ደቡብ ግሎባል ባንክ ተዘረፈ!

ትላንት ለሊቱን የደቡብ ግሎባል ባንክ "ጀሞ ቅርንጫፍ" ተዘርፎ ማደሩን ከባንኩ ሰራተኛ ለመስማት ችለናል። ይህንን መረጃም ባንኩ አረጋግጦልናል። ከባንኩ ባገኘነው መረጃ መሰረትም ዝርፊያውን ፈፅመዋል ተብለው #ከተጠረጠሩ የባንኩ ጥበቃዎች መካከል አንደኛው ሲያዝ የተቀሩት እስካሁን በቁጥጥር ስር አልዋሉም። የተዘረፈው የብር መጠን ስንት ይሆን? ብለን ጥያቄ ያቀረብንለት የባንኩ ሰራተኛ ትላንት ከ300,000 ብር በላይ መግባቱን ነግሮን የተዘረፈውን አጠቃላይ ገንዘብ ግን አጣርቶ እንደሚነግረን ገልፆልናል። ተመሳሳይ ጥያቄ ለሚመለከትው ክፍል አቅርበን ይህን ብለውናል፦ "የሚያሳየው Balance 4.8 ሚሊየን ብር ነው። ከዛ ውስጥ ትንንሽ ቁጥር ያለው ገንዘብ ነው የቀረው።" ዝርፊያው #ካዝና በመስበር የተፈፀመ እንደሆነ ነው የሰማነው።

#TIKVAH_ETHIOPIA

@tsegabwolde @tikvahethiopia

#ደቡብ

ከፍተኛ ውጤት የተመዘገበባቸው የትምህርት አይነቶች ዛሬም የቤተሰባችን መነጋገሪያ እንደሆኑ ነው። ከላይ የምትመለከቱት #በደቡብ_ክልል ውስጥ በሚገኙ ሁለት የተለያዩ ትምህርት ቤቶች ውስጥ ተማሪዎች በBiology እና Civics የትምህርት አይነቶች ያስመዘገቡትን ተቀራራቢና ከፍተኛ ውጤት ነው።

🏷አስተያየታቸውን እያካፈሉን ያሉ ወላጆች እና ተማሪዎችም የፈተናዎች ኤጀንሲ የተፈጠረውን ስህተት ወይም ለምን እንዲህ ሊሆን እንደቻለ ጊዜ ወስዶ መመልከት አለበት፤ አንድና ሁለት ትምህርት ብቻ ሳይሆን አጠቃላይ ፈተናውን ሊፈትሸው ይገባል ብለዋል።

@tsrgabwolde @tikvahethiopia

#ጥንቃቄ_ይደረግ

የመሬት መንሸራተት፣ የወንዞች ሙላትና ቅጽበታዊ ጎርፍ ሊከሰት ይችላል!

በቀጣይ አንድ ሳምንት ውስጥ በአብዛኛው የአባይ፣ የተከዜ፣ የባሮ ኦኮቦ፣ የኦሞ ጊቤ፣ የላይኛውና መካከለኛው ስምጥ ሸለቆ፣ የአዋሽ የላይኛውና ዋቢ ሸበሌ ተፋሰሶች፤ የላይኛውና መካከለኛው ዋቢ ሸበሌ፤ የላይኛው አፋር ደንከል፤ ገናሌ ዳዋ፣ ኦጋዴን እንዲሁም ታችኛው አዋሽና ስምጥ ሸለቆ አካባቢ የመሬት መንሸራተት፣ የወንዞች ሙላትና ቅጽበታዊ ጎርፍ ሊከሰት ስለሚችል ጥንቃቄና ክትትል እንደሚያስፈልግ ብሄራዊ የሚቲዎሮሎጂ ኤጀንሲ አስታወቀ። ኤጀንሲው እንዳስታወቀው ከነሃሴ 5/ 2011 እስከ ነሃሴ 14 /2011 ዓ.ም ከላይ በተጠቀሱት ስምጥ ሸለቆዎች፣ ተፋሰሶች አልፎ አልፎ ከባድ ዝናብ ሊኖር እንደሚችል እንዲሁም መጠነኛ እርጥበት እንደሚኖራቸው ትንበያው ይጠቁማል።

ተጨማሪ ያንብቡ👇
https://telegra.ph/ET-08-15-2

ደቡብ ግሎባል ባንክ~ጀሞ ቅርንጫፍ!

