆኑ ህፃናት በምግብ እጥረት ሞተዋል!
•በርካታ ሚሊዮን ዜጎች ቤታቸውን ንብረታቸውን ጥለው ተሰደዋል!

ብልቂሳ አብደላ ከ20 ዓመታት በላይ በየመን ነዋሪ ናት ይህንን ብላለች፦ "ወላሂ! የጦርነት ጥሩ ነገር የለም፤ የመንን ያየ... ሰላም የሆነውን ሀገር ባያደፈርሱ ጥሩ ነው። ...ኢትዮጵያ ችግር አለ ሲባል የመንን፣ ሶሪያን፣ ኢራቅን አላዩም ወይ...የመን እንኳን አንድ ቋንቋ፤ አንድ ሃይማኖት ነው፤ ይሄ ደግሞ የተለያየ ስላለ ከጀመረ የሚያቆም አይመስለኝም"

የመን ለምን እንዲሆነች??
•አለመደማመጥ
•ምክንያታዊ ሆኖ አለማሰብ

#የመናውያን መነጋገርና መደራደር የሚለውን #አማራጭ ባለመተግበራቸው ለዚህ ችግር ተጋልጠዋል። ጦርነት ሩቅ አይደለም፤ በፖለቲካና በሃይማኖት መካረሩ መዳረሻው ግልፅ ነው👉ጦ ር ነ ት!

✍#TIKVAH_ETHIOPIA

Via #SRTA

@tsegabwolde @tikvahethiopia

#JIMMA ጅማ ከተማ ቤተክርስቲያን #ተቃጠለ፤ አገልጋዮችም እየታረዱና እየተገደሉ ነው፤ በሚል በፌስቡክ የሚሰራጨው መረጃ ፍፁም ከእውነት የራቀ መሆኑን የጅማ ዞን ኮሚኒኬሽን አሳውቋል። ይህን ስራ እየሰሩ ያሉት ምንም ኃላፊነት የማይሰማቸው አካላት ናቸው ያለው የጅማ ዞን ኮሚኒኬሽን በከተማይቱ ውስጥ ንብረት አልወደመም ሰዎች ላይም ጉዳት አልደረሰም፤ እየተናፈሰ ያለውም በሬ ወለደ ፕሮፖጋንዳ በመልቀቅ ህዝቡን ማደናበር ነው ብሏል። በመሆኑም ሁሉም አካላት የጉዳዩን ጥንስስ አላማን በመረዳት ዋስትና ለሆነዉ ሰላምና አንድነት ተግቶ በመስራት ጅማን #ወደቀድሞ ሰላሟ ለመመለስ እየተደረገ ላለዉ ርብርብ የድርሻውን እንዲወጣ ዞኑ ጥሪ አስተላልፏል።

የጅማ ዞን ኮሚኒኬሽን⬆️
_______________________________________

ከጅማ ከተማ ጋር በተያያዘ ተጨማሪ ዝርዝር እና የተጣሩ መረጃዎችን ይዘን እንመለሳለን፦

•ዛሬ በከተማይቱ አንዳንድ አካባቢዎች ለተፈጠረው ውጥረት ምክንያቱ ምንድነው?
•በእርግጥ በከተማው በአሁን ሰዓት በፌስቡክ ላይ እየተወራ እንዳለው የከፋ እና አስጊ ችግር አለ?

📑የከተማይቱን ነዋሪዎች፣ በስፍራው የነበሩ የአይን እማኞች እንዲሁም የከተማው የፀጥታ ኃላፊዎች ስለተፈጠረው ሁኔታ ምን ይላሉ? የሚለውን እንዳዘጋጀንና እንደጨረስን ተጨማሪ መረጃ እናቀርባል።

@tsegabwolde @tikvahethiopia

#NEW

በ2011 ዓ.ም የመሰናዶ ት/ታችሁን አጠናቅቃችሁ የዩኒቨርስቲ መግቢያ ፈተና ላለፋችሁ ተማሪዎች በሙሉ!

ጅማ ዩኒቨርሲቲ የ2012 ዓ.ም አዲስ ገቢ ተማሪዎችን የሚቀበለው ከሳይንስና ከፍተኛ ትምህርት ሚኒስቴር በተላከለት ትዕዛዝ መሰረት በትምህርት ሚኒስቴር ወደ ጅማ ዩኒቨርሲቲ የተመደቡ ተማሪዎችን ብቻ መሆኑን እና ዩኒቨርሲቲው በራሱ የሚመድበው ተማሪ እንደሌለ አውቃችሁ ራሳችሁን ከተሳሳተ መረጃ እና ከአታላዮች እንድትጠብቁ በጥብቅ እናሳስባለን፡፡

ከሰላምታ ጋር
የጅማ ዩኒቨርሲቲ ሬጅስትራር ጽ/ቤት

Via #JimmaUniversity
@tsegabwolde @tikvahethiopia

የገቢዎች ሚኒስቴር ለእኛ ለኛ 30 ሚሊዮን ብር የሚገመት የአልባሳት ድጋፍ ሰጠ!

