#ኮምቦልቻ

"እኛ የኢትዮጵያ መንገዶችን ባለስልጣን የኮምቦልቻ መንገድ አውታርና ደህንነት ማኔጅመንት ሰራተኞች በዶ/ር አብይ የተጀመረውን የችግኝ ተከላ ፕሮጀክት ጀምረናል።" ሀይሉወሰን በቀለ ከኮምቦልቻ

@tsegabwolde @tikvahethiopia

#NewsAlert አቶ አህመድ ቡህ #የድሬዳዋ_ከተማ አስተዳደር ምክትል ከንቲባ ሆነው ተሾሙ። የድሬዳዋ ከተማ አስተዳደር ምክር ቤት አቶ አህመድ ቡህን የአስተዳደሩ ምክትል ከንቲባ አድርጎ ሾመ።

የድሬዳዋ ከተማ አስተዳደር ምክር ቤት 2ኛ የስራ ዘመን 6ኛ አስቸኳይ ጉባኤውን በዛሬው እለት አካሂዷል። ምክር ቤቱ በዛሬው እለት ባካሄደው አስቸኳይ ጉባኤው ካለፈው መጋቢት ወር 2011 ዓ.ም መጀመሪያ ጀምሮ በከንቲባነት ያገለገሉትን የአቶ መሐዲ ጊሬን መልቀቂያ ተቀብሏል። በምትካቸውም አቶ አህመድ ቡህን የድሬዳዋ ከተማ አስተዳደር ምክትል ከንቲባ አድርጎ ሹሟል፡፡

በተጨማሪም ምክር ቤቱ በአስቸኳይ ጉባዔው የድሬዳዋ ከተማ አስተዳደር ምክር ቤት የአፈ ጉባኤ አብደላ አህመድን መልቀቂያ መቀበሉም ተገልጿል። በምትካቸውም ወይዘሮ ፈጡም ሙስጣፋን የድሬዳዋ ከተማ አስተዳደር ምክር ቤት የአፈ ጉባኤ አድርጎ ሾሟል።

Via #fbc
@tsegabwolde @tikvahethiopia

#ሰኔ_15 #ባህር_ዳር

የአማራ ክልል ምክር ቤት የሕግ እና ፍትሕ አስተዳደር ቋሚ ኮሚቴ ሰኔ 15/2011 ዓ.ም ለተፈጠረውን ችግር የፀጥታ ተቋማት መደማመጥ አለመቻል እና ወጥ የሆነ የአመራር ሂደት አለመስጠታቸው እንደሆነ አመለከተ፡፡

የአማራ ክልል ምክር ቤት የሕግ እና ፍትሕ አስተዳደር ቋሚ ኮሚቴ በጋራ የተስማማባቸውን ዋና ዋና ጉዳዮች በክልሉ ምክር ቤት 5ኛ ዙር፣ 4ኛ ዓመት የሥራ ዘመን 13ኛ መደበኛ ጉባኤ ላይ አቅርቧል፡፡ ቋሚ ኮሚቴው ሰኔ 15/2011 ዓ.ም የተፈጠረውን ችግር የተመለከተ ጉዳይ አቅርቧል፡፡ የጥፋት መንስኤው የፀጥታ ተቋማት አመራሮች መደማመጥ አለመቻል እና ወጥ የሆነ የአመራር ሂደት ባለመኖሩ መሆኑን ለምክር ቤት አባላቱ ግልጽ አድርጓል፡፡

በክልሉ መንግሥት የሠላም እና ደኅንነት ተቋም ላይ ችግሮች ከመከስቱ በፊት የፖለቲካ አመራሩ አስቀድሞ ዋነኛ መንስኤዎችን እየለዬ መፍታት ባለመቻሉ የተከሰተ መሆኑም ተጠቁሟል፡፡ ሰኔ 15/2011ዓ.ም የተፈፀመው ድርጊት የክልሉን ርዕሰ መስተዳድር ጽሕፈት ቤት በመቆጣጠር በወቅቱ ስብሰባ ላይ የነበሩ ከፍተኛ መሪዎችን በመክበብ ግድያ መፈጸሙ፤ በቡድን መሳሪያ ጭምር በመጠቀም ስልጣን ለመያዝ የተፈፀመ መሆኑን ነው ቋሚ ኮሚቴው ያቀረበው፡፡ የክልሉ ሕዝብ፣ የክልሉ እና የፌዴራል ፀጥታ አካላት ችግሩን ለመፍታት ባስተዋይነት ለወሰዱት ፈጣን እርምጃ እና መሰዋዕትነት ለከፈሉት ወዳጅ ዘመዶቻቸው የክልሉ ምክር ቤት መፅናናትን እየተመኘ በማንኛውም ወቅት ከጎናቸው መሆኑን አረጋግጧል፡፡