የሚመለከታቸው ከፍተኛ የባንኩ #ኃላፊዎችና አመራሮች በስፍራው ይገኛሉ። የህግ አካላት ፖሊሶችም በስፍራው ተገኝተው የምርመራ ስራዎችን እየሰሩ ናቸው። ከባንኩ ሰዎች እንደሰማነው ዝርፊያው በባንኩ #ጥበቃዎች መፈፀሙ ነው የሚጠረጠረው። እስካሁን ባለን መረጃ መሰረት በዕለቱ ከነበሩት ጥበቃዎች አንዱ የባንኩ ጥበቃ አባል ሲይዝ የተቀሩት ላይ #ክትትል እየተደረገ ነው።

#TIKVAH_ETHIOPIA

@tsegabwolde @tikvahethiopia

6710 ላይ "A" ይላኩ! የልብ ህሙማን ህፃናትን ይርዱ!

#share #ሼር

#ባህር_ዳር

‹‹ዛሬ ታላቅ ደስታ ተሰምቶኛል ቤቴ በመፍረሱ ዝናብ ይዘንብብኝ ነበር፤ ፈጣሪ እድሜያችሁን ያርዝመው።›› በበጎ አድራጎት ስራ ቤታቸው እየተሰራላቸው ያሉ አዛውንት

የባሕር ዳር ከተማ አስተዳደር ወጣቶች የክረምት ወራት የበጎ አድራጎት ስራ እያከናወኑ ነው፡፡ በባሕር ዳር ከተማ አስተዳደር የግሽ ዓባይ ክፍለ ከተማ ወጣቶች ዛሬ ነሐሴ 8/2011 ዓ.ም 15 የአቅመ ደካሞች እና በደባል ሱስ ጉዳት ውስጥ ያሉ ወጣቶችን ቤት ለይተው አፍርሰው በመገንባት ላይ ናቸው፡፡ በአጭር ቀናት ግንባታቸውን አጠናቅቀው እንደሚያስረክቧቸው የክፍለ ከተማው የማህበራዊ ልማት ዘርፍ ጽህፈት ቤት ኃላፊ አቶ ደስታዬ ማረው ተናግረዋል፡፡

እንደ ኃላፊው ገለፃ 1 ሺህ 864 የግሽ ዓባይ ክፍለ ከተማ ወጣቶች ከሐምሌ 1/2011 ዓ.ም ጀምሮ የጽዳት፣ የደም ልገሳ፣ የአንደኛ እና ሁለተኛ ደረጃ ትምህርት ቤት ተማሪዎችን ማስተማር፣ የአቅመ ደካሞችን ቤት ጥገና እና አፍርሶ ግንባታ የበጎ ፈቃድ አገልግሎት እየሰጡ ይገኛሉ፡፡ ወጣቶቹ እስካሁን ሲሰሩ የቆዩት በገንዘብ ሲተመን 129 ሺህ 719 ብር እንደሚገመት ገልፀዋል። ወጣቶቹ በበጎ ፍቃደኝነት 60 ሺህ ብር በማዋጣት ለተለያዩ የበጎ አድራጎት ስራ እያዋሉ እንደሚገኙም አቶ ደስታዬ አብራርቷል፡፡

Via #AMMA
@tsegabwolde @tikvahethiopia

የቀድሞው የመረጃና ደህንነት ሃላፊ ወደ አሜሪካ እንዳይገቡ ታገዱ!

የቀድሞው #የሱዳን የመረጃና ደህንነት ሃላፊ ሳላህ ጎሽ ወደ #አሜሪካ እንዳይገቡ ታገዱ። ሳላህ ጎሽ "በስልጣን ዘመናቸው በተፈጸሙ የሰብዓዊ መብት ጥሰቶች እጃቸው እንዳለበት አሳማኝ መረጃ በማግኘቴ ነው እገዳውን የጣልኩት" ሲል የአሜሪካ የውጭ ጉዳይ ሚኒስቴር አስታውቋል። እንደ ሚኒስቴሩ መረጃ ሳላህ ጎሽ የሱዳን የመረጃና ደህንነት አገልግሎት ሃላፊ በነበሩበት ጊዜ በሰዎች ላይ በሚፈጸሙ የማሰቃያ ድርጊቶች እጃቸው አለበት። የቀድሞው የደህንነት ሃላፊ ቤተሰቦችም ወደ አሜሪካ እንዳይገቡ ክልከላ ተጥሎባቸዋል።

