ፎቶ: ለዛሬው የሻምፒዎንስ ሊግ የፍፃሜ ጨዋታ 800 ያህል በረራዎች ወደ ማድሪድ፣ ስፔን ይደረጋሉ። ድሮ ድሮ የምእራባውያን አየር መንገዶች በብዛት ተቆጣጥረውት የነበረውን ይህን አይነት ሰሞንኛ የበረራ አገልግሎት የኢትዮጵያ አየር መንገድም ተቀላቅሏል። ከእንግሊዝ ወደ ስፔን በርካታ በረራዎችን እያደረገ በዛውም የድርሻውን እያገኘ ነው። አለም አቀፍ ድርጅት ሲኮን እንዲህ ነው።

Via @eliasmeseret
Photo:Ethiopian Airlines
@tsegabwolde @tikvahethiopia

#update ኢ/ር ታከለ ኡማ በቦሌ ክ/ከተማ በመንግሥት በጀት እና በህብረተሰብ ተሳትፎ የተገነቡ በርካታ ፕሮጀክቶችን ስራ አስጀምረዋል፡፡
-

ከ300 ሚሊዮን ብር በላይ ወጪ የተደረገባቸው እነዚህ ፕሮጀክቶች የከተማ አስተዳደሩ ተቋማትን በአንድ አከባቢ በመገንባት ለህብረተሰቡ ምቹ እና ፈጣን አገልግሎት እንዲሰጡ ታስቦ የተገነቡ ናቸው፡፡

ዛሬ ከተመረቁ ፕሮጀክቶች መካከል 10 ጤና ጣቢያ ፣ 98 የንግድ ሼዶች ፣ 9 የአንደኛ እና ሁለተኛ የመማርያ ት/ቤቶች ፣ 6 የስፖርት ማዘውተሪያ ሜዳዎች እና 13 የወሳኝ ኩነት ማዕከላት ይገኙበታል፡፡

በምረቃ ስነ-ስርዓቱ ላይ ንግግር ያደረጉት ኢ/ር ታከለ ኡማ የከተማ አሰተዳደሩ የህብረተሰቡን አቅም ባገናዘበ መልኩ ጥራት ያለው ትምህርትን በመንግስት ት/ቤቶች ለመስጠት ከምን ጊዜውም በላይ ጠንክሮ እየሰራ እንደሆነም ጠቅሰዋል፡፡

በ2012 የትምህርት ዘመን የከተማ አስተዳደሩ 600ሺ ለሚሆኑ በከተማዋ ውስጥ ለሚገኙ የመንግስት ት/ቤት ተማሪዎች የትምህርት ቁሳቁስ (ደብተር ፣ እስክርቢቶ ፣ እርሳስ እና የመሳሰሉትን) እንደሚያቀርብም አስታውቀዋል፡፡

በመጨረሻም የከተማ አስተዳደሩ ባዘጋጀው የክረምት የበጎ አድራጎት ስራ ላይ የአከባቢው ነዋሪዎች ፣ ወጣቶች እና መምህራን እንዲሳተፉም ጥሪ አቅርበዋል፡፡

Via @mayorofficeAA
@tsegabwolde @tikvahethiopia

"ለሚቀጥለው የትምህርት ዘመን በአዲስ አበባ ከተማ ውስጥ ለሚገኙ የመንግስት ት/ቤት ተማሪዎች ባለሃብቶችን እና ለጋሾችን በማስተባበር የትምህርት ቁሳቁስ(ደብተር ፣ እስክርቢቶ እና እርሳስ) በነፃ እናቀርባለን፡፡" ኢ/ር ታከለ ኡማ
.
.
ኢ/ር ታከለ ኡማ ከቦሌ ክፍለከተማ ከተውጣጡ የህብረተሰብ ክፍሎች ጋር ተወያይተዋል፡፡

በተለይም በማስፋፍያ አከባቢ በጋራ የመኖሪያ ቤት ውስጥ ያሉ ነዋሪዎች ያለባቸውን የመሠረተ ልማት ችግር ፣ የገበያ ማዕከላት የትምህርት ቤት ና የእምነት ተቋማት በአቅራቢያቸው አለመኖር ፣ የትራንስፖርት ችግር እና የኑሮ ውድነት ዙሪያ ጥያቄአቸውን ለኢ/ር ታከለ አቅርበዋል፡፡

ኢ/ር ታከለ በበኩላቸው በከተማዋ ውስጥ ያለውን የኑሮ ውድነት ለመቀነስ የከተማ አስተዳደሩ በርካታ ፕሮጀክቶችን ቀርፆ እየሰራ ነው ብለዋል፡፡

የመሠረተ ልማትን በተመለከተ የከተማ አስተዳደሩ የትምህርት እና ጤና ተደራሽነትን ለማስፋት ከሁሉም ፕሮጀክቶች ቅድሚያ ሰጥቶ እየሰራ እንደሆነ ተናግረዋል፡፡

