#update በጠ/ሚር #ዐቢይ_አሕመድ የሚመራውና ለ"ሸገርን ማስዋብ" ፕሮጀክት ገንዘብ የሚያሰባስበው የ"ገበታ ለሸገር" አስተባባሪ ኮሚቴ ዛሬ ከቀትር በኋላ ተገናኝቶ የደረሰበትን ደረጃ ተወያይቷል። ኮሚቴው እጁ ላይ ያለውን ሥራ አጠናቅቆ በሚቀጥሉት ጥቂት ሳምንታት ውጤቱን ለሕዝብ ይፋ ያደርጋል።

#PMOEthiopia
@tsegabwolde @tikvahethiopia

ጉድ ሳይሰማ...

በሁለት ወር ውስጥ #በማስትሬት ዲግሪ የሚያስመርቁ የግል ኮሌጆች ተገኙ። ኢትዮጵያ ውስጥ በሁለት ወር ትምህርት በማስትሬት ዲግሪ ሲያስመርቁ የነበሩ ኮሌጆች መገኝታቸውን የሳይንስና ከፍተኛ ትምህርት ሚኒስቴር አስታውቋል፡፡

በሃገሪቱ ካሉ 174 የግል ከፍተኛ ትምህርት ተቋማት ውስጥ 46ቱ ላይ ከፍተኛ ችግር ተገኝቷል ፤ ህጋዊ ሰነድ አሟልተው በመስራት ላይ የሚገኙትም 43ቱ ብቻ ናቸው ተብሏል፡፡

በአዲስ አበባ እና በአዲስ አበባ ዙሪያ በሚገኙ የግል ከፍተኛ የትምህርት ተቋማት ድንገተኛ ፍተሻ አድርጌ ነበር ያለው ሚንስቴሩ በፍተሻዪም ያለ እውቅና ፍቃድ ተማሪ መዝግበው የሚያስተምሩ፣ #የርቀት ትምህርት ፍቃድ ወስደው መደበኛ ትምህርት የሚያስተምሩ፣ ሳያሳውቁ የካምፓስ ህንፃ የሚቀይሩ፣ ኮሌጅ የሚል ስያሜ ተሰጥቷቸው ዩኒቨርስቲ ኮሌጅ ብለው የሚያስተምሩ ኮሌጆችን አግኝቻለሁ ብሏል፡፡

ምንጭ፦ ኢቢሲ
@tsegabwolde @tikvahethiopia

#update በኢትዮጰያ በሰው ሰራሽና በተፈጥሮ አደጋዎች ከ1 ሚሊዮን በላይ ተማሪዎች ትምህርታቸውን ማቋረጣቸውን የትምህርት ሚኒስቴር ሚንስትር ዶክተር ጥላዬ ጌቴ ዛሬ በሰጡት መግለጫ አስታውቀዋል።

@tsegabwolde @tikvahethiopia

#update በተከሰከሰው ቦይንግ 737 ማክስ 8 ምርመራ ለማገዝ እና መረጃ ለመለዋወጥ #ኢንዶኔዥያ ሁለት ባለሙያዎች ወደ ኢትዮጵያ እንደምትልክ የአገሪቱ የበረራ ደኅንነት ተቆጣጣሪ ኤጀንሲ ለሬውተርስ ተናግሯል።

የኤጀንሲው ኃላፊ ሱሪሐንቶ ቻሒሆኖ እንዳሉት ባለሙያዎቹ ወደ ኢትዮጵያ የሚያቀኑት በመጪው ሚያዝያ 7 ቀን 2011 ዓ.ም. ነው።

ቦይንግ 737 ማክስ 8 የተባሉት ተመሳሳይ አውሮፕላኖች በኢትዮጵያ እና በኢንዶኔዥያ በአምስት ወራት ልዩነት ተከስክሰው በአጠቃላይ 346 ሰዎች አልቀዋል።