የአሜሪካ የውጭ ጉዳይ ሚኒስትር ማይክ ፖምፒኦ ሱዳን ውስጥ በሲቪል አስተዳደር ለሚመራ የሽግግር መንግስት ድጋፍ እንደሚያደርጉ በትዊተር ገጻቸው ይፋ አድርገዋል። ኦማር ሀሰን አል በሺርን ከስልጣን ያወረደው የሱዳን ጦር የሽግግር ምክር ቤት በማቋቋም ሀገሪቱን ሲመራ ቆይቷል። ወታደራዊ ምክር ቤቱ እና የተቃዋሚዎች ጥምረት ከ10 ቀናት በፊት ለ3 ዓመት የሽግግር ጊዜ የሚጸናውን የጋራ አስተዳደር ለመመስረት እና ለስልጣን ክፍፍል መፈራረማቸው ይታወሳል።

Via ቢቢሲ/ena
@tsegabwolde @tikvahethiopia

የአፍሪካ 100 ተጽዕኖ ፈጣሪ ሴቶች!

ሶስት ኢትዮጵያውያን ከአፍሪካ 100 ተጽዕኖ ፈጣሪ ሴቶች መካከል ተካተቱ። ፕሬዝደንት ሣህለ ወርቅ ዘውዴ፣ የፌደራል ጠቅላይ ፍርድ ቤት ፕሬዝዳንት መዓዛ አሸናፊ እና የሶል ሬብልስ መስራች ቤተልሄም ጥላሁን ከአፍሪካ 100 ተጽዕኖ ፈጣሪ ሴቶች መካከል መካተት ችለዋል፡፡ ምርጫውን ያካሄደው በአፍሪካ ደረጃ በተለያዩ መስኮች ደረጃዎችን በማውጣት የሚታወቀው አቫንስ ሜዲያ ነው፡፡

ምርጫው የተካሄደው በ10 ዘርፎች ሲሆን ፕሬዝደንት ሣህለ ወርቅ ዘውዴ በአስተዳደር ዘርፍ የተመረጡ ሲሆን መዓዛ አሸናፊ እና መስራች ቤተልሄም ጥላሁን በህግና በስራ ፈጠራ ዘርፍ ተመርጠዋል፡፡ የተመረጡት ሴቶች ለአፍሪካ የመጪው ትውልድ የመሪነት ሚናን ለማጠናከር ተምሳሌት የሆኑና ከፍተኛ መነሳሳትን የሚፈጥሩ መሆናቸው ተጠቅሷል፡፡

ምንጭ፤ አቫንስ ሚድያ/ebc
@tsegabwolde @tikvahethiopia

የአካል ጉዳት ያደረሰው ተከሳሽ በእስራት ተቀጣ!

በመጠጥ ተገፋፍቶ በተበዳይ ላይ ከባድ የአካል ጉዳት ያደረሰው ተከሳሽ በእስራት ተቀጣ። ወንጀሉ የተፈፀመው በአዲስ ከተማ ክፍለ ከተማ ልዩ ቦታው መሳለሚያ አማኑኤል ሆስፒታል አካባቢ ነው።

ተከሳሽ አብዱልከሪም ሙስጠፋ ሌሌቦ ሚያዚያ 11/2011 ዓ.ም ምሽት 2:00 ሰዓት አካባቢ የግል ተበዳይ ገትሶ መሀመድን ጠጅ ቤት ውስጥ እያሉ በመጠጥ ተገፋፍቶ በቡጢ የግራ አገጩን በመምታት የታችኛው የግራ አገጩ አጥንት እንዲሰበር ያደረገ በመሆኑ የኢ.ፊ.ዲ.ሪ የወንጀል ህግ አንቀፅ 555 (ሐ) ላይ የተመለከተውን ድንጋጌ ተላልፏል በሚል በፈፀመው ታስቦ በሚፈፀም ከባድ የአካል ጉዳት ማድረስ ወንጀል በዐቃቤ ህግ ክስ ተመስርቶበታል።

የፌደራሉ የመጀመርያ ደረጃ ፍርድ ቤት አዲስ ከተማ ምድብ ወንጀል ችሎትም ተከሳሹ ከዚህ በፊት የጥፋት ሪከርድ የሌለበት መሆኑ እንደ አንድ የቅጣት ማቅለያ ተይዞለት በእስራት እርከን 15 ስር በ2 ዓመት ከ9 ወር በእስራት እንዲቀጣ ወስኖበታል።