አሁንም ቢሆን በወቅቱ የተፈጸመውን ድርጊት ለመሸፋፈን መሞከር እና የድርጊቱ ፈፃሚዎችን ከተጠያቂነት እንዲያመልጡ ለማድረግ የሚደረገው ጥረት ተቀባይነት እንደሌለው አስረድቷል፡፡

ተጨማሪ👇
https://telegra.ph/AM-07-23

@tikvahethiopia

#ትኩረት #አርባ_ምንጭ

"ከሁሉም በላይ የሰላም ተምሳሌት ወጣቶችና አባቶች በጋራ የሚኖሩባት ከተማ ተብላ ብትጠራ ማጋነን አይሆንም። በተለይ ቂምን በልቡም በሆዱም የማይዝ ለአባቶቹ የሚታዘዝ ወጣት የሚኖርባት ሁከትን አመፅን ጥላቻን የሚፀየፉ አባቶችን ያቆየች ለምለም ምድር ናት አርባምንጭ። በጣም መጥፎ የሚባሉ አስቸጋሪ ጊዜዎችን አሳልፈናል ገና በጋራ ሆነን እናሳልፋለን። ከጊዜ ወደ ጊዜ ችላ እየተባለ የመጣው የሞባይል የቦርሳ ንጥቅያና የቡድን ዝርፊያን መንግስት በትኩረት እንዲሰራበት ለመጠቆም እወዳለሁ። በተለይ ደግሞ በአንዳንድ ጉልበተኛና ነውጠኛ ወጣቶች የተደራጀው የቡድን ዝርፊያ ነገ መልኩን ቀይሮ ወደ ሌላ ግጭት ከማምራቱ በፊት በየ ጋራው በየተራራው ስር ተሸሸገው በሚገኙ ህገወጦች ላይ መንግስት እርምጃ እንዲወስድ እንጠይቃለን።" የአርባምንጭ ወጣቶች/ለTIKVAH-ETH/

@tsegabwolde @tikvahethiopia

አፍሪካ❓

ከአጠቃላዩ የአለማችን ህዝብ 11 በመቶ ያህሉ ወይም 821.6 ሚሊዮን ሰዎች የረሃብ ተጠቂ መሆናቸውና በአፍሪካ ከአምስት ሰዎች አንዱ የችግሩ ሰለባ ሆኖ እንደሚገኝ አንድ አለም አቀፍ ሪፖርት አመልክቷል። ከሰሞኑን ይፋ የተደረገው የ2018 አለምአቀፍ የምግብ ዋስትናና የስነምግብ ሁኔታ አመላካች ሪፖርትን ጠቅሶ ቢቢሰ እንደዘገበው፤ ከአለማችን አገራት በረሃብ በከፍተኛ ሁኔታ የተጠቃችው አፍሪካ ስትሆን በአህጉሪቱ የረሃብ ተጠቂዎች ቁጥር ዘንድሮም ለሶስተኛ ተከታታይ አመት መጨመር አሳይቷል። በሁሉም የአለማችን አገራት ሴቶች ለረሃብ የመጋለጥ ዕድል ከወንዶች አንፃር ሲታይ ከፍ ያለ መሆኑን የጠቆመው ሪፖርቱ፤ ህፃናትም በከፍተኛ ሁኔታ የችግሩ ተጠቂ መሆናቸውን አመልክቷል።