ሱሪሐንቶ ቻሒሆኖ "አደጋዎቹ ተመሳሳይ ስለመሆናቸው ወይም ከአደጋው አዲስ መረጃ እናገኝ እንደሆነ መረጃዎቹን እንመረምራለን" ሲሉ ተናግረዋል። የኢትዮጵያ የትራንስፖርትር ሚኒስትር ዳግማዊት ሞገስ ከዚህ ቀደም በኢትዮጵያ የደረሰው አደጋ በኢንዶኔዥያ ከተከሰተው ጋር የሚያመሳስለው ነገር መኖሩን ገልጸው ነበር።

በሁለቱ አደጋዎች የተደረጉ ምርመራዎች የቦይንግ 737 ማክስ 8 አብራሪዎች አፍንጫውን እየደፈቀ ያስቸገራቸውን አውሮፕላን ለመቆጣጠር ተደጋጋሚ ጥረት ማድረጋቸውን አሳይተዋል።

ትናንት የኢትዮጵያ አደጋ ምርመራ ቢሮ ይፋ ያደረገው የመጀመሪያ ደረጃ ሪፖርት ቢሾፍቱ አቅራቢያ የተከሰከሰው አውሮፕላን ከአብራሪዎቹ ትዕዛዝ ውጪ (automatically) አራት ጊዜ ወደ መሬት አፍንጫውን መድፈቁን ገልጿል። አብራሪዎቹ ቦይንግ ባስቀመጠው ቅደም ተከተል መሰረት በተደጋጋሚ አውሮፕላኑን ለመቆጣጠር ጥረት ማድረጋቸውን እንደደረሱበት መርማሪዎቹ አሳውቀዋል። አብራሪዎቹ ስለ አውሮፕላኑ የአየር ፍጥነት እና ስለሚገኝበት ከፍታ የሚያገኙት መረጃም የተጣረሰ እንደነበር ምርመራው ይፋ አድርጓል። በምርመራው መሠረት አብራሪዎቹ በጥምረት የተደፈቀውን አውሮፕላን ለማቃናት ያደረጉት ጥረት አልሰመረም።

የቦይንግ ሥራ አስፈፃሚ ዴኒስ ሞለንበርግ በኢትዮጵያ እና በኢንዶኜዥያ ለደረሱት አደጋዎች ኤምካስ (Maneuvering Characteristics Augmentation System) የተባለው የበረራ መቆጣጠሪያ ሶፍትዌር ሚና እንደነበረው ተናግረዋል። ቦይንግ ሶፍትዌሩ እስካሁን በባለሙያዎች ከተጠቀሱት በተጨማሪ ሁለተኛ ዕክል እንዳለበት ደርሼበታለሁ ብሏል።

Via Eshete Bekele
@tsegabwolde @tikvahethiopia

#update በኢትዮጵያ ህዝቦች መካከል #ልዩነትንና #መከፋፈልን ለመፍጠር በተለያየ መንገድ የሚደረገውን አፍራሽ እንቅስቃሴ መላው ዜጋ በጋራ መታገል አለበት ሲሉ የኦሮሚያ ክልላዊ መንግስት ፕሬዚዳንት አቶ #ለማ_መገረሳ ተናገሩ። አቶ ለማ ይህንን የተናገሩት ጠቅላይ ሚኒስትር ዶክተር ዓብይ አህመድ በተገኙበት ከቡኖ በደሌ ዞን ነዋሪዎች ጋር በበደሌ ከተማ ዛሬ በተካሄደው ውይይት ላይ ነው። በዚሁ ወቅት አቶ ለማ የኦሮሞ ህዝብ ኢትዮጵያን ለመገንባት ከፍተኛ መስዋእትነት ከፍሏል፤ በአሁኑ ወቅትም አንድነቷን አስጠብቆ ለማቆየት ከሌሎች ወንድምና እህት ኢትዮጵያዊያን ጋር በጋራ ይሰራል ብለዋል። “የኦሮሞ ህዝብ የኢትዮጵያን አንድነት የማስጠበቅ ግዴታ አለበት” ሲሉም የኦሮሚያ ክልላዊ መንግስት ፕሬዚዳንት ገልፀዋል።