ምንጭ፦ የፌደራል ጠቅላይ አቃቤ ህግ
@tsegabwolde @tikvahethiopia

#update በኦሮሚያ ክልል በባንክ ዝርፊያ የተጠረጠሩ ግለሰቦች በቁጥጥር ስር ውለው ጉዳያቸው በህግ እየታየ ይገኛል፤ የሚፈለጉም አሉ ተብሏል፡፡

Via #ShegerFM
@tsegabwolde @tikvahethiopia

በባሕር ዳር አንድ የመንግስት የስራ ሀላፊ የአሲድ ጥቃት ተፈጸመባቸው!

ለበቀል የተነሳች ሴት በአማራ ብሔራዊ ክልላዊ መንግሥት የመንገድ ትራንስፖርት ቢሮ የስምሪት ዳይሬክቶሬት ዳይሬከተር ላይ የአሲድ ጥቃት መፈጸሟ ታውቋል፡፡

ግለሰቧ የስራ ሀላፊው ላይ የአሲድ ጥቃት የፈጸመችው ነሐሴ 02 ቀን 2011 ዓ.ም በባህር ዳር ከተማ ነው ተብሏል፡፡ የባሕር ዳር ከተማ 3ኛ ፖሊስ ጣቢያ የምርመራ የሥራ ሂደት አባል የሆኑት ምክትል ኢንስፔክተር ይስማው ታሪኩ ተጠርጣሪዋ ጥቃቱን ለመፈጸም አሲድ ገዝታ ነሐሴ 2 ቀን 2011 ዓ.ም ጠዋት ላይ ወደ ዳይሬክተሩ ቢሮ እንደሄደች ነገር ግን ስብስባ ላይ ናቸው ተብላ እንደተመለሰች፤

ከሰዓት በኋላ ስትመለስ ግን የስራ ሀላፊው ቢሯቸው ውስጥ በሥራ ላይ እንዳሉ እንዳገኝቻቸውና በጆግ ይዛው የመጣችውን አሲድ ከቅርብ እርቀት ላይ ሆና እንደደፋችባቸው ከዚያም ምን እንደተከሰተ መለስ ብላ ሳታይ እሩጣ እንደወጣች ቃሏን ለፖሊስ ሰጥታለች ብለዋል፡፡ ተጠርጣሪዋ ድርጊቱን ፈጽማ ለማምለጥ ብትሞክርም በአካባቢው በነበሩ ሰዎች ትብብር በቁጥጥር ሥር የዋለች ሲሆን ጥቃቱ የተፈጸመባቸው የስራ ሀላፊም ወዲያውኑ ወደ ሐኪም ቤት ተወስደው ህክምና እንዲያገኙ ተደርጓል ተብሏል።

የክልሉ የመንገድ ትራንስፖርት ቢሮ የስምሪት ዳይሬክቶሬት ዳይሬከተር አቶ ደመላሽ ስንሻው በተፈጸመባቸው የአሲድ ጥቃጥ በሁለት እጆቻቸው እና ሆዳቸው አካባቢ የመጥቆርና የማበጥ እንዲሁም ፊታቸው ላይ አልፎ አልፎ የመቃጠል ጉዳት ደርሶባቸዋል ተብሏል፡፡ ተጠርጣሪዋ ጥቃቱን ለመፈጸም የተጠቀመችበትን አሲድ ለመኪና ባትሪ በሚል እንደገዛችው ለፖሊስ የተናገረች ሲሆን ፖሊስም የአሲዱን ምንጭ ለማወቅ ምርመራ እያደረገ መሆኑን ተናግሯል።

#BBCAmharic

ተጨማሪ ያንብቡ👇
https://telegra.ph/ET-08-15-3

በኢቦላ የሞቱ ሰዎች ቁጥር 1 ሺህ 782 ሰርሷል!

