#update ዳውሮ⬇️

በዳውሮ ዞን ተርጫ ከተማ የተቀሰቀሰው ግጭት ዋካ እና በጌና ቃራዎ ወደ ተባሉ አካባቢዎች የተስፋፋ ሲሆን፣ 4 ሰዎች መገደላቸው ተነግሯል። ተቃውሞ ያነሱ የአካባቢው ነዋሪዎች፣ በኢንቨስትሮች የተያዙ ሰፋፊ እርሻዎች ላይ ጥቃት ማድረሳቸውም ታውቋል።

የደቡብ ክልላዊ መንግስት ለግጭቱ መነሻ ናቸው ያላቸውን የዞኑን ምክትል አስተዳዳሪን፣ አፈ ጉባኤን፣ የመንግስት ኮሙኒኬሽን ጉዳዬች ኃላፊን፣ የፀጥታ ዘርፍ ኃላፊንና የአስተደደር ፅ/ቤት ኃላፊን ጨምሮ 11 ባለስልጣናትን ዛሬ ከሀላፊነት አንስቷል።

©አዲስ ጋዜጣ
@tsegabwolde @tikvahethiopia

ከሀድያ ዞን አስተዳደር በወቅታዊ ጉዳዮች ላይ የተሠጠ መግለጫ⬇️

በሀዲያ ዞን ሰኔ 20/2010 ዓ.ም የኢ.ፌ.ዲ..ሪ ጠ/ሚ ዶ/ር አብይ አህመድ እያከናወኑ ያለውን የለውጥ ጉዞን በመደገፍ እጅግ ሰላማዊ የሆነ ደማቅ የድጋፍ ሠልፍ የተደረገ መሆኑ ይታወሳል፡፡

በተደረገው ሠላማዊ የድጋፍ ሰልፉ ላይ አንዱ የህዝብ ጥያቄ የነበረው በኢትዮ.ኤርትራ ጦርነት ወቅት ምርኮኛ የሆነው ጀግናው ኮ/ል በዛብህ ጴጥሮስ ያለበት ሁኔታ ተጣርቶ በሁለቱ ሀገራት
በተጀመረው ሠላማዊ ግንኙነት ታይቶ ምላሽ ይሠጥ የሚል ነበር፡፡ ህዝቡ ያነሳውን የኮ/ል በዛብህ ጴጥሮስ ጥያቄ የዞኑ አስተዳደር ለጉዳዩ ትኩረት ሰጥቶ ለጠቅላይ ሚንስትር ዶ/ር አብይ አህመድ አቅርቧል፡፡

ጠ/ሚ/ ዶ/ር አብይ አህመድም ህዝቡ ያቀረበውን ጥያቄ በመቀበል ከኤርትራ መንግስት ጋር ድርድር እያደረጉ መሆናቸውንና ጉዳዩ ዲፕሎማያሲዊ አካሄድ ተከትሎ ምላሽ የሚያገኝ መሆኑን በመግልፅ ህዝቡ በትዕግስት እንዲጠብቅ ተገልጿል፡፡

እንግዲህ ከላይ የተገለፀው እንዳለ ሆኖ የኮ/ል በዛብህ ጴጥሮስ ጉዳይ ፈጣን ምላሽ አላገኘም በማለት የተወሰኑ ግለሰቦች በሆሳዕና ከተማ ነሐሴ 4/2010 ዓ.ም ሰላማዊ ሠልፍ ለማካሄድ ለዞኑ አስተዳደርና በማህበራዊ ሚዲያ ለህብረተሰቡ አሳውቀዋል፡፡

የዞኑ አስተዳደር አሁን ካለው ሀገራዊና ክልላዊ ነባራዊ ሁኔታ ሰላማዊ ሰልፉ ወቅታዊ አለመሆኑን በመጥቀስ አንድ አንድ ፀረ-ሰላም ሀይሎች ሰላማዊ ሰልፉን እንደ አጋጣሚ በመጠቀም ወዳልተፈለገ አቅጣጫ በመምራት የሰው ሕይወት እንዲጠፋና ንብረት እንዲወድም
ዓላማ አድርገው እየተቀሳቀሱ መሆናቸው ተደርሶበታል፡፡

በመሆኑም ከሠላማዊ ሰልፉ አስተባባሪ ኮሚቴ ጋር በአካል በማገናኘት ሰላማዊ ሰልፉ ወቅታዊ እንዳልሆነና ሌሎች የሚነሱ ጥያቄዎች በአግባቡ ምላሽ ማግኘት እንዳለበት ከስምምነት ተደርሷል፡፡