@tsegabwolde @tikvahethiopia

#update የደቡብ ብሔር ብሔረሰቦችና ህዝቦች ክልል ሁሉም ዞኖች፣ ሀዋሳ ከተማ አስተዳደርና ልዩ ወረዳዎች የጸጥታ ሥራው በፌዴራልና በጸጥታ ሃይል ቁጥጥር ሥር ሆኖ በጊዜያዊ በኮማንድ ፖስት እንዲመራ ትላንት መወሰኑ ይታወቃል።

የክልሉ መንግስት ያወጣው መግለጫ እንዳመለከተው በአንዳንድ አካባቢዎች በተከሰቱ የጸጥታ ችግሮች፤ የህግ የበላይነት በአግባቡ እንዳይከበር ንቅፋት መሆኑና የዜጎች ደህንነት ጥያቄ ላይ በመውደቁ የክልሉ መንግስት በጠየቀው መሰረት ከሐምሌ 15 2011 ዓ.ም ጀምሮ በኮማንድ ፖስት እንዲመራ የፌዴራል የፀጥታ ምክር ቤት ወስኗል።

በክልሉ በተከሰተው ሁከትና ብጥብጥ ምክንያት በንብረትና በሰው ህይወት ላይ ጉዳት እየደረሰ መሆኑ፣ ያልተፈቀዱ ሰልፎችና የክልሉን ፀጥታ የሚያውኩ እንቅስቃሴዎች እንደሚስተዋሉም ነው በመግለጫው የተጠቀሰው።

ስለሆነም በክልሉ ሰላምና ደህንነት ለማስፈን እንዲሁም የህግ የበላይነትን ለማረጋገጥ እንዲቻልም ከሐምሌ 15/2011 ዓ.ም ጀምሮ ክልሉ በፌዴራልና በፀጥታ ሃይል ቁጥጥር ሥር ሆኖ በጊዜያዊ በኮማንድ ፖስት እንዲመራ ተወስኗል። ዝርዝሩ በቀጣይ ይፋ እንደሚሆንም ተገልጿል።

ምንጭ፦ የደቡብ መገናኛ ብዙሃን
@tsegabwolde @tikvahethiopia

#አረንጓዴ_አሻራ

ንግድና ኢንዱስትሪ ሚኒስቴርና በሚኒስቴሩ ስር የሚገኙ 15 ተጠሪ ተቋማት በቦሌ ለሚና በቂሊንጦ ኢንዱስትሪ ፓርክ ሐምሌ 15/2011 የችግኝ ተከላ አካሄዱ፡፡

ከ3,800 በላይ ሠራተኞች በተሳተፉበት በዚህ የችግኝ ተከላ ከ22,000 በላይ ችግኞችን በቦሌ ለሚና በቂሊንጦ ኢንዱስትሪ ፓርኮች ለመትከል ተችሏል፡፡

በቂሊንጦ ኢንዱስትሪ ፓርክ በነበረው የቸችግኝ ተከላ መርሃ ግብር የተሳተፉት የንግድና ኢንዱስትሪ ሚኒስቴር ሚኒስትር ዴኤታ አቶ ተካ ገብረየሱስ እንደገለፁት ይህ የችግኝ ተከላ መርሃግብር በዋናነት የአረንጓዴ ኢኮኖሚ ግንባታ አቅም መፍጠሪያና በሐምሌ 22/2011 የሚካሄደው ሀገራዊ የአረንጓዴ አሻራ ቀን መንደርደሪያ ነው ብለዋል፡፡

ሐምሌ 22 ለሚካሄደው ሀገራዊ የችግኝ ተከላ ሁሉንም የሚኒስቴር መስሪያ ቤቱና ተጠሪ ተቋማት ሠራተኞችን ማሳተፍ እንዲቻል የቅድመዝግጅት ስራዎች መጠናቀቃቸውን አውስተው በእለቱም በኦሮሚያ ክልል በፍቼ ከተማ አካባቢ 80,000 ችግኞች እንደሚተከሉ ገልፀዋል፡፡