በዴሞክራቲክ ሪፐብሊክ ኮንጎ የተከሰተውን #የኢቦላ ወረርሽኝን ለመቆጣጠር በጥምረት ሊሠራ እንደሚገባ የአፍሪካ ኅብረት ጥሪ አቅርቧል። ኅብረቱ ጥሪውን ያቀረበው በወረርሽኙ የሞቱት ሰዎች ቁጥር 1 ሺህ 782 መድረሱን ተከትሎ ነው።

በወረርሽኙ ላይ የሚደረገው ዘመቻ ዴሞክራቲክ ሪፐብሊክ ኮንጎ ውስጥ ብቻ የሚወሰን ሳይሆን ከሀገሪቱ ጋር በሚያወሳኑ ሀገሮች እና ቀጠናው ውስጥ በሚገኙ ሌሎች ሀገራት ጭምር የሚደረግ መሆኑን ኅብረቱ ገልጿል።

የኅብረቱ አባል ሀገራትም የጤና ጥበቃ ባለሙያዎችን በአፋጣኝ በመላክ የኅብረቱን ጥረት እንዲያግዙ ጥሪ አቅርቧል።

ዴሞክራቲክ ሪፐብሊክ ኮንጎ ውስጥ የተስፋፋው የኢቦላ ወረርሽኝ በእጅጉ እንዳሳሰበው የገለጸው ኅብረቱ፣ በመጪው መስከረም የመጀመሪያ ሳምንት ውስጥ "አፍሪካ የፀረ-ኢቦላ አጋርነት ትረስት ፈንድ" በሚል መሪ ቃል አህጉር አቀፍ የምክክር መድረክ እንደሚካሄድ ገልጿል። የመድረኩ ዓላማም በአህጉር አቀፍ ደረጃ ኢቦላ ላይ ለሚደረገው ዘመቻ ገቢ ለማሰባሰብ መሆኑ ተገልጿል።

ምንጭ፦ ሽንዋ/#ebc
@tsegabwolde @tikvahethiopia

ኢትዮጵያዊቷ ቤተልሔም ጥላሁን በቻይናዊው ቢሊየነር ጃክ ማ የተመሰረተው የሥራ ፈጠራ ውድድር (Africa Netpreneur Prize ) ዳኛ ሆና ተመረጠች። ቤተልሔምን ጨምሮ በዘንድሮው ውድድር በዳኝነት እንዲያገለግሉ የተመረጡ ሰባት አፍሪቃውያን በውድድሩ ከሚሳተፉ መካከል ለጃክ ማ ሐሳባቸውን እንዲያቀርቡ አስር የሥራ ፈጣሪዎችን ይመርጣሉ። ቤተልሔም «በዚህ አመት የውድድሩ ዳኛ እንድሆን በጃክ ማ በመጋበዜ ከፍተኛ ክብር ተሰምቶኛል» ብላለች።

ቤተልሔም ጫማ አምራቹ ሶል ሪቤልስን ጨምሮ የተለያዩ ኩባንያዎች በመመስረት ስኬታማ ሆናለች። ባለፉት አስራ አምስት አመታት ሶል ሪቤልስ አዲስ አበባን ጨምሮ በስፔን፣ በግሪክ፣ በስዊትዘርላንድ፣ ኦስትሪያ እና ሲንጋፖርን በመሳሰሉ አገሮች መደብር ከፍቷል። ቤተልሔም በተሰማራችባቸው የስራ ዘርፎች ባስመዘገበቻቸው ስኬቶች እና በኢትዮጵያ እና በአፍሪካ ባላት ሚና ፎርብስን ጨምሮ በተለያዩ ዓለም አቀፍ ተቋማት ተፅዕኖ ፈጣሪ ከሚባሉ ጎራ ተመድባለች። በቻይናዊው ጃክ ማ የተመሰረተው የሥራ ፈጠራ ውድድር ለሸናፊዎች አንድ ሚሊዮን ዶላር ይሸልማል። በውድድሩ በየትኛውም የዕድሜ ክልል የሚገኙ በማናቸውም የሥራ ዘርፍ የተሰማሩ የ54ቱ የአፍሪካ አገራት ዜጎች መሳተፍ ይችላሉ።

የአመቱ የውድድሩ ተሳታፊዎች ምዝገባ ባለፈው ሰኔ 23 ቀን ተጠናቋል። በውድድሩ ምርጥ የተባሉ 50 ተሳታፊዎች በያዝንው ነሐሴ ወር ይፋ እንደሚደረጉ የሽልማቱ ድረ-ገፅ ላይ የሰፈረ መረጃ ይጠቁማል። የውድድሩ መጨረሻ በሚቀጥለው አመት ኅዳር ወር ጃክ ማ እና ሌሎች ዳኞች በሚገኙበት በጋና ዋና ከተማ አክራ ይካሔዳል። አሊባባ ግሩፕ የተባለውን ግዙፍ ኩባንያ በተባባሪነት የመሰረተው ጃክ ማ 36.5 ቢሊዮን ዶላር የተጣራ ሐብት እንዳለው የፎርብስ መረጃ ይጠቁማል።

