#update ሰላም ሚኒስቴር⬆️

የሰላም ሚኒስትሯ ክብርት #ሙፈሪያት_ካሚል የተጠሪ ተቋማት አመራሮችን በቢሯቸው አግኝተው አነጋገሩ።

ሚኒስትሯ የሰላም ሚኒስቴር ስምንቱ ተጠሪ ተቋማት አመራሮችን በትናንትናው እለት አግኝተው አነጋግረዋል፡፡

ተቋማቱ የተጣለባቸውን ኃላፊነት በብቃት ይወጡ ዘንድ ሰባት ስትራቴጂክ ኮሚቴዎች ተዋቅረው ስራዉ የተጀመረ መሆኑንም ተናግረዋል፡፡

እነዚህም እቅድ፣ የሰው ኃይልና መዋቅር፣ የሚዲያና ኮሙኒኬሽን፣ ሞደርናይዜሽንና አይቲ፣ የሰላምና ህግ ማስከበር፣ የህግ ማእቀፍ እና የሪሶርስ ሞቢላይዜሽንና ፋይናንስ ጉዳዮችን ወጥነት ባለው መንገድ ዘመኑ በሚጠይቀው አሰራር እንዲቃኝ ለማድረግ የታሰበ ነው፡፡

ስትራቴጂክ ኮሚቴዎቹ በአንድ ወር ጊዜ ውስጥ ጥናት አድርገውና ተቋማቱ ያሉበትን ሁኔታ ተንትነው እንዲያቀርቡ እንደሚጠበቅም ታውቋል፡፡ ሚኒስቴሩ በአገር ውስጥና በቀጠናው የተጣለበትን ኃላፊነት በብቃት ይወጣ ዘንድ ተቋማቱ ያላቸውን አሰራር ከመሰረቱ አጥንቶ
ለችግሮቻቸው መፍትሔ መስጠትና ዘመን ተሸጋሪ የሆኑ አሰራሮችን መተግበር ግዴታ እንደሆነም ሚኒስትሯ ገልጸዋል፡፡

በውይይቱ ላይ የሰላም ሚኒስቴር ተጠሪ ተቋማት አብዛኞቹ የሰው ኃይላቸው ገበያው ከሚያቀርበው የሰው ኃይል ላይ ተጨማሪ ብቃትና እሴት ማከልን የሚጠይቅ መሆኑ የተነሳ ሲሆን የአቅም ግንባታና ሞደርናይዜሽን ስራው ትኩረት ሊሰጠው እንደሚገባም ተነስቷል፡፡

አብዛኞቹ ተጠሪ ተቋማት መዋራቸው ብዙ ጉድለት ያለበትና መሻሻል የሚጠይቅ መሆኑ፣ አንዳንዶቹም የተቋቋሙበትን አዋጅ ወደ መመሪያና ሊያሰሩ ወደሚችሉ የአሰራር ማእቀፎች ያለቀየሩ፣ የዘመነና ግልጽ አሰራር ያልተዘረጋላቸው እንደሚበዙ የተነሳ ሲሆን ትኩረት ተደርጎ
ማስተካከል እንደሚገባም አመራሮቹ ሀሳብ ሰጥተዋል፡፡ ከዚህ በተጨማሪም በሰላም ዙሪያ ማኅበረሰቡ የድርሻውን የሚወጣበት (Mobilization Strategy) እንደሚያስፈልግ በውይይቱ ላይ ቀርቧል፡፡

የሰላምና ደኅንነት ዘርፉ ነገን አሻግሮ የሚያሳይ ዘመኑ የደረሰበትን አሰራር የሚከተል የ10 ዓመት የእቅድ ፍኖተ ካርታ እንደሚያስፈልገውና ይህንን ለማዘጋጀትም ሁሉም ተቋማት እንዲረባረቡ ክብርት ሚኒስትሯ አቅጣጫ አስቀምጠዋል፡፡

ሰላም የሁሉም ህዝብና አገራችን ውስጥ የሚገኙ ሁሉም ተቋማት ድምር ውጤት መሆኑ ታውቆ ሁሉም ለሰላሙ መረባረብ አንዳለበትም ሚኒስትሯ አክለው ገልጸዋል፡፡