@tsegabwolde @tikvahethiopia

አሳዛኝ ዜና‼️

በደቡብ ክልል ሲዳማ ዞን ጊርኛአዶ ወረዳ በደረሰ #የትራፊክ_አደጋ የ13 ሰዎች ሕይወት አለፈ፡፡ የ13 ሰዎችን ህይወትን ለቀጠፈው አደጋ መንስኤም ሰራተኞችን ጭኖ ወደ ጫት ማሳ በመጓዝ ላይ የነበር የጭነት አይሱዚ በመገልበጡ እንደሆነ ተገልጿል፡፡

በዚሁ አደጋ አራት ሰዎች ላይ ከፍተኛ የአካል ጉዳት የደረሰ ሲሆን÷ በቦና ሆስፒታል ክትትል እየተደራገላቸው ይገኛል፡፡

የሲዳማ ዞን ፓሊስ መምሪያ የትራፊክ አደጋ መቆጣጠር የስራ ሂደት ባለቤት ኢንስፔክተር ሀኃይሉ ታፈሰ እንደገለጹት÷ ተሽካርካሪውን ረዳቱ ይዞት የነበርና ከፍጥነት በላይ ሲያሸከረክር አደጋው ደርሷል፡፡ ረዳቱ መንጃ ፈቃድ እንዳልነበረውም ነው ኢንስፔክተር ሀኃይሉ የገለጹት፡፡

Via #FBC
@tsegabwolde @tikvahethiopia

አወዛጋቢው ግጭት በአማራ ክልል የኦሮሞ ብሄረሰብ አስተዳደር‼️
.
.
በአማራ ክልል የኦሮሞ ብሔረሰብ አስተዳደር ደዌ ሃረዋ ወረዳ በታጠቁ ኃይሎችና በአካባቢው ነዋሪ መካከል ግጭት ተቀስቅሶ ቢያንስ የሁለት ሰዎች ሕይወት ማለፉን የአማራ ክልል የሠላምና የህዝብ ደህንነት ቢሮ ምክትል ኃላፊ አቶ ገደቤ ኃይሉ ለቢቢሲ ገልፀዋል።

ስሙ እንዲጠቀስ ያልፈለገ የአካባቢው ነዋሪ ግጭቱ የተፈጠረው በህዝቡ መካከል እንዳልሆነ ይናገራል።

በአካባቢው ቀደም ብሎም ውጥረት እንደነበር የሚናገረው ይህ ነዋሪ ይህንን ለማስቆም በተለይ የገጠሩን ክፍል ለማረጋጋት ሲል የክልሉ መንግሥት ልዩ ኃይሎችን አስገብቶ ነበር ይላል።

እነዚህ ልዩ ኃይሎች የተሰማሩባቸው የኦሮሞ ብሔረሰብ አስተዳደር ወረዳዎች ነዋሪዎች ልዩ ኃይል መግባቱን በመቃወም፤ ተኩስም እንደነበር አክሏል።

"በተለይ በፌስቡክ ሁኔታዎች እንዲባባሱ የሚያደረጉ ነገሮች ነበሩ" የሚለው ነዋሪው ከአራት ቀናት በፊት ውጥረት መኖሩን የሰማ ቢሆንም ረቡዕ ዕለት ማታ ከገጠሩ ክፍል ብዙ የተኩስ ድምፅ ይሰማ እንደነበር ገልጾልናል።

በግጭቱም የሰዎች ሕይወት ማለፉን ቢሰማም በበኩሉ አንድ የልዩ ኃይል ሹፌር መሞቱን ከቅርብ ሰው ማረጋገጡን ነግሮናል፤ በአንፃሩ ዛሬ መረጋጋት እንዳለም ለቢቢሲ ተናግሯል።

የአማራ ብሔራዊ ክልላዊ መንግሥት የሠላምና የህዝብ ደህንነት ቢሮ ምክትል ኃላፊ አቶ ገደቤ ኃይሉ በበኩላቸው ሰሞኑን በከሚሴ አካባቢ ደዌ ሃርዋ ቦራ ከተማ የአማራ ክልል ልዩ ኃይል አባላት እንደነበሩ ያረጋግጣሉ።