#DW

@tsegabwolde @tikvahethiopia

#ማሳሰቢያ

ቅዳሜ ነሃሴ 11 ቀን 2011 ዓ.ም በቃሊቲ ኢንዱስትሪ መንደር፣ በሚድሮክ ተርሚናል፣ በቃሊት 40/60 ኮንዶሚኒየም፣ በፔትራም፣ በክራውን ሆቴል፣ በC.R.B.C ቻይና ዋና መስሪያ ቤት፣ በካዲስኮ ቀለም ፋብሪካ፣ በኦሮሚያ ውሃ ስራዎችና አካባቢዎቻቸው ከጠዋቱ 1:00 እስከ ቀኑ 10፡00 ድረስ፤

እንዲሁም እሁድ ነሃሴ 12 ቀን 2011 ዓ.ም በዲ አፍሪክ ሆቴል፣ በጥቁር አንበሳ ሆስፒታል፣ በተክለሀይማኖት፣ በጭድ ተራ፣ በሞላ ማሩ አረቄ ፋብሪካ፣ በፔፒሲ ፋብሪካ፣ በጎማ ቁጠባ፣ በቢ.ጂ.አይ ፍብሪካ፣ በቀጨኔ፣ በሽሮ ሜዳ፣ በመነን፣ በስድስት ኪሎ፣ በአፍንጮ በር፣ በአራተኛ ፖሊስ ጣብያ፣ በቅድስተ ማርያም ቤ/ክ ጀርባ፣ በጊየርጊስ፣ በፒያሳ፣ በአትክልት ተራ፣ በመርካቶ፣ በራስ ደስታ፣ በእንቁላል ፋብሪካ፣ በአዲሱ ገበያ፣ በሰሜን ማዘጋጃ፣ በግብፅ ኤምባሲ እና አካባቢዎቻቸው ከጠዋቱ 1:00 እስከ ቀኑ 10፡00 ድረስ፤

በተጨማሪ ሰኞ ነሃሴ 13 ቀን 2011 ዓ.ም በካዛንቺስ በከፊል፣ በባምቢስ፣ በእስጢፋኖስ፣ በውጭ ጉዳይ፣ በሸራተን ሆቴል፣ በአምባሳደር፣ በስታዲየም፣ በለገሃር፣ በኮሜርስ፣ በፋና ሬዲዮ፣ በፖስታ ቤት፣ በጥቁር አንበሳ እና አካባቢዎቻቸው ከጠዋቱ 1:00 እስከ ቀኑ 6፡00 ድረስ፤

በተመሳሳይ ቀን በአየር ጤና ኪዳነ ምህረት፣ በአለም ባንክ፣ በጀርመን አደባባይ፣ በምስራቅ ዱቄት ፋብሪካ፣ በሙሉ ሸዋ ስጋ ቤት፣ በቦሌ ማተሚያ ቤት፣ በቦሌ ክራይ ቤቶች እና አካባቢዎቻቸው ከጠዋቱ 1:00 እስከ ቀኑ 6፡00 ድረስ፤

በከፍተኛ የኤሌክትሪክ መስመር ላይ የማሻሻያ ስራ ለማከናወን ሲባል የኤሌክትሪክ ኃይል አቅርቦት የሚቋረጥ መሆኑን አውቃችሁ፤ ክቡራን ደንበኞቻችን ከወዲሁ አስፈላጊውን ቅድመ ዝግጅት እንድታደርጉ በአክብሮት እናሳውቃለን፡፡

የኢትዮጵያ ኤሌክትሪክ አገልግሎት

#update በኦሮሚያ ክልል የተጀመረው የነዋሪዎች የዜግነት አገልግሎት ተጠናክሮ መቀጠሉን የክልሉ መንግስት ኮሙዩኒኬሽን ጉዳዮች ኃላፊ አቶ አድማሱ ዳምጠእ ተናግረዋል።

@tsegabwolde @tikvahethiopia

#ባህር_ዳር

በአማራ ክልል ሰኔ 15/2011 ዓ.ም ተፈጽሟል በተባለው የመፈንቅለ መንግስት ወንጀል የቅድመ ክስ ምርመራ ምስክርነት ዛሬ በባህርዳርና አካባቢዋ ከፍተኛ ፍርድ ቤት መደመጥ ጀመረ።