ምንጭ፦ EPRDF
@tsegabwolde @tikvahethiopia

ማስታወቂያ⬆️ ጤናማ በሆነ መልኩ ከበቂ የባለሙያ ምክር ጋር የሰውነት ክብደትዎን ለመቆጣጠር እንዲሁም ቦርጮን ለማጥፋት በአማራጭ ያሉ የሰውነት ክብደት መቀነሻዎችን ይጠቀሙ። ለማንኛውም ጥያቄዎ ቃሊቲ ካፍደም ፕላዛ 2ኛ ፎቅ ብቅ ይበሉ : ወይም በተንቀሳቃሽ ስልክ 0911042543 ይደውሉ። ያሉበትም እናመጣለን እንልካለን።

#Update ክቡር ጠቅላይ ሚኒስትር ዶክተር #አብይ_አህመድ ከካናዳው አቻቸው ጀስቲን ትሩዶ ጋር በጋራ ጉዳዮች ዙሪያ ጥቅምት 26 ቀን 2011 በስልክ ተወያይተዋል። በውይይቱ ወቅትም ጠቅላይ ሚኒስትር ጀስቲን ትሩዶ በኢትዮጵያ የመጣውን ለውጥ፤ በተለይም በሴቶችን በቁልፍ የመንግስት አመራር ቦታዎች መሳተፍ መንግስታቸው እንደሚያደንቅና በሙሉ ልብ ለመደገፍና ለመተባበር ዝግጁ መሆኑን ገልፀውላቸዋል። ጠቅላይ ሚኒስትር ጀስቲን ትሩዶ የመጣውን ለውጥ ተከትሎ አገሪቱ በአህጉራዊ መድረክ እየተጫወተች ያለውን ሚና በማድነቅ ኢትዮጵያን ለመጎብኘት ያላቸውን ፍላጎት በስልክ ውይይታቸው ወቅት ጠቅሰዋል።

ምንጭ፦ የጠ/ሚ ፅ/ቤት
@tsegabwolde @tikvahethiopia

በቦንብ ፍንዳታ የሰው ህይወት አለፈ‼️

በደባርቅ ወረዳ በቦንብ ፍንዳታ አራት የአንድ ቤተሰብ አባላት #ህይወት አለፈ።

በሰሜን ጎንደር ዞን ደባርቅ ወረዳ በአንድ ግለሰብ መኖሪያ ቤት በህገ ወጥ መንገድ የተቀመጠ የእጅ ቦንብ ፈንድቶ አራት የአንድ ቤተሰብ አባላት ህይወት ማለፉን ፖሊስ አስታወቀ፡፡

የደባርቅ ወረዳ ፖሊስ ጽህፈት ቤት የወንጀል መረጃ ዋና የስራ ሂደት አስተባባሪ ኢንስፔክተር ግርማይ አለባቸው ለኢትዮጵያ ዜና አገልግሎት
ዛሬ እንደገለፁት አደጋው የደረሰው ጥቅምት 24 ቀን 2011ዓ.ም ከጠዋቱ 3 ሰአት ላይ በወረዳው አደባባይ ጽዩን ቀበሌ በሚገኘው መኖሪያ ቤት ውስጥ በህገ ወጥ መንገድ የተቀመጠ የእጅ ቦንቡን የቤቱ አባወራ በመነካካት ላይ እያሉ እጃቸው ላይ #በመፈንዳቱ ነው፡፡

በፍንዳታውም አባወራውና ባለቤታቸው እንዲሁም የሁለት ልጆቻቸው ህይወት ወዲያውኑ ሲያልፍ በመኖሪያ ቤቱ ውስጥ የነበሩ ሌሎች ሁለት የቤተሰብ አባላት የመቁሰል አደጋ ደርሶባቸዋል፡፡

የመቁሰል አደጋ የደረሰባቸው ግለሰቦች በደባርቅ ሆስፒታል የህክምና እርዳታ ሲደረግላቸው ቆይቶ ወደ ጎንደር ዩኒቨርሲቲ ሆስፒታል ለከፍተኛ ህክምና መላካቸውን ዋና ኢንስፔክተሩ ተናግረዋል፡፡