በችግኝ ተከላው የተሳተፉ ሠራተኞች እንደገለፁት በዚህ ሀገራዊ የአረንጓዴ አሻራ ቀን ላይ የራሳቸውን አሻራ ለማሳረፍ በመቻላቸው የተሠማቸውን ደስታ ገልፀው በሀገራዊው የሠላም፣ የዴሞክራሲና የልማት እንቅስቃሴም ውስት ሁሉም በላፊነት የየግሉት አስተዋፅኦ በማድረግ የተጀመረውን ሀገራዊ መግባባት ማሳደግ እንደሚገባም ገልፀዋል፡፡

@tsegabwolde @tikvahethiopia

#NewsAlert ኢትዮ ቴሌኮም በኢንተርኔት #መቆራረጥ ምክንያት ብቻ 204 ሚሊዮን ብር ማጣቱን ገለጸ። ኢትዮ ቴሌኮም የ2011 በጀት ዓመት እቅድ አፈጻጸሙን አስመልክቶ ለመገናኛ ብዙሃን መግለጫ ሰጥቷል። የድርጅቱ ዋና ስራ አስፈጻሚ ወይዘሮ ፍሬህይወት በዚህ ጊዜ እንዳሉት በኢንተርኔት መቆራረጥ ምክንያት ብቻ 204 ሚሊዮን ብር አጥተናል ብለዋል።

ከዚህ በፊት በኢንተርኔት መዘጋት ምክንያት ኢትዮጵያ በቀን 4 ነጥብ 5 ሚሊዮን ዶላር ታጣለች ተብሎ የወጣው ዘገባ ስህተት መሆኑን ስራ አስፈጻሚዋ ተናግረዋል።

ኢትዮ ቴሌኮም በ2011 በጀት ዓመት 36 ነጥብ 3 ቢሊዮን ብር ገቢ ማግኘቱን ገልጿል። የተገኘው ገቢ የእቅዱን 80 በመቶ ያሳካ ሲሆን ገቢው ከአምናው ጋር ሲነጻጸር በ7 በመቶ ብልጫ ማሳየቱን ወይዘሮ ፍሬህይወት ተናግረዋል።

ድርጅቱ የደንበኞቹን ቁጥር 43 ሚሊዮን ያደረሰ ሲሆን አገራዊ የቴሌኮም ስርጭቱ 44 ነጥብ 5 በመቶ መድረሱም በመግለጫው ወቅት ተገልጿል።

በተጠናቀቀው በጀት ዓመት በአገሪቱ የተወሰኑ አካባቢዎች የጸጥታ ሁኔታ አስጊ በመሆኑ የቴሌኮም አገልግሎቶች የግድ ማቋረጥ አስፈልጓል ይሄ ደግሞ በገቢው ላይ ተጽዕኖ ፈጥሮብናል ሲሉ ስራ አስፈጻሚዋ ተናግረዋል።

Via #ኢትዮ_ቴሌኮም
@tsegabwolde @tikvahethiopia

#update የስልጤ ልማት ማህበር ለመንግስት ት/ቤት ተማሪዎች የ500 ሺ ደብተር ድጋፍ አድርገዋል፡፡

ኢ/ር ታከለ ኡማ ከስልጤ ልማት ማህበር ተወካዮች ጋር ተወያይተዋል፡፡

የስልጤ ልማት ማህበር እና ተወላጆች ለመንግስት ት/ቤት ተማሪዎች የሚሆን የ500 ሺ ደብተር ድጋፍ አድርገዋል፡፡

የማህበሩ ተወካዩች የስልጤ ህዝብ በአዲስ አበባ ከተማ ውስጥ ባህሉን እና ማንነቱን የሚያሳድግበት የባህል ማዕከል ለመገንባት ጥያቄያቸውን ለኢ/ር ታከለ ኡማ አቅርበዋል፡፡

ኢ/ር ታከለ ኡማ የስልጤ ልማት ማህበር ለተማሪዎች ላደረጉት የደብተር ድጋፍ ምስጋናቸውን አቅርበዋል፡፡

የማህበሩ ተወካዮች በከተማ አስተዳደሩ እየተሰሩ ያሉ የልማት ስራዎችን እንደሚያደንቁ ተናግረዋል፡፡

በቀጣይነትም በከተማዋ ውስጥ በሚከናወኑ ማንኛውም የልማት ስራዎች ላይ በንቃት በመሳተፉ አጋርነታቸውን በተግባር እንደሚያሳዩም ገልፀዋል፡፡