በዚህም በነ የማነ ታደሰ መዝገብ ስር በተከሰሱ 48 ግለሰቦች ላይ ቅድመ ክስ ምርመራ ምስክርነት እንዲደመጥ የአቃቤ ህግ ጥያቄ ለፍርድ ቤቱ አቅርቧል።

የተከሳሽ ጠበቆችም በጋራ በመሆን የክስ አቀራረቡ ዝርዝር ማስረጃ የለውም፣ ማን ምን፣ የት እና እንዴት ፈጸመ የሚለውን አያሳይም፣ የምስክሮችን ስም አይጠቅሰም ስለዚህ ክሱ እንደገና ተሻሽሎ ይቅረብ ካልሆነ ደንበኞቻችን በነጻ ሊቀቁ ይገባል በማለት መቃወሚያ አቅርበዋል።

ዓቃቤ ህግም ክስ ጥቅል ነው ለተባለው ወታደሮች በህብረት ሆነው የፈጸሙት ወንጀል በመሆኑና የምስክሮች ስም ቀድሞ ያልተጠቀሰው ለደህንነታቸው ሲባል በመሆኑ ተገቢ ነው ምስክር የማስማት ሂደቱ እንዲቀጥል ይፈቅድልን ሲል ለፍርድ ቤቱ አቅርቧል።

ፍርድ ቤቱም የዓቃቤ ህጎችን የክስ መሰረተ ሃሳብና የጠበቆችን የመቃዋሚያ ካዳመጠ በኋላ በተደጋጋሚ ቀጠሮ ጉዳዮች ያለአግባብ ሊጓተቱ አይገባም በማለት ምስክርነት የመደመጥ ሂደቱ እንዲቀጥል ፈቅዷል።

በዚህም ከሰዓት በፊት በነበረው ችሎት የአንድ መስክር ቃል መደመጡንና የቀሪዎችን ለመስማት ከሰዓት ስምንት ሰዓት በመቅጠር ከሰዓት በፊት የነበረው የፍርድ ቤቱ የችሎት ተጠነቋል።

በአማራ ክልል ሰኔ 15/2011 ዓ.ም ተፈጽሟል በተባለው የመፈንቅለ መንግስት 218 ተጠርጣሪዎች በቁጥጥር ስር ውለው ከነበሩት በርካቶቹ በየጊዜው ተጠርጣሪዎች ጉዳያቸው እየተጣራ መለቀቃቸው የሚየታወስ ነው።

Via #ENA
@tsegabwolde @tikvahethiopia

የሰላም ፌስቲቫል!

ጳጉሜን 2 እና 3 ቀን 2011 ዓ.ም በአዲስ አበባ በሚካሄደው ሃገር አቀፍ የሠላም ፌስቲቫል ላይ የደቡብ ሱዳኑ ፕሬዚዳንት ሳልኪር ማያርዲት ይገኛሉ ተብሎ እንደሚጠበቅ የፌስቲቫሉ አዘጋጅ ኮሚቴ ገልጿል። #FBC

@tsegabwolde @tikvahethiopia

#ደኢህዴን

በአዲስ አበባ የሚገኙ የደኢህዴን ከፍተኛና መካከለኛ አመራሮች በአዳማ ያካሄዱት መድረክ ተጠናቋል፡፡ አመራሮቹ በደቡብ ክልል የክልል አደረጃጀት አስመልክቶ ይፋ በተደረገው ጥናት ላይ ተወያይተዋል፡፡

በደቡብ ክልል የክልል አደረጃጀት ጥያቄዎችን ለመመለስ የተጠናዉ ጥናት የዜጎችን ህገ መንግስታዊ መብት የሚጥስ አለመሆኑም ተብራርቷል፡፡

የደኢህዴንና የኢህአዴግ ስራ አስፈፃሚ ኮሚቴ አባል የሆኑት አቶ ተስፋዬ በልጅጌ፤ ደኢህዴን የህዝቦችን ጥያቄ በግምት ሳይሆን በእውቀት ላይ ተመስርቶ በጥናት ለመመለስ በ10ኛ ድርጅታዊ ጉባኤ በመነሳት በሀገር ደረጃ አዲስ ልምድ ይዞ የመጣና አማራጭ ሃሳቦችን እያበረከተ የሚገኝ መሆኑን ገልፀዋል፡፡ መድረኩ ብሄራዊና ሀገራዊ ማንነትን አጣጥሞ ለመሄድ መግባባት የተፈጠረበት መሆኑ ተገልጿል፡፡