የገቢዎች ሚኒስቴር እና የጉምሩክ ኮሚሽን በጋራ በመሆን በትምህርት ሚኒስቴር ስር ለሚመራው ''የእኛ ለእኛ'' የኢትዮጵያውያን በጎ ፍቃደኞች መርሃ ግብር ግምታቸው 30 ሚሊዮን የሚሆኑ 100 ሺህ ኪሎ ግራም አልባሳትን በትላንትናው አለት በገቢዎች ሚኒስቴር ዋና መስሪያ ቤት ቅጥር ግቢ ውስጥ በተዘጋጀው የአዲስ አመት ስጦታ ዝግጅት ላይ ለተገኙት የትምህርት ሚኒስቴር ሚኒስቴር ዴኤታ ወ/ሮ ፅዮን ተክሉ ከገቢዎች ሚኒስቴር ሚኒስትር ወ/ሮ አዳነች አቤቤ እና ከጉምሩክ ኮሚሽን ኮሚሽነር አቶ ደበሌ ቃበታ በስጦታ ተበርክቶላቸዋል:: ሚኒስትር ዴኤታዋም በርክክቡ ወቅት እነዚህ ከፍተኛ ገንዘብ ሊያወጡ የሚችሉትን አልባሳት በተለያዮ የአገራችን ክፍሎች በሰው ሰራሽና በተፈጥሮ አደጋ ምክንያት ትምህርታቸውን በአግባቡ ላልተከታተሉና ላቋረጡ ተማሪዎች እንደሚሰጥ ቃል ገብተዋል።

@tsegabwolde @tikvahethiopia

ባቱ⬆️

ዛሬ በባቱ ከተማ የትምህርት ቁሳቁስ ድጋፍ እና የክረምት በጎ አድራጎት ማጠቃለያ ፕሮግራም እየተካሄደ ይገኛል።

@tsegabwolde @tikvahethiopia

"ኢትዮጵያ ለጎረቤት ሃገራት የሚተርፍ መከላከያ ሠራዊት ገንብታለች" ምክትል ጠቅላይ ኢታማዦር ሹም ጄኔራል ብርሃኑ ጁላ
.
.
ኢትዮጵያ የውስጥ ሠላምን አስጠብቆ ለጎረቤት ሃገራት የሚተርፍ መከላከያ ሠራዊት ገንብታለች ሲሉ ምክትል ጠቅላይ ኢታማዦር ሹም ጄኔራል ብርሃኑ ጁላ ገለጹ፡፡

የሀገር መከላከያ ሠራዊት የምስራቅ እዝ በሀረር ከተማ አዲሱን ዓመት ከተለያየ የህብረተሰብ ክፍሎች ጋር አክብሯል፡፡ በመድረኩም ትናንት ከሰዓት የቀድሞና የአሁን ከፍተኛ የሰራዊቱ አዛዦች በተገኙበት የቀጠናው ሁኔታና የአገሪቷ የመከላከያ ሠራዊት ወቅታዊ ሁኔታ ላይ ያተኮረ ውይይት ተደርጓል፡፡

የውይይት መነሻ ሃሳብ ያቀረቡት ምክትል ጠቅላይ ኢታማዦሩ እንደተናገሩት ኢትዮጵያ ሰፊና አስቸጋሪ የቀጠናው ሁኔታ ውስጥ ያለች ሀገር መሆኗን ጠቁመዋል፡፡ በዚህ ቀጠና ውስጥ የሽብር እንቅስቃሴዎች የሀገራት የውስጥ ግጭቶች በሰፊው የሚስተዋሉበት መሆኑንም እንዲሁ ተናግረዋል፡፡

Via #ENA
@tsegabwolde @tikvahethiopia

"ማንም ረግጦ የወጣ አባት የለም!"

የኦሮሚያ ቤተ ክህነት ፅ/ቤትን ለማቋቋም እንቅስቃሴ ሲያደርጉ ከነበሩ አካላት ጋር በኢትዮጵያ ኦርቶዶክስ ተዋህዶ ቤተክርስቲያን ውይይት ይካሄድ በነበረበት ወቅት ማንም ረግጦ የወጣ አባት እንዳልነበረ የስብከተ ወንጌልና የሃዋርያዊ ተልዕኮ መምሪያ ኃላፊ አስታውቀዋል። ረግጠው ወጥተዋል ከተባሉት የቅዱስ ሲኖዶስ አባል አንዱ የሆኑት ብፁህ አቡነ ዲዎስቆሮስም ለVOA በሰጡት ቃል የተባለው እውነት አይደለም በሲኖዶስ ስብሰባ ተረግጦ አይወጣም ብለዋል።

ሊቀ አእላፍ ቀሲስ በላይ መካንን👇

"...ስምምነት ላይ ደርሰን ነበር፤ ነገር ግን የወጣው መግለጫ እኛ ያልጠበቅነውና ከተነጋገርነው ውጪ ነው። አሁንም በዚህ ጉዳይ ላይ ከአባቶች ጋር #እየተነጋገርን ስለሆነ ምንም ልል አልችልም።"

NB. ከላይ ያለው ፅሁፍ ከቀናት በፊት በፌስቡክ እና በቴሌግራም ሲሰራጭ የነበረ ነው!