የቤተ-እምነት የይዞታ ጥያቄዎችን በተመለከተ የከተማ አስተዳደሩ ከሁሉም ቤተ-እምነት ከተውጣጡ ኮሚቴዎች ጋር እየሰራ እንደሆነ እና ለሁሉም ቤተ-እምነቶች የሚገባቸውን ብቻ እንዲወስዱ እንደሚደረግ እና የማይገባቸውንም በስምምነት እንዲመልሱ ይደረጋል ብለዋል፡፡

በመጨረሻም የከተማ አስተዳደሩ በከተማዋ ውስጥ ያሉ ከ1000 በላይ የሚሆኑ የአቅመ ደካሞች መኖሪያ ቤትን ለማደስ ዕቅድ እንደያዘ እና የቦሌ ክፍለከተማ ነዋሪዎችም በአከባቢያቸው ያሉ የአረጋዊያን እና እናቶችን ቤት እንዲያድሱ ጥሪ አቅርበዋል፡፡

Via @mayorofficeAA
@tsegabwolde @tikvahethiopia

የየርገን ክሎፕ እርግማን በዋንጫ ተገታ!!

ሊቨርፑል የአውሮፓ ሻምፒዮን ሆኗል። ቀያዮቹ በነጫጮቹ ላይ የ2 ለ 0 ድል አስመዝግበዋል። ጨዋታው እንደተጀመረ ግብፃዊው መሀመድ ሳላህ በፍፁም ቅጣት ምት እና ተቀይሮ የገባው ቤልጂየማዊው ዲቮክ ኦሪጊ በጨዋታ የመርሲ ሳይዱን ቡድን ድል ያወጁ ጎሎቾ አስቆጥረዋል። ይህ ድል ለሊቨርፑል ስድስተኛ የአውሮፓ ቻምፒየንስ ሊግ ሆኖ ተመዝግቧል። አሁን በዋንዳ ሜትሮፖሊታኖ ስታዲየም You will never walk alone የሚለው ልብ ገዥ ዝማሬ ከፍ ብሎ እየተዘመረ ነው። አንፊልድን እና መርሲ ሳይድን ይሄኔ ላየው ...

Via artstv
@tsegabwolde @tikvahethiopia

"ተፈናቃዮች እስከ ሰኔ ወር መጨረሻ ወደ ቀያቸው ይመለሳሉ" - የሰላም ሚኒስቴር

በኢትዮጵያ ከተለያዩ አካባቢዎች የተፈናቀሉ ዜጎች እስከ ሰኔ ወር መጨረሻ ወደ ቀያቸው እንደሚመለሱ የሰላም ሚኒስቴር አስታወቀ። በሀገሪቱ ባለፈው አንድ ዓመት ብቻ አንድ ሚሊዮን ገደማ ሰዎች ከመኖሪያቸው መፈናቀላቸውንም ገልጿል።

በግጭት ምክንያት የተፈናቀሉ ዜጎችን በተመለከተ የሰላም ሚኒስቴር ሚኒስትሯ ሙፈሪሃት ካሚል ዛሬ ለጋዜጠኞች በሰጡት መግለጫ ተፈናቃዮችን ወደ ቀያቸው የመመለስ ተግባር “በፈቃደኝነት ላይ የተመሰረተ እና ክብራቸውን በጠበቀ” መልኩ የተከናወነ ነው ብለዋል። “ተፈናቃዮች አለፍላጎታቸው እየተመለሱ ነው” በሚል የሚቀርቡ ወቀሳዎችም “ሀሰት” ሲሉ ሚኒስትሯ አስተባብለዋል።

ወ/ሮ ሙፈሪሃት በኢትዮጵያ በተለያዩ ጊዜያት ሁለት ሚሊዮን 332 ሺህ ገደማ ዜጎች ከቀያቸው መፈናቀላቸውን በዛሬው ጋዜጣዊ መግለጫቸው አስታውሰዋል። ከእነዚህ መካከል ግማሽ ያህሉ የተፈናቀሉት ከመጋቢት 2010 ዓ ም በፊት መሆኑን የጠቀሱት ሚኒስትሯ 1.5 ሚሊዮን የሚሆኑት በክልላቸው ውስጥ የተፈናቀሉ መሆኑንም ገልጸዋል። ጠቅላይ ሚኒስትር #አብይ_አህመድ ስልጣን ከያዙ ከሚያዝያ 2010 ዓ. ም. ወዲህ የተፈናቀሉ ዜጎች ቁጥር 1.1 ሚሊዮን ነው ተብሏል።

Via #DW
@tsegabwolde @tikvahethiopia

ከአዳማ...

"በአሁን ሰዓት በአዳማ ከተማ (ኮሌጅ አካባቢ) የኢትዮጵያ ሞተር ስፖርት ማህበር ያዘጋጀው የዙር ውድድር በመካሄድ ላይ ይገኛል።"

(ፎቶ ብሩክ)
@tsegabwolde @tikvahethiopia

ጥንቃቄ ይደረግ...