የሀድያ ህዝብ አስተዋይ፣ሚዛናዊና ምክንያታዊ በመሆኑ አብሮ ለዘመናት ከኖሩ ህዝቦች ጋር የተለያዩ ጉዳዮችን ሽፋን ተድርጎ በሚነሱ ነገሮች የሰው ህይወት እንዲጠፋና ንብረት እንዲወድም አይፈልግም።

በመሆኑም በአሁኑ ወቅት በዞንና በክልል ደረጃ ለሚነሱ ጥያቄዎች በቅርቡ ደኢህዴን በሚያካሂደው ሪፎርም በድርጅቱና በህብረተሰቡ ውስጥ ያሉ ችግሮችን ለይቶ የሚፈታ መሆኑን አስተዳደሩ ገልፃዋል፡፡

በቀጣይ ህዝቡ ከምንም በላይ ለሰላምና ለልማት ቅድሚያ በመስጠት፣ ሰላም የሁሉም ነገር መሰረት መሆኑን በመረዳት የባህል ሽማግሌዎች፣ ወጣቶች፣ የሐይማኖት ተቋማትና ሌሎች ህብረተሰብ ክፍሎች ሰላምን ለማስጠበቅ ዘብ እንዲቆሙ ጥሪ አስተላልፏል፡፡

በመጨረሻም በደቡብ ክልል በተለያዩ ቦታዎች በተከሰተው ግጭት ምክንያት ለተፈነቀሉ ዜጎች የዞኑ ህዝብ በመጀመሪያ ዙር ላደረገው ድጋፍና ተሳትፎ አስተዳደሩ ምስጋና በማቅረብ በቀጣይም የሚያደርገውን ድጋፍ አጠናክሮ እንደሚቀጥል ገልጸዋል፡፡

◾️◾️◾️የሀዲያ ዞን አስተዳደር◾️◾️◾️

@tsegabwolde @tikvahethiopia

#update ባህር ዳር⬇️

የአማራ ክልል ርዕሰ መስተዳድር ክቡር ዶክተር ገዱ አንዳርጋቸው ለጃዋር ሙሃመድ ቡድን የእራት ግብዣ አድርገዋል። ከፍተኛ የፖለቲካ ግለት በነበረበት ወቅት ጃዋር ሙሃመድ አጋርነቱን ማሳየቱን ተናግረዋል ርዕሰ መስተዳደሩ።

በቀጣይም የጋራ ጉዳዮችን በጋራ እንደሚሰሩ ነው የተናገሩት፡፡ የኦሮሚያ ሚዲያ ኔትወርክ ዳይሬክተር ጃዋር ሙሃመድ በበኩሉ ‹‹ወደ አማራ ክልል የመጣነው አገሪቱ እንዳትፈርስ ላደረጉት አስተዋጽኦ ለማመስገን ነው›› ብሏል።

የአማራ እና የኦሮሞ ህዝቦች ለአገሪቱ ምሰሶ ናቸው፤ የላቀ ትብብራቸውም አገራችንን ያሳድጋል›› ብሏል አቶ ጃዋር። መልካም አቀባበል ያደረገላቸውን የአማራ ክልል ህዝብም አመስግነዋል የቡድን አባላቱ፡፡

©AMA
@tsegabwolde @tikvahethiopia

#update አዲስ አበባ⬇️

የኢንጂነር ታከለ ኡማ አመራር በአዲስ አበባ ከተማ አስተዳደር “ኢትዮጵያዊ”፤ “ኢትዮጵያዊት” የሚል ዲጅታል መታወቂያ ሊሰጥ ነው የሚል መረጃ በስፋት እየተሰማ ይገኛል።

©Getu24
@tsegabwolde @tikvahethiopia

#update ወላይታ ዞን⬆️

የወላይታ ዞን ምክር ቤት ለ2011 በጀት ዓመት 2 ቢሊዮን 950 ሚሊዮን 351 ሺህ 518 ብር በጀት አጸድቋል፡፡

ምክር ቤቱ የዞኑ ዋና አስተዳዳሪን ጨምሮ የተለያዩ ሹመቶችን አጽድቋል፡፡

የምክር ቤቱ 4ኛ ዙር 6ኛ ዓመት 1ኛ ጉባኤ የተጀመረው በሀዋሳና አከባቢው በተፈጠረው ግጭት ህይወታቸው ላለፉ ዜጎች የህሊና ፀሎት በማድረግ ነው፡፡

የዞኑ ምክር ቤት ዋና አፌ ጉባኤ አቶ ተድላ ናደው እንዳሉት ጉባኤው በሀገራችንና በክልላችን ሰላማዊ የስልጣን ሽግግር በተደረገበት ማግሥት መከናወኑ ልዩ እንደሚያደርገው ተናግረዋል፡፡