@tsegabwolde @tikvahethiopia

የኢትዮ ቴሌኮም የ2011 በጀት ዓመት የሥራ አፈጻጸም፦

https://telegra.ph/ETHIOTELECOM-07-23

አሜሪካ እና ኢራን ወዴት እያመሩ ነው❓

ኢራን ለሲአይኤ እየሠሩ ነበር ያለቻቸውን 17 ሰላዮች በቁጥጥር ሥር ማዋሏን ይፋ አደረገች። ከነዚህ ገሚሱ #ሞት ተፈርዶባቸዋል ተብሏል። የኢራን የደህንነት ሚንስትር እንዳለው፤ ተጠርጣሪዎቹ ስለ ኒውክሌር፣ መከላከያ እና ሌሎችም ዘርፎች መረጃ እየሰበሰቡ ነበር። የአሜሪካ ፕሬዘዳንት ዶናልድ ትራምፕ የኢራንን ክስ "ሀሰት ነው" ሲሉ አጣጥለዋል። በኢራን የኒውክሌር ፕሮግራም ሳቢያ ሁለቱ አገራት እንደተፋጠጡ ነው። ትራምፕ ከዓለም አቀፉ የኒውክሌር ስምምነት ባለፈው ዓመት ወጥተው ኢራን ላይ የንግድ ማእቀብ መጣላቸው ይታወሳል።

Via #BBC
@tsegabwolde @tikvahethiopia

"አረንጓዴ አሻራ እናሳረፍ ፤ በአንድ ጀምበር 200 ሚልዮን ችግኝ እንትከል፤ ሐምሌ 22 በነቂስ እንዉጣ።" PMO

ቅዱስ ጳውሎስ ሆስፒታል ሚሊኒየም ሕክምና ኮሌጅ ከሐምሌ 19 -21ቀን 2011 ልዮ የበጎ ፈቃድ ደም ለጋሾች ፕሮግራም አዘጋጅቷል።
ቦታ:- መስቀል አደባባይ
ሰዓት:- 3:00-11:00

#አብዛን_ንግድ

20 ሺ ሠራተኞችን #ለመቅጠር ገንዘብ እያስከፈለ በመመዝገብ ላይ የነበረው ግለሰብ ከእነ ጓደኞቹ ታስሮ ፍርድ ቤት ቀርቧል። አብዛን የተሰኘ የንግድ ሥራ ድርጅት ባለቤት መሆኑ የተገለጸ ግለሰብ 20 ሺሕ ሠራተኞችን ለመቅጠር በነፍስ ወከፍ 2,477 ብር በማስከፈል፣ በርካታ ወጣቶችን በመመዝገብ ላይ እያለ ከጓደኞቹ ጋር በቁጥጥር ሥር ውሎ ታሰረ፡፡ግለሰቡ አቶ አብርሃም ዘሪሁን የሚባል ሲሆን፣ የሥራ ማስታወቂያውን በቃና ቴሌቪዥንና በሌሎች ሚዲያዎች በማስተዋወቅ፣ ከሐምሌ 1 እስከ 18 ቀን 2011 ዓ.ም. ድረስ እያንዳንዱ ተመዘጋቢ የ2,477 ብር ሲፒኦ አሠርቶ እንዲመዘገብ ጥሪ ማድረጉ ታውቋል፡፡
.
.
ተጠርጣሪዎቹ ሐሰተኛ ሰነድ በመጠቀምና በተለይ የ2011 ዓ.ም. ተመራቂ ወጣቶችን በማማለል ከሦስት ሺሕ ብር በላይ ደመወዝ እንደሚከፍል፣ #ሐሰተኛ ማስታወቂያ በማስነገር ከእያንዳንዱ ተመዝጋቢ 2,744 ብር መቀበላቸውን ፖሊስ ገልጿል፡፡ ስለማስታወቂያውና ስለሥራው የተጠራጠረው ፖሊስ ከአሥር ተመዝጋቢዎች ጋር ባደረገው ቃለ መጠይቅ ጥርጣሬውን ይበልጥ ስላጎላው፣ ግለሰቦቹን ሐምሌ 13 ቀን 2011 ዓ.ም. በቁጥጥር ሥር አውሎ እየመረመረ መሆኑንና ለተጨማሪ ምርመራ 14 ቀናት እንዲፈቀድለት ጠይቋል፡፡