ጅምላ ጨራሽ መሳሪያዎችን በቤት ውስጥ ደብቆ ማስቀመጥ ወንጀል ከመሆኑም በላይ ለአደጋ የሚያጋልጥ በመሆኑ ህብረተሰቡ ከእንደዚህ አይነት ድርጊት መቆጠብ እንዳለበትም ዋና ኢንስፔክተሩ አስገንዝበዋል፡፡

ምንጭ፦ ኢዜአ
@tsegabwolde @tikvahethiopia

#update አሜሪካውያን በአጋማሽ ምርጫው ‹በትራምፕ ላይ ይፈርዳሉ› እየተባለ ነው፡፡ አሜሪካውያን በምርጫ ዘመን አጋማሽ ላይ እያካሄዱ ባለው ምርጫ በትራምፕ አስተዳደር ላይ ፍርድ ይሰጣሉ እየተባለ መሆኑን ሲኤንኤን
ዘግቧል፡፡ ከሁለት ዓመታት በፊት በአዋዛጋቢ ምርጫ ወደ ቤተ መንግሥት የገቡት ዶናልድ ትራምፕ በዚህ ምርጫ እንደሚፈተኑ ነው የተገለጸው፡፡ አሁን ያለው የምርጫ ሂደት ውጤቱን ለመተንበይ አስቸጋሪ እንዳደረገውም ተዘግቧል፡፡ ‹ምናልባትም እንደ ዛሬ ሁለት ዓመቱ ዋና ምርጫ ያልተጠበቀ ውጤት ሊያስከትል ይችላል› የሚሉም አሉ፡፡

ምንጭ፦ CNN
@tsegabwolde @tikvahethiopia

ፕሬዘዳንት ሳህለወርቅ ዘውዴ ከአፍሪካ ህብረት ኮሚሽን ሊቀ መንበር ሙሳ ፋቂ ጋር ተወያዩ‼️

#Update ፕሬዝዳንት #ሳህለወርቅ_ዘውዴ የኢትዮጵያ ርዕሰ ብሔር ሆነው መመረጣቸው ለአህጉር ጥሩ ዜና እንደሆነ የአፍሪካ ኀብረት ኮሚሽን ሊቀ መንበር #ሙሳ_ፋኪ ተናገሩ። ሚስተር ፋኪ ዛሬ በብሔራዊ ቤተ መንግስት ከኢፌዲሪ ፕሬዝዳንት ሳህለወርቅ ዘውዴ ጋር በአህጉሪቱ ሰላምና ፀጥታ እንዲሁም አጀንዳ
2063 በተሰኘው የአፍሪካ ህብረት የልማት መርሃ ግብር ትግበራ ዙሪያ ውይይት አካሂደዋል።

@tsegabwolde @tikvahethiopia

ምዕራብ ኦሮሚያ‼️

በምዕራብ ኦሮሚያ ያጋጠመውን የፀጥታ ችግር ለመቅረፍ እየሰራ መሆኑን የኦሮሚያ ክልል መንግስት አስታውቋል።

የኦሮሚያ ክልል የመንግስት ኮሙዩኒኬሽን ጉዳዮች ቢሮ ሀላፊ አቶ #አድማሱ_ዳምጠው በዛሬው እለት በወቅታዊ ጉዳዮች ላይ መግለጫ
ሰጥተዋል።

አቶ አድማሱ በመግለጫቸውም፥ የክልሉ መንግስት ህዝቡን መሰረት አድርጎ በፖለቲካ እና በኢኮኖሚው ዘርፍ እየሰራ ያለው ስራ ውጤት እያስመዘገበ ይገኛል ነው ያሉት።

ይሁን እንጂ በአሁኑ ወቅት በክልሉ በተወሰኑ አካባቢዎች ያለው የፀጥታ ሁኔታ #አሳሳቢ መሆኑን እና በአፋጣኝ መፍትሄ ሊሰጠው የሚገባ መሆኑን አንስተዋል።