የተጀመረው የልማት፣ የዴሞክራሲ፣ የሰላም ግንባታና የለውጥ ሂደት ተጠናክሮ እንዲቀጥል ሁሉም የድርሻውን በላቀ ተነሳሽነት ማበርከት አለበት ብለዋል፡፡

በክልሉ በተለያዩ አከባቢዎች ከአንድ ወር በፊት በተቀሰቀሱ ግጭቶች ከቀዬአቸው የተፈናቀሉ ወገኖቻችንን ለዘለቄታው ለማቋቋም ህብረተሰቡ ከመንግሥት ጋር በመተባበር ላደረገው እገዛ ምስጋና አቅርበዋል፡፡

ምክር ቤቱ #ዶክተር_ጌታሁን_ጋረደውን የዞኑ ዋና አስተዳዳሪ አድርጎ ሾሟል፡፡

እንደዚሁም፦

1. አቶ ደገቱ ኩምቤ፡- የዞኑ ምክትል አስተዳዳሪና የፍትህ መምሪያ ኃላፊ፣

2. አቶ አክሊሉ መኮንን፡- የፀጥታና አስተዳደር መምሪያ ኃላፊ

3. አቶ ዓለማየሁ ጎልዳ፡- የፐብሊክ ሰርቪስና የሰው ሀብት ልማት መምሪያ ኃላፊ

4. አቶ ሚካኤል ሳኦል፡- የትምህርት መምሪያ ኃላፊ

5. አቶ ዘካሪያስ ፋልታሞ፡- የቴክኒክና ሙያ መምሪያ ኃላፊ እንዲሆኑ የቀረበውን ሹመት ምክር ቤቱ በሙሉ ድምጽ አጽድቋል፡፡

የዞኑ ዋና አስተዳዳሪ ዶክተር ጌታሁን ጋረደው - በመንግሥት የተበሰረው የይቅርታ፣ የፍቅር፣ የመደመርና የአንድነት ዕሳቤዎች ለሁለንተናዊና ዘላቂ ተጠቃሚነት ፋይዳቸው የጎላ ነው ብለዋል፡፡

የወጣቶችና የሴቶች ተጠቃሚነት ለማረጋገጥ እና ህገ ወጥ የህጻናት ዝውውርና የጉልበት ብዝበዛ ለማስቀረት የተቀናጀና ያላሰለሰ ጥረት እንደሚደረግ አመላክተዋል፡፡

©የደቡብ ክልል መንግስት ኮሚኒኬሽን
@tsegabwolde @tikvahethiopia

#update ዶክተር አብይ አህመድ⬆️

በዛሬው ዕለት ጠቅላይ ሚኒስትር ዶ/ር ዐቢይ አህመድ ከሳውዲ አረቢያ ውጭ ጉዳይ ሚኒስትር አደል ቢን አህመድ አል ጁበይር ጋር በጽህፈት ቤታቸው ተወያይተዋል፡፡

#ዶክተሩ_ስራ_ላይ_ናቸው
ፎቶ፦ FBC
@tsegabwolde @tikvahethiopia

#update ሀዋሳ⬇️

በሃዋሳ ከተማ ባለፉት ጊዚያት በተለያዩ ግጭቶች ተፈናቅለው በመጠለያ ካምፖች ተጠልለው የቆዩ ተፈናቃዮች ካሳለፍነው ቅዳሜ ጀምሮ ወደ መኖሪያ ቀያቸው አየተመለሱ መሆኑ ከሀዋሳ ከተማ አስተዳደር የተገኘው መረጃ ይጠቁማል።

📌ተፋናቃዮችን ወደ ቀያቸው ከመመለስ ጎን ለጎን የእርቅ ስራ አየተሰራ ሲሆን፥ #ሰፋ ያለ #የእርቅ ፕሮግራም #በቅርቡ የሚካሄድ መሆኑንም ተሰምቷል።

@tsegabwolde @tikvahethiopia

#update ዓረና⬇️

በትግራይ ክልል የዓረና ሉዓላዊነትና ዴሞክራሲ ፓርቲ በአሁኑ “በለውጥ ግዜ” እየተባለም በአባላቶቼ ላይም ጉዳት እየደረሰባቸው ነው ሲል ገልጿል።

የፓርቲው የህዝብ አደረጃጀት ኃላፊ አቶ ተኽለዝጊ ወልደገብርኤ በተለይ በቆላ ተምቤን ወረዳ የሚገኙ የፓርቲው አመራርና አባላት እንዲሁም ቤተሰቦቻቸው ችግር እየደረሰባቸው ነው ብለዋል፡፡