ተጨማሪ የንብቡ👇
https://telegra.ph/ABZAN-07-24

Via #reporter
@tsegabwolde @tikvahethiopia

አብዛን የንግድ ስራ ድርጅት በሚል 20 ሺ ሰራተኛ ለመቅጠር ገንዘብ ሲሰበስብ የነበረው ግለሰብ ከነጓደኞቹ ታስሮ ፍርድ ቤት ቀርቧል።

#ጥንቃቄ: በተለይ ተመራቂዎች ለስራ ቅጥር ለማመልከት ስትሄዱ ከፍተኛ ጥንቃቄ እንድታደርጉ በዚሁ አጋጣሚ ለመግለፅ እንወዳለን።

@tsegabwolde @tikvahethiopia

#NewsAlert የተለያዩ ሀገራት ገንዘብ በሕገ ወጥ መንገድ ይዞ ሲንቀሳቀስ የነበረው ግለሰብ በቁጥጥር ስር ዋለ፡፡ ‹‹ገንዘቡ የተያዘው ሐምሌ 14/2011 ዓ.ም ከቀኑ 9፡00 ገዳማ ከጠገዴ ወረዳ ሾርካ ንዑስ ወረዳ መፈተሻ ኬላ ላይ ነው›› ብሏል ፖሊስ ለአብመድ በሰጠው መረጃ፡፡

በማዕከላዊ ጎንደር ዞን ፖሊስ መምሪያ የወንጀል ምርመራ ዋና የሥራ ሂደት ባለቤት ምክትል ኮማንደር አስማማው ካሴ እንደገለጹት አቶ ገብረሕይወት አስማረ የተባለ ተጠርጣሪ 110 ሺህ የአሜሪካ ዶላር በቦርሳ ይዞ ሲንቀሳቀስ በቁጥጥ ሥር ውሏል፡፡

የተጠርጣሪው መታወቂያ ‹‹ሥራ ፈላጊ›› የሚል መሆኑንም ነው ምክትል ኮማንደር አስማማው የተናገሩት፡፡ ግለሰቡም ከጎንደር ወደ ሁመራ ተጓዥ እንደነበር መናገሩም ተሰምቷል፡፡

ከ110 ሺህ የአሜሪካን ዶላር በተጨማሪ የእንግሊዝ ፓውንድ መገኘቱንም ነው የወንጀል ምርመራ ዋና የሥራ ሂደት ባለቤቱ ያመለከቱት፡

Via #AMMA
@tsegabwolde @tikvahethiopia

#አዲስ_አበባ

የአዲስ አበባ ከተማ አስተዳደር ንግድና ኢንዱስትሪ ቢሮ ከሌሎች ሴክተር ተቋማት ጋር በመሆን በቅርቡ ተገቢ ያልሆነ የዋጋ ጭማሪ ባደረጉ የንግድ ተቋማት ላይ እርምጃ መወሰዱን አስታውቋል፡፡

የአዲስ አበባ ንግድና ኢንዱስትሪ ቢሮ ምክትል ኃላፊና የንግድ ዘርፍ አስተባባሪ አቶ መስፍን አሰፋ እንደገለጹት ከነጋዴው የኅብረተሰብ ክፍል ጋር የጋራ መግባባት ለመፍጠር ውይይቶች ተደርገዋል፤ ተገቢ ያልሆነ የዋጋ ጭማሪ ባደረጉ አካላት ላይም ሕጋዊና አስተዳደራዊ እርምጃ ተወስዷል፡፡
እርምጃ ከተወሰደባቸው ተቋማት መካከል የአትክልትና ፍራፍሬ መሸጫ ሱቆች፣ ዳቦ ቤቶች፣ ወፍጮ ቤቶች፣ የእህል መነገጃ ቤቶች እና ምግብ ቤቶች እንደሚገኙበት ኃላፊው መናገራውን ኢብኮ ዘግቧል፡፡