በተለይም በምእራብ ኦሮሚያ በሚገኙ ዞኖች ያለው የፀጥታ ሁኔታ መሻሻል ያለበት መሆኑን የክልሉ መንግስት ይገነዘባል ያሉት አቶ አድማሱ፥ በዚህ ላይም እየሰራ መሆኑን አንስተዋል።

አቶ አድማሱ አክለውም፥ የክልሉ መንግስት የኦሮሞ ህዝብ ትጥቅ መፍታት አለበት የሚል አቋም እንደሌለው እና ማንኛውንም አካል በመማረክ የማስተዳደር ፍላጎት እንደሌለውም ተናግረዋል።

በአሁኑ ወቅትም የክልሉ መንግስት በኦሮሞ ስም ተደራጅተው ከሚንሰቃቀሱ አካላት ጋር ሰለማዊ በሆነ መንገድ በመወያየት እየሰራ ይገኛል ያሉት አቶ አድማሱ፥ ወደ ፊትም ትኩረት ሰጥቶ የሚሰራበት ጉዳይ መሆኑን ገልፀዋል።

የኦሮሞ ህዝብ ጥያቄ በጠብመንጃ ሳይሆን በውይይት፣ በመደማመጥና በመከባበር የሚፈታ መሆኑን በመግለጽ፥ የክልሉ መንግስትም የኦሮሞን ህዝብ ጥያቄ በመመለስ ከፖለቲካ ፓርቲዎች ጋር የሚወያይ መሆኑንም አስታውቀዋል።

አባ ገዳዎች እና የሀገር ሽማግሌዎች አሁን እየመጣ ያለውን ለውጥ ጠብቀው በማስቀጠል የበኩላቸውን እንዲወጡም አቶ አድማሱ ጥሪ አቅርበዋል።

ምንጭ፦ ፋና ብሮድካስቲንግ
@tsegabwolde @tikvahethiopia

የውጭ ጉዳይ ሚኒስቴር‼️

የውጭ ጉዳይ ሚኒስቴር በአዲሱ መዋቅር መሰረት አምስት ቋሚ #ተጠሪዎችን ሾሟል።

በዚህም መሰረት፦

• አምባሳደር #ወይንሽት_ታደሰ- የአፍሪካ እና የመካከለኛው ምስራቅ አገሮች ጉዳዮች ቋሚ ተጠሪ

• አምባሰዳር #ማህሌት_ኃይሉ- የአውሮፓ፣ የአሜሪካ፣ የኤዥያ እና የባለብዙ ወገን ጉዳዮች ቋሚ ተጠሪ

• አምባሳደር ዶክተር በጋለ ቶሎሳ- የዳያስፖራ እና ቆንስላ ጎዳዮች ቋሚ ተጠሪ

• አምባሳደር ነጋ ፀጋዬ- የኃብት ማኔጅመንትና አገልግሎት ቋሚ ተጠሪ

• አምባሳደር ደዋኖ ከድር- የኢኮኖሚ ዲፕሎማሲ ጉዳዮች ቋሚ ተጠሪ ሆነው ተሹመዋል።

አምባሳደር ወይንሸት በሲዊዲን የኢ.ፌ.ዲ.ሪ ቋሚ መልእክተኛ እና ባለሙሉ ስልጣን አምባሳደር እንዲሁም በአፍሪካ ህብረት የኢትዮጵያ ቋሚ መልዕክተኛን ሲያገለግሉ የነበሩ ሲሆን፥ አምባሳደር ማህሌት ኃይሉ ደግሞ በኒውዮርክ የኢ.ፌ.ዲ.ሪ ቋሚ መልዕክተኛ ጽህፈት ቤት ምክትል የሚስዮን መሪ በመሆን አገልግለዋል፡፡

አምባሳደር ዶክተር ቦጋለ ቶሎሳ በኩባ የኢ.ፌ.ዲ.ሪ ኤምባሲ ልዩ መልእክተኛ እና ባለሙሉ ስልጣን አምባሳደር እንዲሁም ወደ ዋናው መስሪያ ቤት ተመልሰው የቆንስላ ጉዳዮች ዳይሬክተር ጄነራል ሆነው አገልግለዋል።