ለሶስት ቀናት በቆየው በዚህ መድረክ ከክልል አደረጃጀት ጥያቄ በተጨማሪ በወቅታዊ፣ አገራዊ፣ ክልላዊ እና በከተማው የፖለቲካዊና ፀጥታ ጉዳዮች ዙሪያ ምክክር አድርገዋል፡፡

Via waltainfo.com
@tsegabwolde @tikvahethiopia

በዘንድሮው የከፍተኛ ትምህርት መግቢያ ሃገር አቀፍ ፈተና ከፍተኛውን ውጤት ያስመዘገበው ብሩክ ዘውዱ እና ወላጅ እናቱ ከቢቢሲ ጋር አጭር ቆይታ አድርገዋል። በቆይታቸው ተማሪ ብሩክ የአጠናን ዘዴውንና የተሰማውን ደስታ ጨምሮ ሌሎች ቁምነገሮች ላይ ልምዱን አካፍሏል። ወላጅ እናቱም ያደረጉትን ድጋፍና በውጤቱ የተሰማቸውን ስሜት ገልፀዋል።

@tsegabwolde @tikvahethiopia

የአዲስ አበባ ከተማ ቀላል ባቡር ትራንስፖርት ክፍያ 4 ብር ሆነ!

የአዲስ አበባ #ቀላል_ባቡር_ትራንስፖርት አገልግሎት በሁሉም የከተማዋ አቅጣጫዎች ለሚደረግ አንድ ጉዞ የሚያስከፍለውን ታሪፍ 4 ብር እንዲሆን መወሰኑን የኢትዮጵያ ምድር ባቡር ኮርፖሬሽን አስታወቀ።

የዛሬ ሶስት ዓመት ገደማ ሥራ የጀመረው የአዲስ አበባ ቀላል ባቡር ትራንስፖርት ለተለያዩ ርቀቶች የተለያየ ታሪፍ ያስከፍላል። ኮርፖሬሽኑ ለአጭር ርቀት 2 ብር፣ ለመካከለኛ ርቀት 4 ብር እንዲሁም ለረጅም ርቀት 6 ብር ታሪፍ የክፍያ ስርዓት ሲጠቀም ነው የቆየው።

ሆኖም ከመጪው ነሐሴ 12 ቀን 2011 ዓም ጀምሮ በሁሉም ርቀት ለሚደረግ አንድ ጉዞ አራት ብር የትኬት ታሪፍ ብቻ ተግባራዊ ለማድረግ መወሰኑን ኮርፖሬሽኑ ገልጿል።

የታሪፍ ለውጡ ምቹ የቁጥጥር ስርዓት ለመዘርጋት፣ ከትኬት ህትመት ጋር የተያያዙ ወጪዎችን ለመቀነስ፣ የትኬት ስርዓቱን ዘመናዊ ለማድረግ እንደዚሁም ቀልጣፋ አገልግሎት ለመስጠት እንደሚያስችልም ጠቅሷል።

Via #ENA
@tsegabwolde @tikvahethiopia

የሲዳማ ዞን ምክር ቤት!

የብሔራዊ ምርጫ ቦርድ የሲዳማ ህዝብ በክልል የመደራጀት ጥያቄ ምላሽ የሚሰጥበትን የህዝበ ውሳኔ ቀን ይፋ እንዲያደርግ የሲዳማ ዞን ምክር ቤት ጠየቀ። ምክር ቤቱ ትናንት ለአንድ ቀን ሀዋሳ ላይ በጠራው አስቸኳይ ጉባኤ ቦርዱ ህዝበ ውሳኔውን ገቢራዊ ለማድረግ ቅድመ ዝግጅት መጀመሩ መልካም ቢሆንም ውሳኔው የሚካሄድበትን ትክክለኛ ቀን ግን ከወዲሁ ሊያሳውቅ ይገባል ብሏል። ምክር ቤቱ በተጨማሪም አቶ ደስታ ሌዳሞ በቅርቡ ከኃላፊነታቸው የተነሱትን አቶ ቃሬ ጫውቻን በመተካት ዞኑን በዋና አስተዳዳሪነት እንዲመሩ የቀረበውን ሹመት በሙሉ ድምፅ ተቀብሎታል። 

Via #DW
@tsegabwolde @tikvahethiopia