በተለይም ዋጋ የጨመሩ፣ ያለ ደረሰኝ ግብይት የፈጸሙ፣ ግራም ያጎደሉና በተለያዩ መንገዶች በኅብረተሰቡ ላይ ጫና ያደረጉ የንግድ ተቋማት ላይ እርምጃ መወሰዱ ነው የተገለጸው፡፡

በተወሰደ እርምጃም መሻሻሎች እንደታዩና አልፎ አልፎም ከዚህ በፊት ከነበሩበት ዋጋ በታች የወረዱ ግብይቶች መኖራቸውን ጭምር ኃላፊው አመልክተዋል፡፡

የቁጥጥር ሥራን ከማጠናከር በተጨማሪ ኅብረተሰቡ ምርቱን በተሻለ ዋጋ የሚያገኝበትን አማራጮች በመፍጠር፣ በምርትና በሽያጭ ሂደት ውስጥ ምንም እሴት የማይጨምሩ ነገር ግን በሕገ ወጥ መልኩ በገበያ ስርዓት ውስጥ የተሰገሰጉ ደላሎችን በማስወገድ ኅብረተሰቡ በቀጥታ ከገበሬ ምርቱን ማግኘት እንዲችል ከተለያዩ ክልሎች በተለይም ከኦሮሚያ፣ አማራና ደቡብ ክልሎች ጋር እየሠራ መሆኑንም አቶ መስፍን ገልጸዋል፡፡

Via #ebc
@tsegabwolde @tikvahethiopia

የኢቢኤስ(EBS) ቴሌቪዥን ለመንግስት ት/ቤት ተማሪዎች 50ሺ ደብተር ድጋፍ አድርጓል፡፡ በተጨማሪም በአዲስ አበባ ከተማ ውስጥ ለሚገኙ አራት የመንግስት ት/ቤቶች እድሳት ለማድረግ ቃል ገብተዋል፡፡

Via @mayorofficezAA
@tsegabwolde @tikvahethiopia

#update የኮሌራ በሽታ ወረርሽኝን በአስር ዓመት ውስጥ ማጥፋት የሚያስችል ብሔራዊ ዕቅድ እያዘጋጀ መሆኑን የጤና ሚኒስቴር አስታወቀ።

ሚኒስቴሩ ከዓለም የጤና ድርጅትና ከሌሎች ባለድርሻ ተቋማት ጋር በመሆን በብሔራዊ ዕቅዱ ዙሪያ ምክክር አድርጓል። በቅርቡ በኢትዮጵያ በተከሰተው የኮሌራ በሽታ ወረርሽኝ 986 ሰዎች ተጠቂ መሆናቸውም ይታወቃል። አማራ፣ ኦሮሚያ፣ ትግራይና አፋር ክልሎች እንዲሁም አዲስ አበባ በሽታው በስፋት የተገኘባቸው ሥፍራዎች ናቸው።

የጤና ሚኒስቴርም ይህንን ከግምት በማስገባት የበሽታውን ስርጭት በአስር ዓመት ውስጥ ለማስቆም የሚያስችል ስራ እንደሚሰራ አመልክቷል።

Via #ebc
@tsegabwolde @tikvahethiopia

#ሂጅራ_ባንክ

ሂጅራ ባንክ የአክሲዮን ሽያጭ መጀመሩን አስታወቀ፡፡ ሂጅራ ባንክ አክሲዮን መሸጥ የሚያስችለውን ፈቃድ ከብሄራዊ ባንክ ካገኘ አንድ ወር እንደሞላው ነው የተገለጸው፡፡

የሂጅራ ባንክ አክስዮን አደራጆች ሰብሳቢ አቶ አህባብ አብድላ እንዳሉት ላለፉት ሁለት አመታት በሀገር ደረጃ ትርጉም ያለው ለውጥ እንዲፈጠር የተለያዩ ጥናቶችን ሲያከናውኑ እንደቆዩ ተናግረዋል፡፡ ባንኩ ከወለድ ነጻ የፋይናንስ ስርአትን በማበልጸግ ለዘመናት በሀገራችን ምጣኔ ሀብታዊ እንቅቃሴ ውስጥ ባለው ውስን ተሳትፎ የሚታወቀውን የህብረተሰብ ክፍል በሀገሪቱ እድገት ላይ አዎንታዊ ሚና እንዲኖረው የማስቻል ስራ መስራቱንን ገልጿል።