@tsegabwolde @tikvahethiopia

#update ‹‹የዓቃቤ ህግ መተዳደሪያ ደንብ በሚኒስትሮች ምክር ቤት የፀደቀ በመሆኑ ዓቃቤያን ህግ የየትኛውም የፖለቲካ ፓርቲ አባል መሆን አይችሉም›› ሲሉ የፌዴራል ጠቅላይ ዓቃቤ ህግ አቶ ብርሃኑ ፀጋዬ ገለፁ። በአሁኑ ወቅት ምንም አይነት የጨለማ እስር ቤቶች አለመኖራቸውንም አስታውቀዋል። ጠቅላይ ዓቃቤ ህግ አቶ ብርሃኑ ፀጋዬ ‹‹እኔ ለህግ ተገዢ ነኝ›› በሚል መሪ ሐሳብ ዛሬ የሚከበረውን የፍትህ ቀንን አስመልክተው ከአዲስ ዘመን ጋዜጣ ጋር ባደረጉት ቃለ ምልልስ እንደተናሩት፤ ከዚህ በፊት ዓቃቤ ህግ የየትኛውም የፖለቲካ ፓርቲ አባል መሆን ይችል ነበር። ነገር ግን አሁን በሚኒስትሮች ምክር ቤት በፀደቀው አዲስ የዓቃቤ ህግ መተዳደሪያ ደንብ መሰረት ዓቃቤያን ህግ የየትኛውም የፖለቲካ ፓርቲ አባል መሆን አይችሉም። ‹‹ፖሊስና ፍርድ ቤቶች ድሮውንም ቢሆን በፓርቲ አባልነት ውስጥ መግባት ስለማይችሉ ጉዳዩ አይመለከታቸውም›› ያሉት አቶ ብርሃኑ፣ ዓቃቤያን ህጉ ግን ምንም እንኳ ቀደም ሲል በየትኛውም ፓርቲ አባል የመሆን እድሉ ነበራቸው ብለዋል።

Via #EPA
@tsegabwolde @tikvahethiopia

🤔ለሽያጭ ገበያ ወጥቶ 1 ነጥብ 75 ግራም የጆሮ ጌጥ ወርቅ የዋጠው ዶሮ!

ለሽያጭ ገበያ የወጣው ዶሮ 1 ነጥብ 75 ግራም የሚመዝን የጆሮ ጌጥ ወርቅ ይውጣል። ነገሩ የተከሰተው ጳጉሜ 03 ቀን 2011 ዓ.ም በደቡብ ምዕራብ ሸዋ ዞን ወሊሶ ከተማ ነው፡፡ ባለቤትነቱ የአቶ ደነቀ ሸለመ የሆነው ዶሮ ለሽያጭ ገበያ ወጥቶ ገዢዎችን በመጠባበቅ ላይ እንዳለ የወይዘሮ ሃጫልቱ በድሩን 1 ነጥብ 75 ግራም የሚመዝን የጆሮ ጌጥ ላይ አነጣጥሮ ከጆሮዋ ላይ በጥሶ ይውጣል።

ነገሩ ከተከሰተ በኋላ የዶሮው ባለቤትና የወርቋ ባለቤት ሰጣ ገባ ውስጥ ይገባሉ፡፡ የወርቋ ባለቤት ወይዘሮ ሃጫልቱ ዶሮው ወዲያው ታርዶ ወርቃቸው እንዲሰጣቸው ቢሹም የዶሮው ባለቤት ደግሞ በጉዳዩ አልተስማሙም።

ነገሩ መክረሩን ያዩት ገቢያተኞች ጉዳዩ ወደ ፖሊስ ጣቢያ እንዲሄድ በማድረግ በአቅራቢያቸው ወደ ሚገኝ የወሊሶ ከተማ ፖሊስ ጣቢያ ያመራሉ፡፡ ጉዳዩ እንግዳ የሆነበት የወሊሶ ከተማ አስተዳዳር ፖሊስ ጣቢያም ጉዳያቸውን በመስማማት እንዲፈቱ ትዕዛዝ ይሰጣቸዋል።

የዶሮው ባላቤትም ወይዘሮ ሃጫልቱ ዶሮው የሚያወጣውን ዋጋ ከፍለው ዶሮውን ይረከቡኝ ሲሉ ይስማማሉ። አቶ ደነቅም የወርቁ ባለቤት 250 ብር እንዲሰጧቸው ቢጠይቁም ባለ ወርቋ የተጠየቀውን ብር የለኝም በማለታቸው 150 ብር ሰጥተዋቸው ጉዳዩ በሰላማዊ መንገድ መፈታቱን ነው የወሊሶ ከተማ ፖሊስ መምሪያ የኮሙዩኒኬሽን ዲቪዥን ሃላፊ ኮማንደር ከበደ በዳዳ የተናገሩት።

Via #ENA
@tsegabwolde @tikvahethiopia