"አካባቢው አልፎ አልፎ ግጭት የሚስተዋልበት በመሆኑና ይህንን ግጭትና በከተማው ከሚንቀሳቀሱ አንዳንድ ፀረ ሠላም ኃይሎች የህዝቡን ደህንነት ለመጠበቅ ሲባል የተንቀሳቀሰ ኃይል ነበር" ይላሉ ስለፀጥታ ኃይሉ ሲያስረዱ።

በዚያ አካባቢ አልፎ አልፎ መንደሮችም የሚቃጠሉበት ህዝቡም የሚሰናከልበት ሁኔታ እንዳለ ያስታወሱት ኃላፊው "ይህንን ለመቆጣጠር በተንቀሳቀሰው ኃይል ላይ ያልታወቀ ቡድንና በተለይ ደግሞ ራሱን በስውር እያደራጀ የሚንቀሳቀስ ፀረ ሠላም ኃይል አለ" ሲሉ ይገልፃሉ።

ይህ ቡድንም የጸጥታ ኃይሉ ላይ ጥቃት ያደርስ የነበረ ቢሆንም ወደ ተረጋጋ ሁኔታ ተመልሶ ነበር ይላሉ። ይሁን እንጂ በዋናነት በአፋር እና በድንበር አቅራቢያ ባለው አካባቢ አልፎ አልፎ በተደራጀም ይሁን በተናጠል የሚደረጉ ጸጥታን የሚያውኩ እንቅስቃሴዎች መኖራቸውን ይናገራሉ።

"የክልሉ ልዩ ኃይል ስምሪትም የተደረገው እነዚህን ችግሮች ለመፍታት ነው" የሚሉት አቶ ገደቤ ይህንን ተከትሎ የተባሉት ኃይሎች ተኩስ ከፍተው የተኩስ ልውውጥ ተካሂዷል፤ ጉዳቶችም ደርሰዋል።

በግጭቱም ሁለት የፀጥታ ኃይሎች ሕይወታቸው ሲያልፍ ሌሎች ሁለት የመቁሰል ጉዳት ደርሶባቸዋል ብለዋል።

የጥፋት ኃይሎቹ እነማን እንደሆኑ የተጠየቁት ኃላፊው "እያጠራን ነው፤ በህቡዕ መንቀሳቀስ፣ በተደራጀ መንገድ የመንቀሳቀስ በተለይ በእኛ በኩል የኦነግ አባላት ያሉ ነው የሚመስለው። የተደራጀ መሣሪያ የያዘ አለ፣ የቡድን መሣሪያ የሚባሉትን የያዘ አለ፣ በዚያ አካባቢ ተኩሶ የመሄድ እና ጥፋት አድርሶ መሄድ ሁኔታም የቆየ ነው፤ አዲስ አይደለም" ሲሉ ይገልጻሉ።

እንዲህ ዓይነት ክስተቶች በዚህ አስተዳዳር ብቻ ሳይሆን በሰሜን ሸዋም አካባቢ አልፎ አልፎ የሚታዩ ችግሮች መሆናቸውን ጠቅሰዋል። ነገር ግን "ችግሩ እየተፈታ ነው፤ ወደ ሠላምም እየተመጣ ነው ተብሎ የሚወሰድ አይደለም፤ ሥራ የሚጠይቅ ነገር አለው" ብለዋል።

አቶ ገደቤ አክለውም "አካባቢውን ለማተራመስ አጀንዳ ያለው በዋናነት ከኦነግ አባላት ጋር ትስስር ያለው እንደሆነ ነው እያየን ያለነው፤ ወደፊት ይሄ ሊጠራና ሊገመገም ይችላል" ሲሉ ምላሽ ሰጥተዋል።

ይሁን እንጂ ከትናንት ጀምሮ የጸጥታ ችግር በአካባቢው አለመኖሩን የሚገልፁት ኃላፊው አሁንም ግን ህብረተሰቡ ላይ የሚታዩ ስጋቶች መኖራቸውን ያነሳሉ።

"በአካባቢው የሚንቀሳቀሱ ስውር ሰዎች እስካሉ ድረስ አልፎ አልፎ የሚታይ ችግር አለ፤ ሰላም ለማምጣትም ስምሪታችንን እንደገና የማየት የመፈተሽና የማስተካከል ሥራ ይሠራል" ሲሉ ይገልፃሉ።