የሂጅራ ባንክ አክሲዮን ማህበር አነስተኛው የአክሲዮን ሽያጭ 30ሺህ ብር ሲሆን ከፍተኛው የአክሲዮን ሽያጭ ደግሞ 20 ሚሊየን ብር ነው ተብሏል፡፡ አክሲዮን ማህበሩ አንድ ቢሊየን ብር የአክሲዮን ሽያጭ ለመሸጥ እንዳሰበም ተገለጿል፡፡

Via #ኢትዮ_ኤፍኤም
@tsegabwolde @tikvahethiopia

በህጻናት ልጆች ላይ የአስገድዶ መድፈር ወንጀል የፈጸመው አዛውንት በጽኑ እስራት ተቀጣ፦

የ81 አመት አዛውንት የሆነው ተከሳሽ ሰኢድ አብዱልከሪም አብዱልሃቢብ በታዳጊ ህጻናት ላይ የግብረ-ስጋ ድፍረት በደል ወንጀል በመፈፀሙ በዓቃቤ ህግ ክስ ተመስርቶበታል፡፡

በወንጀል ሕጉ አንቀጽ 627/1/ እና 627/3/ ሥር የተደነገጉትን ድንጋጌዎች በመተላለፍ ተከሳሽ ሰኔ 27/2008 ዓ.ም በግምት ከጠዋቱ 4፡30 ስዓት ሲሆን በአራዳ ክፍለ ከተማ ልዩ ቦታው ከሊፋ ህንጻ አካባቢ በ12 አመቷ ህጻን ላይ የግብረ ስጋ ግንኙነት በመፈጸሙ እና በተመሳሳይ ቦታ ባልታወቀ ቀን ግንቦት 2009 ዓ.ም እና ጥር 2009 ዓ.ም 7 አመት በሆናቸው ሶስት ህጻናት ላይ የግብረ ስጋ ግንኙነት የመሰለ ድርጊት በመፈፀሙና ይህ የግብረ ስጋ ድፍረት በደል ወንጀሉም በማስረጃ በመረጋገጡ ዓቃቤ ህግ ክሱን መስርቶበታል፡፡

ተከሳሽ በአራቱም የግል ተበዳይ ህጻናት ላይ የአካል እና የስነ-ልቦና ጉዳት እንዲደርስባቸው ምክንያት ሆኗል ሲል ዓቃቤ ህግ ባቀረባቸው የሰውና የሰነድ ማስረጃዎች ለፍርድ ቤት ያስደመጠ ሲሆን ጉዳዩን የተከታተለው የፌዴራል መጀመሪያ ደረጃ ፍ/ቤት ልደታ ምድብ 4ኛ ወንጀል ችሎት የቀረበውን የሰውና የህክምና ማስረጃ ከመረመረ በኋላ በተከሳሽ ላይ የጥፋተኝነት ብይን ሰጥቷል፡፡

ፍ/ቤቱ ግራ ቀኙን በማየት ተከሳሽ ከእድሜያቸው አንጻር ድርጊቱን መፈጸማቸው ነውር በመሆኑ አንድ የቅጣት ማክበጃ እና ከዚህ በፊት የወንጀል ሪከርድ የሌለበት መሆኑ፣ የቤተሰብ አስተዳዳሪና የተለያዩ በሽታዎች ያሉበት መሆኑን ከግንዛቤ ውስጥ በማስገባት ሶስት የቅጣት ማቅለያዎችን ይዞለት ሰኔ 02/2011 ዓ.ም በዋለው ችሎት በ10 አመት ጽኑ እስራት ይቀጣ ሲል ወስኗል፡፡

ምንጭ፦ የፌደራል ጠቅላይ አቃቤ ህግ
@tsegabwolde @tikvahethiopia