የወረዳው የፖሊስ አዛዥ ኮማንደር ክብሮም ወልዱ በወረዳው፤ ሰው በፖለቲካዊ አመለካከቱ ጥቃት አይደርስበትም እንደውም ተቃዋሚ
ፓርቲዎች በሚያሰናዱት መድረኮች በወረዳው የፀጥታ አካላት የሚገባ ጥበቃ ይደረግላቸዋል ብለዋል።

©VoA24
@tsegabwolde @tikvahethiopia

#ኢትዮጵያ የሁላችንም ሀገር የሁላችንም ቤት ናት በጋራ #እንጠብቃት።

@tsegabwolde @tikvahethiopia

#ለማስታወስ ኢትዮጵያ ጀግናውን ኢንጂነር ስመኘው በቀለን ካጣች ሁለት ሳምንት ሆኗታል። እስከ ዛሬ ድረስ ፖሊስ ስለደረሰበት የምርመራ ውጤት ለህዝብ ይፋ አላደረገም።

@tsegabwolde @tikvahethiopia

4ኛው አመት የTIKVAH-ETH የትምህርት ቁሳቁሶችን የማሰባሰብ ዘመቻ በይፋ ተጀምሯል።

ሀዋሳ እና አካባቢዋ ለምትገኙ ኢትዮጵያዊያን!

◾️ከ1ኛ ክፍል - 12ኛ ክፍል ያሉ ማንኛውም አይነት የትምህርት መፅሀፍት መለገስ ትችላላችሁ።

.በየትኛውም ቋንቋ የተዘጋጁ መፅሀፍት መሆን ይችላሉ✅

◾️የተለያዩ የትምህርት ቁሶችን (እስክርቢቶ፣ እርሳስ፣ ደብተር...) መለገስ ትችላላችሁ።

ይህን የሀገር ግንባታ ስራ የሚያስተባብሩት ወጣቶች በየትኛውም ቦታ መጥተው ሊቀበሏቹ ይችላሉ⬇️

*0926429534(ተስፋማሪያም @Physicaltes)
*0935932153(ብስራት @EATTB)
*0916424992(ጌትነት @Getzone)
*0934727411(ዮርዳኖስ)

📌ባለፉት 3 ዓመታት የሀዋሳ ከተማ ነዋሪዎች ላደረጋችሁት መልካም እና ትልቅ ስራ ምስጋና ይድረሳችሁ።

#እስከ ነሀሴ 25
TIKVAH-ETH ከአለን ኢትዮጵያ ጋር በመተባበር!
@tsegabwolde @tikvahethiopia

ከአዲስ አበባ⬇️

"ሰላም ፀግሽ! በጉለሌ ክፍለ ከተማ በወረዳ 8 ልዩ ቦታው አዲሱ ገበያ ተብሎ በሚጠራው ሰፈር የምንገኝ ሲሆን አኛ የምንሰራው ደረቅ ቆሻሻ ነው እናም ከዚ በፊት ይከፈለን ከነበረው ደመወዛችን ቢያንስ ከግማሽ ባነሰ እየተከፈለን ነው ያለው፡፡ምክንያታቸው ምን እንደሆነ ባናውቅም እኛ ግን ስራችንን በተሻሻለ አሰራር በመስራት ላይ እንገኛለን፡፡ ስለሆነም ይሄ መልዕክት አስቸኳይ መፍትሄ ስለሚያስፈልገው ለሚመለከተው አካል ደርሶ በአስቸኳይ መፍትሄ እንዲሰጠን ስንል እንጠይቃለን፡፡"

@tsegabwolde @tikvahethiopia

#update ባህር ዳር⬆️

የኦሮሚያ ሚዲያ ኔትወርክ ስራ አስኪያጅ እና አክቲቪስት ጀዋር ሙሃመድ ዛሬ በባሕር ዳር ከሚገኙ ወጣቶች እና አክቲቪስቶች ጋር በአቫንቲ ብሉ ናይል ሆቴል ይወያያል።

ፕሮፌሰር ህዝቅኤል ጋቢሳን ጨምሮ ከኦሮሚያ ሚዲያ ኔትወርክ የተገኙ ልዑካንም ይሳተፋሉ።

◾️ኮሎኔል ደመቀ ዘውዱን ጨምሮ አስር
ግለሰቦች ከጎንደር እንዲሚገኙ ታውቋል።

©AMA
@tsegabwolde @tikvahethiopia