ከህዝቡ ጋርም የአካባቢውን ሠላም በተደራጀ መልክ እንዲጠብቅና የሥራው ባለቤት እንዲሆን ከአካባቢው ማህበረሰብ እና ከአካባቢው የጸጥታ ኃይል ጋር በመቀናጀት እየተሠራ እንዳለም ለቢቢሲ አስታውቀዋል።

ይህንን ተከትሎም የኦሮሞ ነፃነት ግንባር (ኦነግ) "የራስን ጥፋት ለመደበቅ የኦነግን ስም ማጠልሸት ከተጠያቂነት አያስመልጥም፤ አሁንም ቢሆን ሰላማዊ ትግል ላይ ነው ያለነው፤ የአማራ ልዩ ኃይሉ ተግባር የኦሮሞ ብሄረሰብ አስተዳደርን በማፍረስ ወደ ሌላ ዞን ለመቀላቀል የሚደረግ የድንበር ማስፋፋት ነው ብለን እናምናለን" ሲል በፌስቡክ ገጹ ላይ መግለጫ አውጥቷል።

ለተፈጠረው ችግር መጠየቅ ያለበትም ቡድኑን የሚቆጣጠረው የክልሉ መንግሥት እንጂ ኦነግ አለመሆኑንም በመግለጫው ጠቅሷል።

የአማራ ክልል መንግሥት ኦነግን ከመክሰስና የህዝቡን ሰላም ከማናጋት እንዲቆጠብ ግንባሩ አሳስቧል። የአማራ ክልል የተፈጠረውን ችግር በሰላም እንዲቋጭ በመጠየቅ የፌደራሉ መንግሥትም ችግሩ ወደ ሌላ አቅጠጫ እንዳይሄድ እንዲቆጣጠረው በመግለጫው ጠይቋል።

የአማራና የኦሮሞ ክልል የፀጥታ አካላት በሁለቱ ክልሎች የሚፈጠሩ የፀጥታ ችግሮችን ለመፍታት አብረው ለመስራት ስምምነት ላይ መድረሳቸውን ባህር ዳር ላይ ባለፈው ሳምንት በሰጡት መግለጫ ማስታወቃቸው ይታወሳል።

Via #BBC
@tsegabwolde @tikvahethiopia

#StopHateSpeech

የአይናቸውን ብር #አምባር በንባብ የሰበሩ
አንደበታቸውን በመልካም ንግግር የገረዙ
አእምሮአቸውን በመልካም አስተሳሰብ ያጠቡ
ልባቸውን #በፍቅር የሞሉ መልካም ትውልዶችን እናፍራ።

#StopHateSpeech
@tsegabwolde @tikvahethiopia

#update የህዝብ ተወካዮች ምክር ቤት የኢትዮጵያ ፌዴራላዊ ዴሞክራሲያዊ ሪፐብሊክ ብሔራዊ ምርጫ ቦርድን እንደገና #ለማቋቋም የወጣውን አዋጅ ዛሬ አፅድቋል።

@tsegabwolde @tikvahethiopia

#update የህዝብ ተወካዮች ምክር ቤት ዛሬ ባደረገው ስብሰባ ለመቐለ ከተማ የመጠጥ ውሃ የሚውለው የብድር ስምምነት አዋጅ ቁጥር 1137/2011 ሁኖ በሙሉ ድምፅ አፅድቆታል።

@tsegabwolde @tikvahethiopia

ደሴ🔝

በኦሮሞ ልዩ ዞን በተከሰተው #ግጭት የተገደለን የአማራ ልዩ ሀይል አባል የቀብር ስነስርዐት ተከትሎ በደሴ ከተማ መለስተኛ የተቃውሞ ሰልፍ የተደረገ ሲሆን፣ #መንገዶችም ተዘግተው ውለዋል።

Via ELU
@tsegabwolde @tikvahethiopia

#update የጀርመኑ #ሲመንስ ኩባንያ ለኢትዮጵያ አየር መንገድ #የቴክኒክ_ድጋፍ እንደሚያደርግ ገልጿል።

@tsegabwolde @tikvahethiopia