አምባሳደር ነጋ ፀጋዬ በፈረንሳይ የኢ.ፌ.ዲ.ሪ ልዩ መልእክተኛ እና ባለሙሉ ስልጣን አምባሳደር ሆነው ያገለገሉ ሲሆን፥ በውጭ ጉዳይ ሚኒስቴር የፐብሊክ ዲፕሎማሲ ዳይሬክተር ጄነራል በመሆንም ሰርተዋል።

አምባሳደር ደዋኖ ከድር ደግሞ በኩባ የኢ.ፌ.ዲ.ሪ ልዩ መልእክተኛ እና ባለሙሉ ስልጣን አምባሳደር ሆነው ቆይተዋል፤ ሁለቱም በተለያየ ወቅት በውጭ ጉዳይ ሚኒስቴር ሚኒስትር ዴኤታ ሆነው አገልግለዋል።

ቋሚ ተጠሪዎች የመስሪያ ቤቱን የዕለት ተዕለት ስራ የመከታተልና ውሳኔ የማሳለፍ ሃላፊነት የሚኖራቸው ሲሆን በተለያዩ አገሮች በስፋት ይሰራበታል፡፡

በቀጣይም የዳይሬክተር ጀኔራሎች እና ሌሎች የሃላፊነት እርከኖች ድልድል ይፋ እንደሚያደርግም የውጭ ጉዳይ ሚኒስቴር ቃል አቀባይ ጽህፈት ቤት አስታውቋል።

ምንጭ፦ OBN
@tsegabwolde @tikvahethiopia

ኮሎኔል ጎሹ⬆️የቀድሞ የኢትዮዽያ የውጭ ጉዳይ ሚንስትር የነበሩት ኮሎኔል #ጎሹ_ወልዴ ከ32 አመት በኅላ የቀድሞ ቢሯቸውን ጎብኝተዋል።

ፎቶ፦ ዶክተር ወርቅነህ ገበየሁ
@tsegabwolde @tikvahethiopia

ስለሰውነት እና ስለኢትዮጵያ ሀገሬ እመክራለሁ!

ውድ የTIKVAH-ETH ቤተሰቦች ከነገ ምሽት ጀምሮ ሁላችንም ቤት ስንገባ ከቤተሰቦቻችን ጋር በተለያዩ ርዕሰ ጉዳዮች ላይ እንወያያለን። የውይይት ርዕሱን በየቀኑ ከዚህ ቻናል እናገኛለን። ቤታችን ሆነን ቢያንስ ለ30 ደቂቃ ሁሉም የቤተሰብ አባል የሚካፈልበት ውይይት እናደርጋለን።

🔹በየዩኒቨርሲቲው ያላችሁ የኢትዮጵያ ልጆች ደግሞ በየዶርማችሁ በርዕሶቹ ላይ ውይይት ታደርጋላችሁ። በቀጥታ በስልክ መስመር እየተገናኘንም እንመክራለን።

📌ውይይቶቹን የሚያሳዩ ፎቶዎች መላክ ደግሞ እንዳይረሳ!
@tsegabwolde @tikvahethiopia

#Update አቃቢ ሕግ ዛሬ በዋለ #ችሎት የብሄራዊ መረጃና ደህንነት መስሪያ ቤት ባልደረባ በነበሩት የወንጀል ተጠርጣሪ #ተስፋዬ_ኡርጌ ላይ የጀመርኩትን ምርመራ በሥራ መደራረብ ሳቢያ ማጠናቀቅ አልቻልኩም ብሏል፡፡ በባለፈው ችሎት አቃቢ ሕግ ክስ እንዲመሰርት የፌደራሉ መጀመሪያ ደረጃ ፍርድ ቤት አሳስቦ የነበረ ቢሆንም ዛሬም እንደገና አቤቱታውን እንደገና ተቀብሎ የመጨረሻውን ተጨማሪ የምርመራ ጊዜ ፈቅዷል፡፡

ምንጭ፦ wazemaradio
@tsegabwolde @tikvahethiopia