ደብረ ማርቆስ🔝

በደብረ ማርቆስ ከተማ አንድ ግለሰብ ከዛፍ ላይ ወጥቶ #አልወርድም አለ።
በደብረ ማርቆስ ከተማ ቀበሌ 03 ከህዳሴ ጤና ጣቢያ ዝቅ ብሎ በሚገኝ ዛፍ ላይ ወጥቶ ነው ግለሰቡ ‹‹አልወርድም!››ያለው፡፡

ክስተቱ መፈጠሩን ፖሊስ የተመለከተውም ትናንት ከቀኑ 10፡00 ጀምሮ ነው፡፡ የምሥራቅ ጎጃም ዞን ፖሊስ መምሪያ የሕዝብ ግንኙነት አስተባባሪ ኢንስፔክተር ጎበዜ ይርሳው ለአማራ ብዙኃን መገናኛ ድርጅት እንደተናገሩት ግለሰቡ ‹‹ውረድ!›› ተብሎ ቢለመንም መልስ አልሰጠም፡፡ ፖሊስም ከዛፍ ላይ ያደረውን ግለሰብ ሲጠብቅ አድሯል፡፡ ከዛፉ ላይ ማደሩም አነጋጋሪ ሆኗል።

ይህ ዘገባ እስከተጠናቀረበት ጊዜ ድረስም ግለሰቡ ከዛፉ አልወረደም። ግለሰቡን ‹‹አውቀዋለሁ›› የሚል ሰውም አልተገኘም፤ ዛፉ ረዥም መሆኑም ማንነቱን በዕይታ ለመለየት አስቸጋሪ አድርጎታል ነው ያሉት ኢንስፔክተር ጎበዜ ይርሳው፡፡

ይህ ለምን እንደሆነ ግን አልታወቀም፤ ምክንያቱንና እውነቱን የሚያውቀው ግለሰቡ ነውና፡፡ ግለሰቡ ደግሞ ይህን አልተናገረም፡፡

ምንጭ፦ የአማራ ብዙሀን መገናኛ ድርጅት
@tsegabwolde @tikvahethiopia

አምቦ ዩኒቨርሲቲ(ወሊሶ ካምፓስ)🔝ዛሬ በተማሪዎች ሰልፍ ምክንያት የትምህርት ስርዐቱ ተቋርጦ ነበር። የዩኒቨርሲቲው ማነጅመንት ከተማሪዎች ጋር ለመወያያት ለ8:00 ቀጠሮ ይዟል።

©ME(TIKVAH-ETH)
@tsegabwolde @tikvahethiopia

#update በትግራይ ደቡባዊ ዞን  #ኮረም ከተማ  ሀገር አቀፍ የአትለቲክስ መንደር ለመገንባት የመሰረት ድንጋይ ተቀምጧል።

@tsegabwolde @tikvahethiopia

ግለሰቡ ከዛፍ ላይ ወርዷል‼️

ትናንት ከቀኑ 10፡00 ጀምሮ ዛፍ ላይ በመውጣት አልወርድም ብሎ የነበረው ግለሰብ አሁን #ወርዷል፡፡ እንደ ፖሊስ መረጃ ግለሰቡ የወረደው በጓደኞች #ልመናና ጥረት ነው፡፡ አሁን ፖሊስ ምርመራ እካሄደበት ነው፡፡ ምክንቱን ግን አላስረዳም፡፡

ምንጭ፦ የአማራ ብዙሀን መገናኛ ድርጅት
@tsegabwolde @tikvahethiopia

አዳማ🔝የምስራቅ ኦሮሚያ አጎራባች ክልሎች #የሰላምና_የእርቅ ኮንፍረንስ በአዳማ ከተማ እየተካሄደ ነው። የኦሮሚያ፣ ሐረሪ፣ ሱማሌና አፋር ክልሎች የሀይመኖት አባቶች፣ አባ ገዳዎች፣ ኡጋዞዎችና የጎሳ መሪዎች የእርቅና የሰላም ኮንፍረንሱ ተሳታፊዎች ናቸው።

©fbc
@tsegabwolde @tikvahethiopia

ቤቾ🔝በቾ ወረዳ የ3D ዜብራ ቴክኖሎጂ ተጠቃሚ ሆነች። #ኤርሚያስ_ጌታቸዉ የተባለ ወጣት በህንድ እና ማሌዢያን ሃገራት እየተተገበረ ያለዉንየ 3D ዜብራ ቴክኖሎጂ የበቾ ከተማ ተጠቃሚ እንድትሆን አድርጓታል፡፡ የሴቶች፣ ወጣቶችና ህጻናት ሚኒስቴር እንዳስታወቀዉ የትራፊክ አደጋን በከፍተኛ መጠን ለመቀነስ የሚጠቅመዉን ቴክኖሎጂ ወጣቱና የከተማዋ ትራፊክ ፅ/ቤት በጋር በመተባበር ሰርተዋል፡፡

ምንጭ፦ Arts Tv
@tsegabwolde @tikvahethiopia

#Update የጉራጌ ዞን ምክር ቤት ባካሄደው አስቸኳይ ጉባዔ የጉራጌ #የክልል_መዋቅር ጥያቄ መርምሮ በሙሉ ድምጽ አፅድቋል።

ምንጭ፦ Gurage Zone Communication Affairs
@tsegabwolde @tikvahethiopia

ምክትል ጠ/ሚ አቶ #ደመቀ_መኮንን...