"የአጣዳፊ ተቅማጥ እና ትውከት ህመም በአዲስ አበባ እና በአራት ክልሎች ኦሮሚያ፣ አማራ፣ ትግራይ እና ሶማሌ በአጠቃላይ በ365 ሰዎች ላይ የታየ ሲሆን ከእነዚህም ውስጥ ዘጠኝ የሚሆኑት በላቦራቶሪ የኮሌራ በሽታ መሆኑ #ተረጋግጧል። ሁሉም አስፈላጊውን ህክምና እያገኙ ሲሆን በቅርቡ ለበሽታው በከፍተኛ ሁኔታ ተጋላጭ ለሆኑ የህብረተሰብ ክፍሎች የክትባት አገልግሎት የምንሰጥ ይሆናል። ሁሉም የህብረተሰብ ክፍል አስፈላጊውን ጥንቃቄ ማድረግና ምልክቱ የታየባቸውን ወደ ጤና ተቋማት መውሰድ ይኖርባቸዋል። በየህክምና ተቋማት የሚገኙ የጤና ባለሙያዎች እየሰጡ ላለው የህክምና አገልግሎት በጤና ሚኒስቴር እና በራሴ ስም ማመስገን እወዳለሁ።"

Via ዶክተር አሚር አማን
@tsegabwolde @tikvahethiopia

የኮሌራ ወረርሽኝ አዲስ አበባን ጨምሮ በተለያዩ ክልሎች ተከስቷል‼️
.
.
የኮሌራ ወረርሽኝ አዲስ አበባን ጨምሮ በትግራይ፣ በኦሮሚያ፣ ሶማሌና አማራ ክልሎች በተለያዩ አካባቢዎች መከሰቱን የኢትዮዽያ ህብረተሰብ ጤና ኢንስቲትዩት አስታወቀ::

በአዲስ አበባ ከተማ በአቃቂ እና አዲስ ከተማ ክፍለ ከተሞች በአጣዳፊ ተቅማጥ እና ትውከት ህመም ህክምና እያገኙ ካሉ 5 ሰዎች ውስጥ አንዱ በላብራቶሪ ቪብሮ ኮሌራ መሆኑ የተረጋገጠ ሲሆን ለሁሉም ህክምና እየተሰጠ እንደሚገኝ ኢንስቲትዩቱ ገልጿል::

በተመሳሳይ መልኩ የአጣዳፊ ተቅማጥና ትውከት ህመም በኦሮሚያ፣ አማራ፣ ትግራይና ሶማሌ ክልሎች በአጠቃላይ በ360 ሰዎች ላይ የታየ ሲሆን ከእነዚህም ውስጥ 8 የሚሆኑት በላብራቶሪ የኮሌራ በሽታ መሆኑ ተረጋግጧል ብሏል::

ሁሉም አስፈላጊውን ህክምና እያገኙ ሲሆን በቅርቡ ለበሽታው በከፍተኛ ሁኔታ ተጋላጭ ለሆኑ የህብረተሰብ ክፍሎች የክትባት አገልግሎት ለመስጠት ዝግጅት መጠናቀቁን ኢንስቲትዩቱ አብራርቷል::

ሁሉም የህብረተሰብ ክፍል ይህንን በመገንዘብ አስፈላጊውን ሁሉ ጥንቃቄ ማድረግና ምልክቱ የታየባቸው ሰዎች በፍጥነት ወደ ጤና ተቋማት በመሄድ ህክምና ማግኘት ይኖርባቸዋል ተብሏል::

በበሽታው የተያዘ ሰው በተደጋጋሚ አጣዳፊ ተቅማጥና ትውከት ይኖረዋል፡፡ በዚህም የተነሳ የሰውነት ፈሳሽና ጠቃሚ የሆኑትን ንጥረ ነገሮች መጠን ያዛባል፡፡ በተጨማሪም
• አጣዳፊ መጠነ ብዙ የሆነ ውኃማ ተቅማጥ
• ትውከትና ቁርጥማት
• የአይን መሰርጐድ
• የአፍና የምላስ መድረቅ
• እንባ አልባ መሆን
• የሽንት መጠን መቀነስ
• የቆዳ ድርቀትና መሸብሸብ በመጨረሻም ከፍተኛ የሆነ የሰውነት ድርቀት በማስከተል ህመምተኛው በወቅቱ ካልታከመ ለሞት ሊያበቃው ይችላል፡፡

Via #etv
@tsegabwolde @tikvahethiopia

ከነጌሌ ቦረና👆

"ሀይ ፀግ ከነጌሌ ቦረና ነው። ዛሬ በነጌሌ ቦረና ከተማ ክርስቲያን ወንድሞቻችን የኢድ ባዓልን በማስመልከት ከተማችንን እና መስጂዳችን በማፅዳትና በመስጂዱል ቢላል ውስጥ ችግኝ በመትከል አብሮነታቸውንና መልካም ምኞታቸውን ገልፀውልናል። እጅግ በጣም አስደሳችና የከተማችን ህ/ሰብ አብሮነቱን ለመግለፅ በነቂስ የተሳተፈበት ነበር። በሁለቱም በኩል የእምነት አባቶችና ወጣቶች በመገኘት ከተማችንና መስገጃ ቦታችን አፅድተዋል። አብዱ ነኝ ከነጌሌ ቦረና"

@tsegabwolde @tikvahethiopia