"ውድ ተማሪዎች . . . [ቢያንስ ቢያንስ] ለሃገር ክብር በጋራ እንደተዋደቁት፤ ለሃገር ልዕልና በጀግንነት እንደተዋጉት፤ ለሃገር አንድነት ዕድሜ ልካቸውን እንደደከሙት እንዲሁም ለእናት ሃገራቸው ሲሉ በቁርጠኝነት ለውጥ እንዳራመዱት. . .የቀደሙ አያቶቻችን እና አባቶቻችን እንድትሆኑ #እለምናችኋለሁ።"

@tsegabwolde @tikvahethiopia

#UPDATE የትግራይ ብሔራዊ ክልላዊ መንግስት #ዋልታ_ቴሌቪዥን በትግራይ ክልል ከተሞች የተካሄዱ ሰልፎችን በትክክል ስላልዘገበ የትግራይን ህዝብ #ይቅርታ ይጠይቅ ብሏል።

@tsegabwolde @tikvahethiopia

ቋራ ወረዳ🔝በምዕራብ ጎንደር ዞን ቋራ ወረዳ ከሱዳን ወደ ኢትዮዽያ በመግባት ላይ በነበረ ተሽከርካሪ ላይ በተደረገ ፍተሻ 5 ብሬን ከ3500 ጥይቶች ጋር #በቁጥጥር ስር መዋሉን የአካባቢው ፖሊስ አስታውቋል። በተጨማሪ አንድ አሽከርካሪና አንድ ሌላ ግለሰብ በቁጥጥር ስር ውለዋል።

ምንጭ፦ ኢትዮጵያ ላይቭ ሀፕዴት
@tikvahethiopia @tsegabwolde

የሀዋሳ ከተማ አስተዳደር ፖሊስ‼️

ሰላማዊ ሰልፍ ለማድረግ  የከተማ አስተዳደሩን #ያሳወቀ አካል አለመኖሩን የሃዋሳ ከተማ አስተዳደር ፖሊስ መምሪያ አስታወቀ፡፡

‘በሃዋሳ ከተማ ሰላማዊ ሰልፍ ይደረጋል’ ተብሎ  በተሰራጨው #ሃሰተኛ_ወሬ ስጋት የገባቸው አንዳንድ ማህበራዊ አገልግሎት ሰጪና የንግድ ተቋማት #ተዘግተው ማርፈዳቸውን ፖሊስ ገልጿል፡፡

የከተማ አስተዳደሩ ፖሊስ አዛዥ ኮማንደር መስፍን ዶብሶ እንዳሉት ”ሰላማዊ ሰልፍ አደርጋለሁ” በሚል  የከተማውን አስተዳደር ያሳወቀ አካል የለም፡፡

ይሁን እንጂ በሃዋሳ ከተማ ሰላማዊ ሰልፍ ይደረጋል ተብሎ በተሰራጨው ሃሰተኛ ወሬ ስጋት የገባቸው አንዳንድ ማህበራዊ አገልግሎት ሰጪና የንግድ  ተቋማት ዛሬ ተዘግተው አርፍደዋል፡፡

የተወሰኑ የከተማው ነዋሪዎችም ልጆቻቸውን ወደ ትምህርት ቤት አለመላካቸውን በመግለጫቸው ተናግረዋል፡፡

”የተናፈሰውን አሉባልታ በመስማት የከተማው ነዋሪዎች ልጆቻቸውን ትምህርት ቤት  ያለመላክና ሱቆቻቸውን የመዝጋት  እርምጃ መውሰዳቸው ተገቢ አይደለም’ ያሉት ኮማንደር መስፍን ‘የሃዋሳ ከተማ ፍፁም ሰላማዊ ነው” ሲሉ ገልፀዋል፡፡

በመሆኑም የተዘጉ ቤቶች እንዲከፈቱ፣ ማህበራዊ አገልግሎት ሰጪ ተቋማትና የከተማው ነዋሪዎች መደበኛ ኑሮውን ያለስጋት እንዲቀጥል አሳስበዋል፡፡

በከተማው አንዳንድ አካባቢዎች ንግድ ቤቶችን በማስፈራራትና በመዝጋት ገንዘብ የመውሰድና ባነሮችን አውርዶ የማውደም ወንጀሎች እየተፈፀሙ ነው የሚል ከጋዜጠኞች ለቀረበላቸው ጥያቄም ፖሊስ አዛዡ ምላሽ ሰጥተዋል፡፡

አዛዡ በሰጡት ምላሽም ነዋሪው በሰላም ወጥቶ እንዳይገባና በስጋት እንዲኖር በሚያደርጉና በተመሳሳይ ወንጀል የተሳተፉ ግለሰቦች በቁጥጥር ስር እየዋሉ መሆኑን አስረድተዋል፡፡

ለአብነትም ከማውንቴን ስናክ ጎን በሚገኘው አንድነት ስጋ ቤት ዛሬ ጠዋት የዝርፊያ ወንጀል መፈጸሙንና በዚህ ወንጀል ውስጥ የተሳተፈ አንድ ግለሰብ በቁጥጥር ስር መዋሉን ገልጸዋል፡፡

የተቀሩት ሁለት ተጠርጣሪዎች እየተፈለጉ መሆናቸውን ፖሊስ አዛዡ ተናግረዋል፡፡

በከተማው በሞተር ሳይክል እየተንቀሳቀሱ ሁከት የሚፈጥሩና ከተማውን የሚያውኩ ግለሰቦች ከድርጊታቸው እንዲቆጠቡ አሳስበዋል፡፡

ከወንጀሉ ድርጊት ጀርባ ያለውን ሃይል ፖሊስ ክትትል እያደረገ መሆኑንም ተናግረዋል፡፡

የከተማው ህዝብ በሰላም ወጥቶ በሰላም እንዲገባ ነዋሪዎች #ጥቆማ በመስጠት ከፖሊስ ጎን እንድቆሙ ፖሊስ አዛዡ ጠይቀዋል፡፡

ምንጭ፦ ena
@tsegabwolde @tikvahethiopia